Morgunblaðið - 17.01.2002, Blaðsíða 20

SUÐURNES
20 FIMMTUDAGUR 17. JANÚAR 2002 MORGUNBLAÐIÐ
ÚTLIT er fyrir það að mikill
meirihluti hluthafa í Hitaveitu Suð-
urnesja hf. samþykki samein-
inguna við Bæjarveitur Vest-
mannaeyja á hluthafafundi sem
boðað hefur verið til. Átta stjórn-
armenn samþykktu samrunann
þegar hann var til umfjöllunar í
stjórn, en þrír töluðu á móti og
lýstu þeirri skoðun sinni að kaup-
verðið væri of hátt.
Fulltrúar allra stærstu hluthaf-
anna í Hitaveitu Suðurnesja hf. eru
taldir hlynntir samrunanum við
Bæjarveitur Vestmannaeyja.
Reykjanesbær er langstærsti hlut-
hafinn og segir Ellert Eiríksson
bæjarstjóri að samstaða sé um að
styðja þessa aðgerð. Sama er uppi
á teningnum í Grindavík. Forystu-
menn Hafnarfjarðarbæjar og
Gerðahrepps voru í samninganefnd
Hitaveitunnar og munu þeir standa
að samrunanum þótt fulltrúi minni-
hlutans í Hafnarfirði, Tryggvi
Harðarson, hafi ekki samþykkt
hann í stjórninni. Ekki er heldur
búist við að fulltrúar ríkissjóðs
leggist gegn sameiningunni.
Hlutabréfin talin verðmætari
Fulltrúar Sandgerðisbæjar og
Vatnsleysustrandarhrepps, Jón H.
Norðfjörð og Jón Gunnarsson,
greiddu atkvæði á móti tillögu um
sameiningu í stjórn Hitaveitunnar.
Breyta þarf samþykktum Hitaveit-
unnar til að kaupin á Bæjarveit-
unum geti náð fram að ganga.
Þurfa tveir þriðju atkvæðanna að
falla saman til slíkra breytinga.
Þótt fulltrúar þessara tveggja
sveitarfélaga greiddu atkvæði á
móti, sem ekki liggur enn ljóst fyr-
ir, verður samruninn samt sem áð-
ur samþykktur með yfir 91% at-
kvæða, ef aðrir hluthafar segja já.
Jón Gunnarsson segist ekki vera
á móti kaupunum en telji hins veg-
ar verðið of hátt sem greiða á fyrir
eignirnar í Vestmannaeyjum. Hann
vekur athygli á því að bókfært eig-
ið fé Bæjarveitna Vestmannaeyja
sé aðeins 207 milljónir kr. Fyrir
það eigi að geiða 511 milljónir kr.
að nafnverði í hlutabréfum í Hita-
veitu Suðurnesja. Ljóst sé að mun
meiri verðmæti felist í bréfunum,
meðal annars vegna varasjóðs sem
lagt var í þegar fyrirtækinu var
breytt í hlutafélag, og telji margir
að gengi þeirra á markaði gæti
verið í kringum tvöfalt. Það þýði að
Vestmannaeyjabær fái hlutabréf
að verðmæti rúmlega milljarð kr.
fyrir fyrirtæki sem eigi eignir sem
nemi liðlega 200 milljónum umfram
skuldir. Hann segir einnig hægt að
setja málið upp á annan hátt.
Heildarskuldir Bæjarveitnanna
nemi um 790 milljónum kr. og yf-
irtaki Hitaveitan þær. Með því og
verðmæti hlutabréfanna fái eigend-
ur Bæjarveitunnar um 1.800 millj-
ónir fyrir eignir veitunnar í Eyj-
um. „Það finnst mér of hátt,“ segir
Jón.
„Úr því ákveðið var að fara þá
leið að kaupa Bæjarveitur Vest-
mannaeyja í stað þess að sameina
fyrirtækin, ber mönnum að meta
verðmæti eignanna sem á bak við
standa, þær þurfa að vera jafn-
verðmætar og hlutabréfin sem af-
hent eru,“ segir Jón og vekur at-
hygli á því að endurskoðendur
Hitaveitunnar séu að meta verð-
mæti eignanna, í samræmi við
ákvæði hlutafélagalaga.
