Morgunblaðið - 11.02.2003, Page 8

FRÉTTIR
8 ÞRIÐJUDAGUR 11. FEBRÚAR 2003 MORGUNBLAÐIÐ
Láttu mig um þetta, Halldór minn. Þetta er ekkert mál eftir að við leyfðum boxið, góði.
Ársfundur viðskipta- og hagfræðideildar HÍ
Ein stærsta
deildin með
1.400 nemendur
VIÐSKIPTA- oghagfræðideild Há-skóla Íslands
gengst nú fyrir ársfundi,
en til slíks hefur ekki ver-
ið blásið á þeim bæ fyrr.
Fundurinn verður í hátíð-
arsal Háskóla Íslands í
dag og hefst hann klukk-
an 15.30. Morgunblaðið
fræddist um ársfundinn
hjá Ástu Dís Óladóttur
aðjunkt í viðskipta- og
hagfræðideild Háskóla Ís-
lands, sem er í forsvari
fyrir fundinn. Kom þar
fram margt um tilurð, til-
gang og áherslur þær
sem unnið verður út frá á
væntanlegum fundi, sem
fyrst og fremst mun hafa
kynningargildi fyrir við-
komandi deild Háskólans.
– Hvers vegna er ákveðið að
halda ársfund í fyrsta skipti
núna?
„Við teljum ársfund heppilega
leið til að vekja athygli á þeim
margvíslegu störfum sem við
vinnum innan deildarinnar, t.d.
hvað varðar kennslu, rannsóknir,
ráðstefnur og útgáfumál. Við-
skipta- og hagfræðideild er ein
stærsta deild Háskóla Íslands
með um 1.400 nemendur og við
teljum að það sé kynnt með
skýrum hætti hver séu þau verk-
efni sem nú er helst unnið að.“
– Hvers vegna hefur það aldrei
áður verið gert?
„Þessi ársfundur er meðal
þeirra nýmæla sem deildin hefur
bryddað upp á á síðustu miss-
erum. Við höfum meðal annars
lagt meiri áherslu á kynningu en
áður, til að mynda gagnvart ný-
nemum. Við teljum að með þess-
um ársfundi gerum við enn betur
í að kynna starfsemi okkar. Þá
teljum við brýnt að mikilsverð
deild eins og okkar sé öflug í að
kynna starfsemi sína á opinber-
um vettvangi og kennarar taki
virkan þátt í þjóðfélagsumræð-
unni.“
– Hver er tilurð fundarins og
tilgangur hans?
„Tilgangur fundarins er að
upplýsa almenning sem best fyr-
ir hvað viðskipta- og hagfræði-
deild stendur og ræða þau mál-
efni sem hæst ber innan
deildarinnar og skólans eins og
til dæmis hugmyndir þess efnis
að deildin yrði gerð að sjálfseign-
arstofnun og hvort tími sé kom-
inn til að innheimt verði skóla-
gjöld í meistaranámi. Einnig
viljum við tengja starfsemi okkar
við það sem hæst ber í þjóð-
félagsumræðunni hverju sinni.“
– Á þetta að vera árviss uppá-
koma héðan af?
„Við höfum fundið fyrir mikl-
um áhuga á fundinum og eins og
nafnið ber með sér þá stefnum
við að því.“
– Hvað á svo að gera til hátíð-
arbrigða, t.d. í útgáfu
og skemmtan?
„Það verður ýmis-
legt gert, raunar
margt nýtt sem ekki
hefur verið gert áður.
Dr.h.c. Jónas Haralz,
fyrrverandi bankastjóri, mun
opna rafrænt vísindatímarit
deildarinnar. Magnús Gunnars-
son formaður bankaráðs Búnað-
arbanka Íslands, afhendir verð-
laun fyrir bestu viðskipta-
hugmyndina, unna af nemendum.
Þessi verðlaun eru nú veitt í ann-
að sinn, en þau eru samvinnu-
verkefni Búnaðarbankans og
hollvinafélags deildarinnar.
Dr.h.c. Árni Vilhjálmsson for-
maður Hollvinafélags viðskipta-
og hagfræðideildar afhendir
verðlaun til nemanda fyrir hæstu
meðaleinkunn eftir fyrsta ár.
Þetta er í fyrsta sinn sem það er
gert. Það er gaman að segja frá
því, að í dag verður endurútgefin
bók sem upphaflega kom út á
Akureyri árið 1913 og nefnist:
„Heilræði fyrir unga menn í
verzlun og viðskiftum“. Ásgeir
Jónsson sérfræðingur hjá Hag-
fræðistofnun hefur skrifað sér-
stakan formála fyrir þessa nýju
útgáfu.“
– Verða einhver erindi flutt og
hver mun þá taka til máls og
fjalla um hvað?
„Agnes Bragadóttir blaðamað-
ur hefur varpað fram þeirri
spurningu hvort viðskiptasiðferði
fari hrakandi og mun hún ræða
það í dag. Einnig mun Anna
Margrét Gunnlaugsdóttir for-
maður Mágusar, félags við-
skiptafræðinema, ræða um við-
skiptalífið og þjóðfélags-
umræðuna út frá sjónarhóli
nemanda í viðskipta- og hag-
fræðideild. Síðan má nefna að
Ágúst Einarsson mun leggja
fram skýrslu um deildina og mun
hann flytja tölu vegna hennar.
Út frá þessum erindum munu án
efa spinnast fróðlegar umræð-
ur.“
– Og fundurinn
verður væntanlega í
Háskólanum?
„Í hátíðarsalnum í
dag og hefst klukkan
15.30.“
– Hverjir eru vel-
komnir á fundinn og hverjir eiga
helst erindi?
„Ársfundurinn er öllum opinn
og við teljum okkur bjóða upp á
athyglisverða dagskrá. Við von-
um að sem flestir sjái sér fært að
koma, en mjög margir hafa mikil
tengsl við deildina, t.d. núverandi
og fyrrverandi nemendur og
margir aðrir í atvinnulífinu.“
Ásta Dís Óladóttir
 Ásta Dís Óladóttir er fædd í
Reykjavík 1972. Hún er stúdent
frá Fjölbrautaskólanum við Ár-
múla 1993 og með BA-próf frá
félagsvísindadeild Háskóla Ís-
lands 1999. Þá hefur hún lokið
meistaraprófi í viðskiptafræði
með áherslu á stjórnun og
stefnumótun frá Háskóla Íslands
2001. Ásta er aðjunkt við við-
skipta- og hagfræðideild Há-
skóla Íslands. Maki er Reynir
Jónsson rekstrarráðgjafi hjá
IMG-Deloitte. Ásta á eina dóttur,
Jóhönnu Helgu, 6 ára.
Vilja tengja
starfsemina
þjóðfélags-
umræðunni