Morgunblaðið - 25.01.2004, Side 32
LISTIR
32 SUNNUDAGUR 25. JANÚAR 2004 MORGUNBLAÐIÐ
UM ÞESSAR mundir standa yfir
æfingar á gamanleikritinu 5stelp-
ur.com sem frumsýnt verður í
Austurbæ í byrjun næsta mánaðar.
5stelpur.com er spænskt leikrit
skrifað af hópi vinsælla höfunda
sjónvarpsgamanþátta þar í landi.
Verkið var frumsýnt í Bilbao árið
2002 við afar góðar viðtökur og á
innan við ári höfðu 400 þúsund
manns séð sýninguna. Í 5stelp-
um.com miðla fimm afar ólíkar
konur af lífsreynslu sinni á ein-
staklega kómískan hátt. Formið á
leikritinu þykir nýstárlegt þar sem
blandað er saman uppistandi, sjón-
varpsþáttastíl, teiknimyndum og
tónlist til að framkalla heildstæða
sýningu.
Sem liður í undirbúningi upp-
setningarinnar skruppu leikkonur
sýningarinnar, þær Björk Jak-
obsdóttir, Edda Björgvinsdóttir,
Guðlaug Elísabet Ólafsdóttir, Guð-
rún Ásmundsdóttir og Unnur Ösp
Stefánsdóttir, ásamt leikstjóra sín-
um, Ágústu Skúladóttur, og sér-
legum aðstoðarmanni leikstjóra,
Vilborgu Halldórsdóttur, til Lund-
úna í nokkra daga fyrr í mán-
uðinum fyrir tilstilli flugfélagsins
Iceland Express. Markmið ferð-
arinnar var ekki síst að kynna sér
breskt uppistand enda ekki verra
að leita sér innblásturs hjá meist-
urum grínsins í Bretlandi.
Úrvals uppistand
Strax fyrsta kvöldið lá leiðin í
klúbb er nefnist Comedy camp í
kjallaranum á Barcode á Archer
Street. Comedy camp er helsti
uppistandsklúbbur í Soho-hverfi,
en þar er á hverju þriðjudags-
kvöldi boðið upp á fjóra úrvals
uppistandara sem kynntir eru til
leiks af hinum káta Simon Happily.
Greinilegt var að Happily kunni
sitt fag því honum tókst að hita
tróðfullan salinn vel upp áður en
hin krúttlega, en mjög svo lág-
vaxna Lucy Porter steig á svið.
Porter var svo einstaklega sakleys-
isleg í útliti og öllu fasi að hún
komst upp með að tala um hin
grófustu málefni án þess bók-
staflega að ganga fram af fólki.
Næst á sviðið var hin háværa og
grófgerða Pam Ford, sem talaði
með skemmtilega miklum ástr-
ölskum hreim. Ford varð tíðrætt
um erfitt hlutskipti kvenna hvað
fegurðarkröfur varðar og lýsti fæð-
ingu barna sinna á mjög svo kóm-
ískan, en jafnframt groddalegan
hátt. Lokanúmer Ford var óborg-
anlegur flutningur á lagi Shaniu
Twain That Don’t Impress Me
Much með nýjum texta sem vakti
mikla kátínu áhorfenda.
Eftir hlé var komið að hinum
hægláta Adam Bloom sem tókst á
meistaralegan hátt að varpa kóm-
ísku ljósi á hversdagslega hluti,
auk þess sem hann lýsti reynslu
sinni þegar hann var rændur á
götu úti. Seinastur eða á ég að
segja seinust á svið var síðan fíg-
úran Tina C sem er ein þeirra per-
sóna sem hinn bandaríski klæð-
skiptingur Chris Green hefur
skapað. Tina C er algör glam-
úrgella sem treður upp í svörtum
níðþröngum pallíettukjól sem vart
nær niður fyrir rass, stífmáluð, í 15
sm hælaháum skóm, með kúreka-
hatt og ómótstæðilegt bros sem
sómt gæti fegurðardrottningu. Í
fullum skrúða var Tina C svo há í
loftinu að hún var sífellt að reka
sig upp undir loftið á sviðinu í
Comedy camp-kjallaranum. Í með-
förum Chris Greens er Tina C
heimsfræg sveitatónlistarsöngkona
sem gefið hefur út vinsæla slagara
á borð við If These Walls Could
Talk (They’d Be In Therapy) og
Don’t Tell Me You’re Single I’ve
Slept With You’re Wife. Tina C
hafði augljósa sönghæfileika sem
sannaðist t.d. þegar hún flutti
poppaða útgáfu af Nessun Dorma
úr Turandot eftir Puccini við mik-
inn fögnuð viðstaddra.
