Morgunblaðið - 18.02.2003, Side 44

ÍÞRÓTTIR
44 ÞRIÐJUDAGUR 18. FEBRÚAR 2003 MORGUNBLAÐIÐ
EIÐUR Smári Guðjohnsen fékk
mikið hrós fyrir frammistöðu sína í
bikarleik Chelsea við Stoke á
sunnudag í enska blaðinu The Mirr-
or í gær. Þar er jafnframt sagt frá
því að í leikskrá Stoke fyrir leikinn
hafi Eiður verið sérstaklega boðinn
velkominn til „Litla Íslands“.
Sagt er að Eiði hafi greinilega
liðið eins og heima hjá sér í Stoke
þótt ekki sé mikið um hvali eða
hveri á þeim slóðum. Þar hafi verið
félagar hans úr íslenska landslið-
inu, þeir Brynjar Gunnarsson, Pét-
ur Marteinsson og Bjarni Guð-
jónsson, stjórnarformaðurinn
Gunnar Þór Gíslason, og allir hinir
„ssynirnir“ í stúku stjórnarmanna.
Hann hafi notað tækifærið til að
sýna Ken Bates, stjórnarformanni
Chelsea, að hann ætti skilið nýja
samninginn sem Bates vilji ekki
færa honum. „Öfugt við marka-
skorarann Hasselbaink var Guð-
johnsen tilbúinn í þennan bikarleik
frá fyrstu mínútu, var stöðugt á
ferðinni, nánast alls staðar á vell-
inum. Bestu hliðar sínar í fyrri hálf-
leik sýndi hann utan vítateigs og
átti tvær frábærar sendingar á
Enrique De Lucas,“ segir í grein
The Mirror. Og ennfremur: „Guð-
johnsen hefur bætt mjög þessa hlið
á leik sínum og hann er að verða
eins góður í að leggja upp mörk og
í að skora mörk. Hann sýndi snerpu
sína fyrir framan markið um miðj-
an síðari hálfleik þegar hann hitaði
hendur Steve Banks, markvarðar
Stoke og stuðningsmanns Chelsea,
með föstu skoti.
Besta stund leiksins hjá honum
var á 75. mínútu þegar hann lagði
upp síðara mark Chelsea fyrir
Jesper Grönkjær með hárná-
kvæmri sendingu.“
Og lokaorðin eru: „Eftir að hafa
orðið vitni að þessum snilld-
artöktum hafa Gunnarsson, Guð-
jónsson og hinir strákarnir frá
heimskautsbaugnum líklega óskað
þess að Eiður hefði sleppt því að
koma í heimsókn.“
Eiður Smári Guðjohnsen
Eiði leið vel á
„Litla-Íslandi“
STÓRLEIKUR átta liða úrslita ensku
bikarkeppninnar er án efa rimma
grannaliðanna Chelsea og Arsenal
en dregið var í keppninni í gær.
Chelsea lagði Stoke City að velli, 2:0,
í 16-liða úrslitum keppninnar og eftir
þann leik sagði hinn ítalski knatt-
spyrnustjóri Chelsea, Claudio Ran-
ieri, að hann vildi ekki mæta Arsenal
fyrr en í úrslitaleiknum og hefna þar
með fyrir tapið í Cardiff fyrir ári síð-
an er liðin léku til úrslita.
„Fyrr eða síðar þurfum við að
leggja Arsenal að velli en ég hefði
kosið að mæta þeim í úrslitaleiknum.
En við þurfum víst að mæta þeim í
næstu umferð og ég get alveg sætt
mig við það,“ sagði Ranieri í gær eft-
ir að liðin drógust saman.
Leikurinn fer fram á heimavelli
Arsenal, Highbury, og er Arsene
Wenger mjög sáttur við niðurstöð-
una. „Það hefði einnig verið
skemmtilegt fyrir knattspyrnuna að
leika gegn Chelsea á útitvelli, en við
höfum haft gott tak á Chelsea á okk-
ar heimavelli í gegnum tíðina og það
verður engin breyting á að þessu
sinni,“ sagði Wenger gær en leikirnir
í átta liða úrslitum keppninnar fara
fram 8. og 9. mars.
Arsenal hefur ekki tapað bikarleik
fyrir Chelsea á Highbury, en liðin
hafa þrisvar leikið bikarleik þar.
Arsenal vann 1930, 2:0, liðin gerðu
jafntefli 1947 og Arsenal vann 1973,
2:1.
Fulham og Burnley eiga enn eftir
að gera upp sín mál en liðin skildu
jöfn 1:1 um helgina og sigurliðið úr
þeim leik mætir Heiðari Helgusyni
og félögum á heimavelli þeirra í Wat-
ford.
Leeds leikur á útivelli gegn Shef-
field United en Southampton fær
Úlfanna í heimsókn.
Ranieri fékk ekki
ósk sína uppfyllta

