Morgunblaðið - 15.12.2001, Side 22

VIÐSKIPTI/ATHAFNALÍF
22 LAUGARDAGUR 15. DESEMBER 2001 MORGUNBLAÐIÐ
● SAMKVÆMT gögnum vinnumiðl-
ana, sem Hagstofa Íslands hefur
tekið saman, voru 2.716 manns
skráðir atvinnulausir í lok nóvember
2001 en 1.898 í nóvember 2000.
Af skráðum atvinnulausum í nóv-
ember 2001 voru 614 einstaklingar
eða 22,6% á aldrinum 15–24 ára
en 21,5% í nóvember 2000.
Fjöldi þeirra sem höfðu verið 6
mánuði eða lengur á atvinnuleys-
isskrá var í lok nóvember 403 ein-
staklingar eða 14,8% en 21,3% í
lok nóvember 2000.
Hagstofan hefur safnað gögnum
um tímalengd skráðs atvinnuleysis
eftir aldri og kyni í lok febrúar, maí,
ágúst og nóvember ár hvert frá
1986. Í frétt frá Hagstofunni segir
að þessu efni hafi ekki verið gerð
skil nema að óverulegu leyti í árs-
skýrslum um vinnumarkaðinn. Hag-
stofan hyggist nú ráða bót á þessu
og birta framvegis útdrátt úr þessu
talnaefni ársfjórðungslega.
Atvinnulausir 2.716 í
lok nóvember
STUTTFRÉTTIR
● Morgunblaðinu hefur borist eftirfar-
andi yfirlýsing frá Lífeyrissjóðnum
Framsýn:
„Í tilefni af frétt ríkisútvarpsins kl. 8
í morgun [föstudag] um starfslok Þór-
arins V. Þórarinssonar hjá Landssím-
anum vill stjórn Lífeyrissjóðsins Fram-
sýnar koma eftirfarandi á framfæri:
Þórarinn V. Þórarinsson, stjórn-
arformaður Framsýnar, vék sæti á
þeim tveim fundum í stjórn sjóðsins
þar sem möguleg kaup hans á
hlutafé í Símanum voru til umræðu.
Er það í samræmi við reglur sjóðsins
þar um. Er þannig fráleitt að halda því
fram að Þórarinn V. Þórarinsson hafi
getað haft eða hafi átt að hafa áhrif á
ákvörðun stjórnar Framsýnar að
þessu lútandi.“
Yfirlýsing frá Framsýn
● GRUNUR er um íkveikju í vinnslu-
húsnæði norsku fisk- og hvalkjöts-
vinnslunnar Olavsens Sønner AS í
Lófóten í Noregi á miðvikudag en
þetta er í annað sinn sem eldur kem-
ur upp í húsnæði sem tengist hval-
veiðum í Lófóten á einni viku.
Ekki er þó talið að bruninn tengist
andstæðingum hvalveiða, heldur
beinist rannsóknin nú að mót-
orhjólagengi sem var á ferð um Lófó-
ten á sama tíma, að því er fram-
kemur í Lofotenposten.
Engu mátti muna að eldurinn bær-
ist í þrjá hvalbáta sem lágu við hafn-
arbakkann þar sem fiskvinnslan
stóð. Talið er að tjón af völdum brun-
ans nemi hundruðum milljóna ís-
lenskra króna.
Eigendur hvalbáta hafa verið hvatt-
ir til að auka eftirlit með bátum sín-
um en á fimmtudag í síðustu viku
brann hvalbáturinn Nyella til ösku þar
sem hann lá við bryggju í Flakstad í
Lófóten, daginn fyrir aðalfund sam-
taka smáhvelaveiðimanna í Noregi.
Kveikt í hvalkjöts-
vinnslu í Lófóten
HLUTABRÉF danska líftækni-
félagsins Genmab, sem á í samstarfi
við Íslenska erfðagreiningu, hækk-
uðu verulega í verði á markaði í
Kaupmannahöfn í vikunni. Þá var til-
kynnt að bandaríska lyfjaeftirlitið
FDA samþykkti að hleypa tilrauna-
meðferð félagsins gegn liðagigt í
þriðja og síðasta áfanga forprófa,
eins og greint var frá í Morgun-
punktum Kaupþings í fyrradag. Um
er að ræða HuMax-CD4-mannamót-
efni sem reynt verður að þróa til
meðferðar í baráttunni gegn liðagigt.
Í Børsen er haft eftir forstjóra
Genmab, Lisu N. Drakeman, að lyfið
komi líklega á markað árið 2004, en
það er ári fyrr en sérfræðingar höfðu
gert ráð fyrir. Lyfið er talið hafa alla
burði til að seljast vel, þ.e. fyrir yfir
8,4 milljarða danskra króna á ári sem
samsvarar yfir 100 milljörðum ís-
lenskra króna. Genmab er nú einnig í
öðrum áfanga forprófana á manna-
mótefni til að nota við húðsjúkdómn-
um Psoriasis og munu niðurstöður úr
þeim áfanga liggja fyrir á næsta ári,
að því er Børsen greinir frá. Þegar
Íslensk erfðagreining greindi frá
samstarfssamningnum við Genmab í
sumar sem leið kom meðal annars
fram að fyrirtækin myndu starfa
saman að rannsóknum, þróun og
markaðssetningu nýrra mótefnaaf-
urða og deila með sér þróunarkostn-
aði og ágóða sem af kynni að hljótast.
