Morgunblaðið - 08.03.2003, Blaðsíða 54

FRÉTTIR
54 LAUGARDAGUR 8. MARS 2003 MORGUNBLAÐIÐ
„ÉG sé að talsverðar framfarir hafa
orðið í hundarækt hér á landi síðan
ég dæmdi hér síðast, fyrir fimm ár-
um og það kom mér skemmtilega á
óvart,“ segir breski dómarinn
Terry Thorn í lok sýningar. Starfs-
bróðir hans frá Svíþjóð, Karl Erik
Johansson, tekur í sama streng, en
hann hefur einnig dæmt hér á landi
áður.
Báðir segja þeir ljóst að rækt-
endur hér á landi séu afar metn-
aðarfullir og flytji aðeins til lands-
ins mjög fallega og góða hunda.
„Skapgerð hundanna er almennt
mjög góð. Það er alltaf ánægjulegt
að sjá fallega og lífsglaða hunda á
sýningum. Hundar hér á landi bera
með sér að búa hjá góðu og um-
hyggjusömu fólki, sem sinnir þeim
vel.“
Þeir eru einnig sammála um að
sýningar Hundaræktarfélags Ís-
lands séu á heimsmælikvarða, hvað
varðar skipulag og fallega umgjörð,
auk þess sem ekki sé hægt að
hugsa sér betra starfsfólk en hóp-
inn sem vinni á sýningum hér á
landi. Mestan heiður á Emilía Sig-
ursteinsdóttir, sýningastjóri, sem
hefur skipulagt og undirbúið sýn-
ingar félagsins í nær 20 ár.
Ekki að landanum að spyrja
„Þetta var viðamesta sýning fé-
lagsins til þessa, því alls voru sýnd-
ir um 350 hundar af 54 tegundum,“
segir Emilía. „Ég er afar ánægð
með þessa sýningu, því hún hafði
bæði fallegt og rólegt yfirbragð. Ég
sá fleiri fallega og vel snyrta hunda
nú en áður. Áhugi Íslendinga á
hundum er að aukast og það er
ekki að landanum að spyrja. Þegar
hann flytur nýja hunda til landsins,
gerir hann það með stæl og leitar
uppi afbragðsgóða ræktendur hvar-
vetna í heiminum. Þessi metnaður
skilar sér í hraðri og góðri þróun í
hundarækt hér á landi.“
Emilía segist hafa séð marga af-
skaplega fallega hunda á sýning-
unni, „og mér fannst framkoma
þeirra og eigenda vera til fyrir-
myndar. Hundar af ólíkum tegund-
um eru ekki aðeins ólíkir í útliti,
heldur getur skapgerð þeirra verið
mjög mismunandi og einnig eðl-
islægir vinnueiginleikar. Á síðustu
árum hafa kröfur til hunda af
vinnu- og veiðihundategundum auk-
ist verulega og til að þeir hljóti
meistaranafnbót þurfa þeir nú að
sýna að vinnueiginleikar og skap-
gerð séu í samræmi við alþjóðleg
ræktunarmarkmið, auk þess sem
auðvitað er tekið mið af útliti og lík-
amsbyggingu. Þessar auknu kröfur
hafa orðið til þess að fallegum
vinnu- og veiðihundum hefur fjölg-
að á sýningum og það sýnir hversu
áhugasamir og metnaðargjarnir ís-
lenskir hundaræktendur og eigend-
ur eru. Menn horfa núna heildrænt
á hunda, en einblína ekki aðeins á
stærð þeirra, feld eða lit.“
Unglingadeild er starfrækt innan
Hundaræktarfélagsins og má segja
að starf hennar sé tvíþætt. Annars
vegar geta börn og unglingar æft
hunda sína í svokallaðri hundafimi,
þar sem hundar fara í gegnum alls
kyns þrautir og hins vegar er boðið
upp á þjálfun í að sýna hunda, en
keppnir af því tagi njóta mikilla
vinsælda hvarvetna í heiminum.
Hundafimi var sýnd á sýningunni
og einnig keppti mikill fjöldi barna
og unglinga í að sýna hunda.