Jón vísar þarna til vinnu KPMG-
Endurskoðunar við skýrslu um
samrunann. Samkvæmt hluta-
félagalögum ber að fá sérfræðinga
til að gera slíka skýrslu þegar
greitt er fyrir hlutafé með öðru en
reiðufé, til þess að tryggja að inn í
fyrirtækið komi verðmæti sem
svara að minnsta kosti til verð-
mætis útgefinna hlutabréfa. Við
það mat á meðal annars að taka til-
lit til hugsanlegs álags vegna yf-
irverðs.
Loks segir Jón að við mat á
verðmæti Bæjarveitna sé miðað við
ársreikning þeirra ársins 2000.
Eðlilegra hefði verið að styðjast
við nýrri upplýsingar.
Stjórnarfulltrúar Vatnsleysu-
strandarhrepps og Sandgerðisbæj-
ar hafa áður verið í andstöðu við
meirihluta stjórnarinnar, meðal
annars þegar unnið var að samein-
ingu við Rafveitu Hafnarfjarðar.
Samkomulag náðist þá um málið.
Viðunandi fyrir báða
Sigurður Ingvarsson, oddviti
Gerðahrepps og formaður stjórnar
Hitaveitu Suðurnesja, segist bera
fullt traust til þeirra ráðgjafa sem
reiknuðu út verðmæti fyrirtækj-
anna. „Ég hef ekki síður trú á að
útreikningar þeirra séu réttir en
þeirra sem tala á móti þessu,“ seg-
ir Sigurður. Hann segir að mik-
ilvægt sé að stækka fyrirtækið til
að undirbúa það fyrir breytta tíma
í orkumálum, þegar raforkusala
verði gefin frjáls.
Ellert Eiríksson, bæjarstjóri í
Reykjanesbæ, segir að seint verði
fundið hið eina rétta verð við slík-
an samruna. Hann segir þó að eftir
nokkuð ítarlega skoðun málsins hjá
Reykjanesbæ telji menn verðið
viðunandi fyrir báða aðila.
Magnús Gunnarsson, bæjarstjóri
í Hafnarfirði, fer með atkvæði
Hafnarfjarðarkaupstaðar á hlut-
hafafundi Hitaveitu Suðurnesja.
Hann telur að sameiningin sé
skynsamlegt skref fyrir fyrirtækið.
Varðandi umræður um verð á fyr-
irtækinu segir hann að sérfræð-
ingar hafi verið fengnir til að meta
verðmæti fyrirtækjanna og það
hafi verið til grundvallar samning-
um um sameininguna.
Þrír stjórnarmenn Hitaveitu Suðurnesja
telja kaupverð Bæjarveitna Vestmannaeyja of hátt
Stærstu hluthafarnir
fylgjandi sameiningu
Reykjanes
UM 1.300 þátttakendur eru árlega á
námskeiðum sem Miðstöð símennt-
unar á Suðurnesjum (MSS) efnir til.
Auk þess býður miðstöðin upp á
lengra nám og eru 60 einstaklingar í
háskólanámi hjá henni. Í námskrá
fyrir vormisseri sem nú er verið að
dreifa í hvert hús á svæðinu er boðið
upp á 78 námskeið.
Miðstöð símenntunar á Suður-
nesjum var stofnuð 1997, sú fyrsta
sinnar tegundar og fyrirmynd
þeirra sem á eftir hafa komið. Hún
hefur einnig verið í fararbroddi þró-
unar á þessu sviði. MSS er sjálfs-
eignarstofnum sem skólar og aðilar
vinnumarkaðarins standa að.
Starfsemin byggðist í upphafi á
því að halda námskeið fyrir fólk á
vinnumarkaði, að sögn Skúla Thor-
oddsen forstöðumanns, til að byggja
upp persónulega hæfni starfsfólks-
ins í þágu atvinnulífsins og þess
sjálfs.
Í námskrá MSS fyrir vormisseri
er boðið upp á 78 námskeið. Þau eru
af margvíslegum toga, fjalla meðal
annars um stjórnun, persónulega
hæfni, fjármál heimilanna, tóm-
stundir, tungumál, tölvunotkun og
umhverfismál auk ýmissa starfs-
tengdra námskeiða fyrir atvinnulíf-
ið. Þar fyrir utan eru skipulögð nám-
skeið fyrir einstaka hópa eða
fyrirtæki og heldur MSS því um 100
námskeið á misseri.
