Morgunblaðið - 17.01.2002, Blaðsíða 38

UMRÆÐAN
38 FIMMTUDAGUR 17. JANÚAR 2002 MORGUNBLAÐIÐ
Aðrir útsölustaðir:

Top Shop, Lækjargötu

Snyrtistofa Hönnu Kristínar, Faxafeni

Snyrtiv.d. Hagkaups Kringlunni, Smáralind, Skeifunni,
Spönginni og Akureyri

Libia, Göngugötu Mjódd.

Silfurtorg, Ísafirði.
www.hardcandy.com
Keflavík sími 421 1422
Við höfum öll plön um hluti sem við viljum fá út út lífinu. En hvernig
getum við nálgast þá? Með því að hafa góðann grunn. Þú veist að
þú hefur góðann grunn þegar þú getur örugg byggt á hann. Hvort
sem þú byggir hús, líf þitt eða útlit.
Góður grunnur er farði sem er léttur en hylur vel, jafnar út misfellur
í húðinni og helst náttúrulegur jafnvel í björtustu ljósum. Þú færð
náttúrulegt útlit sem endist allan daginn.
Það er eithvað sem þú getur byggt á.
Þess vegna kynnir HARD CANDY, HINT TINT og
PEACE POWDER
Hint Tint
SPF 15 Léttur farði
Við eyðum of miklum tíma í að komast að því hver við erum til að
fara að fela það aftur. Notaður Hint Tint og jafnaðu hlutina bara að-
eins út. Þessi náttúrulegi létti farði nærir húðina og verndar með SPF
15 og UVA /UVB vörn. Og hafðu ekki áhyggjur, leyndarmálin eru
vel falin með Hint TInt.
Peace Powder
Púður farði
Þessi pressaði púðurfarði er eins og silki viðkomu. Hann skilur húð-
ina eftir mjúka en ekki þurr púðraða og hylur það sem þarf að
hylja. Með Peace Powder fær húðin þín fallegt náttúrulegt útlit,
Peace Powder má notast eitt og sér eða yfir Hint Tint.
Kynning fimmtud. 17. jan. og föstud. 18. jan.
15 % kynningarafsláttur
AÐ SJÁLFSÖGÐU
á Akureyri að verða
hluti af Evrópusam-
bandinu. Með því tæki
gildi sú almenna regla
ESB, að ákvarðaðnir
eru teknar sem næst
þeim sem eiga að fara
eftir þeim, ákvörðunar-
taka á að vera á lægsta
mögulega stjórnsýslu-
stigi eins og það er orð-
að. Akureyri gæti hafið
sókn á hendur ríkis-
valdinu í Reykjavík um
að fá opinber verkefni í
sínar hendur, og ekki
aðeins verkefnin eins
og vill brenna við hjá
núverandi ríkisstjórn, heldur líka
tekjustofna til þess að standa undir
þeim. Valdið yrði flutt heim í hérað í
stærri stíl en við höfum átt að venj-
ast. Möguleikar okkar til þess að
hafa áhrif á samfélagsþróunina
mundu stóraukast þar með.
Evrópusambandið er tækifæri
fyrir Akureyri. Tengslin við önnur
lönd skipta meginmáli fyrir bæinn
og hafa gert frá upphafi. Akureyri er
að taka út samskonar þroska og
margir evópskir iðnaðarbæir og
-borgir hafa gert; verslun, þjónusta
og nýjar atvinnugreinar taka við af
stóriðnaði. Ný fyrirtæki, skólar,
rannsóknarstofur, heilbrigðisgeirinn
og öll starfandi fyrirtæki þurfa á hin-
um stóra heimamarkaði ESB að
halda og munu líða fyrir þá jaðar-
stöðu sem við nú höfum. Akureyri
þarf á evrunni að halda, þarf sterkan
gjaldmiðil og samkeppnishæfa vexti.
