Morgunblaðið - 25.03.2003, Blaðsíða 1

Stríð í Írak: Mótspyrna Íraka kemur bandamönnum ekki
á óvart
Saddam vígreifur í sjónvarpsávarpi 16/19
TONY Blair, forsætisráðherra Bretlands,
sagði í gær á þingi, að „erfiðir dagar“ væru
fram undan í Íraksstríðinu, sem þó hefði
gengið samkvæmt áætl-
un hingað til.
Í fyrstu þingræðu sinni
eftir að Íraksstríðið hófst
sagði Blair, að herlið
bandamanna ætti nú
ófarna um 100 km til
Bagdad og væri komið að
borginni Karbala. „Ekki
langt undan er Medina-
deild Lýðveldisvarðarins,
sem mun verja leiðina til
Bagdad. Þar má búast við miklum átök-
um,“ sagði Blair og bætti við, að Írakar
veittu mótspyrnu í borginni Basra, einkum
menn í öryggisdeildum íraska hersins.
„Ekki verður fram hjá því litið, að erfiðir
dagar eru fram undan en hernaðaráætl-
unin hefur staðist hingað til.“
Blair vottaði ættingjum þeirra bresku
hermanna, sem týnt hafa lífi í stríðinu,
samúð þingmanna og sagði, að hermenn-
irnir hefðu sýnt það hugrekki að hætta lífi
sínu í þágu fósturjarðarinnar. Blair svaraði
ýmsum spurningum þingmanna, meðal
annars frá Alice Mahon, sem er mikill and-
stæðingur stríðsins. Spurði hún út í „skelfi-
legar myndir“ af látnum konum og börnum
í Basra. Blair svaraði og sagði, að allt væri
gert til að hlífa óbreyttum borgurum.
Haft var eftir bandarískum embættis-
manni í gær, að Blair færi til fundar við
George W. Bush Bandaríkjaforseta í Wash-
ington í vikunni og yrði rætt um áætlun um
frið í Miðausturlöndum.
FJÖLMIÐLAR í Evrópu og víðar lýstu í
gær undrun yfir mótspyrnu Íraka og spáðu
því, að stríðið myndi standa lengur en áður
hafði verið ætlað.
„Vaknað til veruleika stríðsins“ var aðal-
fyrirsögnin í The Times of London, sem
birti mynd af fimm bandarískum stríðsföng-
um Íraka. „Stríðsmyndin er orðin blóðug“
sagði í þýska blaðinu Bild og Liberation í
Frakklandi sagði, að Bandaríkjamenn og
Bretar væru í klemmu vegna þess, að tím-
inn ynni ekki með þeim.
Dagblaðið El Mundo á Spáni gagnrýndi
þá yfirlýsingu Donalds Rumsfelds, varnar-
málaráðherra Bandaríkjanna, að Írakar
ættu ekki að sýna myndir af bandarískum
stríðsföngum:
„Bandaríkjastjórn heldur 650 stríðsföng-
um í Guantanamo án þess, að grundvallar-
réttindi þeirra séu virt og CNN og aðrar
stöðvar sýna látlaust myndir af íröskum
stríðsföngum án þess það trufli Rumsfeld.“
Fjölmiðlar í Tyrklandi og öðrum músl-
ímskum löndum lögðu áhersluna á mót-
spyrnu Íraka.
Áhyggjur
í Evrópu
Tommy Franks, yfirmaður her-
liðs bandamanna í Persaflóa, sagði
í gær, að fyrir dyrum stæði marg-
föld tangarsókn í átt til Bagdad og
sagði, að þá mætti búast við auknu
mannfalli. Herförin gengi sam-
kvæmt áætlun og baráttuandinn í
liði bandamanna væri góður. Tar-
eq Aziz, aðstoðarforsætisráðherra
Íraks, sagði í gær, að tekið yrði á
móti herjum bandamanna „með
fegurstu tónlist og fallegustu
blómunum í Írak“ og átti þá við, að
barist yrði til síðasta manns.
Að minnsta kosti þrjár herdeild-
ir úr Lýðveldisverðinum, úrvals-
sveitum Saddams Hussein Íraks-
forseta, verja Bagdad á alla vegu
og að mati bandaríska hermála-
ráðuneytisins eru að minnsta kosti
25.000 hermenn úr sveitunum inni
í borginni sjálfri. Er óttast, að beiti
Írakar efnavopnum, muni þeir
gera það þar.
