Morgunblaðið - 18.02.2003, Qupperneq 20

LANDIÐ
20 ÞRIÐJUDAGUR 18. FEBRÚAR 2003 MORGUNBLAÐIÐ
Í GÆR hófst skógarhögg á Fljóts-
dalshéraði og verða elstu lerkiskóg-
arreitirnir, m.a. á Víðivöllum, Strönd
og Geitagerði, nú grisjaðir. Þeir eru
tuttugu til þrjátíu ára gamlir og trén
fimm til níu metra há. Farið verður
yfir tugi hektara og fá fimmtán skóg-
ræktarbændur vinnu við grisjunina.
Loftur Jónsson, skógræktarráðu-
nautur Héraðsskóga, segir grisj-
unina unna með nokkuð annarri til-
högun en verið hefur. „Nú verður
unnið samkvæmt akkorðskerfi sem
Héraðsskógar hafa verið að mæla út,
þannig að menn fá greitt fyrir hvert
tré sem þeir höggva. Við höfum verið
að reikna út hversu lengi tekur að
höggva mismunandi stór tré. Hingað
til hefur grisjun verið unnin í tíma-
vinnu og Héraðsskógar útvegað
mönnum tæki og hlífðarfatnað. Meg-
ináherslan var þá lögð á vinnutækni,
handbragð og öryggismál,“ segir
Loftur.
Aðalástæða þess að akkorðskerfi
er tekið upp nú, er að á næsta ári er
reiknað með að grisjun Héraðsskóga
verði boðin út. „Okkur fannst of stórt
skref að fara beint úr tímakerfi í út-
boð,“ segir Loftur, „og akkorðskerf-
ið gefur mönnum forsendur fyrir
þátttöku í útboðinu á næsta ári.“
Breytingarnar sem útboð hefur í för
með sér verða einkum þær, að færri
munu starfa við grisjunina en verið
hefur, en jafnframt fá þeir sömu
lengri vinnu yfir árið.
Héraðsskógar héldu kynningar-
fund með skógarbændum nýverið og
skýrðu niðurstöður sínar varðandi
tímaeiningar á fellingu mismunandi
viða. Loftur segir skógarbændur
flesta vera áhugasama um að reyna
hið nýja fyrirkomulag.
Efnið sem til fellur við grisjun nú
fær Félag skógarbænda á Héraði og
mun koma því í verð að mestu leyti
sem kurli og girðingarstaurum.
Héraðsskógar taka upp akkorðskerfi við grisjun
Skógarhögg hafið
á Fljótsdalshéraði
Morgunblaðið/Steinunn Ásmundsdóttir
Fimmtán skógarbændur vinna nú að grisjun lerkiskóga á Fljótsdalshéraði.
Hér mundar Einar Óli Rúnarsson viðarsögina.
Egilsstaðir
FJÖLMARGIR notuðu tækifærið að
skoða nýtt fjós á bænum Brúsastöð-
um í Vatnsdal þegar hjónin Sigurður
Ólafsson og Gróa Lárusdóttir ábú-
endur þar buðu fólki að koma og
skoða. Fjósið er 520 fermetra límt-
réshús klætt með yleiningum og er
útbúið allri nýjustu tækni, meðal ann-
ars tölvustýrðri fóðurgjöf og tölvu-
mælingu á hvenær kýrin er yxna.
Síðasta sumar byggðu þau hjónin
fjós fyrir 58 kýr, sem uppfyllir
ströngustu kröfur um mjólkurfram-
leiðslu. Í fjósinu, sem er rúmgott og
hátt til lofts með góðri loftræstingu,
ganga kýrnar lausar um básana og á
hálsi þeirra er tölvukubbur sem for-
ritaður er með tölvu í höndum eig-
andans. Tölvukubburinn geymir upp-
lýsingar um hve mikinn fóðurbæti
viðkomandi kýr á að fá og ýmsar aðr-
ar upplýsingar sem máli skipta fyrir
velferð viðkomandi skepnu. Kýrnar
fara síðan sjálfar á ákveðinn bás í
fjósinu þar sem tölvulesari les upp-
lýsingar kubbsins og skammtar fóð-
urbæti eftir því hvaða kýr á í hlut.
Fjósið er nú þegar fullnýtt hjá þeim
hjónum og þar að auki eru þau með
geldneyti í fjósi á næsta bæ.
