Morgunblaðið - 03.07.2003, Blaðsíða 14

ERLENT
14 FIMMTUDAGUR 3. JÚLÍ 2003 MORGUNBLAÐIÐ
Stórkostlegt opnunartilboð á Vikingfellihýsum 9 feta
Netsalan opnar í dag nýja sérverslun með útivistar-
og húsbílavörur í Knarrarvogi 4 í ReykjavíkLOKSINS
Takmarkað magn
Verð nú 645.000
Verð áður 798.000
COMBI-CAMPtjaldvagnar
Dometic ísskápar - gas 12V, 220w.
Verð kr. 75.000 - Opnunartilboð 60.000
Ferðaklósett 9.900 - Opnunartilboð 6.000
Baksýnismyndavél 39.000.
Mikið úrval af tjöldum, stólum, borðum og fleira.
THERE’S ONLY ONE
McLouis
Netsalan ehf.
Knarrarvogi 4, Reykjavík.
Ath. nýtt símanúmer 517 0220 - Fax 517 0221
Netfang: netsalan@itn.is • Heimasíða: www.itn.is/netsalan
Opið á virkum dögum frá kl. 10-19
og laugardögum frá kl. 11-16.
Húsbílar
Dæmi úr Reimo búðinni
SILVIO Berlusconi, forsætisráðherra Ítalíu, olli
talsverðu uppnámi er hann ávarpaði Evrópuþing-
ið í gær með því að bjóða þýskum þingmanni, sem
greip fram í fyrir honum, að leika hlutverk fanga-
varðar í útrýmingarbúðum nasista í ítalskri kvik-
mynd.
Forsætisráðherrann, sem var að kynna áætl-
anir ítölsku ríkisstjórnarinnar á nýhöfnu for-
mennskutímabili fyrir Evrópusambandið, ESB,
missti stjórn á skapi sínu eftir að þýskur þingmað-
ur kallaði fram í þegar hann var að tala. Hann
reiddist er þingmaðurinn, Martin Schultz, minnt-
ist á nýsamþykkt ítölsk lög sem veita forsætisráð-
herranum friðhelgi gagnvart lögum svo hann þurfi
ekki að mæta fyrir rétt vegna spillingarákæru.
„Herra Schultz, á Ítalíu veit ég um framleið-
anda sem er að gera kvikmynd um útrýmingar-
búðir nasista. Ég sting upp á að þú leikir hlutverk
fangavarðarins Kapo, þú værir tilvalinn í það,“
sagði Berlusconi og vísaði þar til fanga sem SS-
menn gerðu að fangaverði í útrýmingarbúðunum.
Mikið uppnám varð í þingsalnum þar sem hin-
um 626 meðlimum þingsins virtist vera gróflega
misboðið og þurfti Pat Cox, forseti þingsins, að
hrópa á þingmenn að halda ró sinni. Schultz og
Cox kröfðust þess að Berlusconi bæðist afsökunar
en hann neitaði því staðfastlega og Cox ákvað að
fresta þingfundinum.
Átti að vera brandari
Á blaðamannafundi eftir þingfundinn neitaði
Berlusconi enn að biðjast afsökunar á orðum sín-
um, hann hefði einungis verið að segja hæðnis-
legan brandara vegna þess hvernig tón og handa-
hreyfingar þýski þingmaðurinn hefði notað. „Ég
ætlaði ekki að móðga neinn. Kannski var hann
bara þannig þýddur að hæðnin kom ekki nógu vel
fram.“ Nokkrum klukkustundum síðar bað hann
þó afsökunar með semingi eftir að ýmsir leiðtogar
í Evrópu höfðu lýst yfir hneykslun sinni.
Gagnrýnendur Berlusconis létu í sér heyra eftir
fundinn, m.a. sagði Schultz að orð Berlusconis
sýndu hversu óhæfur hann væri til að gegna for-
mennsku í ESB og Monica Frassoni, þingmaður
ítalskra græningja, sagði að andófi gegn forsætis-
ráðherranum yrði haldið áfram næstu sex mánuði.
„Á Ítalíu höfum við samþjöppun fjölmiðla og pól-
istísks valds…þar er orðið freistandi að hefja sig
yfir lögin,“ sagði hún.
