Morgunblaðið - 25.01.2004, Qupperneq 41

SKOÐUN
MORGUNBLAÐIÐ SUNNUDAGUR 25. JANÚAR 2004 41
HINN 11. des. s.l. samþykkti bæj-
arstjórn Snæfellsbæjar samhljóða
fyrirliggjandi tillögur undirbúnings-
nefndar um sameiningu grunnskól-
anna í Snæfellsbæ.
Í stuttu máli ganga tillögur þessar
út á að Lýsuhólsskóli verði rekinn í
óbreyttri mynd a.m.k. næstu þrjú
árin. Skólahald á Hellisandi og í
Ólafsvík verði aldursskipt, þannig að
1.-4. bekkur verði á
Hellissandi og 5.-10.
bekkur í Ólafsvík. Einn
skólastjóri skal ráðinn
til að hafa yfirstjórn en
með honum aðstoð-
arskólastjóri. Sam-
ræma skal kennslufyr-
irkomulag. Segja skal
upp núverandi skóla-
stjórnendum. Gæsla
verður í skólabílunum
en aldursskiptingin
hefur í för með sér
talsverðan skóla-
akstur. Öll íþrótta-
kennsla skal fara fram
í Ólafsvík en stundatafla skal þannig
samsett að akstur verði í lágmarki.
Mötuneyti verða á báðum stöðum.
Um ofanritað er einhugur í bæj-
arstjórn ásamt því að margir borg-
arar þessa samfélags hafa komið að
málinu og stutt það heilshugar. En
hver er tilgangurinn með sameining-
unni?
Það segir sig eiginlega sjálft að
þrír skólar, sem reknir eru hver í
sínu horni og með ólíku fyr-
irkomulagi, eru tímaskekkja þegar
búið að sameina byggðarlögin í eitt
sveitarfélag. Um þetta hljóta flestir
að geta verið sammála. Það er hins
vegar aldursskiptingin sem er mesti
þyrnirinn í augum fólksins því á
sömu spýtunni hangir nefnilega
stórlega aukinn, og ef að líkum læt-
ur, gríðarlega kostnaðarsamur,
skólaakstur. M.v. núverandi stöðu
mála mun ekki verða hlustað á öflug
mótmæli foreldra frá Ólafsvík. Eða
eins og segir orðrétt í tillögunum:
,,Í umræðunni hefur nokkur gagn-
rýni komið fram á aukinn skóla-
akstur sem fylgja mun sameining-
unni. Undirbúningsnefnd álítur að
skólaaksturinn einn og sér geti ekki
staðið í vegi fyrir þeim breytingum
sem lagðar eru til enda ávinningur
af sameiningu skólanna ótvíræður
að mati nefndarinnar“.
Það fer ekki á milli mála að til-
gangurinn með því að hrinda sam-
einingunni í fram-
kvæmd er að bæta
skólastarfið. Það er
ekki hægt að ætla bæj-
arstjórninni og öllu því
góða fólki sem að mál-
inu hefur komið annað
en að það sé gert af
góðum hug og á þetta
fólk þakkir skilið. Ekki
er þó þar með sagt að
tillögurnar séu hafnar
yfir gagnrýni. Eftirfar-
andi er orðrétt úr til-
lögu undirbúnings-
nefndar: ,,Með
ofangreindum tillögum
telur undirbúningsnefnd að skóla-
hald í bæjarfélaginu muni eflast og
vísar þar m.a. í rökstuðning úr
skýrslu skólanefndar og upplýsingar
frá sveitarfélögum sem búa við sam-
bærilegar aðstæður og Snæfells-
bær.“ Hérna kreppir skóinn í mál-
flutningi undirbúningsnefndarinnar
því í skýrslu skólanefndar fer lítið
fyrir rökstuðningi, heldur er nið-
urlag skýrslunnar samsett af ljóm-
andi tillögum sem greinilega hefur
verið lögð vinna í að móta. En það er
erfitt að vera sammála eftirfarandi
fullyrðingu úr tillögum skólanefnd-
arinnar: ,,Eðlilegt er að aldursskipt-
ing skólanna gangi í gegn með ráðn-
ingu nýs skólastjóra…..“ Vegna
hvers er það eðlilegt? Vegna hvers
er ekki eðlilegra að ný yfirstjórn taki
ákvörðun um og skipuleggi aldurs-
skiptingu ef slíkt þykir æskilegt?
