Morgunblaðið - 25.03.2003, Blaðsíða 22

SUÐURNES
22 ÞRIÐJUDAGUR 25. MARS 2003 MORGUNBLAÐIÐ
LANDIÐ
NÝLEGA tók Valgerður Baldurs-
dóttir við sem nýr hjúkrunarfor-
stjóri Barmahlíðar af Erlu Sig-
tryggsdóttur sem hefur stjórnað
heimilinu sl. tvö ár. Valgerður starf-
aði áður sem hjúkrunarframkvæmd-
arstjóri á Dvalar- og hjúkrunarheim-
ilinu Ási í Hveragerði. Hjúkrunar-
og dvalarheimilið Barmahlíð í Reyk-
hólahreppi í Austur-Barðastrandar-
sýslu er 15 ára um þessar mundir og
þar eru 13 hjúkrunarrými og 2 dval-
arrými. Yngsti vistmaðurinn er 48
ára en sá elsti 99 ára. 14 starfsmenn
vinna í Barmahlíð en margir eru í
hlutastörfum.
Valgerður Baldursdóttir hjúkrunarforstjóri, Einar Örn Thorlacius, sveit-
arstjóri Reykhólahrepps, og Erla Sigtryggsdóttir, fv. hjúkrunarforstjóri.
Nýr hjúkrunarforstjóri
tekinn við í Barmahlíð
Reykhólar
VINNA er hafin við smíði brúar í
tengslum við mislæg gatnamót
Reykjanesbrautar við Vatnsleysu-
strandarveg. Starfsmenn Eyktar eru
byrjaðir á brúnni, sem verður á nýrri
akrein Reykjanesbrautarinnar við
Kúagerði.
Þeir slá upp mótum fyrir veggi
brúarinnar og reisa síðan. Á verk-
stæði í Reykjavík er á sama tíma ver-
ið að gera mót fyrir brúargólfið og
verða þau flutt á staðinn. Einnig eru
starfsmenn verktakanna byrjaðir að
undirbúa brúargerð á nýju akrein-
inni í Hvassahrauni, sem á að þjóna
byggðinni í hrauninu og veginum að
Keili. Þegar lokið er við þessar brýr
tekur við gerð brúa á núverandi
akstursbraut Reykjanesbrautarinn-
ar.
Pétur Guðmundsson, fram-
kvæmdastjóri Eyktar, segir að í raun
sé verið að byggja fjórar sjálfstæðar
brýr á þessum tvennum mislægu
gatnamótum. Hann segir að mikil
vinna sé lögð í gerð þessara mann-
virkja enda verði þau vönduð eins og
Vegagerðin krefjist og vera ber.
Morgunblaðið/RAX
Byrjaðir á brúargerð
Reykjanesbraut
UNDIRBÚNINGUR fyrir árshátíð í
Grunnskóla Grindavíkur, sem hald-
in verður í dag, er í fullum gangi.
Þegar blaðamann bar að garði voru
sex leikarar á sviði, þar á meðal fjór-
eggja fjórburar, og nutu leiðsagnar
Bergs Ingólfssonar leikstjóra.
Bergur er Grindvíkingur og hef-
ur áður verið leitað til hans í
tengslum við undirbúning árshátíð-
arinnar. Mikill tími fer í þennan
undirbúning fyrir „stóra leikritið“
hjá krökkunum en svo er aðal-
stykkið á árshátíð grunnskólans
jafnan kallað. Alls taka 45 krakkar
þátt í sýningunni og eru stífar æf-
ingar. Leikritið heitir „Karfa góð“.
„Ég hóf leiklistarferilinn hér í
skólanum og rennur því blóðið til
skyldunnar að miðla af reynslu
minni. Það var ekki svona mikil
starfsemi þegar ég var á þessum
aldri. Það er frábært að menn gefi
leiklistinni þetta tækifæri en mér
finnst að hún mætti vera meirainni í
námskránni. Þetta eru frábærir
krakkar með mikla leiklistarhæfi-
leika og ég sé nokkur leikaraefni í
hópnum. Það er því mikil tilhlökkun
að sjá afraksturinn á frumsýning-
unni,“ sagði Bergur Ingólfsson leik-
stjóri.
Morgunblaðið/Garðar Páll Vignisson
Bergur Ingólfsson leikstýrir nemendum í árshátíðarleikriti grunnskólans.
Árshátíðarundirbúningur í skólanum
Fjórburar taka
þátt í sýningunni
Grindavík
BÆJARSTJÓRA Reykjanesbæjar
hefur verið falið að gera úttekt á því
hvort og þá hvað hægt sé að gera til
að samræma lóðarleigu í Reykja-
nesbæ. Hugmyndin er meðal annars
að lækka þá lóðarleigu sem Reykja-
nesbær innheimtir af sínum lóðum.
