Morgunblaðið - 08.03.2003, Blaðsíða 23

AKUREYRI
MORGUNBLAÐIÐ LAUGARDAGUR 8. MARS 2003 23
Spurningakeppni Kvenfélagsins
Baldursbrár verður annað kvöld,
sunnudagskvöldið 9. mars, og hefst
kl. 20.30. Um er að ræða lokakvöld
keppninnar sem staðið hefur yfir frá
því á liðnu hausti þannig að þar
munu úrslit ráðast. Keppnin fer
fram í Glerárkirkju. Fjögur lið mæta
til leiks en þau eru frá Akureyr-
arbæ, félagssviði, Heilsugæslustöð-
inni á Akureyri, Karlakór Akureyr-
ar-Geysi og Morgunblaðinu. Í hléi
mun Karlakór Akureyrar-Geysir
syngja nokkur lög. Aðgangseyrir er
750 krónur og gildir sem happdrætt-
ismiði. Kvenfélagskonur hvetja, í
frétt um keppnina, sem flesta, ætt-
ingja, vini, félaga og vinnufélaga, til
að koma og fylgjast með.
„Mæðgnasýning“ er yfirskrift sýn-
ingar sem opnuð verður í Samlaginu,
Listhúsi í dag, laugardaginn 8. mars
kl. 14, á alþjóðadegi kvenna.
Listakonurnar, Amí, Ragnheiður
Þórsdóttir, Jonna og dætur þeirra,
Þórey Lísa, Guðbjörg og Kolfinna
sýna þar prinsessur í ýmsum birt-
ingarformum. Sýningin stendur til
laugardagsins 15. mars.
Dansað verður í Deiglunni milli kl.
17 og 18 á morgun, DJ Jóna stjórnar
tónlistinni að þessu sinni.
Sýningunni „Aftökur og útrým-
ingar“, sem að undanförnu hefur
staðið yfir á Listasafninu á Ak-
ureyri, lýkur á sunnudag. Sýningin
hefur vakið mikla athygli, en um er
að ræða þrjár sýningar, sem heita-
„Hitler og hommarnir“, „Aftöku-
herbergi“ og „Hinstu máltíðir“.
Gefin hefur verið út 70 síðna bók
með umfjöllun um verkin og lista-
mennina á sýningunni ásamt sögu-
legri úttekt á dauðarefsingum á Ís-
landi og baráttu íslenskra homma og
lesbía fyrir fullum mannréttindum.
Á MORGUN
NORÐTAK, samstarfsfélag verk-
taka á Eyjafjarðarsvæðinu, var
formlega stofnað í vikunni. Að fé-
laginu standa 12 öflug verktaka-
fyrirtæki úr öllum iðngreinum. Til-
gangurinn með stofnun félagsins
er að vinna saman í stærri verk-
efnum og koma að þeim á hærri
stigum en sem einstakir undir-
verktakar og fá þannig meiri virð-
isauka.
Fyrirtækin sem að félaginu
standa eru Blikkrás ehf., G.
Hjálmars hf., G.V. Gröfur, Hyrna
ehf., Katla ehf., Möl og sandur hf.,
Rafeyri ehf., Rafmenn ehf., Slipp-
stöðin ehf., Tréverk ehf., Véla og
stálsmiðjan ehf. og Vélar og stál
hf.
Í stjórn félagsins voru kjörnir
Hólmsteinn Hólmsteinsson f.h.
byggingarverktaka, Jóhann Krist-
ján fyrir hönd rafmagnsverktaka,
Baldvin Valdimarsson fyrir hönd
málmiðnaðar og Guðmundur
Gunnarsson f.h. jarðvinnuverk-
taka.
Þá mun Magnús Þór Ásgeirsson
sitja í stjórn félagsins f.h. At-
vinnuþróunarfélags Eyjafjarðar.
Þetta kemur fram á heimasíðu
AFE.
Verktakar á Eyjafjarðarsvæðinu sameinast
Norðtak formlega stofnað
Fundur um
atvinnumissi
FRÆÐSLU- og umræðufundur um
atvinnumissi, áhrif hans á líðan fólks
og hvað hægt er að gera meðan at-
vinnuleysi varir verður haldinn á
Græna hattinum mánudaginn 10.
mars frá kl. 16 til 17.30.
Bryndís Valbjörnsdóttir guðfræð-
ingur og Ragnheiður Sverrisdóttir
djákni verða gestir fundarins en þær
hafa staðið fyrir reglulegum fundum
með atvinnulausu fólki í Reykjavík.
Fjallað verður um andlega líðan,
áhyggjur af fjármálum, forvarnar-
starf, sem er mikilvægt til að hjálpa
fólki að gefast ekki upp, höfnunartil-
finningu sem grípur fólk þegar því er
sagt upp störfum og ekkert gengur
að fá nýtt og eins verður rætt um fé-
lagslega einangrun.
