Morgunblaðið - 17.01.2002, Blaðsíða 12

SIGMUNDUR Ernir Rúnars-
son hefur verið ráðinn ritstjóri
DV en hann hefur gegnt starfi
aðstoðarritstjóra blaðsins frá 1.
maí á liðnu ári. Þá hefur Óli
Björn Kárason, ritstjóri blaðs-
ins, tekið við starfi aðalrit-
stjóra.
Samhliða þessum breyting-
um hefur Jónas Haraldsson,
aðstoðarritstjóri DV, tekið yfir
daglega stjórnun þemadeilda
DV, þar með er talið Helgar-
blað DV og DV Fókus, auk þess
að móta ritstjórnarstefnu DV,
m.a. í leiðurum, ásamt Sig-
mundi Erni og Óla Birni.
Sigmundur Ernir hefur
starfað við fjölmiðla í rösklega
20 ár og hóf blaðamannsstörf
sín á Vísi, forvera DV. Hann
vann um langt árabil við útvarp
og sjónvarp, fyrst á Ríkissjón-
varpinu en lengst af á Stöð 2.
Hann hefur sent frá sér fjölda
ritverka og er sjöttu ljóðabókar
hans að vænta á þessu ári.
Sigmundur Ernir er kvænt-
ur Elínu Sveinsdóttur útsend-
ingarstjóra og á fimm börn.
Sigmundur Ernir
Rúnarsson
Ráðinn rit-
stjóri DV
SAMFYLKINGIN í Hafnarfirði
hafnar því með öllu að bæjarsjóður
taki þátt í áhættustarfsemi og fram-
kvæmdum við norðurbakka Hafnar-
fjarðar, með þeim hætti sem endur-
speglast í nýgerðum samningi
bæjarins við tvö fyrirtæki um upp-
byggingu 1.800 manna bryggjuhverf-
is, sem á að vera tilbúið árið 2006. Um
er að ræða 6-10 milljarða króna fjár-
festingu á 65 þúsund fermetra svæði,
þar af nýrri landfyllingu á 25 þúsund
fm. Samfylkingin mótmælir skipu-
lagsbreytingum á svæðinu nema í
samvinnu og samstarfi við bæjarbúa
og telur framgöngu meirihluta Sjálf-
stæðisflokks í bæjarstjórn með mikl-
um eindæmum.
Þetta var meðal þess sem fram
kom á fjölmennum borgarafundi um
fyrirhugað bryggjuhverfi, sem Sam-
fylkingin efndi til á þriðjudagskvöld.
Kom þar fram að mál þetta hefði
hvergi verið rætt í nefndum eða ráð-
um bæjarins.
Að samningnum standa Hafnar-
fjarðarbær, Þyrping hf. og J&K eign-
arhaldsfélag, sem stofna með sér
einkahlutafélagið Norðurbakka.
„Allt það sem snertir lykilatriði í
skipulagi, undirbúningi, framkvæmd
og öðru hefur ekkert verið rætt eða
skoðað,“ sagði Lúðvik Geirsson odd-
viti minnihluta Samfylkingarinnar í
bæjarstjórn. „Þess vegna er það sér-
staklega alvarlegur hlutur, að þrátt
fyrir þessa staðreynd er búið að
ganga frá samningi um það hvernig
menn ætla að standa að þessari fram-
kvæmd,“ sagði hann.
Hafa hvergi verið rædd í ráðum
eða nefndum bæjarins
„Það er svo ótrúlegt eins og það er
satt, að þessi mál, sem varða eitt
stærsta skipulagsverkefni í bæjar-
landinu, hafa hvergi verið rædd í
nefndum eða ráðum bæjarins. Þau
hafa ekki komið inn á borð hjá skipu-
lagsnefnd bæjarins fyrr en í morgun
[þriðjudagsmorgun] og þá var ekkert
hægt að ræða það því það voru engin
gögn eða upplýsingar.“
Lúðvík gagnrýndi mjög fjárhags-
lega hlið málsins og taldi áætlun bæj-
arins um tekjur bæjarins af bryggju-
hverfinu „sérkennilegt reiknings-
dæmi“. Hann upplýsti að bæjar-
fulltrúar Samfylkingarinnar hefðu
lagt fram tillögu í bæjarstjórn í síð-
ustu viku, um að óháðir aðilar yrðu
fengnir til að vinna verðmat á eigum
bæjarins á norðurbakkanum. „Tillag-
an var felld og rökstuðningur meiri-
hlutans var sá að það væri búið að
semja um þetta mál og það tæki því
ekki að ræða það frekar,“ sagði hann.