Standa upprétt við mjaltirnar
Mjaltaaðstaðan er þannig útbúin
að sá sem sér um mjaltirnar stendur
fyrir neðan kýrnar og getur því unnið
uppréttur við mjaltirnar í stað þess
að bogra. Hægt er að mjólka 10 kýr í
einu en Sigurður sagði að þau hjónin
væru 40–60 mínútur að mjólka þær
42 kýr sem nú eru mjólkandi. Í fjós-
inu eru að sjálfsögðu einnig aðstaða
fyrir kálfa, mjólkurhús og þvottaað-
staða. Auk þess er tæplega 60 fer-
metra kaffi- og skrifstofa en úr því
rými má sjá yfir fjósið og fylgjast
með gripunum að vild.
Eins og áður segir komu margir að
skoða fjósið eða nálægt 300 manns að
sögn gestgjafanna. Voru þar fjöl-
mennastir ýmsir gildir bændur úr
héraðinu að skoða nýjungar ásamt
fleirum sem létu sjá sig og þáðu höfð-
inglegar veitingar þeirra Sigurðar og
Gróu í kaffistofunni í nýja fjósinu.
Morgunblaðið/Ólafur Bernódusson
Gróa Lárusdóttir og Sigurður Ólafsson við kálfastíuna í nýja fjósinu.
Nýtískulegt fjós
að Brúsastöðum
Skagaströnd
EFTIR frekar vætusaman vetur og
þrálátar sunnanáttir með rigningu
og roki, lægði í morgun og tók að
snjóa í Ólafsvík.
Voru börnin í leikskólanum
Krílakoti ekki lengi að taka skóflur
og önnur leiktæki með sér út í snjó-
komuna og leika sér með tilheyr-
andi ærslagangi og komu góð hlífð-
arföt sér vel.
Morgunblaðið/Alfons Finnsson
Á leikskólanum Krílakoti
Ólafsvík
UNGMENNAFÉLAG Eyrarbakka
stóð fyrir skemmtilegri samkomu sl.
laugardag í Rauða húsinu. Samkom-
an var ein af samkomum sem haldn-
ar voru á mínútunni um allt land að
frumkvæði UMFÍ.
Hvert sæti var skipað þegar for-
maður félagsins setti samkomu
þessa á mínútunni 15.02. Mörgum
mun hafa komið á óvart hve unga
fólkinu er margt til lista lagt.
Hér var boðið upp á tónlist, ljóða-
lestur o.fl. Leikin var bæði klassísk
tónlist og dægurlög á hljóðfæri eins
og gítar, bassa, fiðlur og saxófón.
Í hléi gátu menn fengið sér síðdeg-
iskaffið áður en kom að síðari hluta
dagskrárinnar.
Eftir nær tveggja stunda samveru
með ungu, hæfileikaríku fólki héldu
gestirnir ánægðir út í rokið og rign-
inguna, fullvissir um að unga fólkið
stendur vel fyrir sínu.
Á mínútunni
í Rauða
húsinu
Morgunblaðið/Óskar Magnússon
Eyrarbakki
BÚNAÐARSAMBAND Suðurlands
hefur staðið fyrir námskeiðum á
jarðræktarforritinu NPK á Suður-
landi, og var það síðasta haldið á
Kirkjubæjarklaustri. Leiðbeinendur
voru Árni Snæbjörnsson og Jón
Baldur Lorange frá Bændasamtök-
unum og Jóhannes Símonarson frá
Búnaðarsambandi Suðurlands.
Að sögn Jóhannesar voru nám-
skeiðin vel sótt og tókust í alla staði
mjög vel. Hann sagði að fyrirtæki
sem selja áburð hefðu greitt nám-
skeiðskostnað þátttakenda ásamt
verkefninu „Upplýsingatækni í
dreifbýli“, auk þess sem áburðarsal-
ar gáfu þátttakendum nýjustu upp-
færslu af NPK-jarðræktarforritinu.
NPK-forritið heldur utan um
áburðargjafir bænda á tún og reikn-
ar út áburðarkaup samkvæmt for-
sendum sem því eru gefnar og í sum-
um tilfellum sparast bændum
áburðarkaup. Þetta er einnig einn af
þeim þáttum sem gæðastýring í
landbúnaði krefst.
NPK jarðræktarforritið
kynnt bændum
Fagridalur