Undirbúningnefndin tekur, að
eigin sögn, einnig tillit til upplýsinga
frá öðrum sveitarfélögum. Ef hér er
verið að vitna til reynslu grunnskól-
anna á Höfn annars vegar og Ár-
borgar hins vegar þá er óskiljanlegt
hvernig sú reynsla getur hvatt til
aldursskiptingar grunnskólans í
Snæfellsbæ. Þar er fátt ef nokkuð
jákvætt á ferðinni. Tilvitnanir í stöð-
una á Höfn eru eftirfarandi: ,,Það er
erfiðara að ráða kennara að þessu
nýja fyrirkomulagi“ ,,nokkuð hefur
borið á óánægju meðal starfandi
kennara vegna þess að þeir þurfa að
fara á milli skólanna“ ,,ekki er mark-
tækur munur á árangri nemenda“
og ,,mikill kostnaður er við skóla-
aksturinn“. Nánast eini kosturinn er
góð nýting á húsakosti skólanna.
Frá Árborg, er svipaða sögu að
segja: ,,Hve mikill aksturinn varð
kom á óvart“ ,,þessi mikli akstur hef-
ur gert skipulag skólastarfsins
flóknara“ ,,munur á árangri nem-
enda er ekki marktækur en í fyrstu
var hann slakari en hefur nú leitað
jafnvægis“. Helstu kostir eru sagðir
jafnari bekkjardeildir og að nú heyri
samkennsla bekkja sögunni til. Þess
ber að geta að í Árborg er yfirstjórn-
in skipulögð með líkum hætti og til
stendur að verði í Snæfellsbæ.
Reynsla umræddra sveitarfélaga
virkar ekki sérlega hvetjandi á ald-
ursskiptingu og reyndar verður að
lýsa furðu með að undirbúnings-
nefndin skuli túlka þessa reynslu
aldursskiptingunni í hag nema
nefndin hafi aðgang að öðrum upp-
lýsingum en birtast í skýrslu skóla-
nefndar.
Faglegt starf og skólaakstur
Það má leiða líkum að því að skóla-
aksturinn kunni að bitna á hinu fag-
lega starfi en það er einmitt þetta
faglega starf sem er eitt af helstu
rökunum fyrir aldursskiptingunni.
Þau rök gegn skólaakstri, að um
hættulegan veg sé að fara á milli
skólanna, eiga fyllilega rétt á sér.
Staðreyndin er sú að þegar um
skólaakstur er að ræða þá verða ör-
yggismörkin lækkuð. Mat á snjó-
flóðahættu lægi fyrir við slíkar
mögulegar aðstæður en örygg-
ismörk gagnvart vindi þurfa að
lækka þegar létthlaðnar rútur eru á
ferð í alvöru S-áttum. Viðkomandi
bílstjórum ætti að vera fyllilega
treystandi til slíks mats í samráði við
skólayfirvöld. Það er hins vegar
spurning hvaða áhrif það hefði á fag-
legt starf innan skólans ef það
vantaði stóran hluta af nemend-
unum. Þetta ástand gæti staðið hluta
dags. Þetta félli sjálfsagt illa að
faglegri vinnu utan þess að ítrekað
mun koma upp sú staða að
nemendur verða fastir í skólunum í
lok skóladags og þurfa þá tíma-
bundna gæslu eða aðstoð björg-
unarsveita.
Líkt og S-áttin blæs hér öllu á
brott eða í skafla eiga bæjaryfirvöld
ekki að blása á andstöðu íbúanna við
svo stórlega auknum skólaakstri.