Útgjöld Hafnarfjarðarbæjar vegna
framkvæmdanna á norðurbakkanum
eru 985 milljónir króna samkvæmt
gögnum fjármálastjóra bæjarins.
Tekjurnar eru áætlaðar ríflega millj-
arður og staðnæmdist Lúðvík sér-
staklega við 654 milljónir króna sem
áætlaðar eru í tekjur af íbúum svæð-
isins. „Þessi tala er áætlaðar skatt-
tekjur í útsvari og fasteignagjöldum
af þessum íbúum sem væntanlega
munu búa þarna á næstu 25 árum.
Þannig ætlar bærinn að reikna sér
tekjur af þessu svæði til að standa
undir stofnkostnaði upp á tæpan
milljarð. Það mun m.ö.o. taka bæinn
25 ár að greiða niður kostnað sinn í
dæminu. Þetta er náttúrlega alveg
furðulegt,“ sagði Lúðvík. „Það er sér-
kennilegt reikningsdæmi að bærinn
ætli sér ekki að hafa meira út úr þessu
en það, að hann ætli að láta standa á
sléttu með því að reikna sér 25 ára al-
mennar skatttekjur. Þá spyr maður
hvort skatttekjur þeirra Hafnfirð-
inga, sem búa annars staðar í bænum,
eigi að fara næstu 25 árin í að bera
uppi almennan rekstur og þjónustu
hér í bænum. Skatttekjur íbúa sem
munu væntanlega búa í bryggju-
hverfinu, fara næstu 25 árin einkum í
að greiða kostnað bæjarins við að
koma þessari framkvæmd á. Þannig
er dæmið lagt fyrir, svo ótrúlega sem
það hljómar.“
Byrjað á algjörlega
öfugum enda
Lúðvík taldi hins vegar alvarlegast
hvernig staðið hefði verið að málinu
út frá skipulagshliðinni „Hér er byrj-
að algjörlega á öfugum enda með því
að bærinn skuldbindur sig á allan hátt
til að ganga í mikla áhættufjárfest-
ingu með öðrum fyrirtækjum og set-
ur upp ramma um það hvernig byggð-
in eigi að líta út. Forsendur eru
gefnar frá upphafi til enda og sagt til
málamynda að haldin verði lokuð
samkeppni. Gengið er út frá tiltekn-
um fjölda bygginga á svæðinu, en for-
sögnin fyrir því hvernig bæjarbúar
yfirhöfuð sætta sig við að þetta svæði
sé byggt upp er hvergi rædd. Hvergi
er farið í almenna umræðu hér í bæj-
arfélaginu um vilja bæjarbúa.“
Gunnar Svavarsson, fulltrúi Sam-
fylkingarinnar í skipulagsnefnd bæj-
arins, upplýsti á fundinum, eftir fyr-
irspurn fundarmanna, að
framkvæmdin krefðist breytinga á
aðal- og deiliskipulagi og miðað við
umfang landfyllingarinnar mætti
ætla að hún þyrfti að fara í umhverf-
ismat. Lúðvík Geirsson bætti við að
enn væri unnt að hafa veruleg áhrif á
framgang málsins, þar sem skipu-
lagslegi þátturinn yrði að ganga fram
samkvæmt lögformlegum reglum
sem ekki væri hægt að ganga á svig
við. „Þótt menn séu búnir að ganga
frá samningi og stofna hlutafélag og
þannig binda hendur sínar, þá er ekki
búið að afgreiða endanlega skipulag
þessa svæðis. Úr því sem komið er
mun ekki vinnast tími til þess fyrir
komandi kosningar.“
„Það vekur auðvitað furðu að bæj-
aryfirvöld skuli keyra málið áfram, án
þess að sjá sóma sinn í því að kynna
bæjarbúum það, hvorki á upphafs-
stigi, né heldur nú þegar málið er
komið í þennan farveg.“
Glannaskapur að fara
svona af stað með málið
Fundarmenn vildu vita hvaða áhrif
framkvæmdin hefði á höfnina, og
hvort þau hefðu verið könnuð. Þá var
spurt hvort og hvernig uppfyllingarn-
ar þyldu jarðskjálfta og hvort gert
væri ráð fyrir tímabundinni lokun
gatna í nýja hverfinu vegna sjávar-
gangs á líkan hátt og lokun Vestur-
götu í Hafnarfirði. Frá einum fund-
armanna, Eyjólfi Sæmundssyni,
fyrrum formanni hafnarstjórnar
Hafnarfjarðar, kom ábending um að
líkur væru fyrir því að kverkin þar
sem uppfyllingin á að koma, magnaði
áhrif ölduhreyfinga og væru fyrirsjá-
anlegar kostnaðarsamar ráðstafanir
þar að lútandi. Þá væri þykkt lag af
fínkornaðri leðju í Hafnarfirði, sem
rannsóknir hefðu sýnt að næði inn í
nýju Hvaleyrarhöfnina og því hefði
þurft að hafa hafnargarðinn um ein-
um metra hærri en ella til að reikna
með sigi. Spurning væri hvort leðjan
næði einnig inn á fyrirhugað fram-
kvæmdasvæði. Taldi hann glanna-
skap að fara af stað með málið með
því að skrifa undir samning án þess að
vita fyrir víst hvaða ráðstafanir þyrfti
að gera gagnvart þeim byggingum
sem eiga að rísa á svæðinu.
