Morgunblaðið - 25.03.2003, Blaðsíða 37
HESTAR
MORGUNBLAÐIÐ ÞRIÐJUDAGUR 25. MARS 2003 37
Fermingargjafir
í miklu úrvali
AÐRA helgina í röð er boðið upp á
stóran viðburð á sviði hestamennsk-
unnar á Norðurlandi. Um daginn var
það Mývatnsmótið og nú Stjörnutöltið
árlega á Akureyri. Þar voru að venju
mættir til leiks flestir þeir sterkustu
norðan heiða og víðar og það var ein-
mitt aðkomumaður sem hafði sigur-
inn. Hans F. Kjerúlf mætti frá Reyð-
arfirði með sinn nýja keppnishest
Hjört frá Úlfsstöðum. Hann er reynd-
ar ekki í eigu Hans heldur á Jónas
Hallgrímsson, ferjukóngur á Seyðis-
firði, hestinn eins og Hans kallaði
hann. Sagði hann allt óákveðið hvað
yrði gert með klárinn hvað keppni
varðaði. „Maður tekur bara einn dag
fyrir í einu og sér svo til,“ sagði Hans
hinn rólegasti að vanda. Þeir eru fáir
ef nokkrir sem leggja eins mikið á sig í
keppnismennskunni eins og Hans
Kjerúlf því um langan veg er að fara á
flest stærri mót fyrir hann og sagðist
hann nú vera búinn að fara tvær ferðir
til Akureyrar og eina í Mývatnssveit
með Hjört og væru það vel yfir eitt
þúsund kílómetrar sem þeir væru
búnir að ferðast saman það sem af
væri árinu. Nú eiga þeir rétt á að
mæta í Skautahöllina í Reykjavík hinn
5. apríl og vísast gætu einhver fleiri
mót bæst við ef klárinn verður góður á
mölinni eins og Hans orðaði það. Þess
má reyndar geta að Hans sagðist hafa
eitt árið ekið yfir þrjú þúsund kíló-
metra með Laufa frá Kollaleiru. En
Hjörtur þykir minna mjög á Laufa og
tók Hans undir það. Sagði hann margt
líkt með þeim, bæði ganglag og skap-
ferli.
Um sex hundruð manns fylgdust
með Stjörnutöltinu sem haldið er af
Hestamannafélaginu Létti og er þetta
ein besta tekjulind félagsins. Nokkur
kynbótahoss voru sýnd og vakti þar
mesta athygli úrvalshryssan Hrauna
frá Húsavík sem eigandinn Gísli Har-
aldsson sýndi.
Í Ölfushöllinni á Ingólfshvoli var
hart tekist á úrslitum opna flokksins á
öðru Ölfustöltmótinu sem haldið var í
vetur. Er þar um að ræða þriggja
móta stigakeppni þar sem fimmtíu
þúsund krónur eru veittar í fyrstu
verðlaun á hverju móti. Eftir for-
keppni stóð Lena Zielenski efst á Kópi
frá Voðmúlastöðum en í úrslitum fór
Þorvaldur Árni Þorvaldsson mikinn á
yfirferðinni og tryggði sér sigurinn og
Sigurður Sigurðarson á Hyllingu frá
Kimbastöðum kom fast á hæla Lenu
og Kóps í þriðja sæti. Fyrir yfirferðina
fengu Þorvaldur og Spaði átta hjá
þremur dómurum. Ætlaði allt vitlaust
að verða í höllinni þegar leikurinn stóð
sem hæst hjá þeim Spaða og Þorvaldi.
Að loknu þessu móti eru þau jöfn í
stigakeppninni Þorvaldur og Lena
með 20 stig en næstur kemur með 12
stig Haukur Tryggvason sem sigraði á
fyrsta mótinu á Dáð frá Halldórsstöð-
um en nú lét hann átthagafjötrana
laða sig norður á Stjörnutölt þeirra
Léttismanna en hann er einmitt félagi
í Létti.