Í Evrópusambandinu er rekin eig-
inleg byggðastefna, þar er unnið
gegn byggðahruni ef
einurð og oft með ráð-
um sem duga, eins og
gerst hefur á Írlandi.
Það eru hagsmunir Ak-
ureyrar að uppbygg-
ingarsjóðir ESB fái að
láta til sín taka á Ís-
landi.
Með því að vera
meira og minna undir
lög ESB seld höfum við
Íslendingar fengið
ýmsar réttarbætur, sér
í lagi hvað varðar vernd
almennings gagnvart
misbeitingu ríkisvalds
og sinnuleysi stjórn-
valda, einnig markaðs-
valdi fyrirtækja. Við njótum aftur á
móti ekki lægra vöruverðs, stöðugra
verðlags, lægri vaxta og sterkari
gjaldmiðils, sem við fengjum við inn-
göngu í ESB. Enn alvarlegra er að
við höfum of lítið að segja um það
hvernig þau lög eru, sem hér gilda,
eins og við í Samfylkingunni höfum
oft bent á. Aukaaðild okkar að ESB
vegna þátttöku í EFTA og samn-
ingsins um Evrópska efnahagssvæð-
ið tryggir Íslandi álíka mikið full-
veldi og amti í Danmörku. Það er
engin framtíð í EFTA, klúbbi hinna
ríku landa sem aðeins vilja njóta
hagsældarinnar af Evrópusamrun-
anum, en skjóta sér undan sam-
ábyrgðinni þegar svo ber undir.
Ýmsir hafa fundið hjá sér þörf til
þess að tala opinberlega gegn þeim
hagsmunum Akureyrar að Ísland
verði aðildarríki Evrópusambands-
ins. Dapurlegt var að horfa upp á þá
Steingrím J. Sigfússon og Tómas
Inga Olrich í sjónvarpsþætti um ár-
ið, þegar þeir féllust í faðma og lýstu
tortryggni sinni og ótta vegna ESB.
Akureyri þarf ekki á slíkri leiðsögn
að halda.
Það verður að velja og hafna, þor-
um við að standa með hagsmunum
Akureyrar eða eigum við að láta ótta
íhaldssamra stjórnmálaafla ráða
ferðinni? Við megum ekki láta and-
stæðinga ESB eyðileggja tækifærin
fyrir okkur hér á Akureyri.
Akureyri í Evr-
ópusambandið
Þorlákur Axel
Jónsson
Höfundur er kennari við Mennta-
skólann á Akureyri.
Evrópumál
Við megum ekki láta
andstæðinga ESB, segir
Þorlákur Axel Jónsson,
eyðileggja tækifærin
fyrir okkur hér
á Akureyri.
VIÐ afgreiðslu fjár-
hagsáætlunar Kópa-
vogs fyrir árið 2002
sést glöggt hversu
mikla áherslu meiri-
hlutinn í bæjarstjórn
leggur á áframhald-
andi uppbyggingu
íþróttamannvirkja í
bæjarfélaginu. Á þessu
ári er gert ráð fyrir að
til íþrótta- og æsku-
lýðsmála fari um 650
milljónir.
Fjölnota knatthús
í Kópavogsdal
Stærstu verk á fram-
kvæmdaáætlun fyrir
þetta ár er bygging fjölnota knatt-
spyrnuhúss við Smárann. Hún er nú
þegar hafin og verður tekin í notkun
á þessu ári. Tilkoma hússins mun
gjörbreyta aðstöðu til iðkunar
knattspyrnu hér á höfuðborgar-
svæðinu. Einnig mun knatthúsið
koma nemendum Smáraskóla til
góða sem og nemendum annarra
grunnskóla í bænum. Gert er ráð
fyrir að samið verði við íþróttafélög-
in um rekstur hússins. Það er í þeim
anda sem mótaður hefur verið í bæj-
arstjórn Kópavogs og góð samstaða
hefur verið um. En það hefur verið
stefna bæjarins að fela íþróttafélög-
unum að annast rekstur stærstu
mannvirkjanna sem þau eru helstu
notendur að.
