Morgunblaðið - 17.01.2002, Blaðsíða 8

FRÉTTIR
8 FIMMTUDAGUR 17. JANÚAR 2002 MORGUNBLAÐIÐ
Öldungadeild MH 30 ára
Hefur staðist
tímans tönn
ÖLDUNGADEILDMenntaskólans viðHamrahlíð á þrjá-
tíu ára afmæli í dag og
verður í tilefni dagsins efnt
til uppákomu í skólanum.
Björn Bergsson, deildar-
stjóri öldungadeildarinnar,
svaraði nokkrum spurning-
um Morgunblaðsins á þess-
um tímamótum hennar.
Miðað við að Öldunga-
deildin var mikil bylting á
sínum tíma, hvernig hefur
hún staðist tímans tönn?
„Frá mínum bæjardyr-
um séð var stofnun öld-
ungadeildar við MH, sem
Guðmundur Arnlaugsson,
þáverandi rektor, átti hug-
myndina að, einhver
merkilegasti atburður í
skólasögu framhaldsskóla-
stigsins hér á landi. Hún hefur átt
sína góðu daga og einnig þá
slæmu. Ef horft er yfir veginn tel
ég þó að hún hafi staðist nokkuð
vel tímans tönn. Hún þarf þó að
fóta sig betur í því breytta lands-
lagi framhaldsnáms eftir grunn-
skóla sem nú blasir við.“
Er ekki fjöldi nemenda í Öld-
ungadeild MH kornungt fólk?
„Um nokkurt skeið hafa um
60% nemenda verið á bilinu 20 til
30 ára. Karlarnir eru yfirleitt á
aldrinum 20 til 39 ára en konur 20
til 49. Þó er hér m.a. ein heiðurs-
kona sem er fædd 1926. Aðspurð
segir hún að sér líði svo vel hér að
henni liggi ekkert á að útskrifast.“
Er til tala yfir fjölda þeirra sem
hafa útskrifast frá Öldungadeild-
inni á þessum 30 árum?
„Ég hef ekki nákvæma tölu yfir
síðustu ár en um það bil 1.600
stúdentar hafa útskrifast frá öld-
ungadeild MH á þessum 30 árum.
Þar af eru 2⁄3 hlutar konur sem
endurspeglar vel skiptingu náms-
hópsins eftir kyni. Yfirleitt hafa
fleiri konur útskrifast en karlar, þó
man ég eftir einni önn þar sem
álíka margir karlar og konur út-
skrifuðust.“
Er augljós grundvöllur fyrir því
að halda úti þessari deild og hefur
hann breyst áþreifanlega í áranna
rás?
„Þeir segja mér, kennararnir
sem kenndu í árdaga öldunga-
deildarinnar, að það hafi verið
hörkuduglegir námsmenn sem þá
sóttu nám í öldungadeildinni. Guð-
mundur Arnlaugsson taldi sjálfur
að það væri fólk sem ekki hafði
lokið landsprófi með framhalds-
einkunn, sem var forsenda þess að
fá að stunda nám í menntaskóla,
eða hefði enn minna nám að baki
sem vildi gjarnan stunda nám sem
leiddi til stúdentsprófs án þess að
sitja í menntaskóla. Öldungadeild-
in var hugsuð sem aðstoð við
heimanám þessa fólks. Hann
nefndi eitt sinn sem dæmi konu
sem trúði honum fyrir því um það
leyti sem hún var að útskrifast
með stúdentspróf, og það með
glæsibrag, að hún hefði aldrei áður
tekið formlegt próf í skóla. Hún fór
ekki í barnaskóla því að
í hennar sveit var bara
farskóli. Uppistaðan í
námshópnum var í
byrjun konur sem af
ýmsum ástæðum höfðu
hætt snemma námi. Þegar á leið
fór að bera á nemendum sem
höfðu flosnað upp úr dagskóla.
Undanfarnar annir hafa verið
um 500 nemendur á haustönn og
420–430 á vorönn. Þeir verða
reyndar 450 á þessari önn.
Á síðustu önn voru um 40 stúd-
entsefni við nám í deildinni, þar af
um helmingur öldungar sem
stefndu að útskrift um jól. Um tíu
stúdentsefni voru úr dagskóla og
þurftu að stunda nám í tilteknum
áfanga í öldungadeild sem ekki var
í boði í dagskólanum. Annar eins
fjöldi stúdentsefna kom úr öðrum
skólum af sömu ástæðu. Þá voru
um það bil 30 nemendur úr dag-
skóla að taka einn til tvo áfanga í
öldungadeild til að tryggja að þeir
gætu lokið námi sínu á fjórum ár-
um. Ég áætla að um 20 nemendur
úr öðrum framhaldsskólum á höf-
uðborgarsvæðinu hafi verið hjá
okkur af sömu ástæðu. Ég vil leyfa
mér að minna á, að tveir skólar,
Verzlunarskóli Íslands og Flens-
borgarskóli, hafa hætt rekstri öld-
ungadeildar, m.a. vegna breyttrar
stefnu ríkisvaldsins í kostnaðar-
þátttöku í rekstri öldungadeilda.
