Morgunblaðið - 08.03.2003, Blaðsíða 4

FRÉTTIR
4 LAUGARDAGUR 8. MARS 2003 MORGUNBLAÐIÐ
ÍSLANDSFUGL í Dalvíkurbyggð
hefur í Héraðsdómi Norðurlands
eystra fengið heimild til greiðslu-
stöðvunar og stendur hún yfir í
þrjár vikur eða til 27. mars næst-
komandi. Starfsfólki var tilkynnt
um þá stöðu sem upp er komin
varðandi rekstur fyrirtækisins á
fundi í gærmorgun.
Tap af rekstinum nam um 150
milljónum króna á síðasta ári og 54
milljónum árið 2001, en starfsemin
hófst snemma það ár.
Rögnvaldur Skíði Friðbjörnsson,
framkvæmdastjóri Íslandsfugls,
sagði að ástæða þess að fyrirtækið
hefði óskað eftir greiðslustöðvun
nú væri viðvarandi taprekstur.
Hann sagði ástandið í greininni al-
varlegt, gríðarleg offramleiðsla og
erfiðleikum bundið að afsetja vörur
þannig að menn hafi um langt skeið
selt undir kostnaðarverði.
„Það er mjög alvarlegt ástand í
þessari grein og staðan erfið,“
sagði Rögnvaldur Skíði. Hann
sagði að á næstu vikum yrði vand-
lega farið yfir stöðu fyrirtækisins
og skoðað hvort leið fyndist út úr
ógöngunum.
Í úrskurði Héraðsdóms Norður-
lands eystra sem veitti heimild til
greiðslustöðvunar segir m.a. að
rekstur félagsins hafi frá upphafi
verið erfiður og tap af rekstri þess.
Markaðsaðstæður á kjúklinga-
markaði hafi valdið því að afurðir
félagsins hafi lækkað verulega og
tapið því aukist enn þannig að fé-
lagið eigi nú í erfiðleikum með að
standa skil við lánadrottna sína og
vanskil orðin veruleg. Í drögum að
ársreikningi fyrir síðastliðið ár
kemur fram að tap af rekstri nemi
151 milljón króna. Bókfært eigið fé
var samkvæmt efnahagsreikningi
102 milljónir króna.
Ingólfur Hauksson löggiltur end-
urskoðandi hefur verið skipaður
aðstoðarmaður félagsins á greiðslu-
stöðvunartímanum, en unnið verð-
ur að því að endurskipuleggja
reksturinn og vinna að endurfjár-
mögnun með það að markmiði að
styrkja hann og stöðuna til fram-
tíðar. Leitað verður samninga við
lánadrottna um aukinn greiðslu-
frest svo hægt verði að standa í
skilum og þá verður reyna að auka
hlutafé Íslandsfugls.
Íslandsfugl í Dalvíkur-
byggð fær greiðslustöðvun
Erfiðleikar í greininni og viðvarandi taprekstur
UM þessar mundir starfa um 45
manns hjá Íslandsfugli í um 30
stöðugildum.
Íslandsfugl hóf starfsemi í
febrúar árið 2001 og hefur fyr-
irtækið verið stærsti atvinnu-
rekandi í byggðarlaginu. Eftir
mikla erfiðleika í rekstrinum
keyptu fjögur félög fyrirtækið í
apríl á síðasta ári, en þau eru
Norðlenska, Kaldbakur, Spari-
sjóður Norðlendinga og Spari-
sjóður Svarfdæla. Fyrirtækið
var endurfjármagnað samhliða
breyttu eignarhaldi og voru þá
umtalsverðar skuldir afskrif-
aðar, eða á bilinu 200–300
milljónir króna.
Þau fyrirtæki sem nú standa
að rekstrinum eru Kaldbakur,
Sparisjóður Svarfdæla, Dalvík-
urbyggð og Byggðastofnun.
45 manns vinna hjá Íslandsfugli
FRANSKA kvennalandsliðið í skák gerði mikla
lukku í gærmorgun þegar liðið tefldi fjöltefli í
Flataskóla í Garðabæ.Tefldu frönsku konurnar
við vel yfir 150 manns en vísa þurfti 70-80 manns
frá. Frönsku skákkonurnar eru núverandi Evr-
ópumeistarar og eru hingað komnar til að tefla á
fyrsta alþjóðlega kvennaskákmótinu sem haldið
hefur verið hérlendis. Mótið var sett á miðviku-
dag og fer fram í Saltfisksetrinu í Grindavík.
Lýkur mótinu á morgun, sunnudag. Auk franska
landsliðsins tefla á mótinu landslið Íslendinga og
Norðmanna.
Morgunblaðið/Árni Sæberg
Frönsku skákkonurnar slá í gegn
MIKIL umræða spannst um stöðuna
á kjötmarkaði á lokadegi Búnaðar-
þings í gær. Í ályktun þingsins eru
framleiðendur kjöts m.a. hvattir til að
draga saman framleiðsluna og aðlaga
hana markaðsaðstæðum og Bænda-
samtökin og búgreinafélögin hvött til
samstarfs um verkefnið í samráði við
samkeppnisyfirvöld.
