Morgunblaðið - 15.12.2001, Síða 83

FÓLK Í FRÉTTUM
MORGUNBLAÐIÐ LAUGARDAGUR 15. DESEMBER 2001 83
MARTA Lovísa Noregsprinsessa
hefur opinberað trúlofun sína en
sá heittelskaði heitir Ari Behn og
er rithöfundur. Brúðkaupsdag-
urinn var opinberaður á fimmtu-
daginn en brúðkaupið mun fara
fram 24. maí á næsta ári í Dóm-
kirkjunni í Niðarósi í Þránd-
heimi. Um leið og fregnirnar bár-
ust fóru hótelherbergin í
Þrándheimi að rjúka út svo full-
víst þykir að áður en langt um
líður verði ekki nokkur leið að fá
húsaskjól þar í borg dagana í
kringum brúðkaupið konunglega.
Fregnir um samdrátt prinsess-
unnar, sem er eldri systir Há-
konar krónprins, og rithöfund-
arins spurðust út í mars sl. Marta
Lovísa stendur á þrítugu en Behn
er 29 ára. Behn hefur skrifað eitt
smásagnasafn, sem heitir Trist
som faen, sem mætti þýða sem
Fjandi hart. Norskir fjölmiðlar
hafa gert nokkurt gys að sjálfs-
áliti Behns, en hann er nýkominn
úr ferð til landamæra Afganist-
ans og Pakistans og sagðist hafa
verið að afla sér nauðsynlegrar
reynslu sem rithöfundur.
Þá muna Norðmenn vel eftir
heimildarmynd sem Behn gerði
um Las Vegas þar sem hann sést
sjálfur í hótelherbergi í borginni
ásamt tveimur vændiskonum sem
eru að neyta kókaíns.
Noregsprinsessa
trúlofast
Marta Lovísa og Ari Behn stilltu sér upp fyrir ljósmyndara eftir að hafa
tilkynnt væntanlegt brúðkaup.
ATVINNA
mbl.is