Bygging íþróttamið-
stöðvar í Salahverfi er
hafin og gerir fjárhags-
áætlun ráð fyrir að til
þeirrar framkvæmdar
fari 350 milljónir.
Íþróttamiðstöðin
samanstendur af
stórum íþróttasal,
tveimur sundlaugum
og æfingaaðstöðu ut-
anhúss fyrir knatt-
spyrnu og frjálsar
íþróttir. Íþróttasalur-
inn verður þriðjungi
stærri en Smárinn.
Íþróttafélagið Gerpla
mun fá einn þriðja af
salnum fyrir starfsemi
sína og verður sá hluti sérútbúinn
fyrir fimleika. Í hinum hluta salarins
verða keppnisvellir fyrir handbolta
og körfubolta.
Þarna munu verða tvær sundlaug-
ar. Útilaug sem verður 25 metrar að
lengd og innilaug sem verður 17
metra löng. Jafnframt verður bún-
ingsaðstaða fyrir útisvæði sem ætl-
að er til íþróttaiðkunar og liggur að
íþróttamiðstöðinni. Gert er ráð fyrir
að taka sundlaugina og líkamsrækt-
arstöðina í notkun fyrri hluta árs
2003 og íþróttasalinn haustið 2003.
Tilkoma íþróttamiðstöðvarinnar
mun hafa miklar breytingar í för
með sér. Aðstaða Gerplu mun verða
allt önnur og sundkennsla í bænum
mun breytast til batnaðar. Aðstaða
til sundkennslu í bænum er í raun
komin í þrot því nemendum á grunn-
skólaaldri hefur fjölgað mikið á und-
anförnum árum. Einnig hefur leng-
ing skólaársins haft þau áhrif að
ekki er hægt að kenna sund að
sumri til eins og gert hefur verið í
sumum skólum undanfarin ár. Með
þessum breytingum mun álagið á
Sundlaug Kópavogs minnka til
muna. Vegna mikilla vinsælda Sund-
laugar Kópavogs, þar sem hvert að-
sóknarmetið eftir annað hefur verið
slegið, var orðið mjög brýnt að hefja
byggingu annarrar sundlaugar.
Aukin uppbygging hjá HK
Fyrir utan þær framkvæmdir sem
ég hef nefnt hér á undan er gert ráð
fyrir uppbyggingu á félagssvæði
HK í Fossvogsdal fyrir 34 milljónir.
Þar mun verða byggður malarvöllur
og félagsaðstaða bætt.
Uppbygging íþrótta-
mannvirkja í Kópavogi
Gunnsteinn
Sigurðsson
Sveitarstjórnarmál
Tilkoma íþróttamið-
stöðvarinnar, segir
Gunnsteinn Sigurðsson,
mun hafa miklar breyt-
ingar í för með sér.
Höfundur er 1. varabæjarfulltrúi
sjálfstæðismanna í Kópavogi.
REKSTRARUMHVERFI sjúkra-
þjálfunarstofa er óvenjulegt miðað
við fyrirtæki á almennum markaði.
Sjúkraþjálfarar eru bundnir samn-
ingi við Tryggingastofnun ríkisins
(TR) og hafa ekki leyfi til að verð-
leggja þjónustu sína eftir þörfum. Nú
er svo komið að sjúkraþjálfurum er
gert afar erfitt að starfa í þessari at-
vinnugrein með því að TR meinar
þeim um hækkun á taxta í samræmi
við verðlags- og launa-
þróun síðastliðinna
missera.
Þegar farið hefur ver-
ið fram á hækkun á
taxta við TR hafa svörin
verið á einn veg, útgjöld
vegna sjúkraþjálfunar
hafa hækkað of mikið og
því ekkert svigrúm til
taxtahækkunar.
