Morgunblaðið - 17.01.2002, Blaðsíða 4

FRÉTTIR
4 FIMMTUDAGUR 17. JANÚAR 2002 MORGUNBLAÐIÐ
F
í
t
o
n
/
S
Í
A
www.bi.is
– Engar sveiflur milli mánaða
– Enginn gluggapóstur
– Engir dráttarvextir
– Engar biðraðir
– Engar áhyggjur
Kynntu þér útgjaldareikning HeimilislínuLáttu þér líða vel
EKKI verður af fyrirhuguðu
úthverfaframboði í Grafarvogi en í
stað þess hafa þeir, sem stóðu að hug-
myndinni um sérframboð, ákveðið að
starfa með D-lista Sjálfstæðismanna
í næstu borgarstjórnarkosningum.
Hallgrímur Sigurðsson, formaður
íbúasamtaka Grafarvogs, segir að
hugmyndin að sérframboði í Grafar-
vogi hafi kviknað eftir að íbúar í
hverfinu fóru þess á leit við samtökin
að komast til áhrifa varðandi málefni
borgarinnar. Á aðalfundi íbúasam-
takanna var síðan skorað á Hallgrím
sem formann að skoða alla möguleika
í framboðsmálum, með það að mark-
miði að komast til áhrifa í borgar-
stjórn.
„Ég er búinn að skoða þetta mál
mjög rækilega og ítarlega og hef auð-
vitað fylgst með þeirri umræðu sem
hefur átt sér stað, þar sem Frjáls-
lyndir og Ólafur F. Magnússon og
Samtök um betri borg hafa verið að
koma fram með hugmyndir um sér-
framboð. Þannig að í okkar huga er
sérframboð ekki fýsilegur kostur
lengur. Menn meta stöðuna þannig
að einfaldlega sé best að taka hönd-
um saman við stóru framboðin og
reyna að komast til áhrifa í gegnum
þessa venjulega flokkspólitík. Niður-
staðan hefur orðið sú að ég mun fara í
það að starfa með D-listanum, Sjálf-
stæðisflokknum, af fullum krafti og
stefna á að reyna að komast til ein-
hverra áhrifa þar fyrir mína umbjóð-
endur, sem eru íbúar í Grafarvogi.“
Margvísleg mál sem
brenna á íbúum Grafarvogs
Að sögn Hallgríms eru mörg mál í
Grafarvogi þess eðlis að brýnnar úr-
lausnar sé þörf sem ekki fáist eins og
staðan sé í dag. „Það eru sérstök
Grafarvogsmál sem brenna á fólki,
eins og samgöngumál, fráveitumál,
tónskólamál og Korpuskólamál og
sanngjörnum kröfum íbúanna er
bara ýtt út af borðinu. Þetta eru
margvísleg mál þar sem hundruð
manna standa að baki með óskir um
úrbætur og því er ekki sinnt,“ segir
Hallgrímur.
Hætt við sérframboð í Grafarvogi í kosningunum í vor
Ætla að starfa með
Sjálfstæðisflokknum
FYRSTI loðnufarmurinn á þessu
ári barst í Krossanes í gærdag, er
Harpa VE kom þangað með um 800
tonn, sem er nánst fullfermi. Tvö
önnur skip Ísfélags Vestmannaeyja
er væntanleg með fullfermi í
Krossanes, Guðmundur VE nú í
morgunsárið með um 900 tonn og
Sigurður VE í kvöld eða á morgun
með um 1.500 tonn.
Á síðasta ári bárust tæplega
46.000 tonn af loðnu í Krossanes,
sem er svipað magn og árið 2000.
Þá bárust um 4.400 tonn af síld í
Krossanes á árinu 2001, sem er
mun minna magn en árið áður en
þá bárust þangað um 16.000 tonn af
síld. Á myndinni eru skipverjar á
Hörpu VE á miðunum fyrir austan
land í fyrradag.
Fyrsti
loðnufarm-
urinn í
Krossanes
Morgunblaðið/Þorgeir Baldursson
LANDLÆKNISEMBÆTTIÐ hefur
ekki fengið staðfest tilfelli um inflú-
ensu hérlendis það sem af er árinu, og
sama var að segja um haustið 2001.
Haraldur Briem sóttvarnarlæknir
telur líklegt að inflúensa fari að ber-
ast til landsins innan skamms, enda
hafi borið á inflúensu í Svíþjóð auk
þess sem komið hafi upp staðbundnir
faraldrar í Belgíu, Frakklandi og á
Spáni.
Hann hvetur fólk til að fara vel með
sig ef það veikist af inflúensu og fátt
sé í raun til ráða að öðru leyti hafi fólk
ekki verið bólusett í haust. Einnig eru
til lyfjameðferðir handa sjúklingum
sem eru veikir fyrir. Hins vegar hafa
ekki borist fregnir af því að inflúens-
an í nágrannalöndunum sé skæð.
Inflúensa
gæti komið
upp innan
skamms
ÖKUMAÐUR og farþegi
jeppa, sem valt út af Eyrar-
bakkavegi við Litla-Hraun í
fyrrinótt, voru handteknir og
vistaðir í fangageymslu á lög-
reglustöðinni á Selfossi enda
báðir talsvert ölvaðir og ekki lá
fyrir hvor þeirra hefði ekið
jeppanum.