Þá var haldið forval í Skautahöllinni
í Reykjavík fyrir áðurnefnt Ístölt og
fengu níu knapar af rúmlega sextíu
farseðil á mótið. Engar einkunnir voru
gefnar upp og því aðeins birt nöfn
þeirra níu sem sem efst stóðu. Lena
Zielenski er með mörg járn í eldinum
þessa dagana og óvíst að margir séu
jafnvel ríðandi og hún á Íslandi í dag.
Hún vann það ágæta afrek að koma
tveimur hrossum inn á Ístöltið en hún
verður að velja annan hestinn og því
eru tíu nöfn á listanum. Eru það
Sveinn Hervar frá Þúfu og Goði frá
Auðsholtshjáleigu.
Hjá Herði var haldið annað vetrar-
mótið sem einnig er stigakeppni eins
og víða tíðkast. Þar var allt í frjálslega
forminu og engar einkunnir gefnar.
Einnig var keppt í 100 metra flug-
skeiði.
Sörli og Andvari voru með sameig-
inlegt mót sem heitir árshátíðarmót
þótt engin væri árshátíðin haldin. Mót-
ið var um leið keppni milli félaganna
eins og hefð hefur myndast um og rót-
burstuðu Andvaramenn sem kepptu á
heimavelli. Á heimasíðu Andvara eru
birt úrslit en þar sem ekki eru einu
sinni birt nöfn hestanna og hvað þá
fæðingarstaðir þeirra verða þau úrslit
ekki birt hér.
En úrslit helgarinnar urðu annars
sem hér segir.
Stjörnutölt í Skauta-
höllinni á Akureyri
1. Hans Kjerúlf og Hjörtur frá Úlfsst. 7,98
2. Björn Jónss. og Lydía frá Vatnsleysu, 7,45
3. Páll B. Pálss. og Smella frá Flugum. 3, 7,38
4. Haukur Tryggvason og Dáð frá Halldórs-
stöðum, 7,21
5. Mette Mannseth og Stígandi frá Leysingja-
stöðum, 7,13
Forval fyrir Ístöltið í
Skautahöllinni í Reykjavík
Atli Guðmundsson, Sörla, Þór frá Litlu-Sand-
vík, 9 v., bleikálóttur
Berglind Ragnarsdóttir, Fáki, Ögri frá Laug-
arvöllum, 9 v., jarpblesóttur
Christina Lund, Sleipni,
Trymbill frá Glóru, 7 v., jarpstjörnóttur
Jón Gíslason, Fáki, Sproti, 8 v., brúnn
Lena Zielinski, Fáki, Sveinn Hervar frá Þúfu,
9 v., brúnn
Lena Zielinski, Goði frá Auðsholtshjáleigu, 5
v., móálóttur
Ólafur Ásgeirsson, Ljúfi, Fluga, 6 v., brún,
Sveinbjörn Sveinbjörnsson, Gusti, Njörður frá
Skeiðháholti, 6 v., rauðglófext tvístj. Viggó
Sig., Sörla, Fantasía, 7 v., jörp, Sörli
Vignir Siggeirsson, Geysi, Reynir frá Hólshús-
um, 7 v., svartstj.