Fundarmenn vildu einnig vita
hvernig á því gæti staðið að skipu-
lagsnefnd hefði ekkert vitað af málinu
og væri jafnilla upplýst og raun ber
vitni. Svör voru á þá leið að nefndin
hefði rekist fyrir tilviljun á málið í
september án þess að það hefði komið
til formlegrar umfjöllunar fyrr en síð-
astliðinn þriðjudag.
Þá vildu fundarmenn vita hvaða
leiðir væru fyrir Hafnarfjarðarbæ til
að bakka út úr samningnum og sá
Lúðvík Geirsson aðeins eina leið.
„Hún er sú að forsendur samningsins
gangi ekki upp, þ.e. að skipulags- og
bæjaryfirvöld samþykki ekki skipu-
lagslíkanið. Ég fæ ekki séð við fyrstu
sýn, að bæjarfélagið eigi aðrar leiðir
út úr þessu máli.“
Samfylkingin deilir á framgöngu meirihluta bæjarstjórnar Hafnarfjarðar
Hafnar þátttöku bæjar-
sjóðs í áhættustarfsemi
Samfylkingin í Hafnarfirði deilir á meirihluta í
bæjarstjórn vegna fyrirhugaðs bryggjuhverfis við
norðurbakka, ekki síst þar sem skipulagsnefnd
fékk málið fyrst til umfjöllunar fyrir tveim dögum.
Örlygur Steinn Sigurjónsson reifar sjónarmið sem
komu fram á borgarafundi um málið á þriðjudag.
Morgunblaðið/Árni Sæberg
Norðurbakkamálið er hitamál í Hafnarfirði og var Álfafell í íþróttahús-
inu við Strandgötu fullt út úr dyrum á borgarafundinum.
orsi@mbl.is
FRÉTTIR
12 FIMMTUDAGUR 17. JANÚAR 2002 MORGUNBLAÐIÐ
MAGNÚS Gunnarsson bæjarstjóri í
Hafnarfirði segir í samtali við Morg-
unblaðið, að engin ástæða hafi verið
til að láta skipulagsnefnd fjalla um
norðurbakkamálið fyrr en samn-
ingur við J&K eignarhaldsfélag og
Þyrpingu hf. hafi verið í höfn og
ekkert óeðlilegt hafi verið við þá
ráðstöfun. Allt frá 1998 hafi verið
hugmyndir um að hefja uppbygg-
ingu á norðurbakka, t.d. að setja
hluta svæðisins undir íbúabyggð og
menningartengda starfsemi og
reynt yrði að fá Listaháskóla Íslands
í hverfið.
Eftir að ljóst varð að listaháskól-
anum yrði ekki valinn staður þar,
hafi málið verið sett í annan farveg
og ákveðið að hefja uppbyggingu
bryggjuhverfis. Eftir bæjarráðsfund
í ágúst sl. var bæjarstjóra falið að
hefja viðræður við aðila sem ættu
eignir á norðurbakka til að ná sam-
komulagi um uppbyggingu þar. Út-
koman varð umræddur samningur
sem undirritaður var í desember.