ALFREÐ Gíslason, þjálfari Magde-
burg í Þýskalandi, varð í öðru sæti í
kjöri tímaritsins Handball Magazin á
handknattleiksþjálfara ársins 2002 í
Þýskalandi. Alfreð varð efstur í kjör-
inu fyrir árið 20001. Efstur að þessu
sinni varð Heiner Brand, landsliðs-
þjálfari Þjóðverja. Hann stýrði þýska
liðinu til silfurverðlauna á EM í fyrra
en það voru fyrstu verðlaun Þjóðverja
á stórmóti í handknattleik í langan
tíma. Noka Serdarusic þjálfari meist-
araliðsins Kiel hreppti þriðja sæti.

HALLDÓR Sigfússon skoraði tvö
mörk, annað úr vítakasti, þegar lið
hans og Atla Hilmarssonar þjálfara,
Friesenheim, gerði jafntefli, 22:22,
við TV Kirchzell á heimavelli á
sunnudaginn í suðurhluta þýsku 2.
deildarinnar í handknattleik. Friesen-
heim er í 6. sæti deildarinnar með 25
stig og á orðið litla möguleika á að
komast upp úr deildinni í vor.

ÍSRAELSKA handknattleikssam-
bandið þarf að greiða jafnvirði 1,5
millj. króna í sekt fyrir að hafa teflt
fram ólöglegum leikmanni, Mikhail
Levin, í leikjum gegn Belgíu, Finn-
landi og Færeyjum í síðasta mánuði.
Úrslit leikjanna standa eigi að síður
en Ísrael hafnaði í öðru sæti í riðlinum
og komst í leiki um sæti í lokakeppni
EM á næta ári. Þetta ákvað dómstóll
Handknattleikssambands Evrópu um
helgina, en Ísraelsmenn hafa 14 daga
til þess að taka ákvörðun um áfrýjun.
Ísrael leikur við Úkraínu í vor um
sæti í lokakeppni EM í Slóveníu á
næsta ári. EHF hefur einnig til at-
hugunar meinta þátttöku Levins á
EM í Svíþjóð í fyrra.

TIGER Woods bætti enn einum titl-
inum í safn sitt þegar hann bar sigur
úr býtum á Buick mótinu sem lauk í
Kaliforníu í fyrrinótt. Woods, sem
gekkst undir hnéaðgerð í lok síðasta
árs og var að leika á sínu fyrsta móti á
þessu ári, lék holurnar 72 á 272 högg-
um, fjórum höggum færra en Svíinn
Carl Pettersson.

WOODS innbyrti þar með sinn 35.
sigur á ferlinum og fékk þessi 27 ára
gamli Bandaríkjamaður 810.000 doll-
ara í verðlaunafé en það jafngildir
rúmum 62 milljónum króna.