Bæjardekksmót Harðar
á Varmárbökkum
Pollar
1. Hrefna G. Pétursdóttir og Leiftur frá
Skriðulandi, 9 v., rauður
2. Fanney Pálsdóttir og Þögn frá Kópavogi, 10
v., rauðblesótt
Börn
1. Erna M. Grímsdóttir og Vafi, 10 v., jarpur
2. María G. Pétursdóttir og Skotti frá Valþjófs-
stað, 9 v., rauðskottóttur
3. Grímur Ó. Grímss. og Gustur, bleikálóttir
4. Arnar L. Lúthersson og Gráni, 10 v., grár
5. Daníel Ö. Sandholt og Skuggi frá Dalsgarði,
13 v., brúnn
Unglingar
1. Jóhanna Jónsdóttir og Rimma frá Ytri-
Bægisá, 13 v., jörp
2. Hreiðar Hauksson og Þóra frá Litla-Dal, 8
v., jörp
3. Linda R. Pétursdóttir og Háfeti frá Þing-
nesi, 12 v., jarpur
4. Halldóra S. Guðlaugsd. og Sigurdís, 6 v.,
rauð
Ungmenni
1. Ari B. Jónss. og Adam frá Götu, 17 v., grár
2. Steinþór Runólfsson og Brandur frá Hellu,
11 v. brúnn
3. Íris F. Eggertsdóttir og Bragi frá Keflavík,
7v jarpvindóttur
Konur
1. Hrafnhildur Jóhannesdóttir og Katla frá
Hamraborg, 8 v., bleikálótt
2. Berglind Árnadóttir og Þorri frá Reykjavík,
8 v., brúnn
3. Kolbrún K. Ólafsdóttir og Freyja frá Lax-
árnesi 7 v., rauðglófext
4. Ásta B. Benediktsdóttir og Snót frá Akur-
eyri 7 v., jörp
5. Birta Júlíusdóttir og Kiljan, 9 v., brúnn
Áhugamenn
1. Haukur Þorvaldsson og Kuldi frá Gríms-
stöðum 13 v., grár
2. Guðmundur Jóhanneson Grána 5 v., grá
3. Toddi Hlöðversson og Bleikbrá frá Mykju-
nesi, 9 v.,
4. Björgvin Jónsson og Kraftur 6 v., rauður
5. Hlynur Þórisson og Krummi frá Laxnesi 10
v., brúnn
Atvinnumenn
1. Guðlaugur Pálsson og Védís 9 v., rauðglófext
2. Halldór Guðjónsson og Gerpla frá Dallandi,
6 v., rauðstjörnótt
3. Jón Styrmisson og Skundi frá Krithóli, 11 v.,
jarpur
4. Þorvarður Friðbjörnsson og Reyr, 12 v.,
rauður
5. Valdimar Kristinsson og Lér frá Reynis-
vatni, 11 v., rauður
100 m flugskeið
1. Kristján Magnússon og Eldur frá Vallanesi,
11 v., rauður, 8,4 sek.
2. Barbara Meyer og Þota frá Skriðu, 9 v.,
brún, 8,4 sek.
3. Bjarni Kristjánsson og Hilmir frá Þorláks-
stöðum, 8 v., rauðglófextur, 8,9 sek.
4. Þorvarður Friðbjörnsson og Meta-Mósi frá
Engihlíð, 8v mósóttur, 9,0 sek.
5. Jóhann Þ. Jóhannsson og Gráni frá Grund,
10 v., grár, 9,0 sek.
Ölfustölt á Ingólfshvoli
Börn
1. Oddur Ólafs. og Mímir frá Fyrirbarði, 5,80
2. Sara D. Traustadóttir og Hraunar frá
Kirkjuferjuhjáleigu, 5,64
3. Arnar B. Sigurðarson og Jari frá Kjart-
ansst., 5,31
4. Marta R. Ólafsd. og Rós frá Vindási, 4,75
5. Sigurbjörg J. Jónsdóttir og Fura frá Krög-
gólfsstöðum, 4,33
6. Ragna Helgadóttir og Engilfríð frá
Kjarri, 4,08
Unglingar
1. Páll Helgason og Neisti frá Kjarri, 5,95
2. Þorsteinn Ó. Brynjarsson og Máni frá
Kornsá, 4,72
3. Þórður Guðbrandsson og Bangsi, 4,02
Áhugamenn
1. Eiríkur G. Helgas og Vængur frá Bæ, 6,13
2. Margrét B. Magnúsdóttir og Assi frá Stóra-
Hofi, 6,07
3. Elka Guðmundsdóttir og Ormur frá Dals-
mynni, 5,74
4. Magnús Grétar, 5,36
5. Víðir Guðmundsson og Óðinn frá Akurgerði,
4,36
Opinn flokkur
1. Þorvaldur Á. Þorvaldsson og Spaði frá
Hafrafellstungu, 7,35
2. Lena Zielenski og Kópur frá Voðmúlastöð-
um 7,32
3. Sigurður Sigurðarson og Hylling frá
Kimbastöðum 7,30
4. Haraldur Arngrímsson og Sindri frá Laug-
ardælum 7,03
5. Hallgrímur Birkisson og Júpíter frá Stóru-
Hildisey 6,97
6. Páll B. Hólmarsson 6,70
7. Þórdís E. Gunnarsdóttir og Skellur frá
Hrafnkelsstöðum 6,68
8. Ævar Ö. Guðjónss. og Fontur frá Feti 6,66
9. Trausti Þ. Guðmundsson og Bassi frá
Kirkjuferjuhjáleigu 6,42
10. Sigursteinn Sumarliðason og Þota frá Út-
hlíð 6,39
Stigahæstu knapar
Þorvaldur Árni Þorvaldsson, 20 stig.
