Morgunblaðið - 08.03.2003, Blaðsíða 55
FRÉTTIR
MORGUNBLAÐIÐ LAUGARDAGUR 8. MARS 2003 55
Kvótakerfið
kosningamálið
Frjálslyndi flokkurinn vill að
kvótakerfið verði helsta baráttu-
málið fyrir alþingiskosningarnar í
vor, en ekki þjóðaratkvæði um
kvótakerfið eins og fram kom í frétt
í blaðinu sl. miðvikudag um flokks-
þing flokksins sem haldið er á Hót-
el Sögu. Beðist er velvirðingar á
þessu mishermi.
Jón Kalman Stefánsson
er höfundurinn
Rangt var farið með nafn höf-
undar skáldsögunnar Ýmislegt um
risafurur og tímann í ritdómi í
blaðinu í gær. Rétt er að höfundur
þeirrar skáldsögu er Jón Kalman
Stefánsson. Er beðist velvirðingar á
mistökunum.
Aðild lögmanna í máli
gegn Ríkisendurskoðun
Í frétt blaðsins á föstudag um
mál Jóns Baldvins Hannibalssonar
og Bryndísar Schram gegn ríkis-
endurskoðun, var rangt sagt frá að-
ild lögmanna málsaðila. Hið rétta er
að Hörður Einarsson hrl. var lög-
maður stefnenda, Jóns Baldvins og
Bryndísar, og Jónatan Sveinsson
hrl. lögmaður Ríkisendurskoðunar.
Beðist er velvirðingar á mistökun-
um.
LEIÐRÉTTT
Uppboð á minjagripum á Hard
Rock Cafe Alþjóðleg samtök safn-
ara, Pincollectors International
Network (PIN) standa fyrir upp-
boði á minjagripum, frá Hard
Rock Cafe vítt og breitt um heim-
inn, á Hard Rock Cafe í Kringl-
unni, laugardaginn 8. mars kl. 13.
Allur ágóði af sölu rennur óskiptur
til Styrktarfélags krabbameins-
sjúkra barna á Íslandi. Dagskránni
lýkur formlega með því að formað-
ur PIN og framkvæmdastjóri
Hard Rock Cafe, afhenda fram-
kvæmdastjóra Styrktarfélags
krabbameinssjúkra barna söfn-
unarféð.
Uppboðið er öllum opið.
Í DAG
Hermann Þórisson stærðfræð-
ingur heldur fyrirlestur hjá Íslenska
stærðfræðafélaginu, mánudaginn 10.
mars kl. 16.15 í stofu V158 í húsi
verkfræði- og raunvísindadeilda Há-
skólans, VR-II. Fyrirlesturinn nefn-
ist „Tenging, jafnvægi og endurnýj-
un“ og mun Hermann fara nokkrum
orðum um tilurð bókarinnar og segja
undan og ofan af efni hennar.
Rannsóknarstofnun KHÍ heldur
fyrirlestur þriðjudag 11. mars kl.
16.15 í stofu M 301 í Kennaraháskóla
Íslands v/Stakkahlíð. Fyrirlesari
verður Sylfest Lomheim, lektor við
háskólann í Ögðum í Noregi. Hvern-
ig gengur tungumálum heimsins að
lifa af sívaxandi alþjóðavæðingu?
Rætt verður um hvað unnt er að gera
til að styrkja stöðu þeirra tungumála
sem eru í hættu.
Hraðnámskeið í finnsku Nord-
klúbburinn býður öllum ungmennum
og væntanlegum Finnlandsförum
upp á fimm kvölda hraðnámskeið í
finnsku. Farið verður yfir helstu
þætti tungumálsins og nútímamenn-
ingu Finnlands. Þátttakendur munu
læra að bera fram finnsk orð, læra að
skilja uppbyggingu orða og málfræði.
Einnig verður skoðað hvað er um að
vera í Finnlandi og hvaða áhuga-
verða staði er hægt að sækja heim í
Helsinki. Námskeiðið verður haldið á
fimmtudagskvöldum frá 13. mars–10.
apríl í húsnæði Norræna félagsins að
Óðinsgötu 7 í Reykjavík. Skráning er
fyrir 11. mars hjá Virpi á skrifstofu
Norræna félagsins. Námskeiðið er
ókeypis og er haldið í samstarfi við
finnska sendiráðið á Íslandi.
Tré og runnar við sjávarsíðuna
Námskeið verður haldið í Þjóðmenn-
ingarhúsinu í Reykjavík á vegum
Garðyrkjuskólans sem nefnist, „Tré
og runnar við sjávarsíðuna“, föstu-
daginn 14. mars . Fjallað verður um
sögu garðagróðurs við sjávarsíðuna,
áhrif særoks á trjágróður o.fl. Þá
verður gerð grein fyrir þeim trjáteg-
undum, sem hafa reynst vel við sjáv-
arsíðuna. Erindi halda: Kristján
Bjarnason í Vestmannaeyjum og Jan
Klitgaard á Húsavík. Leiðbeinendur
verða: Auður I. Ottesen, garðyrkju-
fræðingur, Þorbergur Hjalti Jóns-
son, skógfræðingur, Aðalsteinn Sig-
urgeirsson, forstöðumaður á Mógilsá
og Haraldur Ólafsson veðurfræð-
ingur. Skráning og nánari upplýs-
ingar fást á skrifstofu Garðyrkju-
skólans eða á heimasíðu hans,
www.reykir.is
Á NÆSTUNNI
Annar laugardagsfundur upplýs-
inga- og fræðslunefndar Sjálf-
stæðisflokksins verður í Valhöll,
Háaleitisbraut 1, í dag, laugardag-
inn 8. mars kl. 11. Gestur fund-
arins verður Davíð Oddsson, for-
maður Sjálfstæðisflokksins og
forsætisráðherra.
