Morgunblaðið - 15.03.2002, Síða 2

FRÉTTIR
2 FÖSTUDAGUR 15. MARS 2002 MORGUNBLAÐIÐ
Augusta-völlurinn þolir ekki
frekari breytingar / C4
Grindvíkingar unnu sigur
á Sauðárkróki / C2
8 SÍÐUR Fylgstu
með
nýjustu
fréttum
www.mbl.is
4 SÍÐUR

Líf í tuskunum / B1

Málfærni að hætti hússins / B2

Tai Chi / B4

Íslensk hönnun í París / B5

Notaðar flíkur / B6

Þjóðfánar í fatatísku / B7

Auðlesið efni / B8
Sérblöð í dag
DÓMUR yfir karlmanni vegna kyn-
ferðisbrota gegn stjúpdóttur hans
var þyngdur í Hæstarétti í gær úr
hálfu fjórða ári í fimm og hálfs árs
fangelsi. Auk þess var maðurinn
dæmdur til að greiða konunni, sem
nú er tæplega þrítug, eina milljón
króna í miskabætur ásamt dráttar-
vöxtum frá dómsuppsögudegi.
Maðurinn var sakfelldur fyrir að
hafa haft samræði við stjúpdóttur
sína um árabil á ýmsum stöðum á
árunum 1983 til 1987. Var stúlkan á
aldrinum 9–14 ára en hún lagði
fram kæru sína hjá lögreglu þegar
hún var orðin 27 ára gömul. Lauk
misnotkun hans ekki fyrr en stúlk-
an var á 15. ári, en móðir hennar lá
á sæng er hann hafði fyrst samræði
við stjúpdótturina, í nóvember
1982. Maðurinn hefur frá upphafi
neitað öllum sakargiftum. Áfrýjaði
hann dómi héraðsdóms og krafðist
þess að hann yrði ómerktur og mál-
inu vísað heim í hérað til löglegrar
meðferðar, en ella yrði hann sýkn-
aður af refsi- og bótakröfum.
Brást trúnaðarskyldum
Vitnaði Hæstiréttur til þess að
héraðsdómur hefði metið framburð
hennar einkar trúverðugan og sagði
að þegar gögn málsins í heild væru
virt þætti ekkert hafa fram komið,
sem gæfi tilefni til að draga í efa
mat héraðsdóms á sönnunargildi
framburðar konunnar. Yrði því að
staðfesta sakarmat dómsins. Litið
var svo á að maðurinn hefði gerst
sekur um alvarleg kynferðisbrot
gagnvart stúlkunni og misnotað
gróflega vald sitt yfir henni og
brugðist trúnaðarskyldum gagn-
vart henni. Talið var að honum
hefði mátt vera ljóst hve alvarlegar
afleiðingar atferli hans hlaut að
hafa fyrir líf og sálarheill stúlkunn-
ar.
Maðurinn var dæmdur til að
greiða áfrýjunarkostnað sakarinn-
ar, þar með taldar 600.000 krónur í
málsvarnarlaun skipaðra verjenda
sinna í héraði og fyrir Hæstarétti
og réttargæsluþóknun lögmanns
stjúpdótturinnar á báðum dómstig-
um. Málið dæmdu hæstaréttardóm-
ararnir Hrafn Bragason, Garðar
Gíslason, Haraldur Henrýsson,
Ingibjörg Benediktsdóttir og Pétur
Kr. Hafstein.
Dómur þyngdur
vegna kynferðisbrots
VEL á þriðja hundrað manns
tóku sér stöðu fyrir utan Grand
hótel í Reykjavík síðdegis í gær
og mótmæltu framgöngu Ísr-
aelsríkis gagnvart Palest-
ínumönnum. Félagið Ísland-
Palestína hafði frumkvæði að
mótmælastöðunni og að sögn lög-
reglu fór allt friðsamlega fram. Á
hótelinu fór fram á sama tíma
kynning ferðamálaskrifstofu Ísr-
aels á skemmti- og sólar-
landaferðum til landsins. Geir
Jón Þórisson yfirlögregluþjónn
gefur hér fyrirmæli á vettvangi
og fremst á myndinni má sjá Ást-
þór Magnússon, fyrrverandi for-
setaframbjóðanda.
Morgunblaðið/Kristinn
Friðsamleg
mótmæla-
staða
HUGMYNDIR eru um að setja
upp vatnsleikjagarð í Laugardals-
laug. Hugmyndirnar er að finna í
skýrslu sem rædd verður á fundi
Íþrótta- og tómstundaráðs í dag.
Í skýrslunni er stefnumótun
fyrir allar sundlaugir borgarinnar
þar sem gengið er út frá því að
sérstaða hverrar laugar verði
undirstrikuð. Að sögn Steinunnar
Valdísar Óskarsdóttur borgarfull-
trúa yrði aðalsundlaugin, sem er
eina 50 metra útilaugin í borginni,
áfram nýtt til sunds og sundæf-
inga en samkvæmt hugmyndun-
um yrði komið fyrir leiktækjum
og rennibrautum í öðrum hlutum
lauganna. Þá væru möguleikar á
að koma fyrir litlum útipottum
með leir eða sjó í garðinum milli
gömlu laugarinnar og nýja mann-
virkisins þar sem koma á innilaug
og heilsuræktarstöð.
Steinunn gerir ráð fyrir að
þessar hugmyndir verði þróaðar
