Morgunblaðið - 08.03.2003, Blaðsíða 60

ÍÞRÓTTIR
60 LAUGARDAGUR 8. MARS 2003 MORGUNBLAÐIÐ
FÓLK

GUÐNI Bergsson verður á sínum
stað í vörn Bolton sem sækir nýk-
rýnda deildabikarmeistara Liver-
pool heim á Anfield í dag í eina leik
ensku úrvalsdeildarinnar um
helgina.

HERMANN Hreiðarsson kemur
inn í lið Ipswich á nýjan leik í dag
eftir að hafa afplánað fjögurra leikja
bann. Ipswich tekur á móti Stoke á
Portman Road og er leikurinn mjög
þýðingarmikill fyrir bæði lið. Ips-
wich í baráttu um að komast í auka-
keppnina um laust sæti í úrvalsdeild-
inni og Stoke að reyna að forðast fall.

BRYNJAR Björn Gunnarsson og
Bjarni Guðjónsson verða í byrjunar-
liði Stoke en ekkert pláss er fyrir
Pétur Hafliða Marteinsson. Leikur-
inn, sem er klukkan 15 í dag, er
sýndur í beinni útsendingu á Stöð 2.

ÍVAR Ingimarsson verður vænt-
anlega í byrjunarliði Brighton sem
tekur á móti Rotherham. Brighton
hefur tapað síðustu tveimur leikjum
sínum er komið í fallsæti á nýjan
leik.

ASHLEY Cole, bakvörður Arsen-
al og enska landsliðsins, sem var
skorinn upp við kviðsliti í sl. viku,
mætti á sína fyrstu æfingu á fimmtu-
daginn. Hann ætlar sér að vera klár í
slaginn eftir fjórar vikur, en talið var
að hann myndi ekki byrja að leika á
ný með Arsenal fyrr en upp úr
miðjum apríl.

DANILO Cjelica, 33 ára gamall
knattspyrnumaður frá Bosníu, er
genginn til liðs við knattspyrnulið
KS á Siglufirði, sem leikur í 2. deild.

MICHELLE Barr, skoska lands-
liðskonan í knattspyrnu, er komin til
liðs við ÍBV á ný eftir vetrardvöl hjá
Doncaster Belles í ensku úrvals-
deildinni. Barr, sem er 24 ára gömul
og hefur leikið um 60 landsleiki fyrir
Skotland, var fyrirliði ÍBV í fyrra og
þjálfaði jafnframt liðið síðustu vikur
tímabilsins.

SIGRÍÐUR Ása Friðriksdóttir,
einn reyndasti leikmaður ÍBV, hefur
einnig skipt yfir til Eyjaliðsins á ný
en hún var líka í röðum Doncaster
Belles í vetur.

LIVERPOOL hyggst í sumar
kaupa Steve Finnan hægri bakvörð
Fulham-liðsins. Gerard Houllier,
stjóri Liverpool, er tilbúinn að reiða
fram 4 milljónir punda til að fá leik-
manninn í sínar raðir en hann er 26
ára gamall.

DAMIEN Duff vinstri vængmaður
Blackburn á er sömuleiðis á óska-
lista Houlliers og er áætlað að Houll-
ier bjóði Blackburn 12 milljónir
punda í írska landsliðsmanninn sem
verið hefur undir smásjá margra
liða, þar á meðal Manchester Unit-
ed.

