Morgunblaðið - 25.01.2004, Page 76

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 SUNNUDAGUR 25. JANÚAR 2004 VERÐ Í LAUSASÖLU 300 KR. MEÐ VSK.
Smáauglýsingar á
MIKLAR vonir eru bundnar við að ný
tækni við greiningu hjartasjúkdóma með
aðstoð tölvusneiðmynda muni auka mjög
líkur á að kransæðasjúkdómar greinist í
fólki sem er einkennalaust fyrir en hefur
sjúkdóminn á byrjunarstigi. Þessu spáir
Björn Flygenring, hjartasérfræðingur á
Minneapolis Heart Institute í Bandaríkj-
unum, sem kynnti þessa nýju tækni auk
notkunar á seg-
ulómun við grein-
ingu hjarta-
sjúkdóma á
Læknadögum ný-
verið.
„Ég held að ein
af afleiðingum
tölvusneiðmynda-
tækninnar sé sú
að við eigum eftir
að greina miklu
meira af krans-
æðasjúkdómum í
fólki sem hefur
engin einkenni, m.ö.o. við finnum fólk sem
er með kransæðasjúkdóma og veit ekki af
því,“ segir Björn. Að mati hans mun þetta
einkum gagnast fólki með ættarsögu um
hjartasjúkdóma.
Með þverskurðarmynd af æðunum er
hægt að mæla hvers konar efni er líklegt er
að sé í hjartaveggnum og þannig komast að
því hvort þrenging í kransæð sé stöðug eða
hvort hún sé líkleg til að loka æðinni.
„Þetta gátum við ekki gert áður,“ segir
Björn sem spáir því að tölvusneiðmyndir
muni í mörgum tilvikum koma í stað hjarta-
þræðinga við greiningu á kransæða-
sjúkdómum á næstu árum.
Á Læknadögum fjallaði Björn einnig um
notkun segulómunar við greiningu hjarta-
sjúkdóma.
Á Rannsóknastöð Hjartaverndar er þeg-
ar farið að rannsaka tíðni þögulla hjarta-
drepa með aðstoð segulómunar. Þá stendur
til að kaupa eitt, jafnvel tvö segulómtæki á
Landspítala – háskólajúkrahús á næstunni.
Greina
kransæða-
sjúkdóma
án einkenna
 Kransæðasjúkdómar/4
„MEÐ nútímatækni er auðvelt að setja upp
ýmis dæmi um blandaða byggð, íbúða- og
atvinnubyggð og bera undir rýnihópa. Með
því móti er hægt að koma í veg fyrir að al-
varleg mistök uppgötvist ekki fyrr en þau
hafa verið greypt í steinsteypu,“ segir dr.
Bjarni Reynarsson skipulagsfræðingur í
samtali við Morgunblaðið í dag. Bjarni
stýrði nýlegri rannsókn á húsnæðis- og bú-
setuóskum borgarbúa árið 2003.
Bjarni upplýsir að hann sé að vinna að
slíku verkefni fyrir Íslenska aðalverktaka á
vegum fyrirtækis síns, Land-ráðs, um þess-
ar mundir. „Verkefnið gengur út á að bera
tillögur að skipulagi á nýju íbúðahverfi á
Blikastöðum undir almenning og faghópa í
rýnihópum. Með þessu móti er skipulagið
unnið fyrir opnum tjöldum frá byrjun.
Hingað til höfum við vanist því að skipulag
sé unnið fyrir luktum dyrum. Eftir að skipu-
lagið er fullbúið taka oft við kynningar, þras
og þref á erfiðum fundum. Sveitarfélögin
gætu dregið verulega úr slíkum ágreiningi
með því að fara hina leiðina og vinna skipu-
lagið frá byrjun með almenningi með því að
leita álits úrtakshópa á mismunandi mögu-
leikum á skipulagi hverfa.“
Mistökin ekki
greypt í stein
 Átthagatryggð í borgarsamfélagi/24
ÞAÐ sem af er ári hefur nokkrum sinnum sést
til sela í fjörunni fyrir neðan Korpúlfsstaði í
Reykjavík og virðist þeim líka vel að flatmaga
í mjúku þanginu þegar svona viðrar. Selirnir
virðast hinar vænstu skepnur, kippa sér ekk-
ert upp við það að smellt sé af þeim mynd og
senda ljósmyndaranum sakleysislegt augna-
ráð. Lífsbaráttan í sjónum er þó ekki alltaf svo
meinlaus.
Morgunblaðið/Brynjar Gauti
Sakleysið uppmálað í fjöruborðinu
„VERÐMÆTI sjávarútvegsins liggja að mínu
mati í heildinni. Það er lítið gagn í því að hafa
yfir að ráða veiðiheimildum ef ekki er einnig
fyrir hendi þekking, fjármagn og markaður.
