Morgunblaðið - 15.12.2001, Side 67

Þó hafa ýmsir verið með efasemdir
um það hvort það sé eins vel heppn-
að og efni stóðu til og má þar benda
á forystugrein Morgunblaðsins 20.
október árið 2000 þar sem því var
haldið fram að Ingólfstorg hefði
ekki heppnast sem skyldi.
Það sem ég tel vera helsta ágalla
torgsins er hve umliggjandi bygg-
ingar eru skornar frá torginu með
umferð og bílastæðum en vel
heppnað bæjartorg í mælikvarða
þeirrar smágerðu byggðar sem er á
þessum stað er að mínu mati rými
sem að afmarkast af byggingunm
sjálfum og þar sem að neðstu hæðir
húsanna opnast út á torgið.
Þess vegna langar mig til þess að
koma þeirri hugmynd á framfæri
að hið ágæta Ingólfstorg verði
minnkað og hótel Þyrpingar reist á
gömlu Hótel Íslands lóðinni. Ef
menn sjá ástæðu til mætti endur-
skapa útlit Hótel Íslands sem var
glæsileg hornbygging og þar má
vel koma fyrir 50-70 herbergja hót-
eli.
Þá þyrfti ekki að endurskapa út-
lit einhverra húsa sem alls ekki
voru hótel og því síður tengd saman
á flókinn hátt og eiga þar að auki að
varðveita merkilegar fornleifar.
Hótel Ísland var á staðnum og útlit
þess var í samræmi við hlutverk
þess, með herbergjum sem sneru
út að skemmtilegum rýmum allan
hringinn. Þá myndu að auki end-
urskapast þröng göturými í Veltu-
sundi og Vallarstræti.
Þá yrði hinsvegar að rífa burt allt
það sem gert hefur verið á Ingólfs-
torgi en ég held að vandamálið sem
menn standa frammi fyrir í Aðal-
stræti kalli á einhverjar fórnir.
Með þessum breytingum yrði
Ingólfstorg helmingi minna en nú
en þó álíka stórt og það var á deili-
skipulagi 1986. Húsin í kring væru
glæsibyggingar frá seinni hluta
nítjándu aldar og miðbiki þeirrar
tuttugustu, Fálkahúsið, Hafnar-
stræti 4, Aðalstræti 2, Morgun-
blaðshöllin o.s.f.v. Þetta torg yrði
því umkringt íslenskum gæðaarki-
tekúr og gólf þess hellulagt á ein-
faldan hátt.
Umferð mætti beina beint inn á
Aðalstræti úr Austurstræti en loka
mætti þessum enda Hafnarstrætis
að einhverju leyti til að styrkja
torgið. Þá gætu menn setið sunnan
undir Fálkahúsinu á sólskinsdögum
líkt og á Austurvelli. Pylsusalar
gætu t.d. fengið inni á neðstu hæð
hótelsins og útisvið gæti verið
hreyfanlegt ef um útisamkomur
yrði að ræða.
Og til að styðja klassískan brag
svæðisins legg ég til að merkileg-
asti útiskúlptúr borgarinnar, minn-
isvarði Thorvaldsens, sem er flest-
um gleymdur suður í
Hljómskálagarði, verði fluttur og
settur á mitt torgið. Thorvaldsen er
eins og menn vita einhver helsti
fulltrúi klassískra lista í Evrópu og
langar mig til dæmis að nefna
Schiller-torg í Stuttgart í Þýska-
landi en á því miðju stendur stytta
Thorvaldsens af skáldinu Schiller
en styttan er symból miðborgarinn-
ar.
Með þessu móti gætum við búið
þessum merkilegu fornleifum verð-
uga umgjörð, reist hótel við Aðal-
stræti, styrkt klassísk yfirbragð
byggðarinnar og gert minningu
Thorvaldsens hátt undir höfði.
Höfundur er arkitekt í Reykjavík.
Hótel
Ég og fleiri erum þeirr-
ar skoðunar, segir Ar-
inbjörn Vilhjálmsson,
að það þurfi að reisa
sérhannaða byggingu
yfir fornleifarnar sem
falli vel inn í byggðina
án þess að endurskapa
eldra útlit.
UMRÆÐAN
MORGUNBLAÐIÐ LAUGARDAGUR 15. DESEMBER 2001 67
Laugavegur 68, sími 551 7015.
Kápur