Morgunblaðið - 03.07.2003, Blaðsíða 8

FRÉTTIR
8 FIMMTUDAGUR 3. JÚLÍ 2003 MORGUNBLAÐIÐ
Baráttan við óboðna gesti
Kræktu áður en
krækt er í þitt
Í Morgunblaðinu í gærkom fram að innbrot-um á heimili í
Reykjavík hafi fjölgað úr
37 í 49 milli áranna 2002
og 2003.
Nú er framundan ein
stærsta ferðahelgi ársins
þegar fjölmargir leggja
land undir fót og ekki úr
vegi að spyrja Árna Vig-
fússon, aðstoðaryfirlög-
regluþjón í Reykjavík,
ráða um hvernig sporna
megi við óboðnum gest-
um.
Hvers ber að gæta þeg-
ar húsið er yfirgefið?
„Það er nú í fyrsta lagi
að ganga tryggilega frá
svalahurðum og bakdyr-
um, sem yfirleitt virðist
vera farið inn um og eins
opnanlegum gluggum.
Stundum eru mjög lélegar
læsingar á þessum hurðum og
þær eru jafnvel ekki alltaf not-
aðar. Fólk notar oft bara hurð-
alæsinguna en það er ekki nóg,
það er mjög mikilvægt að nota
líka krækjur séu þær til staðar
eða þá að bæta þeim við. Það eru
svona atriði sem fólk þarf að
huga að og eins að passa að
gluggarnir séu lokaðir. Þá er rétt
að benda fólki á, fari það í frí, að
koma jafnvel verðmætum hlutum
fyrir í öruggari geymslu hjá ein-
hverjum, t.d. tölvum og skjávörp-
um sem mikið er stolið af og öðr-
um hlutum sem auðvelt er að
koma í verð því það er nú það
sem þessir aðilar eru alltaf að
sækjast eftir.
Eins að reyna að láta líta svo
út að einhver sé heima, fá ein-
hvern t.d. til að hirða póstinn og
sumir segja að það sé mjög gott
að fá nágrannana til að leggja bíl
fyrir framan húsið ef hægt er að
koma því við. Það er almennt góð
regla að láta nágrannana vita fari
maður í burtu, að þeir séu með-
vitaðir um að enginn sé heima og
hafi gætur á nánasta umhverfi,
mannaferðum og öðru slíku og
eins að fá þá til að fylgjast með
bílum sem standa fyrir utan.“
Hvaða ráð gefur þú fólki sem
dvelur á tjaldstæðum, ef til vill
með einhver verðmæti?
„Það er náttúrlega að skilja t.d.
tjaldvagna og fellihýsi ekki eftir
ólæst, þá tel ég að verðmætari
hlutir séu betur komnir í bílnum,
ef hann er á staðnum, fari fólk frá
í gönguferð eða eitthvað slíkt.
Ég held nú hins vegar að það
beri mest á því að verið sé að
stela úr tjöldum, þá kannski
meira frá unglingum sem virðast
stundum ganga dálítið kæruleys-
islega um eigur sínar. Það er al-
veg sama sagan þar eins og ann-
ars staðar. Það er verið að stela
því sem hægt er að koma í verð,
dýrari hlutum eins og t.d. mynda-
vélum, þetta þarf fólk að passa.“
Virðast innbrot vera svipaðs
eðlis nú og áður?
„Það virðist, eins og áður, erfitt
að sjá nokkurt mynstur í þessu,
mest af þessum inn-
brotum eru í bíla og
það er þá annað hvort
verið að stela dýrum
hljómflutningstækjum
sem eru í bílunum eða
lausum hlutum sem þar eru skild-
ir eftir og einfaldlega sjást inni í
bílnum. Margir skilja t.d. eftir
tölvur.“
Hvað ber að gera komi fólk
heim og brotist hefur verið inn?
„Það er auðvitað að tilkynna
innbrotið strax til lögreglunnar
og eiga við sem minnst þangað til
lögreglan kemur svo hugsanlega
sé hægt að ná fingraförum og
átta sig á því hver þarna hafi ver-
ið á ferðinni.“
Hvers ber að gæta þegar sum-
arbústaðurinn er yfirgefinn?
„Þar á við það sama og um
heimilin, það er einfaldlega ekki
hægt að koma í veg fyrir að farið
sé inn í bústaðina en það er helst
að vera ekki með verðmæta hluti
þar. Það eru þá þessi rafmagns-
tæki sem verið er að stela og fólk
er oft með í sumarbústöðum, t.d.
myndbandstæki eða nýleg sjón-
vörp.“
Er það í raun svo að innbrota-
tíðni aukist á sumrin?
