Morgunblaðið - 29.01.2004, Blaðsíða 2

FRÉTTIR
2 FIMMTUDAGUR 29. JANÚAR 2004 MORGUNBLAÐIÐ
PENINGAÞVÆTTI EYKST
Á síðasta ári bárust ríkislög-
reglustjóra 242 tilkynningar vegna
gruns um peningaþvætti. Slíkum til-
kynningum hefur fjölgað mikið á síð-
ustu árum og voru alls 11 árið 1997.
Yfirmaður efnahagsbrotadeildar
ríkislögreglustjóra segir að aukin
þekking bankastarfsmanna hafi skil-
að verulegum árangri og eigi stóran
þátt í þessari fjölgun tilkynninga.
Vilja vinna á Íslandi
Varaformaður verslunarráðs
Mongólíu var í heimsókn hjá ASÍ í
síðustu viku til að kanna möguleika á
atvinnu hér á landi fyrir Mongóla.
Er það liður í yfirreið hans um nokk-
ur Evrópulönd og Kanada í sama til-
gangi.
Lenti útbyrðis
Þrítugur maður féll fyrir borð á
frystitogaranum Arnari undir morg-
un aðfaranótt miðvikudags þegar
skipið var við veiðar í Barentshafi.
Datt hann í sjóinn þegar toghleri féll
niður. Var hann í sjónum í um tíu
mínútur áður en honum var bjargað.
Sagðist hann heppinn að hafa ekki
klippst í sundur.
Kerry styrkir enn stöðu sína
John Kerry þykir hafa tekið af-
gerandi forystu í forvali bandaríska
Demókrataflokksins fyrir forseta-
kosningarnar. Kerry sigraði í for-
kosningunum sem fram fóru í New
Hampshire-ríki í fyrrakvöld.
Stjórnarformaður BBC víkur
Gavyn Davies, formaður stjórnar
breska ríkisútvarpsins, BBC, sagði
af sér í gær í kjölfar birtingar
skýrslu Huttons lávarðar um at-
burði þá er leiddu til sjálfsvígs
bresks vopnasérfræðings í fyrra.
Gagnrýndi Hutton BBC harðlega í
skýrslunni, en hreinsaði Tony Blair
forsætisráðherra af ásökunum um
alvarlegar misgjörðir í málinu.
Fuglaflensan mjög banvæn
Nýsjálenskur sérfræðingur segir
að svo virðist sem þrír af hverjum
fjórum mönnum, sem smitast af
fuglaflensunni, sem nú herjar í Suð-
austur-Asíu, láti lífið. Óttast hann að
veiran sameinist flensuveiru er
leggst á fólk og að langan tíma tæki
að finna bóluefni.
Y f i r l i t
Í dag
Sigmund 8 Þjónusta 35
Erlent 12/15 Viðhorf 36
Minn staður 16 Minningar 36/43
Höfuðborgin 18/19 Bréf 48
Akureyri 20 Myndasögur 48
Suðurnes 21 Kirkjustarf 49
Austurland 22 Dagbók 50/51
Landið 23 Íþróttir 52/55
Daglegt líf 24/25 Fólk 56/61
Listir 26/27 Bíó 58/61
Umræðan 28/31 Ljósvakamiðlar 62
Forystugrein 32 Veður 63
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Erlendar fréttir Ásgeir Sverrisson, fréttastjóri, asv@-
mbl.is Viðskipti vidsk@mbl.is Guðrún Hálfdánardóttir, fréttastjóri guna@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Listir menning@mbl.is Orri Páll Ormarsson, ritstjórnarfulltrúi, orri@-
mbl.is Umræðan|Bréf til blaðsins Magnús Finnsson, fulltrúi ritstjóra, magnus@mbl.is Hallur Þorsteinsson, hallur@mbl.is Minningar minning@mbl.is Hilmar P. Þormóðsson, Stefán Ólafsson Dagbók|Kirkjustarf Ellý H. Gunnarsdóttir, elly@mbl.is Íþróttir sport-
@mbl.is Sigmundur Ó. Steinarsson, fréttastjóri, sos@mbl.is Fólk í fréttum Skarphéðinn Guðmundsson, skarpi@mbl.is Útvarp|Sjónvarp Andrea Guðmundsdóttir, andrea@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
EIGNIR Lífeyrissjóðs sjómanna ávöxtuðust um
18% að nafnverði á síðasta ári sem jafngildir því að
raunávöxtun sjóðsins á árinu 2003 hafi verið 15,3%.