Markviss uppbygging
Miðstöðin leggur aukna áherslu á
samvinnu við atvinnulífið um nám-
skeiðahald. Vegna þess kom ráðgjafi
til starfa í haust sem fer í fyrirtæki
og vinnur þarfagreiningu og notar
við það aðferð sem nefnist Markviss
og stendur fyrir markvissa upp-
byggingu starfsmanna. Felur þetta
verkefni í sér að skipuleggja
fræðslu, meðal annars með sér-
sniðnum námskeiðum, og þjálfun
starfsmanna fyrirtækis eða stofnun-
ar. Fræðslunni er síðan fylgt eftir og
árangur metinn.
Skúli segir að þetta sé ný nálgun í
endur- og símenntun sem hann telur
að muni nýtast atvinnulífinu betur
en hefðbundið námskeiðahald.
Reynslan sýni að oft sé námskeiðum
ekki fylgt nægjanlega eftir í fyrir-
tækjunum og þekkingin nýtist því
ekki sem skyldi.
MSS hefur tekið að sér að annast
þýðingu og útgáfu á Markviss-efn-
inu og annast þarfagreiningu og ráð-
gjöf í nokkrum fyrirtækjum um allt
land. Á Suðurnesjum verður í fyrstu
unnið að greiningu fræðsluþarfar í
tveimur fyrirtækjum, Ný-fiski ehf. í
Sandgerði og Keflavíkurverktökum
hf.
Aukið háskólanám
Miðstöð símenntunar hefur verið
frumkvöðull í þróun fjarnáms á há-
skólastigi í samvinnu við háskóla
landsins. Þannig voru 1.116 kennslu-
stundir í háskólanámi þar í fyrra,
fyrir utan þá kennslu sem fer fram
beint á Netinu, og útlit er fyrir að
stundirnar verði 1.200 á þessu ári.
Um 60 nemendur eru í háskóla-
náminu. Um tuttugu og fimm nem-
endur eru í fjarnámi í rekstrarfræði,
tíu á öðru ári í hjúkrunarfræði og
um tuttugu á fyrsta ári í leikskóla-
deild, allt við Háskólann á Akureyri.
Auk þess eru nokkrir einstaklingar í
fjarnámi í íslensku og ferðamála-
fræði við Háskóla Íslands.
Háskólanámið fer fram í húsnæði
gamla barnaskólans í Keflavík þar
sem MSS er með skrifstofur sínar.
Segir Skúli mikilvægt að nemend-
urnir hafi þar sína föstu vinnuað-
stöðu og hittist reglulega, það sé ein
af forsendunum fyrir því hvað námið
gangi vel. „Ég fullyrði að flestir
nemendanna, meðal annars allir
hjúkrunarfræðinemarnir, hefðu ekki
lagt stund á háskólanám ef þessi
kostur hefði ekki verið fyrir hendi
því að þeir áttu ekki heimangengt,“
segir Skúli.
Hann segir að sveitarfélögin hafi
sýnt háskólanáminu mikinn áhuga
enda sé mikil þörf á að bæta mennt-
unarstig íbúanna. Þetta sé mikil-
vægur liður í því. Þá hafi fjarnámið
fengið viðurkenningu yfirvalda
menntamála og aukinn stuðning Al-
þingis.
Að sögn Skúla er stefnt að því að
bjóða upp á fjarkennslu í fiskeldi og
öðrum sjávarútvegsgreinum næsta
haust. Þá segir hann að áhugi sé hjá
miðstöðinni á að hefja kennaranám.
Þörfin sé fyrir hendi því að tilfinn-
anlegur skortur sé á faglærðum
kennurum á svæðinu.
Miðstöð símenntunar heldur 100
námskeið og er með 60 háskólanema
Áhersla á sér-
sniðin námskeið
fyrir atvinnulífið
Morgunblaðið/Helgi Bjarnason
Skúli Thoroddsen, forstöðumaður Miðstöðvar símenntunar, í gamla
barnaskólahúsinu í Keflavík þar sem miðstöðin hefur skrifstofuaðstöðu.
Suðurnes