Morgunblaðið - 08.03.2003, Blaðsíða 22
HÖFUÐBORGARSVÆÐIÐ
22 LAUGARDAGUR 8. MARS 2003 MORGUNBLAÐIÐ
AKUREYRI
LANDSBANKI Íslands undirritaði í
gær samning um fjármögnun fyrsta
áfanga byggingar nýrrar íbúða-
þyrpingar í Skuggahverfinu í
Reykjavík. Að verkinu stendur 101
Skuggahverfi, hlutafélag í eigu fast-
eignafélagsins Stoða og Burðaráss,
sem er fjárfestingafélag í eigu Eim-
skipafélags Íslands. Áætlað er að
heildarkostnaður við framkvæmd-
ina verði yfir fimm milljarðar króna.
Helstu kennileiti þyrpingarinnar
verða þrjár 16 hæða byggingar við
Skúlagötu en alls verða reistar 18
byggingar með tæplega 250 íbúðum
af ýmsum stærðum. Sá áfangi sem
nú er samið um nær til byggingar á
tæplega hundrað íbúðum. Fyrstu
íbúðunum verður skilað til kaup-
enda í júlí 2004.
Á myndinni sjást samningsmenn
virða fyrir sér líkan af Skugga-
hverfinu. (F.v.) Garðar Halldórsson,
Þorkell Sigurlaugsson, Einar I.
Halldórsson, allir frá 101 Skugga-
hverfi, Brynjólfur Helgason, Lands-
baka Íslands (LÍ), Jónas Þorvalds-
son, 101 Skuggahverfi, Skarphéðinn
Berg Steinarsson, 101 Skugga-
hverfi, Davíð Björnsson, LÍ, Stefán
Þór Bjarnason, LÍ, Þorsteinn Hjalta-
son, LÍ og Halldór Jónsson lögmað-
ur.
Morgunblaðið/Árni Sæberg
Samið um
Skugga-
hverfi
Skuggahverfi
KVENFÉLAG Garðabæjar heldur
upp á 50 ára afmæli í dag. Bjarndís
Lárusdóttir formaður þess segir fé-
lagið eitt stærsta og öflugasta kven-
félag landsins miðað við virkni fé-
lagskvenna sem eru 270 talsins.
Stöðugt bætist í hópinn og á meðan
mörg önnur kvenfélög róa lífróður
eru nýjar konur teknar inn svo að
segja á hverjum félagsfundi. Spurð
hverju þetta sæti segir Bjarndís að
„neistinn sem frumherjarnir höfðu“
hafi fylgt félaginu alveg frá stofnun
þess.
Meðal verkefna sem félagið hefur
styrkt um áratugabil er uppbygging
Garðakirkju. Að tillögu kvenfélags-
konu stóð félagið fyrir stofnun gam-
alla muna í Garðabæ, svo til yrði vísir
að Byggðasafni. Þá hefur félagið lagt
fjármuni til margra annarra verðugra
verkefna. Kvenfélagskonur standa
svo fyrir kaffiboði 17. júní ár hvert í
Garðaskóla en þangað koma um 700
bæjarbúar og gæða sér á hnallþórum
og öðru góðgæti sem þær reiða fram.
Þess má geta að félagið á skautbún-
ing og kemur fjallkona Garðabæjar í
flestum tilvikum úr röðum kven-
félagskvenna.
Ef einhver skyldi halda að starf-
semi kvenfélagsins gangi út á það að
baka og bródera þá er það fjarri lagi.
„Bökum og bróder-
um inni á milli“
„Við bökum og bród-
erum inn á milli en það
er ekki það sem við gef-
um okkur út fyrir.
Kvenfélagið er auðvitað
fyrst og fremst líkn-
arfélag. Öll fjáröflun,
sem við leggjum mikla
áherslu, á fer til líkn-
armála,“ segir Bjarnd-
ís. Hún segir að mikil
áhersla sé lögð á að
konur hafi gaman af því
sem þær taka sér fyrir
hendur og hafi gaman
af félagsskapnum. Meðal þess sem
boðið sé upp á af námskeiðum séu
tölvunámskeið, ræðunámskeið auk
hefðbundinna föndurnámskeiða. Í
sumum fjölskyldum er hefð fyrir því
að konur úr sömu fjölskyldunni gangi
í félagið og dæmi þess að barnabörn
stofnfélaga séu skráð í félagið.