Óttast sjúkdóma í Basra
Bandarískir hermenn héldu í
gær inn í borgina Nasiriyah í suð-
urhluta landsins en þar hafa írask-
ir hermenn í borgaralegum klæð-
um veitt harða mótspyrnu. Breskt
herlið hörfaði hins vegar frá borg-
inni Basra en þar hefur mótspyrna
Íraka verið mjög hörð. Hefur
borgin verið rafmagnslaus og
vatnslaus í nokkra daga og er ótt-
ast, að þar geti komið upp sjúk-
dómar, einkum meðal barna undir
fimm ára aldri en þau er um
100.000 í borginni.
Umsvif bandamanna í Norður-
Írak aukast stöðugt og allan síð-
asta sólarhring voru gerðar miklar
loftárásir á varnarlínu Íraka við ol-
íuborgina Kirkuk og á aðrar stöðv-
ar íraska hersins á þessum slóðum.
Sagði einn talsmaður Kúrda, sem
berjast með bandamönnum, að
þeir myndu brátt ráðast gegn herj-
um Saddams á nýrri víglínu.
Bandamenn segjast hafa tekið
um 3.000 íraska stríðsfanga en það
hefur ekki orðið nein uppreisn
gegn stjórnvöldum eins og sumir
spáðu, engin fagnaðarlæti almenn-
ings á þeim svæðum, sem banda-
menn ráða, og oft hafa tiltölulega
fáir, íraskir hermenn barist hart
gegn ofurefli liðs. Donald Rums-
feld, varnarmálaráðherra Banda-
ríkjanna, sagði fyrir fáum dögum,
að Íraksstjórn vissi ekki lengur
sitt rjúkandi ráð, en samt virðist
hún standa og starfa saman. Hefur
það komið mörgum á óvart.
Íraska sjónvarpið sýndi í gær
myndir af tveimur mönnum, sem
það sagði vera flugmenn Apache-
þyrlu, sem skotin var niður fyrir
sunnan Bagdad. Höfðu Banda-
ríkjamenn áður staðfest, að þeir
hefðu misst eina þyrlu.
Reuters
Bandarískir landgönguliðar gæta íraskra stríðsfanga, hermanna, sem voru í borgaralegum klæðnaði er þeir gáfust upp fyrir norðan borgina Basra
í suðurhluta Íraks. Sagt er, að þeir hafi villt á sér heimildir með þeim hætti til að geta haldið uppi skæruhernaði gegn hermönnum bandamanna.
Sóknin hert til Bagdad
Tareq Aziz, aðstoðarforsætisráðherra Íraks, á fréttamannafundi í gær.
Hét hann bandamönnum óblíðum móttökum er þeir réðust á Bagdad.

Miklar loftárásir á Bagdad og
Kirkuk
Um 3.000 Írakar
teknir til fanga
Ný víglína að
myndast í norðurhluta landsins
HERIR bandamanna hertu í gær sóknina í átt til Bagdad á sama
tíma og bardagar stóðu enn yfir við og í nokkrum borgum og bæjum
í suðurhluta landsins. Á herinn ekki ófarnar nema tæpa 100 km til
borgarinnar og í gær gerðu fallbyssuþyrlur harða atlögu að Lýð-
veldisverðinum, úrvalssveitum Saddams Husseins, sem þar eru til
varnar. Harðar loftárásir voru gerðar á borgina í nótt. Ekkert bend-
ir hins vegar til, að bjartsýni Bandaríkjamanna um að íraska stjórn-
in félli fljótt frammi fyrir ofureflinu ætli að rætast og Írakar hótuðu
í gær blóðugum átökum um höfuðborgina.
Washington, Bagdad. AP, AFP.
STOFNAÐ 1913 82. TBL. 91. ÁRG. ÞRIÐJUDAGUR 25. MARS 2003 PRENTSMIÐJA ÁRVAKURS HF. mbl.is
♦ ♦ ♦
„Erfiðir
dagar“
fram undan
Tony Blair
París. AFP.