Það felast heldur engin verðmæti í því að hafa
fjölda fiskvinnsluhúsa og báta sem allir keppa
hver við annan. Þá er enginn arður af grein-
inni,“ segir Guðmundur Kristjánsson, útgerð-
armaður, í samtali við Morgunblaðið í dag.
Guðmundur hefur ásamt föður sínum, Krist-
jáni Guðmundssyni, og bróður sínum Hjálmari
keypt öll hlutabréf í Útgerðarfélagi Akureyr-
inga af Eimskipafélagi Íslands fyrir um 9 millj-
arða króna.
„Vegna þess að það er hægt að stjórna veið-
unum, ásamt góðu starfsfólki til sjós og lands,
er hægt að tryggja kaupandanum ákveðið
magn af fiski á ári. Verðmætin liggja í þessum
stöðugleika að mínu mati. Þessa festu væri
ekki hægt að tryggja með sóknarmarkskerfi
eða með því að setja allan fisk á markað, því þá
væri ekki hægt að gefa kaupandanum þetta
loforð. Þetta loforð er gríðarlega verðmætt.“
Guðmundur segir einnig í viðtalinu að sjáv-
arútvegurinn eigi sjálfur talsverða sök á þeirri
neikvæðu umfjöllun og gagnrýni sem greinin
hefur orðið fyrir á undanförnum árum. Út-
gerðarmenn og sjómenn verði að ná sátt.
Verðmætin liggja í heildinni
Morgunblaðið/Ásdís
Guðmundur Kristjánsson, útgerðarmaður.  Ísland er/18
ÝMSIR aðilar, bæði innlendir og
erlendir, hafa sýnt áhuga á flutn-
ingastarfsemi Eimskipafélags Ís-
lands að undanförnu en nú, eftir
söluna á Brimi, er unnið að því að
ganga frá skiptingu Eimskipa-
félagsins í tvö aðskilin félög,
flutningafélag og fjárfestinga-
félag, sem nú heita Eimskip og
Burðarás.
Tveir hópar innlendra fjárfesta
hafa látið í ljós beinan áhuga á að
kaupa eða koma að flutninga-
starfsemi Eimskipafélagsins.
Hópur fjárfesta sem í eru Krist-
inn Geirsson, framkvæmdastjóri
Skjás 1, Sigurður Gísli og Jón
Pálmasynir, Þorsteinn Vilhelms-
son, Margeir Pétursson og félög á
þeirra vegum sendu inn formlegt
erindi þar sem þeir óskuðu eftir
viðræðum um kaup á allri flutn-
ingastarfseminni, þ.e. Eimskip
ehf. Öfugt við yfirlýsingar stjórn-
enda Eimskipafélagsins, sem
segja rekstur flutningastarfsem-
innar hafa batnað mjög að und-
anförnu, töldu þeir enn vera mik-
ið svigrúm til hagræðingar. Var
markmið þeirra að vinna að slíkri
hagræðingu og taka þá þennan
rekstur Eimskipafélagsins af
hlutabréfamarkaði og töldu þeir
engar tæknilegar hindranir
standa í vegi fyrir sölu. Ósk
þeirra um viðræður var hins veg-
ar hafnað af hálfu Eimskipa-
félagsins á þeirri forsendu að
skipting félaganna lægi ekki fyrir.
Annar en laustengdari hópur
fjárfesta, sem í eru Erlendur
Hjaltason, framkvæmdastjóri
Eimskipafélagsins, Hjalti Geir
Kristjánsson, Þórður Magnússon
framkvæmdastjóri Eyris fjárfest-
ingafélags og stjórnarmaður í
Eimskipafélaginu, Hannes
Smárason, aðstoðarforstjóri Ís-
lenskrar erfðagreiningar og eign-
arhaldsfélagið Saxhóll, hefur lýst
yfir vilja sínum til að koma að
rekstri flutningafélagsins. Þessi
hópur vill að 4-6 kjölfestufjárfest-
ar komi að félaginu en telur skyn-
samlegast að vinna að frekari
vexti og viðgangi félagsins innan
almenningshlutafélagsformsins.
Þeir telja grunnrekstur í flutn-
ingastarfseminni kominn í nokkuð
gott lag og því sé tækifæri til að
huga sérstaklega að útrásar-
möguleikum.
Þeir sem fara með ráðandi hlut
í Eimskipafélaginu, þ.e. Lands-
bankinn og þar með Samson eign-
arhaldsfélag, hafa til þessa lítt
tjáð sig um þessi mál en á fundi í
HÍ fyrir helgina sagði Björgólfur
Guðmundsson, formaður banka-
ráðs Landsbankans, þó að stefnt
væri að því að bæði félögin, sem
til verða við skiptingu Eimskipa-
félagsins, yrðu áfram skráð á
hlutabréfamarkaði.
Vildu kaupa flutnings-
hluta Eimskipafélagsins
 Samkeppni/10
♦♦♦