Bjarndís segir kvenfélagskonur oft
spurðar að því af hverju karlar séu
ekki boðnir velkomnir í kvenfélög.
„Við viljum leyfa þeim að njóta sín
þar sem þeir eru bestir og við viljum
fá að njóta okkar líka. Ég held að það
sé best fyrir bæði kynin,“ segir hún,
en undirstrikar að karlmenn séu að
sjálfsögðu velkomnir á árlegt þorra-
blót félagsins.
Bjarndís hefur sjálf
starfað í félaginu í níu
ár og tók nýlega við for-
mennsku. Hún segist
hafa leiðst út í fé-
lagsstarfið þar sem
hana langaði að kynnast
konum sem búa í
Garðabæ betur.
„Garðabær er svefn-
bær, eins og nágran-
nabæirnir og mig lang-
aði til að kynnast
konunum betur. Um
leið og ég kom í kven-
félagið þá eignaðist ég
270 vinkonur. Mér opn-
aðist nýr heimur,“ segir hún.
Í tilefni afmælisins var veglegu riti
dreift til íbúa Garðabæjar þar sem
saga félagsins er rakin í máli og
myndum.
Fyrr í vikunni var sérstakur hátíð-
arfundur haldinn vegna þessara tíma-
móta þar sem fimm konur bættust í
hóp heiðursfélaga, þær Guðbjörg Vil-
hjálmsson, Ólöf Guðnadóttir, Hall-
dóra Jónsdóttir, Sigríður Gísladóttir
og Þorbjörg Þorsteinsdóttir. Á fund-
inum gengu sex konur í félagið.
Í dag efna kvenfélagskonur síðan
til móttöku fyrir 3–400 manns á
Garðaholti, fyrir félagsmenn, maka
og velunnara félagsins.
Kvenfélag Garðabæjar fagnar hálfrar aldar afmæli
„Neisti frumherjanna“
hefur fylgt frá upphafi
Garðabær
Bjarndís Lárusdóttir
KENNARAR og starfsmenn
Menntaskólans á Akureyri, alls um
40 manns, hafa skrifað undir
áskorun til ríkisstjórnar Íslands,
um að hún banni erlendum her að
stunda heræfingar á og við Ak-
ureyri og nota Akureyrarflugvöll
sem stríðsæfingasvæði. Bent á er á
að á þessu skólaári hafi herflug-
vélar stundað æfingar yfir Ak-
ureyrabæ, á Akureyrarflugvelli og
um Eyjafjörð, oft í hverjum mán-
uði, iðulega dag eftir dag og valdið
óbærilegri truflun á starfsemi
stofnunarinnar.
Þetta telja starfsmenn MA óvið-
eigandi og óviðunandi í herlausu
landi friðar. Það hljóti að vera lág-
markskrafa til varnarliðs, sem fái
aðsetur á landi hér, að haldnar séu
reglur um vinnufrið. Það hafi verið
þverbrotið með umræddum stríðs-
æfingum.
Sigurður Hermannsson, umdæm-
isstjóri Flugmálastjórnar, sagði að
vélarnar væru að æfa aðflug að
Akureyrarflugvelli enda völlurinn
einn af varavöllum varnarliðsins.
Hann sagði að ferðum vélanna
norður hefði fjölgað nokkuð vegna
breytinga á fyrirkomulagi við
mönnun vélanna, þar sem áhafna-
skipti væru nú tíðari.
Hann sagði að lítið af kvörtunum
hefði borist til sín persónulega en
þó hefði hann heyrt af óánægju
með hávaða frá vélunum. Sigurður
sagði að varnarliðið fengi heimild
til þessa flugs hverju sinni en lyti
ákveðnum reglum þar að lútandi.
Morgunblaðið/Kristján
Þota frá Varnarliðinu svífur yfir Pollinn í átt að Akureyrarflugvelli í vikunni.
Kennarar og starfsmenn MA
Mótmæla hávaða
frá herflugvélum
MIKLAR umræður urðu á fundi
bæjarráðs Akureyrar í vikunni um
álit kærunefndar jafnréttismála í
máli Soffíu Gísladóttur gegn Akur-
eyrarbæ vegna ráðningar í stöðu
deildarstjóra íþrótta- og tómstunda-
deildar bæjarins síðastliðið sumar.