Hvað uppistandið varðaði skar
Tina C sig nokkuð úr hópi hinna.
Bæði vegna þess hve augljóslega
tilbúinn karakter hún var, því oftar
en ekki nota uppistandarar eigið
nafn og tala út frá sjálfum sér þótt
margt sé vissulega fært í stílinn,
en ekki síður með hliðsjón af um-
fjöllunarefninu. Tina C var á ytra
borðinu Ameríkani í húð og hár, en
tókst með beittu háði sínu að gera
grín að hernaðarstefnu Bandaríkja-
manna undir því yfirskini að hún
væri dyggur stuðningsmaður henn-
ar. Þegar íslenski hópurinn var á
leið heim á hótel að uppistandi
loknu var augljóst að Tina C hafði
vakið mikla hrifningu innan hóps-
ins, þótt flestar væru leikkonurnar
á einu máli um að þær hefðu hlegið
meira að hæglátara gríni Lucy
Porter og Adams Blooms, enda eru
þau uppistandarar sem eftir er
tekið í breskum grínheimi.
Skondið persónugallerí
Dagurinn eftir var að stórum
hluta nýttur til að æfa stutta grín-
þætti úr 5stelpur.com. Leikkon-
urnar höfðu fengið leyfi til að æfa í
stórum sal á neðstu hæð hótelsins
og þar birtist blaðamanni hið
skondnasta persónugallerí. Þarna
mátti sjá unga einhleypa konu sem
mátar sig sífellt við strákana og
hefur farið á ófá stefnumót á sinni
stuttu ævi. Aðra aðeins eldri konu
sem farin er að örvænta um hvort
hún gengur út þar sem hún hefur
verið einhleyp í hátt á þriðja ár.
Elsta konan í hópnum hefur með
aldrinum gert sér ljóst að karl-
menn eru engan veginn fullkomnir,
en samt virðast konur elska þá og
á engan hátt kjósa að hafa þá
öðruvísi en þeir eru. Fjórða konan
er líkt og fleiri í hópnum gift og
miðlar kómískri sýn sinni á sam-
skipti sín við eiginmanninn.
Fimmta og síðasta konan í hópn-
um er einstaklega jákvæð og góð-
hjörtuð. Hún er raunar að ganga í
gegnum eitt erfiðasta tímabil ævi
sinnar þar sem sonur hennar er að
breytast í ungling. Í raun og veru
langar hana helst að slíta af honum
eyrun og berja hann í klessu, en
heldur aftur af sér sökum ástar
sinnar á honum. Greinilegt var að
þessar ólíku konur vöktu mikla
kátínu hótelstarfsfólksins sem sí-
fellt var að sniglast í kringum æf-
ingasvæðið. Vafalaust hefðu brosin
á andliti starfsmannanna vikið fyr-
ir skellihlátri ef þeir hefðu skilið
það sem fram fór.