En í hverju hefur sú
kostnaðaraukning fal-
ist?
1) Þeir þjóðfélags-
hópar sem mest þurfa á
þjónustu sjúkraþjálfara
að halda, þ.e aldraðir,
öryrkjar og fötluð börn,
fara ört stækkandi.
2) Fólk er útskrifað miklu fyrr af
sjúkrahúsum en var, auk flutnings
fatlaðra af stofnunum yfir á sambýli,
og sjúkraþjálfun sem áður fór fram á
sjúkrahúsunum hefur því flust yfir á
stofur sjúkraþjálfara.
3) Sífellt fleiri einstaklingum er vís-
að til sjúkraþjálfara, yngri læknar
þekkja betur getu sjúkraþjálfara og
líta á sjúkraþjálfun sem góðan valkost
í meðferð sjúklings.
4) Árangur meðferðar hefur spurst
út, bæði meðal lækna og almennings.
Af þessu er ljóst að aukin útgjöld
TR vegna sjúkraþjálfunar eru fyrst
og fremst vegna fjölgunar þeirra sem
vísað er til sjúkraþjálfara og aukinnar
meðferðarþyngdar þeirra, en ekki
vegna þess að greiðsla fyrir hverja
meðferð hafi hækkað svo nokkru
nemi.
Sjúkraþjálfarar hafa
nú í meira en heilt ár
reynt að fá fram taxta-
hækkun sem renna
mætti stoðum undir
rekstur þeirra, en án
árangurs og nú er þol-
inmæði sjúkraþjálfara
á þrotum. Það er ein-
faldlega ekki hægt
lengur að halda úti
rekstri á taxta sem er
einungis 78% af raun-
gildi þess taxta sem var
í gildi árið 1995.
Tilboð TR hafa hing-
að til verið algjörlega
óviðunandi og duga
hvergi til að leiðrétta
þá slagsíðu sem fram er komin í
rekstri og launakjörum sjúkraþjálf-
ara.
Leiðrétt gjaldskrá
Svo má brýna deigt járn að bíti, og
nú er svo komið að semjist ekki á
næstu vikum munu sjúkraþjálfarar
ekki sjá sér annað fært en að leiðrétta
gjaldskrá sína einhliða. Það mun
valda því að skjólstæðingar þeirra
þurfa að inna af hendi heildargreiðslu
fyrir meðferð sína og síðan sjálfir að
leita réttar síns hjá TR.
Árið 2000 þáðu ríflega 24.000
manns þjónustu sjúkraþjálfara með
samning við TR. Stór hluti þeirra er
aldraðir, öryrkjar og fötluð börn.
Þessi nýi háttur mun óneitanlega
valda þeim óþægindum og óhagræði,
og jafnvel gæti farið svo að einhverjir
sæju sér ekki fært að sækja þá þjón-
ustu sem þeir þurfa. Slíkt hefur í för
með sér í mörgum tilfellum aukinn
lyfjakostnað, umönnun og jafnvel inn-
lagnir á stofnanir og sjúkrahús.
Sjúkraþjálfun er ódýr kostur í með-
ferð og endurhæfingu sjúklings og
sparar stórar upphæðir annars stað-
ar. Ætli ráðamönnum brygði ekki í
brún ef þeir sæju kostnaðinn sem af
því hlytist ef þessi þjónusta legðist af,
eins og ætla mætti að væri vilji þeirra
sem ráða samningamálum hjá TR?
Verður endurhæfing 24 þús-
und Íslendinga í uppnámi?
Höfundur er sjúkraþjálfari og for-
maður Félags sjálfstætt starfandi
sjúkraþjálfara (FSSS),
Sjúkraþjálfun
Sjúkraþjálfun er ódýr
kostur, segir Unnur
Pétursdóttir, í meðferð
og endurhæfingu sjúk-
lings og sparar stórar
upphæðir annars staðar.
Unnur
Pétursdóttir