Morgunblaðið - 18.02.2003, Page 18

AKUREYRI
18 ÞRIÐJUDAGUR 18. FEBRÚAR 2003 MORGUNBLAÐIÐ
MENNTASKÓLINN á Akureyri
hefur tekið í notkun nýtt og öflugt
þráðlaust netkerfi fyrir nemendur
og kennara skólans. Kerfið er hið
stærsta og afkastamesta hér á landi
og samanstendur af 12 aðgangs-
punktum utandyra og á annan tug
aðgangspunkta innan dyra.
Nemendur og kennarar geta
tengst kerfinu á öllu athafnasvæði
MA með þráðlausum kortum og því
unnt að nota fartölvur og annan
þráðlausan tölvubúnað í öllum
skólastofum og á heimavist skólans,
segir í fréttatilkynningu frá eMax
ehf. í Kópavogi, sem setti þráðlausa
kerfið upp og lagði til búnað í verk-
ið.
Búnaðurinn er af gerðinni Smart-
Bridges, sem eMax hefur einkaum-
boð fyrir hér á landi. Flutningsgeta
kerfisins er 11 MB og leysir það af
hólmi eldra og afkastaminna kerfi.
Kerfið vinnur á staðlinum 802.11b.
Menntaskólinn á Akureyri hefur
undanfarin ár unnið markvisst að
því að taka upplýsingatækni í notk-
un í kennslu og í námi til þess að
geta betur náð markmiði skólans, að
búa nemendur undir háskólanám og
líf og starf. Nær allir kennarar skól-
ans nota fartölvur og skjávarpa í
kennslu sinni og um helmingur
nemenda á sína eigin tölvu, auk þess
sem tölvuver og færanleg tölvuver
eru fyrir aðra nemendur skólans.
Menntaskólinn á Akureyri
Nýtt þráðlaust
netkerfi í notkun
FLUTNINGASKIPIÐ Florinda,
sem skráð er í Panama, kom til
Akureyrar í gær með um 250 tonn
af frosinni iðnaðarrækju frá Nor-
egi. Rækjan fór til vinnslu í Strýtu,
landvinnslu Samherja. Að sögn
Gests Geirssonar framleiðslustjóra
Strýtu er nauðsynlegt að flytja inn
rækju til vinnslu, svo hægt sé að
halda uppi fullri vinnslu en þar er
unnið á tveimur 8 tíma vöktum.
Gestur sagði að á síðasta ári hefðu
verið unnin um 5.000 tonn af inn-
fluttri rækju hjá fyrirtækinu, bæði
frá Noregi og Kanada. Á síðasta
ári voru unnin um 9.500 tonn af
rækju í Strýtu. Gestur sagði að
rækjuveiði á Íslandsmiðum hefði
verið léleg undanfarin ár.
Alls starfa um 70 manns hjá
Strýtu en Gestur sagði að mikil
ásókn væri í vinnu og að ásóknin
hefði aukist enn frekar nú eftir
áramótin. Hins vegar hefði verið
lítil hreyfing á starfsfólki fyr-
irtækisins undanfarin 2–3 ár.
Morgunblaðið/Kristján
Flutningaskipið Florinda frá Panama landaði norskri rækju á Akureyri í
gær fyrir landvinnslu Samherja.
Norsk rækja til
vinnslu hjá Strýtu
Atvinnuþróunarfélag Eyjafjarðar
hefur haft forgöngu um stofnun
samtaka verktaka á svæðinu með
sérstaka áherslu á þátttöku þeirra
í stórframkvæmdum á borð við
stóriðjuframkvæmdir á Austur-
landi. Í dag, þriðjudaginn 18. febr-
úar, verður haldinn kynning-
arfundur um málið á Hótel KEA
og hefst hann kl. 16. Á fundinum
verður kynnt undirbúningsvinna
verkefnishóps um samstarfið og
tekin ákvörðun um samstarfsform
í þeirri vinnu sem nú er fram-
undan.
„Að verða fullorðinn með fötl-
un“ nefnist erindi Dóru S. Bjarna-
son, dósent við KHÍ sem verður
fyrirlesari á sjötta fundi í fræðslu-
fundaröð Skólaþróunarsviðs kenn-
aradeildar HA sem haldinn verður
í dag, þriðjudag, kl. 16.15 í Þing-
vallastræti 23.
Í erindi sínu mun hún kynna nið-
urstöður eigindlegrar rannsóknar
sem tekur til reynslu 36 fatlaðra
ungmenna 16–24 ára, foreldra
þeirra, vina og kennara, af upp-
vexti, skólum og þátttöku í lífi
jafnaldra við upphaf fullorðinsára.
Ljósmyndasýning Siggu Dóru
hefur verið opnuð á Kaffi Karól-
ínu.
Hún hefur stundað nám í ljós-
myndun í Reykjavík og Barcelona
og tekið þátt í samsýningum en
þetta er fyrsta einkasýning henn-
ar. Viðfangsefni hennar eru fífur,
festar á filmu víðs vegar um sveitir
Eyjafjarðar með leikfangamynda-
vél úr plasti sem kallast Holga.