Keppni ungra sýnenda nýtur vax-
andi vinsælda hér á landi, en í
henni reynir á samskipti hunds og
barns, auk þess sem máli skiptir að
sýnandi geti fylgt fyrirmælum dóm-
ara og sýnt dómara hund sinn
þannig að hann sé sem glæsileg-
astur.
Berglind Sigurgeirsdóttir dæmdi
unga sýnendur að þessu sinni, en
hún tók fyrst þátt í slíkri keppni
fyrir 11 árum. Misjafnt er hvort
hundadómarar dæma í keppni
ungra sýnenda, eða þjálfaðir og
reyndir áhugamenn eins og Berg-
lind.
„Ég hef alltaf haft mikinn áhuga
á ungum sýnendum og fylgst vel
með þeim bæði hér á landi og er-
lendis,“ segir Berglind, sem kveðst
afar ánægð með að hafa verið boðið
að dæma í þessari keppni. „Vissu-
lega var þetta erfitt, en ánægjan
var þó miklu meiri. Íslenskir þátt-
takendur eru mjög færir og vel
þjálfaðir. Eins og gefur að skilja
þekki ég suma þeirra, ýmist per-
sónulega eða í sjón. Ég einsetti mér
löngu fyrir keppnina að útiloka allt
sem ég vissi um þá og einbeita mér
að því sem þeir sýndu í keppninni
hjá mér. Það tókst vel og ég var
mjög ánægð með frammistöðu allra
keppenda. Sérstaklega var ég hrifin
af börnum í yngri flokki, því af
þeim geislar mikil einlægni og gleði
yfir því að vera samvistum við
hunda sína. Unglingar í eldri flokki
eru uppteknari af tæknilegum æf-
ingum og keppninni sjálfri, enda
kannski ekki að undra þar sem í
hópi þeirra eru sýnendur á heims-
mælikvarða.“
Hreinræktuðum hundum fjölgar jafnt og þétt hér á landi
Augljós metnað-
ur í hundarækt
Þessi fríði hópur þýskra fjárhunda var valinn besti ræktunarhópur sýn-
ingar. Hjördís H. Ágústsdóttir, sem er ræktandinn, er önnur frá hægri, en
ræktunarnafn hennar er Gunnarsholts.
Boxer-hundurinn Bjarkeyjar Patrick Joe var besti
hundur sýningar. Hann er hér með eiganda sínum og
ræktanda Þresti Ólafssyni.
Írska setter-tíkin Ardbraccan Sweet Harmony, annar
besti hundur sýningar, er hér með eiganda sínum, Jónu
Th. Viðarsdóttur.
Enski cocker spaniel-hvolpurinn Bjarkeyjar Mánagull var besti hvolpur
sýningar. Hann er hér með eiganda sínum og ræktanda, Þresti Ólafssyni,
og dómaranum Karl Erik Johansson.
Hreinræktuðum hundum fjölgar jafnt og þétt
hér á landi og það sást greinilega á glæsilegri
sýningu Hundaræktarfélags Íslands um síðustu
helgi. Brynja Tomer var meðal þeirra sem
fylgdust með 350 hundum sem sýndir voru fyrir
fullu húsi áhorfenda.
Sigurvegarar í keppni ungra sýnenda. Til vinstri er Stefanía Kristjáns-
dóttir með Shih tzu-tíkina Ævintýra Þyrnirós var besta barn. Til hægri er
sigurvegari í yngri flokki, Elín Lára Tryggvadóttir, með Cavalier King
Charles spaniel-hundinn Gæða Jörfa.
Morgunblaðið/Jón Svavarsson
Tíbet spaniel-hundurinn Nalinas Tabanus var besti öldungur sýningar.
Hann er hér ásamt eiganda sínum, Völu Júlíusdóttur, og dómaranum Karl
Erik Johansson.
ELLEFU umhverfis- og náttúru-
verndarsamtök hafa tekið höndum
saman í þeim tilgangi að heiðra verð-
ugan einstakling fyrir einstakt framlag
til náttúru- og umhverfisverndarmála.
