Morgunblaðið - 25.01.2004, Síða 69

FÓLK Í FRÉTTUM
MORGUNBLAÐIÐ SUNNUDAGUR 25. JANÚAR 2004 69
Næsta hraðlestrarnámskeið hefst þriðjudaginn 3.febrúar.
Skráning er í síma 565-9500
Hraðlestrarnámskeið
Viltu margfalda afköst í námi?
Viltu auka afköst í starfi um alla framtíð?
Skráðu þig strax.
HRAÐLESTRARSKÓLINN
w w w. h . i s
Stefnumót á Borginni allar helgar
frá og með föstudagskvöldinu 30. janúar
Nú verður aftur hægt að
upplifa gömlu stemn-
inguna og fá sér góðan
snúning í sparifötunum
við ekta danstónlist.
Hljómsveitin Stefnumót
ásamt söngvurunum Ruth
Reginalds og André
Bachmann mun leika
danstónlist af bestu gerð
frá kl. 22-01 öll föstudags-
kvöld og frá 22-02 öll
laugardagskvöld í vetur.
Frítt inn til kl. 22
Í hjarta borgarinnar
Borðapantanir í síma 551 1247
KVIKMYNDAHÁTÍÐIN í Gauta-
borg hefst í dag og er mynd Hilmars
Oddsonar, Kaldaljós, opnunarmynd.
Þetta er í 27. sinn sem keppnin er
haldin og keppir Kaldaljós þar við
sjö aðrar myndir frá Skandinavíu um
aðalverðlaun hátíðarinnar.
Alls eru fimm íslenskar myndir á
hátíðinni sem lýkur 2. febrúar.
Hinar myndirnar eru hluti af dag-
skrá sem nefnist Nordic Light. Um
er að ræða Salt eftir Bradley Rust
Gray, Burst eftir Reyni Lyngdal (við
dansa Katrínar Hall), Karamellu-
myndin eftir Gunnar B. Guðmunds-
son og heimildarmyndin Hestasaga
eftir Þorfinn Guðnason en myndin er
frumsýnd á hátíðinni.
Í tengslum við hátíðina er haldin
markaðshátíð sem nefnist Nordic
Event sem miðar að því að kynna
norrænnar myndir fyrir hugsanleg-
um kaupendum sem fjölmenna á há-
tíðina. Fulltrúar Íslands í þeirri
deildinni eru Kaldaljós, Salt og
teiknimyndin Anna og skapsveifl-
urnar eftir Gunnar Karlsson sem er í
dagskrá er nefnist „Works in
Progress“.
Dramatísk náttúrulífsmynd
Þorfinnur Guðnason frumsýnir
heimildarmyndina Hestasaga
(Running with the Herd upp á
ensku). Síðasta mynd Þorfinns, Lalli
Johns, var lofuð í hástert er hún var
frumsýnd, fékk góða gagnrýni og
mikla aðsókn og hampaði Þorfinnur
Edduverðlaununum fyrir vikið.
Þorfinnur leikstýrir nýju mynd-
inni, tekur hana, sér um klippingar
og slíkt en Jón Proppé skrifaði með
honum handritið. Tónlistina semur
Hilmar Örn Hilmarsson en myndin
var tekin í Bláskógabyggð.
„Þetta er dramatísk náttúrulífs-
mynd í anda Hagamúsarmyndarinn-
ar sem ég gerði. Þetta er eiginlega
persónusaga þar sem meri, folald og
graðhestur koma við sögu. Þetta er
svona stelpa hittir strák form á
þessu. Sagan gerist á einum árs-
hring.“
Þrjú ár og mikil yfirlega
Þorfinnur segir að það hafi tekið
tæp þrjú ár að vinna myndina og yf-
irlega hafi verið mikil.
„Skömmu eftir að ég lauk við
myndina um Lalla Johns, bað Helgi
Sverrisson mig að gera með sér
mynd sem byggð er á sömu hug-
mynd og myndin um hagamýsnar,“
segir Þorfinnur.
„Sjálfur hafði ég alist upp við
hestamennsku, m.a. gerst svo fræg-
ur að temja hesta norður í Skagafirði
í tvö sumur, svo ég þáði því boðið
með þökkum.“
Þorfinnur vill ekki tjá sig neitt um
næsta verkefni, segir að reynslan
hafi sýnt sér að ef hann tjái sig um of
um væntanleg verkefni fjúki þau í
burtu með norðanáttinni.
Kvikmyndahátíðin í Gautaborg sett í dag
Sýna fimm íslenskar myndir
Morgunblaðið/Jim Smart
Þorfinnur Guðnason frumsýnir
nýja heimildarmynd úti í Gauta-
borg. Hér tekur hann við Eddunni
fyrir Lalla Johns haustið 2001.
www.filmfestival.org
Willard
Willard
Hrollvekja
Bandaríkin 2003. Skífan VHS. Bönnuð
innan 16 ára. (100 mín.) Leikstjórn Glen
Morgan. Aðalhlutverk Crispin Glover, R.
Lee Ermey, Laura Harring.
HÉR er á ferð endurgerð á óvænt-
um smelli frá 1971, mynd um ungan
einmana mann sem vingast við rott-
ur, tekst að temja þær og notar þær
svo til að ná sér niðri á öllum þeim
sem hafa lagt hann í einelti. Hér er
sama sagan. Willard er ungur sjúk-
lega óöruggur
maður sem tekst á
engan veg að kom-
ast í takt við um-
hverfi sitt. Allur
hans frítími fer líka
í að stjana í kring-
um fársjúka móður
sína sem er norn
líkust (þetta sam-
band mæðginanna
minnir óneitanlega á Psycho). Allt
byrjar á því að Willard finnur hvíta
og sæta rottu sem heitir Socratese,
en svo verður þetta nýja áhugamál
hans öllu sjúklegra þegar hann fer
að eyða öllum stundum með heilum
rottuher sem er í kjallara foreldra-
húsanna. Og þegar hann finnur út að
hann getur fengið rotturnar til að
gera allt sem hann biður um sigar
hann þeim á andstyggilegan yfir-
mann í vinnunni og fleiri sem hafa
gert honum lífið leitt. En svo fara
hlutirnir auðvitað úr böndunum því
engin maður veit hvernig rottur
hugsa.
Það er ekki oft sem þessu er lýst
yfir en þetta er endurgerð sem er í
alla staði betri en frumgerðin; hún
lítur betur út, er útpældari, skrítnari
og meira spennandi. Svo smellpassa
þeir alveg óþægilega vel í hlutverk
sín Glover (Back To The Future 1-3)
sem Willard og R. Lee Ermey (Full
Metal Jacket) sem yfirmaðurinn.

Skarphéðinn Guðmundsson
Myndbönd
Afturgengn-
ar rottur