Efni fundarins á ekki einungis við
um þá sem misst hafa vinnuna held-
ur einnig aðstandendur þeirra sem
og alla sem láta sig þessi mál varða.
Svæðisvinnumiðlun Norðurlands
eystra, Eining-Iðja, Félag verslun-
ar- og skrifstofufólks og fræðslu-
fulltrúi kirkjunnar á Akureyri
standa fyrir þessum fundi.
Leiðtoga-
námskeið ÍBA
ÍÞRÓTTABANDALAG Akureyrar
efnir til leiðtoganámskeiðs fyrir aðild-
arfélög innan sinna vébanda um
næstu helgi. Námskeiðið er sérstak-
lega ætlað fyrir stjórnir félaganna,
stjórnir deilda innan þeirra vébanda
svo og fyrir unglingaráð og þjálfara.
Námskeiðið fer fram laugardaginn
15. mars í Íþróttahöllinni á Akureyri
og stendur frá kl. 10–15.15. Á nám-
skeiðinu verður fjallað um uppbygg-
ingu og hlutverk íþróttafélaga, gildi
íþrótta, leiðtoga í íþróttafélögum,
stefnuyfirlýsingu um forvarnir og
fíkniefni, samskipti íþróttafélaga og
sveitarfélaga og fjármál íþrótta-
félaga. Á meðal fyrirlesara verður Ei-
ríkur Björgn Björgvinsson, bæjar-
stjóri á Austur-Héraði og fyrrverandi
íþrótta- og tómstundafulltrúi á Akur-
eyri. Skráning á námskeiðið fer fram
á skrifstofu ÍBA, símar 462-1202 og
898-5560 og stendur til 11. mars.
EITT HUNDRAÐ ár eru nú lið-
in frá því að fyrsta mál-
verkasýningin var haldin á Ak-
ureyri. Í mars 1903 hélt Einar
Jónsson málari frá Fossi þá bú-
settur á Akureyri, sýningu á
málverkum á Hótel Akureyri
við Aðalstræti 12. Sýningin
markaði upphaf málverkasýn-
inga á Akureyri.
Af þessu tilefni eru nú til
sýnis í Amtsbókasafninu á Ak-
ureyri ýmsar gamlar heimildir
um upphaf myndlistar á Ak-
ureyri, svo sem gamlar sýning-
arskrár og aðrar prentaðar
heimildir, ásamt ljósmyndum
og ýmsu fleiru.
Það er Valgarður Stef-
ánsson, áhugamaður um mynd-
listarsögu Akureyrar, sem
stendur að sýningunni. Val-
garður hefur í meira en 30 ár
safnað heimildum um myndlist-
arsögu Akureyrar.
Sýningin er opin á af-
greiðslutíma safnsins til 29.
mars.
Amtsbókasafnið á Akureyri
Myndlist í 100 ár
Fundir Ingibjargar Sólrúnar Gísladóttur og Össurar Skarphéðinssonar á Vestfjörðum og Norðvesturlandi
hafa verið fjölsóttir og líflegir. Á morgun hefst fyrri ferð þeirra um Austurland og verða vinnustaðir sóttir
heim að degi til, en efnt til opinna funda á kvöldin þar sem hlustað verður eftir sjónarmiðum heimamanna
og fjallað um þau pólitísku aðalatriði sem kosið verður um í vor. Ellert B. Schram tekur þátt í hluta
ferðarinnar, auk þess sem Einar Már Sigurðarson, Kristján Möller og Lára Stefánsdóttir verða með í för.
pólitísk aðalatriði
Fundir á Austurlandi um
Höfn – Sunnudagur 9. mars: Fundur á Hótel Höfn kl. 20.00.
Sunnudagur 9. mars
Mánudagur 10. mars
Höfn, Djúpivogur – Mánudagur 10. mars: Vinnustaðaheimsóknir á
Höfn og Djúpavogi, og fundur kl. 20.00 á Hótel Framtíð á Djúpavogi.
Þriðjudagur 11. mars
Breiðdalsvík, Fáskrúðsfjörður, Stöðvarfjörður – Þriðjudagur 11. mars:
Vinnustaðafundir á Breiðdalsvík og Fáskrúðsfirði. Fundur kl. 20.00
á Kútternum á Stöðvarfirði.
Miðvikudagur 12. mars
Eskifjörður og Reyðarfjörður – Miðvikudagur 12. mars: Vinnustaðaheimsóknir
á Eskifirði og Reyðarfirði. Fundur á Fosshóteli á Reyðarfirði kl. 20.00.
Fimmtudagur 13. mars
Neskaupstaður – Fimmtudagur 13. mars: Vinnustaðafundir í
Neskaupstað. Fundur kl. 20.00 í Egilsbúð.
Ellert Einar
Kristján Lára