Markmið með þessu er að vekja at-
hygli landsmanna á verkum þeirra
sem vinna vel og ötullega að verndun
umhverfis- og náttúru.
Að þessu verkefni standa Félag um
verndun hálendis Austurlands, Fugla-
verndarfélag Íslands, Hið íslenska
náttúrufræðifélag, Landvernd, Nátt-
úruverndarfélag Suðvesturlands,
Náttúruverndarsamtök Austurlands,
Náttúruverndarsamtök Íslands, Nátt-
úruverndarsamtök Vesturlands, Sam-
tök um náttúruvernd á Norðurlandi,
Sól í Hvalfirði og Umhverfisverndar-
samtök Íslands.
Úthlutunarnefnd skipa að þessu
sinni Ingvar Birgir Friðleifsson for-
stöðumaður jarðhitaskóla Sameinuðu
þjóðanna, Ása L. Aradóttir vistfræð-
ingur og Andri Snær Magnason rithöf-
undur. Hlutverk úthlutunarnefndar er
að velja einstakling sem hefur með
framsýni og verkum sínum með afger-
andi hætti stuðlað að betri náttúru- og
umhverfisvernd hér á landi og/eða al-
þjóðlega. Viðurkenninguna hlýtur einn
einstaklingur. Viðurkenningin verði af-
hent við hátíðlega athöfn í tilefni af
degi umhverfisins 25. apríl n.k.
Úthlutunarnefnd óskar eftir tillög-
um um einstakling sem vegna verka
sinna og athafna á undaförnum árum
er þess verðugur að hljóta þessa við-
urkenningu.
Æskilegt er að tilnefningu fylgi stutt
greinargerð þar sem færð eru rök fyrir
henni. Tillögur skulu sendar skrifstofu
Landverndar, Ránargötu 18, 101
Reykjavík og skal umslagið merkt
„Viðurkenning – tilnefning“. Frestur
til að skila tillögum er til 31. mars n.k.,
segir í fréttatilkynningu.
Óskað tilnefn-
inga til
umhverfis-
verðlauna
JÓN Kristjánsson, heilbrigðis- og
tryggingamálaráðherra, hefur skip-
að Guðrúnu Gísladóttur viðskipta-
fræðing í stöðu framkvæmdastjóra
Heyrnar- og talmeinastöðvarinnar
til næstu fimm ára.
Nefnd var skipuð 9. janúar sl. til
að meta hæfni umsækjenda um stöð-
una, en umsóknarfrestur rann út 20.
desember 2002. Nefndin metur um-
sækjendur á grundvelli reglna sem
heilbrigðis- og tryggingamálaráðu-
neytið hefur sett. Nefndin skilaði
áliti sínu fyrir stuttu og hafði þá
komist að þeirri niðurstöðu að sex
umsækjenda væru vel hæfir til að
gegna framkvæmdastjórastarfinu
og tólf hæfir, en átján sóttu um stöð-
una.
Guðrún Gísladóttir tekur við starf-
inu fljótlega, segir í fréttatilkynn-
ingu.
Heyrnar- og
talmeinastöðin
Nýr fram-
kvæmdastjóri
EFTIRFARANDI yfirlýsing hefur
borist frá stjórn Félags íslenskra
hjúkrunarfræðinga:
„Í Fréttablaðinu 6. mars sl. birtist
auglýsing frá Óðali – gentlemen’s
club (herraklúbbi), undir yfirskrift-
inni „Hjúkkukvöld í kvöld“. Auglýs-
ingin og tilefni hennar, þ.e. svokallað
hjúkkukvöld í nektarklúbbi, er nið-
urlægjandi. Félag íslenskra hjúkr-
unarfræðinga mótmælir harðlega
þessari afskræmingu á hjúkrunar-
fræðingum og hlutverki þeirra.
Auglýsandinn er hér að hlutgera
konur í einstakri stétt og þær kynnt-
ar sem kynlífsviðföng karla. Við það
verður ekki unað.“
Niðurlægjandi
auglýsing