Þá segir í ályktuninni að endurfjár-
mögnun kjötframleiðslu með afskrift-
um krafa eða nýju eigin fé frá lán-
ardrottnum hindri eðlilega
samkeppni í greininni og sé óviðeig-
andi. Skapa þurfi lagaumhverfi sem
geri mögulegt að hindra langvarandi
óeðlilega verðlagningu á búvöru-
markaði. Vakin er athygli á að stýr-
ing markaðarins eftir lögmálum
framboðs og eftirspurnar eingöngu
sé afar sársaukafull og dýr. Fasta-
kostnaður sé mjög stór hluti af fram-
leiðslukostnaðinum sem leiði til þess
að við gjaldþrot framleiðenda freist-
ist lánardrottnar til að yfirtaka og
endurfjármagna framleiðslueiningar.
Því haldist framboðið óbreytt og
framleiðsla sé áfram seld undir
kostnaðarverði. Samkeppnisstaðan
ráðist þá um of af eiginfjárstöðu
framleiðenda og fjölskyldubúin eigi
takmarkaða möguleika í samkeppni
við fjársterkar lánastofnanir. Þá er
lagt til að upplýsingaöflun bænda um
stöðu og horfur á kjötmarkaði verði
efld.
Efasemdir um samráð
við Samkeppnisstofnun
Rögnvaldur Ólafsson hafði efa-
semdir um gagnsemi samstarfs við
samkeppnisyfirvöld í þessu máli og
sagði það einkennilegt að samkeppn-
isyfirvöld sem banni mönnum að hafa
verðsamráð o.s.frv. skuli ekkert gera
í því þegar menn selji langtímum
saman undir viðurkenndu kostnaðar-
verði. „Ég óttast að út úr slíku sam-
starfi komi ekki neitt og það væri
hreint út sagt ægileg staða fyrir okk-
ur.“
Þórólfur Sveinsson benti á að virk-
ari og öflugri upplýsingamiðlun um
stöðuna á hverjum tíma kæmi örugg-
lega að gagni, ekki síst þar sem sveifl-
ur, eins og voru t.d. í kjúklingafram-
leiðslu, geti vakið falskar væntingar
og stuðlað að of mikilli framleiðslu.
Þórólfur sagðist almennt vera því
andvígur að biðja um harðari sam-
keppnislög en menn búi nú þegar við
og minnti á það sem gerðist í „græna
geiranum“ og eins taldi hann að sam-
runi á kjúklingamarkaði, sem sam-
keppnisyfirvöld bönnuðu á sínum
tíma, kynni að eiga sinn þátt í stöð-
unni á kjötmarkaði.
Vandinn fer vaxandi
þessa dagana
Ari Teitsson, formaður Bænda-
samtakanna, sagði að með verðlækk-
un Norðlenska til svínabænda væri
verið að boða lækkun á öllu kjöti í
landinu um einhverja tugi prósentna.
„Þetta sýnir okkur í raun hversu
þessi vandi er hrikalegur og að hann
fer vaxandi. Mér finnst ólíklegt að
samkeppnisyfirvöld séu svo blind að
þau sjái ekki að framleiðendur hljóta
að mega hafa einhver ráð þegar málin
eru komin á svona stig. Það sjá allir
að þetta getur ekki haldið svona
áfram, það er dauðadómur.“
Kristinn Gylfi Jónsson sagði að
staðan væri vissulega erfið en að í
vandamálunum fælust líka tækifæri.
„Ég var að fá í hendurnar nýjar upp-
lýsingar um framleiðslu og sölu á
kjúklingum í febrúar. Framleiðslan
var um 150 tonnum minni en í janúar
og birgðirnar lækkuðu úr 413 tonnum
í 370 tonn sem samsvarar um þriggja
vikna sölu. Menn eru gjarnir á að
kalla úlfur, úlfur. En ég vil með þessu
benda á að menn hafa af sjálfsdáðum
tekið ákvörðun um að draga úr fram-
leiðslu í samræmi við markaðinn.“
Ályktun Búnaðarþings
um kjötmarkaðinn
Endurfjár-
mögnun
eykur á
vandann
PÍPULAGNINAMAÐUR, sem
kallaður var út vegna vatnsleka í
Engidalsskóla í Hafnarfirði í gær,
hlaut annars stigs bruna á fótum
er hann óð út í vatnið er hann ætl-
aði að skrúfa fyrir vatnið. Hann
var fluttur á slysadeild til aðhlynn-
ingar.
Vatnslekinn var tilkynntur kl.
15.30 og lak mikið af heitu vatni út
á gólf.
Ekki reyndist unnt að loka fyrir
inntakið vegna gufu og hita og tók
það slökkvilið tvær klukkustundir
að dæla vatninu burt.
Pípulagn-
ingamaður
brenndist