Þetta er besta ávöxtun sjóðsins frá upphafi en
næstmest var raunávöxtun sjóðsins á árinu 1999
þegar hún var 12,5%. Árin þrjú þar á eftir, 2000–
2002, voru hins vegar erfið á fjármálamörkuðum og
var ávöxtun þá slök. Meðalraunávöxtun á eignum
sjóðsins síðastliðin fimm ár er því 4,9%.
Þessi góða ávöxtun sjóðsins á liðnu ári er rakin til
fjárfestingarstefnu sjóðsins og hagstæðra skilyrða
á verðbréfamörkuðum hér á landi og erlendis. Árni
Guðmundsson, framkvæmdastjóri Lífeyrissjóðs
sjómanna, segir að stjórnendur sjóðsins hafi aukið
vægi hlutabréfa í eignasafni hans og það hafi gefið
mjög vel af sér, sérstaklega hér innanlands, auk
þess sem þeir séu stærstir í þeim félögum sem
hækkað hafi mest á liðnu ári. Einnig hafi sjóðurinn
tekið upp gjaldeyrisvarnir, sem verji þá tapi af
gengisþróun Bandaríkjadals gagnvart krónu og
það skipti einnig máli. „Við erum mjög ánægðir með
þetta og kannski sérstaklega í því ljósi að árið á
undan, árið 2002, var erfitt ár á mörkuðum, en við
náðum þó að skríða yfir núllið þá, sem ekki margir
gerðu reyndar. Við erum sérstaklega ánægðir með
að okkur skuli takast að vera með þeim betri alla
vega, bæði í slæmum markaði og góðum.“
Hvert prósent rúmur
hálfur milljarður króna
Hann sagði aðspurður að meiri sveiflur í ávöxtun
sjóða milli ára myndu sjást og eins meiri munur
milli sjóða. Hér áður fyrr þegar sjóðirnir hefðu fjár-
fest nánast einungis í skuldabréfum hefði ávöxtunin
verið mjög svipuð, en nú skipti verulegu máli hvar
áherslurnar lægju. Hvert prósent í ávöxtun skipti
gríðarlegu máli og sem dæmi um það mætti nefna
að hvert prósent í ávöxtun Lífeyrissjóðs sjómanna
miðað við stærð sjóðsins um síðustu áramót næmi
rúmum hálfum milljarði króna.
Innlend hlutabréf Lífeyrissjóðs sjómanna hækk-
uðu um rúm 60% á síðasta ári á sama tíma og úr-
valsvísitalan hækkaði um 56%. Erlend hlutabréf
sjóðsins hækkuðu um 32% í dölum, en heimsvísitala
hlutabréfa hækkaði um 30% og jók sjóðurinn vægi
innlendra og erlendra hlutabréfa í verðbréfasafni
sínu á árinu.
Fjárfestingatekjurnar námu 8,7 milljörðum kr. á
síðasta ári og nam hrein eign til greiðslu lífeyris
56,2 milljörðum kr. í árslok 2003 og hækkaði um
tæpa 9,2 milljarða kr. milli ára. Innlend skuldabréf
voru 66% af eignum sjóðsins, 17% voru í innlendum
hlutabréfum og 17% í erlendum verðbréfum.
Iðgjöld sjóðsins á síðasta ári voru tæpir 1,9 millj-
arðar og voru sjóðfélagar í árslok tæplega 39 þús-
und talsins.
Raunávöxtun Lífeyris-
sjóðs sjómanna 15,3%
Besta rekstrarár í sögu
sjóðsins frá upphafi
DULARFULLIR dýrbítar hafa
herjað á fé í fjárhúsinu í Hlíð-
arendakoti í Fljótshlíð, og hafa van-
ar grenjaskyttur sagt að bitsárin
séu eftir mink eða ref. Fjárhúsin
voru vöktuð með nýjustu tækni í
nótt, en refaskytta setti upp hreyfi-
skynjara til að góma dýrbítinn.
Fyrir þremur til fjórum dögum
tóku hjónin í Hlíðarendakoti, þau
Árni Jónsson og Guðrún Stefáns-
dóttir, eftir einkennilegum sárum
og áverkum á nokkrum ám í fjár-
húsunum. Virtist féð líka nokkuð
órólegt og komin styggð að því.