Kjartan Már Kjartansson, bæjar-
fulltrúi Framsóknarflokksins, flutti
tillöguna og var hún samþykkt sam-
hljóða á síðasta fundi bæjarstjórnar.
Lóðir í Reykjanesbæ eru ýmist í
eigu einkaaðila, sveitarfélaga eða
ríkis. Kjartan Már vekur athygli á
því að lóðarleigan er reiknuð út með
mismunandi aðferðum. Reykjanes-
bær taki ákveðið hlutfall af fast-
eignamati lóða, af öðrum lóðum sé
leigan reiknuð sem hlutfall af verka-
mannalaunum og í enn öðrum tilfell-
um sé hún föst tala sem endurskoðuð
sé á tíu ára fresti. Telur hann eðlilegt
að eigendur fasteigna í Reykja-
nesbæ greiði leiguna á sömu for-
sendum.
Þá telur hann að ef farið verður út
í breytingar sé eðlilegt að lækka
gjaldtöku Reykjanesbæjar sem taki
nú 2% af fasteignamati lóða en það
sé með því hæsta sem þekkist á land-
inu. Vekur hann athygli á því að lóð-
arleigan hafi hækkað verulega í kjöl-
far endurskoðunar fasteignamats
árið 2001 og sé það réttlætismál að
lækka hlutfallið.
Vilja sam-
ræma lóðar-
leigu land-
eigenda
Reykjanesbær
SAMFYLKINGIN hefur opnað
kosningaskrifstofu að Hafnargötu 23
í Reykjanesbæ. Í tilkynningu frá
Samfylkingunni segir að skrifstofan
verði aðalkosningaskrifstofa Sam-
fylkingarinnar í Suðurkjördæmi.
Samfylkingin
opnar kosninga-
skrifstofu
Reykjanesbær
SANDGERÐISLISTINN stendur
fyrir opnum framboðsfundi með
fulltrúum allra framboða í Suðurkjör-
dæmi. Fundurinn fer fram á veitinga-
staðnum Mamma Mía í Sandgerði í
kvöld og hefst klukkan 20.
Frummælendur á fundinum verða
Árni Ragnar Árnason, Guðni Ágústs-
son, Kolbeinn Óttarsson Proppé,
Kristján Pálsson, Jón Gunnarsson og
Magnús Þór Hafsteinsson. Eftir
framsögur verða fyrirspurnir úr sal
leyfðar, að því er fram kemur í frétta-
tilkynningu frá Sandgerðislistanum.
Fundarstjóri verður Ólafur Þór
Ólafsson bæjarfulltrúi.
Framboðsfundur með
fulltrúum allra
Sandgerði
ÞAÐ var fríður hópur leikskóla-
barna frá Krílakoti sem gekk um
götur Ólafsvíkur ásamt starfsfólki
leikskólans. Það er líka gott fyrir
börnin að komast aðeins út af leik-
skólanum og kynnast því hvernig
lífið er utan hans, og hefur starfs-
fólk Krílakots verið duglegt við að
kynna börnunum hvað framtíðinn
beri í skaut sér.
Ferðinni var heitið í bankastofn-
anir í bænum þar sem börnin sungu
fyrir starfsfólk. Vakti þessi uppá-
koma barnanna verðskuldaða at-
hygli starfsfólks og viðskiptavina.
Að launum fengu börnin svala og
annað heilnæmt góðgæti, sem þau
þáðu með þökkum.
Morgunblaðið/Alfons Finnsson
Leikskólabörn
heimsækja banka
Ólafsvík
NEMENDUR í 1.–4. bekk Andakíls-
skóla fóru í heimsókn í ný fjárhús í
Mófellsstaðakoti í Skorradal nýlega
og var tilgangur ferðarinnar að
nemendur kynnust ferlinu frá rún-
ingi til bands. Guðmundur, ráðs-
maður á Hvanneyri, rúði nokkrar
ær og spunakonur frá Ullarselinu
kemdu og spunu úr ullinni. Allir
nemendur fóru heim með lítinn ull-
arhnykil en stefnt er að því að
prjóna úr honum í skólanum. Nem-
endur lærðu hugtökin þel og tog og
sýndu þeir þessari vinnu mikinn
áhuga, eins og sjá má á meðfylgj-
andi myndum.
Kynntu sér
rúning og
ullarvinnu
Skorradalur Morgunblaðið/Davíð