Mennirnir sluppu ómeiddir
úr bílveltunni en jeppinn, sem
er nokkuð kominn til ára sinna,
skemmdist mikið og er jafnvel
talinn ónýtur. Bönkuðu menn-
irnir upp á í nálægu húsi á
fjórða tímanum og óskuðu að-
stoðar. Lögreglan hugðist yfir-
heyra þá í gærkvöldi.
KARLMAÐUR á þrítugsaldri sem
sendi tölvupóst með hótun um að
sprengja bandaríska sendiráðið við
Laufásveg í loft upp, var handtek-
inn í fyrrakvöld. Maðurinn játaði
að hafa sent tölvupóstinn. Telst
málið að fullu upplýst og hefur
honum verið sleppt.
Þegar hótunin barst var gæsla
við sendiráðið hert en því ástandi
var aflétt eftir að maðurinn hafði
verið handtekinn.
Tölvupósturinn barst sendi-
ráðinu fyrir hádegi á þriðjudag.
Þar sem um var að ræða hótun
gegn sendimönnum erlends ríkis
var rannsóknin í höndum embættis
ríkislögreglustjóra. Á tölvupóstin-
um mátti ráða hver sendandinn
var en hann er búsettur á lands-
byggðinni, í nokkurri fjarlægð frá
höfuðborgarsvæðinu.
Hald lagt
á tölvubúnað
Lögreglumenn frá embættinu
komu að heimili hans um kvöld-
matarleytið í fyrradag. Var hann
handtekinn og húsleit gerð á heim-
ili hans. Vegna rannsóknar máls-
ins var lagt hald á tölvubúnað á
heimili hans. Málið telst að fullu
upplýst og verða málsgögn fljót-
lega send ríkissaksóknara.
Jón H. Snorrason, yfirmaður
efnahagsbrotadeildar ríkislög-
reglustjóra, segir að í tölvupóst-
inum hafi verið ákveðnar tenging-
ar við hryðjuverkin í
Bandaríkjunum 11. september sl.
og afleiðingar þeirra, en hann vildi
ekki tjá sig nánar um innihald
tölvupóstsins.
Jón bendir á að þó svo ekki
standi mikið á bak við þessa hótun
hljóti slíkt að leiða til þess að gera
þurfi talsverðar ráðstafanir. „Hér
er um að ræða grafalvarlegan
hlut,“ segir Jón. Ekki sé hægt að
meta fyrirfram hversu mikil hætta
fylgi slíkum hótunum.
Hótaði í tölvupósti að
sprengja sendiráð í loft upp
STÚLKAN sem lögreglan í
Hafnarfirði lýsti fyrst eftir í
fyrrakvöld, Berglind Gísladótt-
ir, 17 ára, hafði ekki enn gefið
sig fram í gærkvöldi.
Lögreglan fékk nokkrar
ábendingar í gær og ætlaði að
grennslast fyrir um hana í nótt á
ákveðnum stöðum. Samkvæmt
upplýsingum frá lögreglunni
höfðu aðstandendur ekki óskað
eftir því að björgunarsveitir
yrðu kallaðar út til leitar.
Berglind strauk frá meðferð-
arheimilinu á Stuðlum í Grafar-
vogi sl. föstudag.
Stúlkan
ófundin
Hafnarfjörður
NETÚTGÁFA danska dag-
blaðsins Jyllandsposten
greindi frá því að íslenskur
piltur og vinur hans hafi verið
úrskurðaðir í 11 daga gæslu-
varðhald af dómstól í Kaup-
mannahöfn.
Þar segir að síðdegis á
sunnudag hafi herbergisþerna
á Hótel Absalon í Kaupmanna-
höfn fyllst grunsemdum þegar
16 ára íslenskur piltur bauð
henni 500 danskar krónur fyrir
að leyfa sér að vera einum inni
á herbergi 312 í stundarkorn.
Hann sagði þernunni að hann
hefði gleymt þar bréfi þegar
hann dvaldi í borginni fyrir
skömmu. Þegar hún neitaði að
leyfa honum að vera einum í
herberginu fór hann út og fékk
sér að borða ásamt vini sínum.
Herbergisþernan hringdi í
lögreglu sem handtók piltana
þegar þeir komu aftur á hót-
elið.
Fyrir dómi á mánudag við-
urkenndi pilturinn að hafa ver-
ið að leita að 100 grömmum af
hassi sem kunningi hans hafði
falið í rúminu á herberginu.
Jyllandsposten getur þess ekki
hvort vinur hans, sem einnig
var úrskurðaður í gæsluvarð-
hald, hafi líka verið íslenskur.
Gæsluvarðhaldið þykir óvenju-
langt miðað við að um er að
ræða 100 grömm af hassi.
Ætlaði
að leita
að hassi í
rúminu
16 ára íslenskur
piltur í gæslu-
varðhaldi
í Danmörku
Stungið inn
eftir bílveltu