Þau fóru að skoða nánar þessa
áverka sem virtust aukast tvo
morgna í röð og voru á fleiri og
fleiri ám, alltaf í sömu stíunni í fjár-
húsunum.
Virðast sárin vera eftir einhvers
konar bit og eru aðallega á baki og
fram á háls á u.þ.b. 10 ám. Áverk-
arnir eru ekki mjög djúp sár, en
nokkuð blæddi þó úr sumum þeirra.
Kölluðu þau til liðs við sig Sigurð
Ásgeirsson í Gunnarsholti sem er
alvanur refa- og minkaveiðimaður.
Sigurður telur þetta mjög und-
arlega áverka, en heldur þó að
þetta geti jafnvel verið eftir mink,
þar sem greinileg merki virðast
vera eftir vígtennur.
Ekki eftir rottur eða mýs
Sigurður gerði tilraun með
minkagildru við stíuna í fyrrinótt
en ekki bar það árangur, fleiri
kindur voru með bitsár eftir þá
nótt. Í gær voru Árni og Sigurður
ásamt þeim Daða Sigurðssyni á
Barkarstöðum í Fljótshlíð og
Kristni Sigurðssyni á Mörk, V-
Eyjafjöllum, sem báðir eru vanir
minka- og refaveiðum, að skoða
sárin á ánum og leggja á ráðin um
hvernig skyldi bregðast við.
Þeir útilokuðu ekkert í þessu
sambandi en töldu þó aðspurðir
ekki líklegt að um væri að ræða
bitsár eftir mýs eða rottur. Ráð-
gerðu þeir Sigurður og Kristinn að
vera á vaktinni síðustu nótt og
reyna að fylgjast með hvort þeir
yrðu varir við eitthvað sem gæti
skýrt þessa óvenjulegu áverka á
fénu. Nota þeir m.a. hreyfiskynjara
utan við fjárhúsin sem gefa merki í
handtæki ef eitthvað kvikt er á
ferðinni. Þetta er önnur vökunóttin
í röð hjá Sigurði, en í fyrrinótt var
hann við refaveiðar á Skeiða- og
Gnúpverjaafrétti og felldi þá sjö
tófur.
Morgunblaðið/Óli Már Aronsson
Greinilegir áverkar eru á baki og hálsi ánna í fjárhúsunum í Hlíðar-
endakoti og ljóst að þeir eru eftir stærri dýr en mýs eða rottur.
Dularfullir dýrbítar herja á kindur að næturlagi í Hlíðarendakoti í Fljótshlíð
Í anddyrinu í Hlíðarendakoti. F.v.:
Sigurður Ásgeirsson, Kristinn Sig-
urðsson, Árni Jónsson, bóndi í Hlíð-
arendakoti, og Daði Sigurðsson.
Sauðféð bitið
í fjárhúsinu
Hellu. Morgunblaðið.
FLUGVÉL Íslandsflugs varð að
snúa við skömmu eftir flugtak á
Hornafjarðarflugvelli í gærmorgun
vegna bilunar í hreyfli. Engan sak-
aði og gekk lendingin vel. 12 far-
þegar voru um borð og fóru þeir
með annarri vél sem lenti í Reykja-
vík kl. 15.48.
Flugvélin var nýkomin í loftið
þegar starfsmaður í flugturni sá
eldglæringar aftur úr hægri hreyfl-
inum. Flugmennirnir brugðu við
skjótt og tóku einn hring áður en
þeir lentu aftur. Þeir drápu ekki á
hreyflinum fyrr en að lendingu lok-
inni.
„Þegar vélin var að taka sig á loft
komu eldglæringar út úr öðrum
hreyflinum,“ sagði Pálmi Guð-
mundsson, einn farþeganna, eftir
komuna til Reykjavíkur.
„Vélinni var
beygt eftir stutt
flug og fór síðan
í aðflug.
Menn sáu að
það hafði verið
hægt á hreyflin-
um en eftir það
komu engir
blossar. Fólk hélt
alveg ró sinni en
vissi auðvitað
ekki hvað var að.
Eftir lendingu tilkynntu flug-
mennirnir að þeir hefðu séð blossa
úr öðrum hreyflinum og ákveðið að
snúa við.“
Flugvirkjar voru sendir til
Hornafjarðar í gær til að skoða vél-
ina. Hún er af gerðinni Dornier 228
og tekur 19 farþega.
Sneri við eftir
blossa frá hreyfli
Pálmi
Guðmundsson