Seinna kvöldið í borginni var
ákveðið að sækja leikhúsið Comedy
Store við Oxedon Street heim. Þar
gafst kvennaskaranum kostur á að
berja augum Comedy Store-
leikarana, en þeir mynda einn
fremsta spunaleikhóp landsins,
stunda svokallað leikhússport sem
var afar vinsælt hér á landi fyrir
nokkrum árum. Í samtali við Neil
Mullarkey (einn af stofnendum
leikhópsins ásamt mönnum á borð
við Mike Myers) að lokinni sýningu
kom í ljós að hópurinn hefur starf-
að saman síðan 1985 og treður upp
í Comedy Store-leikhúsinu öll mið-
vikudags- og sunnudagskvöld til að
sýna spunalist sína sem byggist al-
gjörlega á hugmyndum og uppá-
stungum áhorfenda. Aðspurður í
hverju galdur spunans væri falinn
sagði Mullarkey nauðsynlegt að
temja sér ákveðið kæruleysi og
passa sig á að festast ekki í hlut-
unum. Ef eitthvað klikkaði yrði
maður bara að vera fljótur að
sleppa og halda ótrauður áfram og
láta öll mistök og vandræðagang
lönd og leið.
Hlustun lykilatriði
Þar sem eitt helsta markmið
ferðarinnar var að skoða breskt
uppistand lá beint við að forvitnast
um hvað stelpurnar töldu sig hafa
lært af því að horfa á bresku
meistarana. „Það sannaðist enn og
aftur fyrir mér hvað hlustunin
skiptir miklu máli, það að hlusta á
umhverfi sitt og ekki síst á áhorf-
endur. Mér fannst gaman að sjá
hvað uppistandararnir voru í miklu
sambandi við okkur áhorfendur og
tókst að hrífa mann með sér. Á
uppistandi verður áhorfandinn í
raun mótleikari uppistandarans,“
segir Unnur. „Og það mjög áríð-
andi mótleikari,“ bætir Edda við.
Að sögn Ágústu hefur hún í
vinnu sinni með leikkonunum fyrst
og fremst reynt að framkalla þann
fyrirhafnarlausa samræðutón sem
oft einkennir uppistandið. „Á sama
tíma fannst mér mikilvægt að hver
og ein þeirra fyndi sinn persónu-
lega tón og gerði efnið algjörlega
að sínu, enda felst list uppistand-
arans ekki síst í því að geta farið á
„trúnó“ með fullan sal af fólki. Oft
eru uppistandarar að tala um erf-
iða hluti, deila eigin fávisku, kjána-
skap og lífssýn á kómískan hátt.
Auðvitað skreyta uppistandarar
frásögn sína og kitla þannig hlát-
urtaugar fólks, enda er ekkert holl-
ara en að hlæja saman. Engu að
Morgunblaðið/Silja Björk
Leikkonurnar Guðrún, Unnur Ösp, Guðlaug Elísabet, Edda og Björk
bregða á leik í hinni stórskemmtilegu búð Octopus við Piccadilly Circus.
Á trúnó með fullan sal af fólki
Hópur af fyndnustu leikkonum landsins brá sér nýverið til Lundúna
ásamt leikstjóra sínum í nokkurs konar æfingabúðir. Tilgangur ferð-
arinnar var ekki síst að fá nasasjón af bresku uppistandi og leikhúslífi.
Silja Björk Huldudóttir slóst í för með þessum skemmtilega hóp.
*
ÍS
LE
N
SK
A
AU
G
LÝ
SI
N
G
AS
TO
FA
N
/S
IA
.I
S
T
O
Y
23
39
4
0
1/
20
04
Toyota
Nú er tækifærið til að láta sína villtustu bíladrauma rætast.
Komdu og reynsluaktu nýjum glæsilegum *Avensis.
Veglegir vetrarpakkar að verðmæti 125.000 krónur fylgja
fyrstu 8 beinskiptu *RAV4 sem seljast. Í markaði
jeppamannsins í Arctic Trucks verður frumsýndur nýr 38 tommu
*LandCruiser með sérstakri túrista breytingu. Skoðaðu *Yamaha
vélsleðana og *Yamaha vélhjólin og líka 38 tommu *Hilux bílana sem eru
á tilboðsverði. Lexus *RX300 og Lexus IS200 verða líka í öndvegi og
Það verður allt opið uppá gátt hjá okkur á Nýbýlaveginum um helgina
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
T
O
Y
23
39
4
0
1/
20
04