„Ég held nú að tölur sýni það
ekkert endilega. Ég er alls ekki
viss um að svo sé, það er verið að
fara inn hjá fólki yfir hádaginn
þegar viðkomandi telur nokkuð
víst að það sé enginn heima. Það
gæti hins vegar liðið lengri tími á
sumrin frá því að brotist er inn
og þangað til það vitnast, sem
gerir lögreglumönnum erfiðara
fyrir að rannsaka málið.“
Virðist vera meira um innbrot í
vissum hverfum?
„Undanfarið hefur borið svolít-
ið á því að farið hafi verið inn í
hús í Breiðholtinu; í Seljahverfi.
En annars held ég að það sé ekki
hægt að benda á neitt eitt hverfi,
þetta virðist vera handahófs-
kennt. Það sama á við um innbrot
í bíla, þjófarnir virðast halda að
sé mikið búið að brjótast inn í
einu hverfi þá sé betra að færa
sig eitthvert annað því þar sé
minna eftirlit.“
Er eftirlit aukið á miklum
ferðahelgum?
„Já, þá hefur mann-
skapur lögreglunnar-
hefur verið settur í
auknum mæli á óein-
kennd ökutæki. Farið
er meira um íbúðar-
hverfi og fyrirtækjahverfi, bæði
til að fylgjast með húsunum og
eins umferðinni yfir nóttina því
yfirleitt er meira um að farið sé
inn á nóttunni.
Óeinkennt eftirlit hefur aukist
og það má segja að lagt sé meira
upp úr því en fyrir nokkrum ár-
um.Við vonum auðvitað að það
beri árangur.“
Árni Vigfússon
 Árni Vigfússon er fæddur í
Vatnsdalshólum í Vatnsdal 7.
ágúst árið 1948. Hann hefur
starfað í lögreglunni síðan 1975,
þar af sem aðalvarðstjóri í 12 ár
og gegnir í dag stöðu aðstoðaryf-
irlögregluþjóns sem hann tók við
fyrir tveimur árum. Árni er yf-
irmaður forvarnardeildar Lög-
reglunnar í Reykjavík. Árni er
kvæntur og á fjögur börn.
Eftirlit er auk-
ið á miklum
ferðahelgum
UMHVERFISSTOFNUN vinnur að því í sumar að koma
upp skiltum og merkingum á friðlýstum svæðum víðs-
vegar um landið. Skiltin eru ætluð til leiðbeiningar en á
þeim eru upplýsingar um afmörkun, aðgengi, sérstöðu
og annað sem getur gagnast ferðamönnum.
Einnig er unnið að því að koma upp skiltum með
fræðslu um viðkomandi svæði. Upplýsingar eru um
náttúruna, dýralíf, gróðurfar, sögu, örnefni og svo
framvegis. Þá er verið að setja upp leiðarmerkingar
sem vísa á áhugaverðar gönguleiðir.
Umhverfisstofnun annast gerð skiltanna en Vega-
gerðin setur þau upp. Gagnaöflun og framsetning er
unnin í samvinnu við landeigendur, sveitarstjórnir og
aðra staðkunnuga.
Merkingar á friðlýstum svæðum
Ferðalag út úr bænum (þ.á.m. sundlaugarferð) í lok hvers námskeiðs.
Ferðin er frá kl. 09.30 - 17.00.
Kennarar eru m.a. Broddi Kristjánsson íþróttakennari,
Írena Óskarsdóttir íþróttafræðingur,
Jónas Huang badmintonþjálfari,
Skúli Sigurðsson badmintonþjálfari,
Árni Þór Hallgrímsson badmintonþjálfari o.fl.
Innanhúss: Badmintonkennsla, borðtennis, minni tennis, körfubolti, bandý
og leikir
Úti (við TBR-hús og í Laugardalnum): Knattspyrna, sund, frjálsar íþróttir
á Laugardalsvelli, t.d. spretthlaup, langstökk, spjótkast, kúluvarp og hástökk.
Leikir, svo sem hafnabolti, ratleikur o.fl.
Farið er í Fjölskyldu- og húsdýragarðinn í Laugardal
Upplýsingar og innritun í TBR húsinu Gnoðavogi 1 og í síma 581 22 66.
Sumarskóli TBR 2003
Íþróttaskóli fyrir 6 - 13 ára börn í sumar
Námskeiðin eru virka daga kl. 9-13 eða kl. 13-17.
Fjölbreytt íþróttakennsla á dagskrá með áherslu á badminton.
7. júlí - 18. júlí
5. ágúst - 18. ágúst
Námskeiðin eru 10 virka daga í senn sem hér segir:
Verð er kr. 7400. Skipt er í hópa eftir aldri.
Veittur er systkinaafsláttur.
Einnig er veittur afsláttur ef farið er á fleiri
en eitt námskeið.