FERNANDO Redondo Argentínu-
maðurinn í herbúðum AC Milan sem
lék áður með Evrópumeisturum
Real Madrid hefur gert nýjan
tveggja ára samning við Mílanóliðið.
ÞJÓÐVERJAR hafa ákveðið að hita
upp fyrir leikinn á móti Íslend-
ingum í undankeppni EM, sem fram
fer á Laugardalsvellinum hinn 6.
september í haust, með leik á móti
Ítölum. Leikurinn verður í Þýska-
landi hinn 20. ágúst en leikstað-
urinn hefur ekki verið ákveðinn.
Þetta verður 27. landsleikur þjóð-
anna. Ítalir hafa unnið 11 þeirra,
Þjóðverjar 7.
Þjóðverjar, sem eru með sex stig
í riðlinum eftir tvo leiki, mæta Lith-
áum á heimavelli í undankeppni EM
þann 29. þessa mánaðar og á sama
tíma glíma Íslendingar við Skota á
Hampden Park.
Þjóðverjar
hita upp
gegn Ítölum
LEE Sharpe, 32 ára, fyrrum leik-
maður Manchester United og
Leeds, hélt af landi brott í gær-
morgun en hann kom til landsins
á miðvikudag til að kynna sér að-
stæður hjá úrvalsdeildarliði
Grindvíkinga. Sharpe fór með í
farteskinu drög að samningi og
það ætti að skýrast á næstu dög-
um hvort hann komi aftur til
landsins á vormánuðum og leiki
með Grindvíkingum í sumar.
Ráðgert er að Sharpe komi á
móts við Grindavíkurliðið um
næstu mánaðarmót en þá heldur
Suðurnesjaliðið í æfingaferð til
Spánar.
Sharpe æfði með Grindvík-
ingum í Reykjaneshöllinni í
fyrrakvöld og mættu 200 manns
til að berja hann augum þar sem
hann sýndi mjög góða takta að
sögn þeirra sem til hans sáu.
„Það yrði himnasending að fá
Sharpe til liðs við okkur og von-
andi sér hann sér fært að leika
með liðinu í sumar. Hann gaf
okkur alla vega góðar vonir um
það. Það væri þó mest undir konu
hans og fimm ára gömlu barni
þeirra komið hvort af þessu gæti
orðið en nánustu vinir og vanda-
menn hefðu hvatt hann til að
fara,“ sagði Jónas Þórhallsson,
formaður knattspyrnudeildar
Grindavíkur, við Morgunblaðið.
„Þó svo að um stuttan tíma hafi
verið að ræða sem hann var hjá
okkur þá er maður snöggur að
sjá hvað býr í mönnum. Hann
kom virkilega vel fyrir í alla
staði,“ sagði Jónas.
Jónas sagði að bakhjarlar
Grindavíkurliðsins með bræðurna
Jón Gauta og Sigurbjörn Dag-
bjartssyni í broddi fylkingar
væru með samningamálin í sínum
höndum við Sharpe og um leið og
þau mál væru komin á hreint
myndi stjórn deildarinnar klára
málið.
Lee Sharpe með
Grindvíkingum á Spáni
TERRY Paine, hinn gamalkunni
markahrókur Southampton,
mun aldrei gleyma viðureign
liðsins við Úlfana fyrir 38 árum.
Úrslit leiksins eru skráð í meta-
bók Southampton – 9:3!
Paine skoraði tvö mörk í
leiknum og lagði önnur tvö upp.
„Við gáfum Úlfunum eitt mark í
forskot,“ sagði Paine og brosti,
er hann rifjaði upp leikinn.
„Tony Knapp, miðvörðurinn
okkar (seinna landsliðsþjálfari
Íslands), skoraði mark fyrir Úlf-
ana eftir aðeins þrjátíu og fimm
sekúndur, sem betur fer kom
það ekki að sök. Ég gleymi aldr-
ei þessum leik – við vorum bún-
ir að skora níu mörk á sextíu
mínútum. Við gátum skorað
miklu fleiri mörk en níu í þess-
um leik. Dave MacLaren, mark-
vörður Úlfanna, fór á kostum í
markinu og sýndi oft snill-
armarkvöslu. Hann lék svo vel
að hann var keyptur til okkar
skömmu síðar,“ sagði Paine,
sem lék yfir 700 leiki á 20 árum
fyrir Southampton.
MacLaren var fyrsti mark-
vörðurinn til að leika fyrir bæði
Úlfana og Southampton, en síð-
an hafa nokkrir gert það – eins
og Tim Flowers, Dave Beasant,
John Burridge, Eric Nixon og
Paul Jones.
Martin Chivers, sem fór frá
Southampton til Tottenham og
lék gegn Keflavík í Evr-
ópukeppninni á árum áður,
skoraði fjögur mörk í leiknum
títtnefnda.
Tony Knapp skoraði
sjálfsmark eftir 35 sek.
Wenger hefur hvílt sterka leik-menn áður og sat Henry t.d.
á varamannabekknum þegar Ars-
enal lék við Manchester United á
Old Trafford í 16-liða úrslitunum
og þá var Bergkamp ekki á svæð-
inu – varð eftir í London. Sylvain
Wiltord og Francis Jeffers voru í
fremstu víglínu í leiknum, sem
Arsenal vann örugglega, 2:0. Ars-
enal hefur ekki tapað leik síðan í
desember, er liðið tapaði deildar-
leik fyrir Manchester United á Old
Trafford.
Aðeins tveir leikmenn eru frá
vegna meiðsla – Oleg Luzhny og
Ashley Cole, en þessir leikmenn
eru leikhæfir: Seaman, Warmuz,
Taylor, Lauren, Toure, van
Bronckhorst, Campbell, Keown,
Cygan, Stepanovs, Edu, Vieira,
Gilberto, Parlour, Pires, Ljung-
berg, Wiltord, Pennant, Henry,
Bergkamp, Kanu og Jeffers.
Wenger er óhræddur