ERNIE Els er hins vegar heitasti
kylfingurinn um þessar mundir en S-
Afríkubúinn gerði sér lítið fyrir og
sigraði á Johnnie Walker mótinu sem
lauk í Perth í Ástralíu í fyrrinótt.
Þetta var fjórði sigur Els í síðustu
fimm mótum sem hann tekur þátt í og
hefur hann unnið sér inn 185 milljónir
króna á fimm vikum. Els lauk keppni
á 29 höggum undir pari en næstir
komu Ástralarnir Andre Stolz og
Stephen Leaney sem notuðu 10 högg
fleiri en Els.
FÓLK
Jörundur sagði að það værivissulega söknuður að skilja við
liðið á þessum tímapunkti. „Við höf-
um náð frábærum árangri og
stimplað okkur inn sem ein af betri
þjóðum heims. Nú er málið að halda
liðinu þar um ókomna tíð. Það er í
góðum höndum og ég verð aðdáandi
þess númer eitt í stúkunni í sumar.“
Honum varð um og ó þegar Mia
Hamm skoraði fyrir bandaríska lið-
ið strax á 3. mínútu. „Það var
skelfilegt að fá á sig mark strax í
byrjun og ég óttaðist á þeirri
stundu að leikur okkar myndi
hrynja. En stúlkurnar sýndu ótrú-
legan kraft og styrk og léku feikna-
lega vel. Ég er aldrei sáttur við að
tapa en maður verður að vera raun-
sær. Við vorum að miklu leyti með
nýtt lið og höfum ekki spilað síðan í
september, og mótherjarnir voru
heimsmeistararnir á eigin heima-
velli sem spiluðu sinn sjötta leik á
þessu ári.“
Jörundur sagði að Þóra B. Helga-
dóttir hefði átt stórleik í markinu.
„Hún varði eins og hetja og var að
mínu mati maður leiksins þótt Mia
Hamm hefði fengið þá nafnbót,
þrátt fyrir að hún gæti ekki neitt
fyrir utan markið sem hún skoraði.
Annars léku okkar stúlkur betur og
betur eftir því sem á leið. Ég hafði
áhyggjur af líkamlegu ástandi
þeirra en þær fóru í gegnum þetta
á viljanum og keyrðu sig gjörsam-
lega út. Þetta var mikill eltinga-
leikur og varnarvinna en það skilaði
sér í mjög góðum úrslitum. Reynsl-
an sem ungu stúlkurnar í okkar liði
fengu í þessum leik er gífurleg og
þær búa að henni alla tíð. Við misst-
um sterka leikmenn úr liði okkar en
stúlkurnar sem komu í staðinn
sýndu að breiddin er að aukast hjá
okkur og grasrótarvinna undanfar-
inna ára er farin að skila sér alla
leið.“
Landsliðið veðurteppt
Vegna óveðurs sem er á austur-
strönd Bandaríkjanna er landsliðið
veðurteppt í Charleston, en stúlk-
urnar áttu að koma heim í morgun.
Jörundur Áki Sveinsson skilur mjög sáttur við kvennalandsliðið
JÖRUNDUR Áki Sveinsson
stjórnaði íslenska kvennalands-
liðinu í síðasta skipti í Charlest-
on í fyrrinótt. Hann sagðist í
samtali við Morgunblaðið í gær
skilja mjög sáttur við liðið og
það væri í góðum höndum hjá
arftaka sínum, Helenu Ólafs-
dóttur, sem var honum til að-
stoðar í Bandaríkjaferðinni.
AP
Rakel Logadóttir, til hægri, sækir að Jenny Benson, bakverði
bandaríska liðsins, í leiknum í Charleston.
Jörundur Áki Sveinsson
„Stúlkurnar
sýndu ótrú-
legan styrk“
MIA Hamm, besta knattspyrnu-
kona heims á árinu 2002, sem
skoraði sigurmark Bandaríkjanna
gegn Íslandi í fyrrinótt, sagði að
Þóra B. Helgadóttir hefði átt stór-
kostlegan leik í íslenska markinu.
„Á móti liði eins og því íslenska
vonast maður alltaf eftir því að
skora snemma. Eftir því sem
lengra líður án þess að mark sé
gert fá mótherjarnir meira sjálfs-
traust og geta síðan refsað fyrir
ein mistök. Það hjálpaði okkur að
skora strax og við hefðum getað
gert fleiri mörk en markvörðurinn
var líklega styrkasta stoð íslenska
liðsins. Hún hélt því inni í leiknum
og lék stórkostlega,“ sagði Hamm
í viðtali á heimasíðu bandaríska
knattspyrnusambandsins en hún
skoraði sitt 137. landsliðsmark í
leiknum.
April Heinrichs, þjálfari banda-
ríska liðsins, var ekki ánægð með
frammistöðu sinna kvenna. „Þær
urðu full óþolinmóðar gegn þessu
leikkerfi íslenska liðsins, 5-4-1.
Maður má aldrei vanmeta slíkar
aðstæður, það er erfitt að komast
áleiðis gegn liði sem leikur með
átta menn aftarlega á vellinum.
En, eins og ég sagði við stúlk-
urnar eftir leikinn, geta þær eng-
an veginn verið sáttar við síðari
hálfleikinn eða frammistöðu sína
yfirleitt. Byrjunin var samt góð,
mitt lið kom einbeitt og ákveðið til
leiks og náði góðum samleik-
sköflum, en Helgadóttir varði tví-
vegis af snilld og með því hélt hún
Íslandi inni í leiknum,“ sagði Hein-
richs.
„Markvörður Íslands
lék stórkostlega“