Alveg á sama hátt mega íbúarnir
ekki blása á tilraunir bæjarstjórnar
til að gera vel. Hér þarf því að finna
nýjar lausnir og ásættanlegri.
Bæjarstjórnin hefur verið á réttri
leið undanfarin ár og hefur átt þátt í
að bæta bæjarbraginn verulega en
íbúarnir hafa líka átt sinn þátt í því
að nú ríkja hér allt önnur viðhorf.
Það er því feilspor af bæjarstjórn-
inni að kasta stríðshanska inn í þetta
samstarf. Fyrir svo verulega skerð-
ingu á þjónustu sem aldursskipt-
ingin yrði er alls ekki rétti tíminn.
Yfir íbúum Snæfellsbæjar vofa veru-
legar tekjuskerðingar og eru þær nú
þegar farnar að koma fram. Yfirvof-
andi aukin skattheimta bæði á út-
gerð og sjómenn mun ekki bæta þá
stöðu. Þessi bæjarstjórn hefur til
þessa varist með aukinni sókn og
ætti að gera svo áfram. Að bakka í
vörn er ekki rétta leiðin.
Í framhaldi af ofanrituðu er hér
með skorað á bæjaryfirvöld að fara
sér hægt í umræddum málaflokki.
Skilgreina betur vandamálið og sjá
hverju sameiningin skilar, án aldurs-
skiptingar. Samkennsla væri hugs-
anleg á Hellisandi. Þar gæti t.a.m.
orðið færra í samkenndum bekkjum
heldur en ef börn frá Ólafsvík yrðu
flutt úteftir og bekkir sameinaðir
þar.
Skólamál Snæfellsbæjar
Eftir Gísla Gunnar Marteinsson
’Það er því feilspor afbæjarstjórninni að
kasta stríðshanska inn í
þetta samstarf.‘
Gísli Gunnar
Marteinsson
Höfundur er sjómaður í Ólafsvík.
Smáauglýsingar á mbl.is
Nú getur þú bæði pantað smáauglýsingu til birtingar á mbl.is eingöngu
og einnig fengið auglýsinguna birta á smáauglýsingasíðum Morgunblaðsins.
Smáauglýsingar á mbl.is, vinsælasta vefsvæði landsins,
með yfir 150.000 gesti á viku.
Frítt til 1. mars.
Smáauglýsing sem eingöngu er birt á mbl.is vefnum er ókeypis til 1. mars.
Innifalið er 160 stafa auglýsing með mynd og birting í einn dag.
N†TT Á NE
TINU
Forsíða Viðskipti Atvinna Fólkið Smáauglýsingar
Laugardagur | 25. janúar | 2004
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
M
BL
2
31
51
0
1/
04
HEIMASTJÓRN Í 100 ÁR
Sólin gleymdi
dagsins
há¥atíma.
≠
- Anna K. Arngrímsdóttir
- Arnar Jónsson
- Baldur Trausti Hreinsson
- Björgvin Franz Gíslason
- Halldóra Björnsdóttir
- Hjalti Rögnvaldsson
- Jóhann Sigurðarson
- Kristbjörg Kjeld
- Lilja Guðrún Þorvaldsdóttir
- Ragnheiður Steindórsdóttir
- Sigurður Skúlason
- Sólveig Arnarsdóttir
- Tinna Gunnlaugsdóttir
Líf og list á heimastjórnarárum
1904 - 1918
Dagskrá með ljóðum, brotum úr leikritum og öðrum textum.
Frumsýning
Föstudaginn 30. janúar á Stóra sviðinu.
Umsjón og gerð dagskrár:
Þórhallur Sigurðsson
Tónlistarstjóri:
Jóhann G. Jóhannsson
Leikarar:
Hverfisgata 19 - Miðasölusími 551 1200 - Skiptiborð 585 1200
Hr
in
gb
ro
t