Leiðtogi frjálslyndra demókrata, Graham Wat-
son, lét hafa eftir sér að Berlusconi hefði „lítil-
lækkað formennskuembætti ESB“ og orð hans
væru „móðgun við Evrópu“. Romano Prodi, for-
seti framkvæmdastjórnar ESB, reyndi hins vegar
að gera lítið úr málinu og sagði að samvinnan yrði
góð undir forystu Berlusconis næsta hálfa árið.
Mótmælaspjöld á þinginu
Ítalir tóku við formennsku í Evrópusambandinu
í fyrradag en miklar umræður hafa verið um hvort
Berlusconi sé hæfur til að gegna því hlutverki.
Þykir gærdagurinn hafa verið slæm byrjun fyrir
hann. Áður en uppnámið varð höfðu um 40 þing-
menn græningja haldið á spjöldum með áletrun-
unum, „Engan guðföður fyrir Evrópu“ og „Allir
eru jafnir fyrir lögunum“ og vísuðu þeir þar til
mafíunnar á Ítalíu og fyrrnefndra laga um frið-
helgi. „Ef hugmyndir ykkar um lýðræði eru svona
þá ættuð þið að sækja Ítalíu heim sem ferðamenn.
Þið hagið ykkur núna eins og ferðamenn,“ sagði
Berlusconi við þingmennina með spjöldin.
Berlusconi hafði ekki minnst á lögin í ræðu sinni
en talaði um að auka þyrfti hagvöxt í löndum ESB,
styrkja tengslin við Bandaríkin og láta ESB taka
þátt í að koma á friði í Mið-Austurlöndum. Hann
svaraði hins vegar fyrir sig í grein í bresku dag-
blaði í gær þar sem hann sagði að enginn gæti
kennt ríkisstjórn sinni siðferði. „Heiðarleiki er
ekki vandamál hjá okkur af því að við höfum nóg af
honum. Og enginn er þess umkominn að veita rík-
isstjórn, sem kosin er af ítölsku þjóðinni, kennslu-
stund í siðferði,“ sagði hann.
Silvio Berlusconi veldur uppnámi á fundi Evrópuþingsins
Bauð þingmanni hlut-
verk nasista í kvikmynd
Brussel, Strassborg. AP, AFP.
AP
Forsætisráðherra Ítalíu, Silvio Berlusconi, lagar
heyrnartól sín á blaðamannafundi eftir að hafa
haldið ræðu í Evrópuþinginu í Strassborg í gær.
Hóf skot-
hríð í skóla
í Þýska-
landi
Coburg. AFP.
SEXTÁN ára nemandi í
menntaskóla skaut og særði
kennslukonu áður en hann
beindi byssunni að sjálfum sér í
bænum Coburg í Suður-Þýska-
landi í gærmorgun. Talið er að
konan hafi orðið fyrir skoti þeg-
ar hún reyndi að afvopna piltinn.
Nemandinn gekk inn í
kennslustofu vopnaður tveimur
skammbyssum um klukkan
hálftíu og hóf að skjóta að skóla-
töflunni en skotið fór rétt
framhjá kennaranum. Ekki er
ljóst hvort hann hafi ætlað að
skjóta á hann. Nemendur flýðu
stofuna, sumir út um glugga og
lokuðu dyrunum til að varna
piltinum útgöngu úr stofunni.
Hann náði að halda einum nem-
anda eftir í stofunni og sagðist
„þurfa á honum að halda“.
Önnur kennslukona kom þá
inn í stofuna og fékk hún skot í
lærið. Þvínæst fyrirfór hann sér
með skammbyssunni að nem-
andanum og kennaranum ásjá-
andi. Ekki er vitað um ástæður
verknaðarins en drengurinn
þótti fremur hæglátur. Fram
hefur komið að hann hafði verið
á námskeiði þar sem hann lærði
skotfimi.
Í fyrra áttu sér stað fimm
vopnaðar árásir í þýskum skól-
um, sú alvarlegasta í bænum
Erfurt þar sem 19 ára gamall
piltur skaut 16 manns til bana.