Morgunblaðið - 17.01.2002, Blaðsíða 18

AKUREYRI
18 FIMMTUDAGUR 17. JANÚAR 2002 MORGUNBLAÐIÐ
OPINN FYRIRLESTUR UM
SJÁVARÚTVEGSSTEFNU ESB
Föstudaginn 18. janúar mun Halldór Ásgríms-
son, utanríkisráðherra halda fyrirlestur um sjáv-
arútvegsstefnu ESB í Háskólanum á Akureyri.
Fyrirlesturinn verður haldinn í húsnæði háskólans
á Sólborg í stofu L201 og hefst kl.15.00.
Áður enn fyrirlesturinn hefst mun Jón Þórðarson ,
forseti Sjávarútvegsdeildar flytja stutt ávarp og
eftir fyrirlesturinn verður orðið gefið laust og fyrir-
spurnir leyfðar.
Allir velkomnir - veitingar að fyrirlestri loknum í boði Rekstrardeildar
REKI, félag rekstrardeildarnema við HA
SKIPAÐ hefur verið svonefnt verk-
efnalið til að móta tillögur um framtíð
húsnæðismála Brekkuskóla. Gert er
ráð fyrir að í kringum næstu mán-
aðamót liggi fyrir hversu mikið fé
verður veitt til skólans á þessu ári,
eða þegar fjárhagsáætlun Akureyr-
arbæjar verður tekin til síðari um-
ræðu í bæjarstjórn.
Húsnæðismál Brekkuskóla voru til
umræðu á fjölmennum fundi sem for-
eldraráð og stjórn Foreldrafélags
Brekkuskóla boðuðu til á þriðjudags-
kvöld. Kristín Sigursveinsdóttir, for-
maður foreldraráðs, sagði húsnæðis-
mál skólans hafa verið í opinberri
umræðu frá því í haust, m.a. vegna
skordýra- og lekavandamála, en Heil-
brigðiseftirlitið lokaði einni skólastof-
unni vegna þeirra. Kristín sagði hús-
næðismál skólans lengi hafa verið í
ólestri og viðhaldi áfátt. Foreldrar
hefðu beðið óþreyjufullir eftir úrbót-
um og nú væri svo komið að menn
vildu sjá raunhæfar aðgerðir. Vísaði
hún til bréfaskrifta við skólanefnd allt
til ársins 1997, en ævinlega hefðu
svörin verið á þann veg að önnur
verkefni hefðu forgang og ekki væri
enn komið að Brekkuskóla.
Benti Kristín á að spár hefðu gert
ráð fyrir að nemendum skólans
myndi fækka, en þvert á þær hefði
þeim fjölgað, þeir væru nú um 550 og
skólinn sá fjölmennasti á Akureyri.
„En húsnæðið er það langlélegasta
sem grunnskólabörnum á Akureyri
er boðið upp á,“ sagði hún.
Húsnæðið gamalt
og lítt við haldið
Húsnæðið væri gamalt og lítt við
haldið, skólastofur litlar, skólavistun
byggi við þröngan kost, ekkert mötu-
neyti væri í skólanum og útiaðstaðan
væri slæm. Þá væri ekki rými í skól-
anum fyir félagsmiðstöð sem stæði
undir nafni og eins væri aðgengi fyrir
fatlaða í húsum skólans fyrir neðan
allar hellur og börnum með hreyfi-
hömlum væri vísað í aðra skóla. Loks
nefndi hún að nauðsynlegt væri að
bæta aðkomu að skólanum. Þrátt fyr-
ir slæman ytri aðbúnað væri náms-
árangur barna í skólanum góður.
Kristín sagði foreldra hafa sýnt mikið
langlundargeð og skilning á því að
bæta þyrfti úr húsnæðisþörf annarra
skóla. Fólk hefði treyst því að röðin
kæmi fljótlega að Brekkuskóla, en
enn bólaði ekkert á framtíðarstefnu
varðandi húsnæðismál skólans, „og
því krefjumst við úrbóta“, sagði
Kristín.
Björn Þorleifsson skólastjóri sagði
vissulega marga galla á húsnæðinu og
að erfitt væri að vera með skólastarfið
í tveimur húsum. Menn reyndu þó að
vera jákvæðir og andinn væri góður.
Hann sagði menn bíða eftir áætlun
um raunhæfa uppbyggingu. „Við
verðum þolinmóð ef við sjáum fram á
að eitthvað verði gert hér,“ sagði
Björn.
Kristín Sigfúsdóttir, varafomaður
skólanefndar Akureyrarbæjar, sagði
nefndina ítrekað hafa fjallað um hús-
næðismál Brekkuskóla og lagt fram
tillögur. Einsetning grunnskólanna í
bænum fyrir nokkrum árum þýddi að
byggja þurfti við nokkra grunnskóla
og var verkefnum því forgangsraðað.
Brekkuskóli hafði þá einn yfir nægum
kennslustofum að ráða og lenti síð-
astur í röðinni. Nú væri hins vegar
óumdeilt að röðin væri komin að hon-
um. Nýskipað verkefnalið sem falið
var það verkefni að móta tillögur um
húsnæðismál Brekkuskóla hefði tekið
til starfa, „og við skulum bíða og sjá
hvað það mun hafa fram að færa“,
sagði Kristín.
