Morgunblaðið - 17.01.2002, Blaðsíða 10

FRÉTTIR
10 FIMMTUDAGUR 17. JANÚAR 2002 MORGUNBLAÐIÐ
ORKUVEITA Reykjavíkur stefnir
að því að 120 megavatta jarð-
varmavirkjun á Hellisheiði verði
tilbúin 2005 og er áætlaður kostn-
aður um 12 milljarðar króna. Í
gær undirrituðu fulltrúar Orku-
veitunnar og fulltrúar hóps ráð-
gjafafyrirtækja samning um öll
ráðgjafastörf við virkjunina. Áætl-
að er að verðmæti samningsins sé
um 1,3 milljarðar á næstu 10 ár-
um.
Samningurinn er gerður í kjöl-
far alþjóðlegs útboðs á Evrópska
efnahagssvæðinu. Beitt var forvali
um val ráðgjafa til þátttöku í út-
boðinu og voru Verkfræðistofa
Guðmundar og Kristjáns, Raf-
teikning, Fjarhitun, Rafhönnun,
Teiknistofan og Landslag með
hagstæðasta tilboðið, að sögn Al-
freðs Þorsteinssonar, stjórnarfor-
manns Orkuveitu Reykjavíkur.
Alfreð Þorsteinsson segir að
þetta sé í fyrsta sinn sem Reykja-
víkurborg efni til útboðs við virkj-
anaframkvæmdir af því tagi sem
framundan séu en tilboðin hafi
verið metin á grundvelli tæknilegs
hæfis og verðs.
Virkjunin verður bæði raf-
orkuver og varmaorkuver. Alfreð
Þorsteinsson segir að nokkuð ljóst
sé að á næstu 10 árum þurfi nýja
virkjun vegna aukinnar spurnar
eftir heitu vatni, sem höfuðborg-
arsvæðið anni ekki að óbreyttu, en
framleiðslugeta Nesjavallavirkj-
unar á heitu vatni verði fullnýtt á
seinni hluta þessa áratugar. Vöxt-
ur rafmagnsnotkunar á svæðinu
hafi verið 3 til 7% á undanförnum
árum eða um 5 til 10 megavött á
ári og þessi aukning kalli á aukna
framleiðslugetu Orkuveitu Reykja-
víkur 2005 til 2010.
Að sögn Alfreðs Þorsteinssonar
verður orkan nýtt til stóriðju að
hluta til og því verður verðið
mjög hagkvæmt. Í þessu sambandi
bendir hann á að bæði Norðurál
og Ísal hafi sýnt áhuga á að kaupa
orku frá þessari virkjun. Hann
segir jafnframt að virkjunin geti
aukið hagvöxt með sama hætti og
Nesjavallavirkjun, en með því að
hefja þar raforkuframleiðslu hafi
gefist svigrúm til að lækka raf-
orkugjöld hjá Orkuveitu Reykja-
víkur. Hagræðing vegna samein-
ingar veitufyrirtækjanna hafi líka
gert lækkunina mögulega. Gjöldin
hafi lækkað um 10% til almenn-
ings í mars í fyrra og orkuverð til
stórra fyrirtækja hafi lækkað um
10 af hundraði um nýliðin áramót.
Guðmundur Þóroddsson, forstjóri
Orkuveitunnar, segir að það þýði
að raforkuverð til heimilisnota í
Reykjavík sé það sama að krónu-
tölu nú og 1997.
Stefnt að því að jarðvarmavirkjun á Hellisheiði verði tilbúin árið 2005
Samningur um ráðgjafa-
störf undirritaður í gær
Morgunblaðið/Sverrir
Guðmundur Þóroddsson, forstjóri Orkuveitu Reykjavíkur, og Alfreð Þorsteinsson, stjórnarformaður Orkuveit-
unnar, undirrituðu samninginn í gær ásamt fulltrúum ráðgjafafyrirtækjanna sem verkið vinna.
FJÖRUTÍU og tveir sóttu um
embætti forstjóra Póst- og fjar-
skiptastofnunar, en umsóknar-
frestur um embættið rann út 10.
janúar síðastliðinn. Samgönguráð-
herra veitir embættið og verður
gengið frá ráðningu nýs forstjóra
á næstu vikum, en gert er ráð fyrir
að nýr forstjóri geti hafið störf
sem fyrst, samkvæmt upplýsing-
um samgönguráðuneytisins. Gúst-
af Arnar lætur af störfum fyrir
aldurs sakir.