Genmab í
þriðja áfanga
prófana
Morgunblaðið/Sverrir
Genmab hefur átt
samstarf við Íslenska
erfðagreiningu
EKKI náðist samkomulag um
skiptingu kolmunnakvóta í viðræð-
um strandveiðiþjóða við Norðaust-
ur-Atlantshaf á fundi þjóðanna sem
lauk í Brussel á fimmtudag. Að
sögn Kolbeins Árnasonar, lögfræð-
ings í sjávarútvegsráðuneytinu sem
fór fyrir íslensku samninganefnd-
inni, er vonast til að einstaka þjóðir
setji sér einhliða takmarkanir í
veiðunum á næsta ári en aflinn í ár
er þegar er orðinn um ein milljón
tonna umfram ráðleggingar vísinda-
manna.
Alþjóðahafrannsóknaráðið lagði
til að kolmunnaafli í Norður-Atl-
antshafi yrði ekki meiri en 628 þús-
und tonn á þessu ári. Núna er aflinn
hins vegar orðinn um 1,7 milljónir
tonna. Alþjóðahafrannsóknaráðið
lagði ennfremur til að ef ekki næð-
ist samkomulag um skiptingu afla-
heimilda úr stofninum á þessu ári
yrðu engar veiðar stundaðar á
næsta ári. Kolbeinn segir hins veg-
ar ólíklegt að því verði fylgt eftir.
Rætt hafi verið um að þjóðirnar
tækju einhliða ákvarðanir um leyfi-
legan heildarafla skipa sinna á
næsta ári en þær séu hins vegar
ekki bundnar af neinu í því sam-
bandi.
ESB vill stærstu sneiðina
Samanlagðar kröfur þeirra þjóða
sem bítast um kolmunnann í Norð-
ur-Atlantshafi nema samtals um
160% af þeim heildarkvóta sem Al-
þjóðahafrannsóknaráðið hefur ráð-
lagt. Evrópusambandið hefur farið
fram á að fá úthlutað mestum kvóta,
eða 66% af heildarkolmunnakvótan-
um, og byggir kröfu sína á veiði inn-
an lögsögu sambandsins fyrir árið
1997 en hefur ekki viljað miða við
veiðar eftir það. ESB miðar þá ekki
aðeins við veiði skipa aðildarríkj-
anna, heldur allra skipa sem veitt
hafa innan lögsögu sambandins. Ís-
lendingar hafa farið fram á 23%
kvótans og er krafan að grunni til
byggð á líffræðilegri dreifingu kol-
munnans í Norður-Atlantshafi.
Norðmenn hafa krafist 37% kvót-
ans, eins og Færeyingar, og Græn-
lendingar hafa farið fram á að fá 1%
heildarkvótans.
Kolbeinn segir að ekki hafi komið
fram neinar formlegar tilslakanir á
kröfum þjóðanna í viðræðunum.
„En vissulega hafa verið ýmsar
þreifingar á bak við tjöldin en þær
hafa ekki skilað neinum árangri.
Menn voru virkilega að leggja sig
fram við að ná samkomulagi en því
miður varð lítil hreyfing í þá átt.
Það eru auðvitað gríðarleg von-
brigði og ljóst að veiðarnar geta
ekki haldið áfram með þessum
hætti.“
Ákveðið hefur verið að funda aft-
ur um málið í febrúar og segir Kol-
beinn að Evrópusambandið hafi lagt
til að þá kæmu sjávarútvegsráð-
herrar þjóðanna að viðræðunum til
að freista þess að ná samkomulagi.
Ekkert samkomulag
um kolmunnakvóta
Aflinn þegar orð-
inn 1 milljón
tonna umfram
ráðleggingar
NOKKRIR hagfræðingar í Banda-
ríkjunum telja að samdrátturinn í
efnahagslífinu þar í landi sé að mestu
liðinn hjá, samkvæmt frétt í Wall
Street Journal. Talar blaðið um að
þeir hagfræðingar sem séu þessarar
skoðunar séu bjartsýnir á efnahags-
lífið. Um sé að ræða hóp hagfræð-
inga undir forystu Ian Shepherdson
hjá High Frequency Economics og
Ed Hyman hjá ISI Group Inc. Blaðið
segir að flestir hagfræðingar í
Bandaríkjunum telji hins vegar að
samdrátturinn muni halda áfram og
að umsnúningur verði ekki fyrr en í
fyrsta lagi næsta vor.
Í WSJ segir að birting talna um
atvinnuleysi í Bandaríkjunum í nóv-
embermánuði hafi ekki gefið tilefni
til bjartsýni. Atvinnuleysi í nóvem-
ber hafi hækkað í 5,7%, sem sé
mesta atvinnuleysi í sex ár.
Bjartsýnu hagfræðingarnir segja
að aðrar efnahagsstærðir en at-
vinnuleysið bendi til þess að sam-
drátturinn sé á undanhaldi. Þeir spá
því að verg landsframleiðsla muni
ekki dragast eins mikið saman á
fjórða ársfjórðungi í ár og aðrir gera
ráð fyrir. Meginforsendurnar fyrir
bjartsýni hagfræðinganna byggjast
á því að einkaneysla verði meiri en
ráð hafi verið fyrir gert, vegna þess
að hagur heimilanna sé betri en al-
mennt sé talið. Þannig segir Shep-
herdson að frekar eigi að líta til þess
hver fjárhagsleg staða er á heimilum
sem ekki eiga við atvinnuleysi að
stríða. Flestir hagfræðingar horfa
hins vegar meira á atvinnuleysið.
Samdrátt-
urinn liðinn
í Banda-
ríkjunum?