Ásgeir Magnússon, bæjarfulltrúi
og formaður framkvæmdaráðs, sagði
að frá árinu 1998 hefðu um 7.500 fer-
metrar af skólahúsnæði risið við
grunnskóla bæjarins. Þá í upphafi
kjörtímabils núverandi meirihluta í
bæjarstjórn væri búið að byggja við
Síðuskóla, Lundarskóla, Oddeyrar-
skóla og senn yrði öðrum áfanga
Giljaskóla lokið. „Þá verður búið að
byggja við og lagfæra þá skóla sem
brýnast var og nú er röðin komin að
Brekkuskóla. Það hefur verið vandað
til verka og ég lofa því að með sama
hætti verður staðið að framkvæmd-
um við þennan skóla,“ sagði Ásgeir.
Fyrir liggja tillögur frá árinu 1999 um
að leggja af skólastarf í gamla Barna-
skólahúsinu og byggja við gagn-
fræðaskólahúsið sem var. „Ég geri
ráð fyrir að við byrjum á að skoða
málið út frá þeim grunni,“ sagði Ás-
geir.
Nýtt skólahús verði
byggt á lóð tjaldstæðisins
Að loknum framsöguerindum tóku
nokkrir foreldrar til máls, m.a. Bragi
Guðmundsson sem varpaði fram
þeirri hugmynd til úrbóta í húsnæðis-
málum skólans, að byggja nýtt skóla-
hús í stað þess að byggja við eldra
húsnæði. Heppilegur staður fyrir nýj-
an Brekkuskóla væri á lóð tjaldstæð-
isins við Þórunnarstræti, en finna
þyrfti núverandi húsnæði skólans
annað hlutverk. Með þessu móti yrði
styttra að fara í skólann fyrir meg-
inþorra nemenda hans og eins þyrftu
nemendur þá ekki lengur að fara yfir
þá erfiðu umferðargötu sem Þórunn-
arstrætið væri. Grafa mætti undir-
göng undir götuna til að greiða að-
gang að íþróttahúsi og sundlaug.
Beindi Bragi þessari hugmynd til
verkefnaliðsins og bað það hugsa um
fleiri möguleika en klastur við núver-
andi byggingu.
Hlynur Hallsson benti á að kosn-
ingar væru í vor og hvatti foreldra til
að nýta sér þá framkvæmdagleði sem
gjarnan gripi bæjarfulltrúa á þeim
tíma. Jón Lambi Haraldsson sagði
skólann hafa starfað á undanþágu
mörg undanfarin ár og það út af fyrir
sig hefði átt að setja framkvæmdir við
hann framar í forgangsröðina, fremur
en að horfa til þess að skólastofur
væru nægar.
Kostnaðarsamt að byggja nýtt
hús við gamlar byggingar
Guðmundur Ómar Guðmundsson,
bæjarfulltrúi Framsóknarflokks,
sagði úrbætur í húsnæðismálum
Brekkuskóla vera síðar á ferðinni en
flokkurinn vildi, hefjast hefði þurft
handa ekki seinna en á síðasta ári.
Kristján Þór Júlíusson bæjarstjóri
sagði að röðin væri komin að Brekku-
skóla, en verkefnaliði hefði verið falið
að móta tillögur til framtíðar. Hann
sagði kostnaðarsamt að byggja nýtt
hús við eldri byggingar og vildi ekki
loka á þann möguleika að nýtt skóla-
hús yrði byggt. Bæjarstjóri sagði að í
lok þessa mánaðar eða byrjun febr-
úar ætti að liggja fyrir hversu mikið
fé yrði veitt til Brekkuskóla, en þá
verður síðari umræða um fjárhags-
áætlun bæjarins.
Oddur Helgi Halldórsson, bæjar-
fulltrúi Lista fólksins, viðurkenndi að
hafa dregið lappirnar í málinu og ekki
að fullu gert sér grein fyrir hversu al-
varleg staðan væri. Hann hefði hins
vegar skipt um skoðun og teldi tíma-
bært að hefjast handa við úrbætur.
Laufey Petra Magnúsdóttir fund-
arstjóri sagði að lokum að foreldrum
væri mikilvægt að fá sem allra fyrst
svör við því hvað gert yrði í húsnæðis-
málum skólans. Börn þeirra væru í
skólanum núna og því brýnt að fá
skýr svör. Hún kvaðst vona að álit
verkefnahópsins sem að störfum er
dagaði ekki uppi, svo sem dæmi væru
um, heldur yrði þegar ráðist í brýnar
úrbætur.
Foreldrar barna í Brekkuskóla fjölmenntu á fund sem haldinn var um húsnæðismál skólans
Brýnt að skýr svör um fram-
tíðarstefnu fáist sem fyrst
Morgunblaðið/Kristján
Húsfyllir var á fundi foreldraráðs og Foreldrafélags Brekkuskóla þar sem húsnæðismálin voru rædd.
Morgunblaðið/Kristján
Kristín Sigursveinsdóttir, for-
maður foreldraráðs Brekku-
skóla, ávarpar fundinn.