við að gera breytingar
„Ég er með tuttugu leikmenn í
hæsta gæðaflokki í herbúðum mín-
um. Þá hef ég stóran hóp ungra
góðra leikmanna til að hlaupa í
skarðið þegar það á við,“ sagði
Wenger, sem er óhræddur við að
gera breytingar á liði sínu. Það
sást best í leiknum gegn Charlton
um sl. helgi, þegar Arsenal lék án
fimm manna úr byrjunarliðinu –
og átti ekki í neinum vandræðum
þó svo að stöðubreytingar hafi
einnig verið gerðar.
Vinna ekki alla leiki
„Þegar þú ert sigurvegari í
meistaraliði, þá viltu ekkert annað
en fagna sigri. Það er þó ljóst að
við vinnum ekki alla leiki, en aðal-
atriðið er að vinna þá réttu. Það
eru þeir leikir sem gilda þegar upp
er staðið,“ sagði framherjinn
Thierry Henry.
Það er næsta víst að Arsene
Wenger leggur meira upp úr
leiknum gegn Roma en leiknum
gegn Chelsea. Ástæðan fyrir því
er einföld; sigur á Rómverjum get-
ur tryggt Arsenal rétt til að leika í
8-liða úrslitum í Meistaradeild
Evrópu, en það er er eitt aðaltak-
mark Wengers að ná sem lengst í
Meistaradeildinni – komast í úr-
slitaleikinn á Old Trafford og lyfta
Evróputitlinum.
Campbell glímir við Eið
Smára og Hasselbaink
Sol Campbell, miðvörðurinn
sterki hjá Arsenal, sem mun glíma
við sóknarleikmenn Chelsea –
Jimmy Floyd Hasselbaink,
Gianfranco Zola og Eið Smára
Guðjohnsen, segir að þó að erfiður
leikur sé framundan við Roma,
verði ekki slakað á í viðureigninni
við Chelsea. „Við mætum til leiks
eins og alltaf, til að sigra.“
Margir telja að leikur Arsenal
og Chelsea sé úrslitaleikur bik-
arkeppninnar – það lið sem fagni
sigri standi síðan uppi sem sig-
urvegari í Cardiff 17. maí. Hinir
þrír leikirnir í 8-liða úrslitum
verða leiknir á morgun – þá mæt-
ast Sheffield United og Leeds,
Southampton og Wolves og Wat-
ford og Burnley.
Nokkrir kunnir leikmenn
Chelsea, sem hafa verið á sjúkra-
lista, hafa æft með liðinu í vikunni
og verða tilbúnir í orrustuna á
Highbury. Það eru þeir Marcel
Desailly (meiddur á mjöðm),
Graeme Le Saux og Emmanuel
Petit, sem hafa verið meiddir á
nára, og markvörðurinn Ed de
Goey.
Síðast voru ævintýraleg
endalok á Bramall Lane
Leikmenn 1. deildarliðs Shef-
field United reyna eflaust að slá
Leeds aftur út úr bikarkeppni í
vetur. Þeim tókst það á ótrúlegan
hátt á Bramall Lane í 3. umferð
deildarbikarkeppninnar. Leeds var
þá einu marki yfir, sjálfsmark
varnarmanns Sheff. Utd., rétt fyr-
ir leikslok, en á ævintýralegan
hátt tókst heimamönnum að skora
tvö mörk á lokasekúndunum – Phil
Jagielka og Peter Ndlovo, og
tryggja sér sigur, 2:1.
Leikmenn Leeds ætla sér
örugglega ekki að láta þann leik
endurtaka sig. Eini möguleiki
þeirra til að komast í Evrópu-
keppni næsta keppnistímabil er að
ná árangri í bikarkeppninni.
Jones á fornar slóðir
Úlfarnir sækja Southampton
heim og verður það sérstök tilfinn-
ing fyrir Dave Jones, knattspyrnu-
stjóra Úlfanna, en hann var áður
knattspyrnustjóri hjá South-
ampton.
Paul Ince, fyrirliði Úlfanna, leik-
ur ekki með á St Mary’s, þar sem
hann tekur út tveggja leikja bann
vegna tíu gulra spjaldra. Þá er
sóknarleikmaðurinn George Ndah
meiddur.
Tekst Heiðari að skora?
Heiðar Helguson og samherjar
hjá Watford eiga góða möguleika á
að komast í undanúrslit. Þeir taka
á móti Burnley í London. Fjöl-
miðlar í Englandi segja að Heiðar
sé hættulegasti leikmaður Watford
– hann hefur skorað ellefu mörk í
leikjum í vetur.Veðbankar í Lond-
on spá Watford sigri og þá veðja
flestir á að Heiðar skori fyrsta
mark leiksins.
Eiður Smári Guðjohnsen
varð að játa sig sigraðan í
bikarúrslitaleik Arsenal og
Chelsea í Cardiff í fyrra, 2:0.
Tony Adams, hinn litríki fyrr-
verandi fyrirliði Arsenal, gaf
sér tíma til að hughreysta
Eið Smára, eftir að búið var
að flauta leikinn af í Cardiff.
Tvær þýðingarmiklar orrustur leikmanna Arsenal á Highbury á
aðeins fjórum dögum – fyrst bikarleikur í dag gegn Chelsea
Bergkamp og
Henry hvíldir?
ARSENE Wenger, knattspyrnustjóri Arsenal, mun að öllum líkindum
ekki tefla þeim Thierry Henry og Dennis Bergkamp fram í byrj-
unarliði sínu í bikarleiknum gegn Chelsea í dag á Highbury. Þeir
koma til með að verma varamannabekkinn, tilbúnir að koma inná ef
með þarf. Wenger hefur hug á að hvíla þá félaga fyrir Evrópuleikinn
gegn Roma á þriðjudagskvöldið sem verður einnig á Highbury. Ars-
enal er handhafi bikarsins – lagði Chelsea í bikarúrslitaleik í Cardiff
sl. keppnistímabil, 2:0.