Karlmaður var ráðinn í stöðuna en
að mati kærunefndar braut Akur-
eyrarbær jafnréttislög með ráðn-
ingunni þar sem Soffía var að mati
kærunefndar hæfari til að gegna
stöðunni.
Á fundinum var lagt fram minn-
isblað bæjarlögmanns, Ingu Þallar
Þórgnýsdóttur, vegna málsins þar
sem fjallað er um fjóra þætti er mál-
ið varðar, þ.e. kynjahlutfall meðal
stjórnenda bæjarins, menntun og
reynslu sem nýtist í starfi, reynslu
af stjórnun og rekstri og hæfni í
mannlegum samskiptum.
Varpar bæjarlögmaður því fram
til umhugsunar hvort jafnrétt-
isáætlun Akureyrarbæjar sé ígildi
laga sem kærunefndin eigi að taka
tillit til eða hvort hún sé eingöngu
eftirlitstæki bæjarstjórnar. Fram
kemur í minnisblaðinu að það við-
mið sem kærunefndin hafi haft til
hliðsjónar hafi verið það óhagstæð-
asta fyrir bæinn, þ.e. að heildarmat
á kynjahlutfalli sambærilegra
stjórnunarstarfa. Á félagssviði sem
starfið heyrir undir séu kynjahlut-
föll jöfn.
Bæjarlögmaður spyr í greinar-
gerð sinni hvort hægt sé að una því
að kærunefnd jafnréttismála leyfi
sér að vera með sjálfstætt mat og
byggja á öðrum sjónarmiðum en
þeim sem atvinnurekandinn lagði til
grundvallar ráðningu. Kærunefndin
kemst að því að háskólamenntun
Soffíu vegi þyngra en menntun þess
sem fékk stöðuna. Segir Inga Þöll
að kærunefndin leggi það lögmæta
sjónarmið Akureyrarbæjar til hliðar
að sérmenntun þess sem ráðinn var
á sviði stjórnunar íþróttamála nýtt-
ist betur í starfið en menntun Soffíu
á sviði uppeldismála.
Hvað reynslu af stjórnun og
rekstri varðar komst kærunefnd að
því að kærandi og sá sem ráðinn var
hafi staðið nokkuð jöfn, en Soffía
hafi meiri reynslu af stjórnun innan
stjórnsýslunnar. Sá sem ráðinn var
hafi meiri þekkingu á íþróttamálum,
en ætla megi að auðvelt verði að afla
sér vitneskju og þekkingar á þeim
sviðum eftir því sem á reyni í starfi.
Ekki sé gert ráð fyrir að sá sem var
ráðinn öðlist þekkingu innan stjórn-
sýslunnar. „Verður þessi röksemd
nefndarinnar að teljast byggjast á
ólögmætu sjónarmiði og ekki sæm-
andi opinberri stjórnsýslunefnd,“
segir í greinargerð bæjarlögmanns.
Þá er spurt hvort hið opinbera megi
ekki sækjast eftir reynslu á almenn-
um markaði og hvort starfsmenn
innan stjórnsýslunnar eigi að ganga
fyrir störfum. „Er það ólögmætt
sjónarmið hjá Akureyrarbæ að
sækjast eftir reynslu af málaflokkn-
um umfram almenna starfs-
reynslu?“ spyr bæjarlögmaður.
Loks er gagnrýnt að kærunefndin
hafi ekki minnst á persónuleikapróf
sem báðir hafi undirgengist og í ljós
komið að ekki væri unnt að taka
annan umsækjandann fram yfir
hinn. Varpar bæjarlögmaður því
fram til umhugsunar hvort kæru-
nefndin hafi brugðist rannsóknar-
skyldum sínum með því að byggja
álit sitt um hæfni í mannlegum sam-
skiptum á niðurstöðu prófsins, sem í
raun sé eini hlutlægi mælikvarðinn.
Fjallað um álit kærunefndar
jafnréttismála á fundi bæjarráðs
Má hið opinbera
ekki sækjast eftir
reynslu á almenn-
um markaði?