Þar sem við bjóðum upp á tölu-
verða fjölbreytni í tungumálanámi
veit ég til að nemendur frá Akra-
nesi og Reykjanesbæ hafi stundað
nám við öldungadeild MH.
Ég tel að ef ríkisvaldið sýndi því
skilning að við þurfum fjármagn til
að aðlagast nútímanum, m.a. með
því að bjóða upp á dreifinám, gætu
nemendur utan af landi stundað
tungumálanám við öldungadeild
MH. Ég sé það reyndar sem hluta
af byggðastefnu.“
Hvað verður gert til hátíðar-
brigða?
„Við byrjuðum á því 4.janúar sl.
að gefa fjóra „náms-
pakka“ að upphæð
20.450 krónur hvern á
Rás 2. Upphaflega áttu
þeir að vera þrír,
þ.e.a.s. einn fyrir hvern
áratug, en þar sem þátttaka var
svo mikil var ákveðið að bæta við
fjórða pakkanum. Á afmælisdag-
inn verður kaka með morgun-
kaffinu og svo samkoma á Mikla-
garði, hátíðarsal skólans, um
kvöldið þar sem Lárus H. Bjarna-
son rektor flytur ávarp og skóla-
kórinn syngur nokkur lög. Þá er
fyrirhugað að gefa út afmælisrit á
árinu.“
Björn Bergsson
 Björn Bergsson fæddist í
Reykjavík 7. júlí 1949. Stúdent
frá ML 1969, BA í þjóðfélags-
fræðum frá HÍ 1972. Framhalds-
nám í félagsfræði við University
of Manchester 1972–74 og upp-
eldis- og kennslufræði frá HÍ
1978. Hann starfaði sem fram-
haldsskólakennari frá árinu
1987. Var kennari við ýmsa skóla
í Eyjum árin 1974–85, fé-
lagsfræðikennari við MH frá
árinu 1985 og stundakennari í
uppeldis- og kennslufræði við HÍ
og KHÍ. Hann hefur verið
deildarstjóri Öldungadeildar frá
árinu 2000. Maki Björns er Gerð-
ur Kristinsdóttir og eiga þau eina
dóttur og Björn á auk þess tvö
fósturbörn og fjögur barnabörn.
… reyndar
sem hluti af
byggðastefnu
Ég sagði, nú skulum við aldeilis láta pakkið fá það óþvegið.
HÆSTIRÉTTUR hefur staðfest
frávísunarúrskurð Héraðsdóms
Reykjavíkur í máli lögreglustjór-
ans gegn manni sem gefið var að
sök að hafa áreitt lögreglu og sýnt
af sér ósæmilega hegðun á al-
mannafæri.
Samkv. lögregluskýrslu voru lög-
reglumenn við eftirlit í Norðurmýri
vegna „grunsamlegra mannaferða“
þegar þeir sáu manninn stíga út úr
leigubíl. Hann veifaði til lögregl-
unnar sem stöðvaði lögreglubílinn.
Í skýrslunni segir að maðurinn hafi
reynst „hinn æstasti og spurði okk-
ur hvort við fíflin vissum ekki að
þetta væri einstefnugata og við
mættum ekki aka í þessa átt“.
Lögreglubifreiðin
„úthrækt“
Þegar lögreglan ók á brott
hrækti maðurinn á hliðarrúðu lög-
reglubílsins og hélt áfram að kalla
ókvæðisorðum að lögreglumönnun-
um. Hann var þá handtekinn vegna
ölvunar og fyrir brot á lögreglu-
samþykkt og allsherjarreglu og
færður á lögreglustöðina. Á leiðinni
hélt hann áfram uppteknum hætti,
reyndi að hrækja á lögreglumenn-
ina og var lögreglubifreiðin „út-
hrækt“ þegar komið var á stöðina.
Manninum var sleppt daginn eftir
án þess að skýrsla væri tekin af
honum.
Maðurinn neitaði sök og sagði að
lögregla hefði handtekið sig án
nokkurs tilefnis.
Við þingfestingu málsins var lagt
fram bréf frá verjanda mannsins
þar sem fram kom að maðurinn
hefði falið verjandanum að leggja
fram kæru vegna barsmíða lög-
reglu og krafist rannsóknar á at-
burðum næturinnar. Í dómi
Hæstaréttar segir að í málinu liggi
ekki annað fyrir en að framan-
greint bréf hafi borist lögreglu-
stjóranum í Reykjavík. Ekki sé
hægt að sjá af gögnum málsins að
málinu hefði verið vísað til ríkis-
saksóknara og að ekki verði séð að
kæruefnið hafi hlotið nokkra rann-
sókn. Slíkir annmarkar væru því á
rannsókn málsins og reifun þess
fyrir dómi að rétt væri að vísa því
frá.
Hæstiréttur vísar frá dómi ákæru gegn karlmanni
Hrækti á lögreglubíl
og var hinn æstasti