Eftirtaldir sóttu um embættið:
Ari Jóhannsson, verkefnastjóri,
Bæjargili 65, 210 Garðabæ, Arnar
Grétar Pálsson, ráðgjafi, Lauf-
rima 16, 112 Reykjavík, Ágúst
Karl Ágústsson, kerfisfræðingur,
Stekkjarbergi 10, 220 Hafnarfirði,
Ágúst Sindri Karlsson, lögfræð-
ingur, Einihlíð 2, 222 Hafnarfirði,
Ársæll Baldursson, markaðsstjóri,
Stekkjarflöt 17, 210 Garðabæ, Ár-
sæll Guðmundsson, hagsýslustjóri
RARIK, Bergþór Hauksson, sam-
stæðustjóri, Vesturvallagötu 7,
101 Reykjavík, Björgvin Ólafur
Óskarsson, framkvæmdastjóri,
Álfatúni 19, 200 Kópavogi, Björn
Björnsson, Rjúpufelli 44, kennari,
Einar Gunnarsson, lögfræðingur,
Rue de la Source 82, B-1060, Belg-
íu, Einar Páll Tamimi, lögfræðing-
ur, Krókamýri 78, 210 Garðabæ,
Einar V. Einarsson, skipstjóri,
Ljósuvík 34, 112 Reykjavík, Eyj-
ólfur Kolbeinn Eyjólfsson, forrit-
ari, Frostafold 20, 112 Reykjavík,
Garðar Lárusson, forstöðumaður,
Hávallagötu 3, 101 Reykjavík,
Guðmundur Ólafsson, forstöðu-
maður, Löngubrekku 3, 200 Kópa-
vogi, Guðni Gunnarsson, verk-
efnastjóri, Ruukiinlahdentie 4A9,
Finnlandi, Herdís Þorgeirsdóttir,
þjóðréttarfræðingur, Hávallagötu
9, 101 Reykjavík, Hrafnkell V.
Gíslason, ráðgjafi, Eskihvammi 4,
200 Kópavogi, Hörður Halldórs-
son, forstöðumaður, Hjarðarhaga
54, 107 Reykjavík, Jóhann F.
Kristjánsson, þróunarstjóri, Soga-
vegi 129, 108 Reykjavík, Jón Ell-
ert Lárusson, sviðsstjóri, Gils-
bakkavegi 11, 600 Akureyri, Jón
G. Briem, lögfræðingur, Nóatúni
27, 105 Reykjavík, Jón Þóroddur
Jónsson, verkefnisstjóri, Hlað-
hömrum 36, 112 Reykjavík, Jón
Magnússon, ráðgjafi, Kirkjugötu
7, 565 Hofsósi, Kári Jónsson, vakt-
stjóri, Logafold 135, 112 Reykja-
vík, Lárus Páll Pálsson, ráðgjafi,
Hrafnakletti 8, 310 Borgarnesi,
Matthías Páll Imsland, rekstrar-
stjóri, Dyngjuvegi 1, 105 Reykja-
vík, Ólafur Als, rekstrarstjóri,
Grettisgötu 96, 105 Reykjavík,
Óskar Einarsson, ráðgjafi, Viðj-
ugerði 11, 108 Reykjavík, Sigur-
bergur Björnsson, verkefnastjóri,
Birkihlíð 34, 105 Reykjavík, Sig-
urður Bjarki Magnússon, ráðgjafi,
5801 Magee Bend, TX 78749,
USA, Snorri Hrafn Guðmundsson,
ráðgjafi, Vallartröð 8, 200 Kópa-
vogi, Stefán Á. Magnússon, fjár-
málastjóri, Vatnsholti 8, 105
Reykjavík, Sturla R. Guðmunds-
son, framkvæmdastjóri, Reyni-
hvammi 8, 200 Kópavogi, Sæ-
mundur Jóhannsson, flugvirki,
Berjarima 26, 112 Reykjavík,
Tindur Hafsteinsson, deildar-
stjóri, Lindarflöt 18, 210 Garðabæ,
Tómas Örn Tómasson, fram-
leiðslustjóri, Safamýri 45, 108
Reykjavík, Valdimar Björnsson,
forstöðumaður, Bæjargili 76, 210
Garðabæ, Valgeir Hallvarðsson,
framkvæmdastjóri, Bröndukvísl
11, 110 Reykjavík, Viðar Viðars-
son, ráðgjafi, Suðurhúsum 5, 112
Reykjavík, Vilmundur Ægir Frið-
riksson, fluggagnafræðingur,
Faxabraut 82, 230 Keflavík, Þór
Clausen, skrifstofustjóri, Bæjar-
gili 69, 210 Garðabæ, Örn Jónas-
son, skrifstofustjóri, Kagsakoll-
egiet 201, 2730 Herlev,
Danmörku.
42 sóttu um að stjórna Póst- og fjarskiptastofnun
Nýr forstjóri hefur
störf sem fyrst
VERÐ á vínberjum hækkaði um rúm
68% í seinasta mánuði, sem leiddi til
0,07% hækkunar á vísitölu neyslu-
verðs frá desember til janúar.
Að sögn Rósmundar Guðnasonar,
deildarstjóra vísitöludeildar Hag-
stofu Íslands, er vægi vínberja í vísi-
tölunni mjög lítið og alls ekki óeðli-
legt, eða 0,1% af heildarútgjöldunum.