Lena Zielenski, 20 stig
Haukur Tryggvason, 12 stig.
Sigursteinn Sumarliðason, 8 stig
Sigurður Sigurðarson, 8 stig
Haraldur Arngrímsson, 7 stig.
Stjörnutölt Léttis í Skautahöllinni á Akureyri
Hans Kjerúlf vann glæst-
an sigur á nýjum hesti
Góð stígandi er að komast í mótahaldið hjá
hestamönnum, í auknum mæli er farið að
gefa einkunnir á mótunum og um leið verða
kröfurnar til hestanna og knapanna meiri.
Hæst bar um helgina Stjörnutöltið í Skauta-
höllinni á Akureyri en fyrir sunnan fór fram
forval í Skautahöllinni í Laugardal og rekur
Valdimar Kristinsson hér helstu viðburði.
Morgunblaðið/Kristján
Hrauna frá Húsavík er án vafa ein fremsta stjarna hestamennskunnar um
þessar mundir. Eigandi hennar og ræktandi, Gísli Haraldsson, sýndi hana
á Stjörnutöltinu á laugardag við góðar undirtektir.
Hestsnafn vikunnar
Sveinn er
að herfa
NAFN vikunnar er að þessu sinni
Sveinn Hervar en hann er sem kunn-
ugt er frá Þúfu í Vestur-Landeyjum,
undan hinum þekkta Orra frá Þúfu og
Rák frá Þúfu. Sjálfur er Sveinn Herv-
ar þekktur stóðhestur og hefur komið
nokkuð víða fram. Nafngiftin á sér
nokkuð sérstaka sögu og má segja að
það hafi verið hálfgerð tilviljun hvern-
ig nafnið festist á hestinn. Flestir
halda sjálfsagt að þarna hafi Indriði,
þáverandi bóndi í Þúfu, verið að
heiðra afrek Sveins Guðmundssonar í
hrossaræktinni og eins vegna stóð-
hesta hans en svo var nú aldeilis ekki.
Tildrög málsins voru þau að Guðni
Guðmundsson, núverandi bóndi í
Þúfu og tengdasonur Indriða, kom
inn í bæ og tilkynnti Indriða að móðir
Sveins Hervars hefði kastað og spurði
hvað þeir ættu að skíra folaldið sem
væri hestur. Indriði var eitthvað ann-
ars hugar þar sem hann stóð og horfði
út um gluggann og muldraði fyrir
munni sér að Sveinn væri að herfa. Þá
var þar vinnumaður sem hét Sveinn
og var hann að herfa flag skammt frá
bænum. Guðna heyrðist hann segja
Sveinn Hervar og þótti þetta gott
nafn og þar með varð til Sveinn Herv-
ar frá Þúfu!
Hálf milljón
höfð af Fáki
Í FRÉTT af góðri afkomu Hesta-
mannafélagsins Fáks á síðasta ári í
hestaþætti fyrir viku var hagnaður fé-
lagsins rýrður um hálfa milljón króna.
Þar átti að standa að hagnaður af
rekstri hefði verið tæplega tvær og
hálf milljón en þessi hálfa milljón féll
út úr textanum. Eru Fáksmenn beðn-
ir velvirðingar á þessum mistökum.
Af aðalfundinum er það annars að
segja að stjórn félagsins var öll end-
urkosin að því undanskildu að Viðar
Halldórsson gaf ekki kost á sér til
endurkjörs en í hans stað var kosinn
Þorgrímur Hallgrímsson. Þá fengu
þrír félagsmenn gullmerki félagsins
en þau eru Valdimar Jónsson, fyrr-
verandi formaður, Katrín Briem og
Hjördís Björnsdóttir.
♦ ♦ ♦