VG opnar kosningaskrifstofu í
Reykjavík Vinstrihreyfingin –
grænt framboð opnar kosn-
ingaskrifstofu í Ingólfsstræti 5 á
morgun, sunnudaginn 9. mars kl.
15.30 og hefur þar með kosninga-
baráttu sína í höfuðborginni. Fé-
lagar úr Fóstbræðrum taka lagið.
Szymon Kuran spilar á fiðlu. Ög-
mundur Jónasson og Kolbrún
Halldórsdóttir flytja bar-
átturæður. Kynnir verður Stein-
unn Birna Ragnarsdóttir píanó-
leikari. Boðið verður upp á kaffi
og meðlæti. Allir velkomnir.
Fundaferð um Austurland Sam-
eiginleg fundaferð Ingibjargar
Sólrúnar Gísladóttur og Össurar
Skarphéðinssonar heldur áfram á
morgun, sunnudag. Þá hefja þau
fyrri ferð sína um Austurland.
Sunnudag 9. mars verður fundur á
Hótel Höfn kl. 20. mánudaginn 10.
mars verða vinnustaðaheimsóknir
á Höfn og Djúpavogi og fundur kl.
20 á Hótel Framtíð á Djúpavogi.
Á þriðjudag verða vinnustaða-
fundir á Breiðdalsvík og Fá-
skrúðsfirði og fundur kl. 20 á
Kútternum á Stöðvarfirði. Á mið-
vikudag verða vinnustaðaheim-
sóknir á Eskifirði og Reyðarfirði
og fundur á Fosshóteli á Reyð-
arfirði kl. 20. Á fimmtudag verða
vinnustaðafundir í Neskaupsstað
og fundur kl. 20 í Egilsbúð.
VG á ferð á Austurlandi Vinstri-
hreyfingin – grænt framboð verð-
ur með tvo opna fundi á Austur-
landi á morgun, sunnudaginn 9.
mars, kl. 10, á Hótel Svartaskógi
verður boðið í morgunkaffi og kl.
15 verður fundur á Borgarfirði
eystra í félagsheimilinu Fjarð-
arborg. Þingmennirnir Stein-
grímur J. Sigfússon og Þuríður
Backman fara yfir áherslur og
stefnumál VG. Allir velkomnir.
STJÓRNMÁL
MORGUNBLAÐINU hefur borist
yfirlýsing frá Pétri Steingrímssyni
frá fyrirtækinu Link ehf. í Kópavogi.
„Til þess að forðast misskilning þá
viljum við taka eftirfarandi fram.
Links ehf. og fyrirtækið Linkur ehf.,
Akralind 8, Kópavogi, eru tveir
óskyldir rekstraraðilar.
Links ehf. hefur nú verið selt til
Tölvudreifingar en Linkur ehf., sem
er umboðsaðili heimilistækja á heild-
sölustigi frá SONY, PANASONIC
og VIVANCO hefur ekki verið seld-
ur og heldur áfram sinni starfsemi
eins og hingað til.“
Linkur ehf.
ekki verið
seldur
STJÓRN Blaðamannafélags Ís-
lands samþykkti neðangreinda
ályktun á fundi sínum 7. mars:
„Stjórn Blaðamannafélags Ís-
lands áréttar að blaðamenn standa
fast við lögmál frjálsrar og
óháðrar blaðamennsku og slá
hvergi af í því aðhaldshlutverki
sem þeim er skylt að sinna í lýð-
ræðissamfélagi nútímans. Mikil-
vægi þess hlutverks fyrir opna og
lýðræðislega umræðu í samfélag-
inu verður ekki vanmetið og þó
blaðamenn þurfi ítrekað að þola
árásir vegna þessa hlutverks síns
er það einungis til marks um það
að aðhald blaðamanna er fyrir
hendi. Það getur aldrei og má
aldrei lúta tilteknum þjóðfélags-
hagsmunum. Opin og gagnrýnin
þjóðfélagsumræða er samofin lýð-
ræðinu og aflvaki framfara í sam-
félaginu og það er mikilvægt að
hún sé vönduð og málefnaleg.“
Ályktun Blaðamanna-
félags Íslands
Gagnrýnin
þjóðfélags-
umræða sam-
ofin lýðræðinu
www.vg.is • vg@vg.is
VINSTRIHREYFINGIN-GRÆNT FRAMBOÐ OPNAR
KOSNINGAMIÐSTÖÐ Í INGÓLFSTRÆTI 5
SUNNUDAGINN 9. MARS KL. 15.30
Full baráttugleði hefjum við kosningabaráttu okkar í höfuðborginni með opnun
kosningamiðstöðvar á morgun, sunnudag.
Meðal atriða:
Félagar úr Karlakórnum Fóstbræðrum taka lagið, Szymon Kuran spilar á fiðlu.
Ögmundur Jónasson og Kolbrún Halldórsdóttir flytja barátturæður.
Kynnir verður Steinunn Birna Ragnarsdóttir, píanóleikari.
Boðið verður upp á kaffi og meðlæti.
Bækur og leikföng fyrir börnin.
NÆST Á DAGSKRÁ:
BARÁTTU-
GLEÐI