„Nú er kominn grunnur að því að
taka málið heildstætt fyrir, enda
liggur samningur fyrir og þá er
fyrst ástæða til að fara með málið
inn í þær fagnefndir sem þurfa að
fjalla um það, skipulagsnefnd og
bæjarráð,“ segir Magnús. „Það var
ekkert óeðlilegt við að skipulags-
nefnd fengi málið til umfjöllunar eft-
ir að samningurinn var undirrit-
aður, því það var engin ástæða til að
fara af stað með eitt eða neitt fyrr
en samningurinn var í höfn. Nú
hefst hið eiginlega skipulagsferli
með þeirri faglegu vinnu sem þarf
að eiga sér stað.“
Aðspurður um gagnrýni um að
bærinn hafi skuldbundið sig með
samningnum áður en skipulags-
nefnd fékk málið, segir Magnús að
bærinn hafi ekki skuldbundið sig á
neinn hátt. „Það er ákveðið sam-
komulag um að bærinn fari út í
ákveðna uppbygginu og það er tekið
fram í samningnum að verði kostn-
aður of mikill þarf bærinn ekki að
standa undir framkvæmdum nema
fyrir liggi samkomulag um það af
hálfu samningsaðila.“
Hann telur umræðuna um málið
hafa verið mikla, þvert á gagnrýni
Samfylkingarinnar. „Það hefur sýnt
sig í fjölmiðlum að umræðan er heil-
mikil. Ég hef aldrei vitað til þess að
hægt sé að ræða sérstaklega um
samninga á annan hátt en við höfum
gert.“
Um burðargetu svæðisins og þau
álitamál, sem varða áhrif ölduhreyf-
inga og fleira, sem velt var upp á
borgarafundinum, vekur Magnús at-
hygli á því að deiliskipulagsferillinn
sé ekki hafinn. „Þegar liggur fyrir
með hvaða hætti við munum standa
að verkefninu verður unnið að öllum
þeim rannsóknum sem eðlilegt er að
þurfi að fara fram á svæðinu.“
Magnús segir að bæjarbúum verði
kynntar allar þær hugmyndir að
uppbyggingu svæðisins þegar þær
eru orðnar raunhæfar en ekkert sé
hægt að sýna á þessu stigi, því
„hönnunarvinna fyrir svæðið er ekki
einu sinni hafin,“ segir hann.
Magnús vísar á bug þeirri gagn-
rýni að íbúar í Hafnarfirði utan
bryggjuhverfisins greiði kostnað við
rekstur og þjónustu bæjarfélagsins
á meðan skatttekjur væntanlegra
íbúa norðurbakka fari í að standa
undir kostnaði við bryggjuhverfið.
Hann segir að 20% af skatttekjunum
fari í að standa undir kostnaði en
80% af þeim tekjum sem bæjar-
félagið fái af íbúum bryggjuhverf-
isins fari til samneyslunnar.
Bæjarstjóri segir ástæðulaust að láta
skipulagsnefnd fjalla um málið fyrr
SÓLVEIG Pétursdóttir dómsmála-
ráðherra segir ekki þörf á að hækka
refsirammann vegna fíkniefnabrota
þrátt fyrir að á mánudag hafi maður
verið dæmdur í tólf ára fangelsi fyrir
fíkniefnabrot en með því er refsi-
rammi fyrir slík brot fullnýttur.
Á síðasta ári var refsiramminn
hækkaður úr tíu í tólf ára fangelsi.
Rökin voru m.a. þau að dómstólar
hefðu nánast nýtt refsimörk að fullu.
Aðspurð sagðist Sólveig ekki sjá
forsendur fyrir að hækka refsimörkin
enn frekar í ljósi fyrrgreinds dóms.
„Við verðum að gæta að því að hér er
um að ræða héraðsdóm sem líklegt er
að komi til kasta Hæstaréttar. Það
verður að fara varlega í að draga víð-
tækar ályktanir af niðurstöðunni. Mín
skoðun er sú að með nýgerðum breyt-
ingum sem varða alvarlegustu fíkni-
efnabrotin sé refsiramminn nægilega
víður. Við verðum að líta til þess að 12
ára fangelsi er þung refsing sem ætti
aðeins að koma til greina fyrir afar al-
varleg brot og ég sé ekki forsendur nú
til að leggja til enn frekari víkkun
refsirammans,“ sagði hún.
„Við verðum líka að hafa í huga að
gæta verður samræmis í refsingum.
Það er óheppilegt að refsingar fyrir
eina tegund afbrota séu úr takti við
viðurlagakerfið í heild sinni. Sumir
gagnrýndu lagabreytinguna [hækkun
refsirammans] á þeim forsendum en
ég hef ekki talið þá gagnrýni á rökum
reista enda mun rýmri refsirammi
fyrir ýmis afbrot, svo sem morð, land-
ráð, rán, nauðganir og alvarlegar lík-
amsárásir. Þessi sjónarmið settu því
vissulega skorður fyrir því hversu
langt er hægt að ganga.“
Forsendur
fyrir hækk-
un ekki
fyrir hendi
Dómsmálaráðherra