Hins vegar hafi hækkun berjanna
verið mjög mikil í seinasta mánuði og
því hafi hún þessi áhrif á hækkun vísi-
tölunnar.
Miklar líkur á að þessi
hækkun gangi til baka
,,Meginatriði málsins er að þetta er
ekki varanleg hækkun og ákaflega
miklar líkur á að þetta gangi til baka í
næstu mælingum,“ segir hann.
Geir H. Haarde fjármálaráðherra
og Ari Edwald, framkvæmdastjóri
Samtaka atvinnulífsins, hafa lýst
furðu sinni á vægi einstakra liða í vísi-
tölunni í tilefni þessara hækkana og
bent sérstaklega á að verðhækkun á
vínberjum nemi 0,07 prósentustigum
í hækkun vísitölunnar á sama tíma og
lækkun á bensíni nemi 0,09 prósentu-
stigum. Þannig vegi hækkun vínberj-
anna nánast upp verðlækkunina á
bensíni í vísitölumælingunni.
Rósmundur telur gagnrýni sem
fram hafi komið í umræðunni á und-
anförnum dögum hvað þetta varðar
byggða á þeim misskilningi að vægi
vínberjanna í vísitölu neysluverðs
væri óeðlilega mikið en svo sé alls
ekki. Vínberin hafi einfaldlega hækk-
að mjög mikið eða um tæplega 70%.
Með sama hætti mætti benda á að ef
t.d. bensínverðið hefði hækkað eða
lækkað um sama hlutfall þá hefði það
leitt til 2,8% hækkunar eða lækkunar
á vísitölunni í samræmi við það vægi
sem bensínið hefur í vísitölugrunnin-
um.
Aðspurður hvort hann teldi ástæðu
til að endurskoða eða breyta vægi ein-
stakra liða, t.d. vínberjanna, í vísitöl-
unni sagðist Rósmundur ekki sjá að
það væri mögulegt nema menn vildu
þá taka þennan vörulið út úr vísitöl-
unni.
Aðspurður segir Rósmundur mjög
erfitt að spá fyrir um hver þróun
neysluverðsvísitölunnar verður
næstu mánuði. ,,Það er ljóst að þessi
hækkun er meiri en flestir gerðu ráð
fyrir. Nú hefur gengi krónunnar
styrkst frá því í desember en mjög
erfitt er að segja fyrir um hvenær
áhrif þess koma fram í mælingum.
Það er því mikil óvissa um þróunina.“
Hækkuðu um
tæp 70% en vega
lítið í vísitölunni
Forstöðumaður vísitöludeildar Hag-
stofunnar um hækkun á vínberjum
MATA efh. flutti inn Cape-vínber
beint frá S-Afríku með flugi skömmu
fyrir jól, með millilendingu í Bret-
landi, og að sögn Eggerts Á. Gísla-
sonar, framkvæmdastjóra fyrirtæk-
isins, var hár flutningskostnaður
meginástæða mikillar verðhækkun-
ar á vínberjum hér á landi í lok árs.
Eins og kom fram í Morgunblaðinu í
gær nam hækkun á berjunum 0,07
prósentustigum af vísitölunni og vó
nokkurn veginn upp á móti lækkun
bensínverðs um áramótin.
Eggert segir að berin lækki hratt í
verði nú í byrjun ársins en vegna
skorts á berjum á evrópskum mörk-
uðum fyrir jól hafi þurft að grípa til
þessa ráðs að flytja beint inn frá
framleiðslulandinu, til að bjóða ís-
lenskum neytendum „bestu fáanlegu
vínberin á markaðnum fyrir jól og
áramót“ eins og hann orðar það.
Að sögn Eggerts hefur Mata ekki
flutt vínber inn áður með þessum
hætti en uppskeran í S-Afríku hafi
verið tveimur vikum seinna á ferð-
inni en venjulega á þessum árstíma.
Aðallega hafi verið keypt inn áður í
gegnum söluskrifstofu Cape í Hol-
landi. „Verðlækkanir erlendis í byrj-
un janúar og hagkvæmari flutnings-
máti til Íslands er nú fyrst að skila
sér inn í verðið enda hefur verð í
stórmörkuðum verið að lækka í þess-
ari viku. Frekari verðlækkunar er að
vænta í næstu viku sem endurspegl-
ar þannig lækkandi heildsöluverð.
Það er í raun ekki neitt óeðlilegt að
þegar miklar verðlækkanir eiga sér
stað á erlendum mörkuðum eins og
átt hefur sér stað nú að þær skili sér
fyrr erlendis. Til að mynda eru dag-
legar samgöngur til Danmerkur með
flutningabílum meðan við Íslending-
ar verðum að reiða okkur á vikulegar
siglingar til landsins eða dýrar flug-
samgöngur. Fyrir vikið skila verð-
lækkanir sér að meðaltali tíu dögum
seinna til Íslands,“ segir Eggert.
Beint flug
frá S-Afríku
olli mestri
verðhækkun
Mata ehf. segir að verð á
vínberjum muni lækka