Í DAG
BJARNI Sæmundsson RE, rann-
sóknarskip Hafrannsóknastofn-
unar, var tekið í dráttarbraut
Slippstöðvarinnar í gær en þar
standa nú yfir umfangsmiklar
endurbætur á skipinu. Skipið er
rúmlega 50 metra langt og með
stærri skipum sem tekin eru í
dráttarbrautina í dag. Drátt-
arbrautin er komin vel til ára
sinna en á árum áður voru tekin
mun stærri skip þar upp. Skipta á
um aðalvélar í Bjarna Sæmunds-
syni og við það verk þarf að gera
gat á síðu skipsins og því nauðsyn-
legt að koma því á þurrt.
Morgunblaðið/Kristján
Rannsóknarskip Hafrannsóknarstofnunar tekið upp í dráttarbrautina.
Bjarni Sæmundsson
RE á þurrt
SVÆÐISRÁÐ vinnumiðlunar á
Norðurlandi eystra fór yfir stöðu
atvinnumála á svæðinu á síðasta
fundi sínum. Þar kom fram að tals-
verð hætta er á að atvinnuleysi fari
nú vaxandi og því nauðsynlegt að
grípa sem fyrst til aðgerða. Einnig
kom fram að stærsti hópur at-
vinnuleitenda er ungt fólk á aldr-
inum 16–24 ára.
Á fundinum voru til umfjöllunar
fjölmargar tillögur að úrræðum
fyrir atvinnuleitendur og verður
unnið að því að koma þeim til fram-
kvæmda á vegum Svæðisvinnu-
miðlunar fyrir Norðurland eystra á
næstu vikum.
Svæðisráðið fagnar því að hrað-
að sé nauðsynlegum verklegum
framkvæmdum eins og samgöngu-
bótum, en bendir á að þau störf
sem skapast við það eru einhæf og
geta því aðeins leyst vanda hluta
atvinnuleitenda. Því er nauðsyn-
legt að grípa til fjölbreyttari að-
gerða. Leggja þarf sérstaka
áherslu á úrræði sem henta þessu
unga fólki og jafnframt stuðla að
aukinni hæfni þeirra til að ná fót-
festu í atvinnulífinu. Annar stór
hópur atvinnuleitenda er fólk á
miðjum aldri sem aðeins hefur
grunnskólamenntun að baki. Þessi
hópur á við vaxandi vanda að stríða
þar sem störfum fyrir ófaglært
verkafólk fækkar stöðugt. Þessi
hópur þarf stuðning til að takast á
við breytingar í atvinnulífinu.
Þá bendir svæðisráðið fyrirtækj-
um og stofnunum á að hafa sam-
band við Svæðisvinnumiðlunina
þegar leysa þarf af starfsmenn í
föstu starfi á meðan þeir sinna
endur- og símenntun sem fer stöð-
ugt vaxandi.
Ungt fólk stærsti hópur
atvinnuleitenda
NÁMSKEIÐ um möguleika í nor-
rænu samstarfi verður haldið í
Deiglunni á laugardag, 22. febrúar,
á vegum Norrænu upplýsingaskrif-
stofunnar á Akureyri og Norrænu
ráðherranefndarinnar í samvinnu
við Gilfélagið. Námskeiðið er ætlað
þeim sem áhuga hafa á norrænni
samvinnu og fulltrúum frjálsra fé-
lagasamtaka. Sigrún Stefánsdóttir
forstöðumaður upplýsingaskrif-
stofu Norðurlandaráðs og Nor-
rænu ráðherranefndarinnar fjallar
um þátt Íslands í norrænu sam-
starfi og hverjir möguleikar okkar
eru í slíku samstarfi. Mats Jönsson
framkvæmdastjóri Norræna menn-
ingarsjóðsins kynnir Norræna
menningarsjóðinn og fjallar um
hvers konar verkefni sjóðurinn
styrkir og gefur hagnýtar leiðbein-
ingar um hvernig sækja skal um til
sjóðsins.
Einnig verður stutt kynning á
öðrum norrænum styrkjum.
Námskeiðið stendur frá kl. 13 til
17 og fer fram á íslensku og
sænsku.
Námskeið um
norrænt samstarf
HELDUR færri útköll urðu hjá
Slökkviliði Akureyrar á liðnu ári
en árinu á undan, eða 145 talsins á
móti 156 árið 2001. Enginn stór-
bruni varð og ekkert manntjón, að
því er fram kemur í skýrslu
slökkviliðsstjóra yfir starfsemina á
síðasta ári.
Sjúkraútköll urðu hins vegar
nokkru fleiri eða 1.195 alls á móti
1.167 árið á undan. Bráðatilfelli
voru 299 talsins. Björgunarbíll
liðsins var kallaður út 13 sinnum.
Sjúkraflutningamenn fóru í 188
sjúkraflug, þar af voru 7 til út-
landa.
Eldvarnareftirlit framkvæmdi
140 skoðanir á árinu og þá sóttu
yfir 150 starfsmenn fyrirtækja og
stofnana fræðslu í meðferð hand-
slökkvitækja og réttum viðbrögð-
um við eldsvoða.
Slökkvilið Akureyrar
Færri útköll
Skólavörðustíg 21, sími 551 4050.
Viskustykki
Til í níu mynstrum