áfram í tengslum við endurbætur
á gömlu lauginni sem ráðast þarf í
á næstu árum.
Laugardalslaug
verði breytt í
vatnaparadís
 Vatnaleikjagarður/12
SJÁVARÚTVEGSRÁÐUNEYTIÐ
hefur í dag aukið loðnukvótann
sem nemur 100 þús. tonnum eða úr
996.202 lestum í 1.096.202 lestir.
Ákvörðun þessi var tekin að tillögu
Hafrannsóknastofnunarinnar. Í
janúar sl. lauk Hafrannsóknastofn-
unin við mælingar á kynþroska
hluta loðnustofnsins og gerði að
þeim loknum tillögu um 1.200 þús-
und tonna heildaraflamark fyrir
yfirstandandi loðnuvertíð. Undan-
farið hafa verið spurnir af líklegri
vestangöngu loðnu og hafa nú
mælst liðlega 100 þús. tonn sem
talið er að ekki hafi tilheyrt þeim
hluta stofnsins sem mældur var í
janúar. Gera má ráð fyrir að
hækkun á leyfilegum heildarafla í
loðnu auki útflutningsverðmæti
sjávarafurða á árinu 2002 um 1,2
milljarða frá fyrri áætlunum Þjóð-
hagsstofnunar.
Loðnukvótinn
aukinn um
100.000 tonn
ÁGÚST Gíslason, flutn-
ingabílstjóri á Bíldudal, seg-
ir að litlu hafi mátt muna að
hann stórslasaðist ekki þeg-
ar fiskflutningabíll, sem
hann ók, rann niður brekku
og út af veginum um Hálf-
dán í hádeginu á miðviku-
dag. Bíllinn fór á hliðina og
rann eina 40 metra niður
bratta fjallshlíð þar til hann
stöðvaðist. Ágústi tókst á
síðustu stundu að stökkva út
úr bílnum áður en hann fór
út af.
Ágúst slapp án teljandi
meiðsla en þegar Morg-
unblaðið ræddi við hann í
gærkvöldi sagðist hann finna
fyrir eymslum í skrokknum sem
gætu jafnvel bent til rifbeinsbrots.
Flutningabíllinn stórskemmdist og
er líklega talinn ónýtur.
Ágúst var á leið frá Bíldudal til
Patreksfjarðar og Tálknafjarðar
með fullan bíl af tómum fiskkörum.
Ætlunin var að ná í fiskúrgang í
frystihúsum til vinnslu í fiskimjöls-
verksmiðjunni Próteini á Bíldudal,
þar sem Ágúst starfar sem bílstjóri.
„Ég var á leiðinni upp Hálfdán
frá Bíldudal þegar ég lenti á svell-
bunka á veginum. Ég fór eins ut-
arlega á vegkantinn og hægt var til
að sleppa við svellið en þá kom ein-
hver hnykkur á bílinn þannig að
hann skekktist til á veginum og
byrjaði að spóla. Brekkan þarna er
mjög brött og mér tókst ekki að
halda bílnum á veginum. Hann fór
bara að renna stjórnlaust aftur á
bak. Þá var ekkert annað að gera
en að forða sér, ég var búinn að
reyna allt til að ná stjórn á bílnum.
Ég stökk því út og kom niður á veg-
kantinum. Næst horfði ég bara á
eftir bílnum niður hlíðina og sá
hann loks velta yfir á hliðina bíl-
stjóramegin. Ég er mjög sæll með
að hafa komist út. Hefði ég ekki
náð því er ljóst að ég hefði getað
stórslasast,“ sagði Ágúst sem hefur
ekki áður lent í viðlíka óhappi á
erfiðum vegi um Hálfdán, á þeim
nærri 30 árum sem hann hefur
starfað sem bílstjóri á þessum slóð-
um.
„Vonandi kemur svona nokkuð
ekki fyrir mann nema einu sinni á
ævinni,“ bætti Ágúst við en við ann-
an mann fór hann á slysstað í gær
til að koma bílnum upp á veg og
tína fiskkörin saman. Ágúst sagðist
ætla að halda áfram akstri þrátt
fyrir óhappið, allt of snemmt væri
að hætta nú og leggjast í kör, eins
og hann orðaði það.
„Ég er mjög
sæll með að
hafa komist út“
Flutningabílllinn á slysstað.
JAAN Ehlvest er einn í efsta
sæti eftir áttundu umferð
Reykjavíkurskákmótsins með
6½ vinning en hann gerði í gær
jafntefli við Oleg Korneev.
Stefán Kristjánsson hafði fyrir
umferðina í gær náð lokaáfanga
að alþjóðlegum titli en í gær
sigraði hann Hannes Hlífar
Stefánsson. Í öðru til sjötta
sæti voru í gær þeir Helgi Áss
Grétarsson, Oleg Korneev,
Stefán Kristjánsson, Valeriy
Neverov og Jonathan Rowson
með sex vinninga.
Þrjár konur standa jafnt að
vígi með 4½ vinning, þær An-
toaneta Stefanova, Jennifer
Shahade og Lenka Ptacnikova.
Síðasta umferð mótsins verður
tefld í dag og hefst taflið klukk-
an 13.
Ehlvest einn
í efsta sæti
 Stefán/53