Morgunblaðið - 29.01.2004, Blaðsíða 12

ERLENT
12 FIMMTUDAGUR 29. JANÚAR 2004 MORGUNBLAÐIÐ
Ráðstefnan er öllum opin sem áhuga hafa á málefninu.
Aðgangur er ókeypis.
Aðgengi fyrir alla! Tónmöskvi, rittúlkun, táknmálstúlkun og erlendur fyrirlesari verður
túlkaður yfir á íslensku.
Félagið Heyrnarhjálp og Landlæknisembættið gangast fyrir ráðstefnunni.
Grand Hóteli Reykjavík
við Sigtún
á morgun, föstudaginn 30. janúar 2004,
kl. 13.00 til 17.00
Ráðstefna um
eyrnasuð
Heyrnar- og talmeinastöð Íslands styrkir ráðstefnuna.
Kl. 13.00 Setning ráðstefnu:
Guðjón Ingvi Stefánsson,
formaður Heyrnarhjálpar.
Ávarp og opnun nýrrar vefsíðu Heyrnarhjálpar:
Jón Kristjánsson, heilbrigðisráðherra.
Ávarp: Málfríður Gunnarsdóttir,
framkvæmdastjóri Heyrnarhjálpar.
Ávarp: Sigurður Guðmundsson, landlæknir.
13.20-13.55 Eyrnasuð: Hannes Petersen, sérfr. í
háls-, nef- og eyrnalækningum.
13.55 Fyrirspurnir til fyrirlesara.
14.00-14.10 Að lifa með eyrnasuð:
Steinar Berg, útgefandi.
14.10-14.30 Tengd vandamál og sjúkdómar:
Haukur Hjaltason, sérfr.
í taugasjúkdómum.
14.30 Fyrirspurnir til fyrirlesara.
14.35-14.40 Kynning á vef Heyrnarhjálpar:
Aðalsteinn Garðarsson,
kerfisfræðingur.
Kaffihlé 20 mínútur.
Kl. 15.00 Óvænt uppákoma í sal.
15.10-15.55 Meðferð í Arendal í Noregi:
Georg Træland, audioingeniør.
15.55 Fyrirspurnir til fyrirlesara.
16.10-16.15 Að lifa með eyrnasuð:
Rut Petersen, leiðbeinandi.
16.15-16.20 Að lifa með Méniéres-sjúkdóm:
Guðm. Ómar Guðmundsson,
húsasmiður.
16.20-16.35 Niðurstöður starfshóps um
þjónustu við eyrnasuðsþolendur:
Jörundur Kristinsson, sérfr.
í heimilislækningum.
16.35 Fyrirspurnir til fyrirlesara.
16.40 Pallborðsumræður og samantekt.
17.00 Ráðstefnuslit.
Dagskrá:
MEÐ sigri sínum í forvalinu í New
Hampshire í fyrrakvöld þykir John
Kerry, öldungadeildarþingmaður frá
Massachusetts, hafa tekið afgerandi
forystu í keppninni um útnefningu
Demókrataflokksins vegna forseta-
kosninganna í Bandaríkjunum í
haust. Fréttaskýrendur segja þó ekki
enn hægt að ganga að því vísu að
Kerry tryggi sér útnefninguna, bar-
áttan færist nú m.a. til Suðurríkjanna
og að þar gætu aðrir frambjóðendur
veitt Kerry skráveifu.
Kerry, sem er sextugur, fagnaði
sigrinum innilega með stuðnings-
mönnum sínum í Manchester í New
Hampshire. „Ég elska New Hamps-
hire og ég elska Iowa líka,“ sagði
hann í ávarpi til stuðningsmanna
sinna eftir að niðurstaðan var ljós.
Kerry beindi spjótum sínum að
George W. Bush Bandaríkjaforseta
og stórfyrirtækjunum og hagsmuna-
aðilunum í olíuiðnaði sem hann sagði
ráða mestu í Hvíta húsinu um þessar
mundir. „Við erum að koma, þið eruð
á útleið og varið ykkur á því að hurðin
skelli ekki á eftir ykkur þegar þið yf-
irgefið Hvíta húsið,“ sagði hann.
Howard Dean sáttur
Howard Dean, fyrrverandi ríkis-
stjóri í Vermont, hafði allt þar til fyrir
nokkrum vikum haft forystu skv.
skoðanakönnunum í baráttunni í New
Hampshire. Hann fékk hins vegar
mun minna fylgi en Kerry þegar á
hólminn var komið, aðeins 26% á móti
39% sem Kerry fékk. Kemur niður-
staðan í New Hampshire í kjölfar
ósigurs Deans í Iowa-ríki átta dögum
áður en þar hafði Dean einnig verið
talinn líklegur sigurvegari allt þar til
nokkru fyrir kosninguna.
Dean bar sig vel þegar úrslitin voru
ljós og virtist ánægður með að hafa þó
tryggt sér annað sætið. „Fólkið í New
Hampshire hefur leyft okkur að blása
vind í seglin á nýjan leik. Og fyrir það
er ég afar þakklátur,“ sagði Dean í
ávarpi til stuðningsmanna sinna en
hann lenti í þriðja sæti í Iowa. Hann
hefur sætt mikilli gagnrýni fyrir ræðu
sem hann hélt í Iowa eftir að úrslit
þar voru ljós en þar þótti Dean fara
offari í viðbrögðum sínum og eru
fréttaskýrendur sammála um að hann
hafi skaðað framboð sitt mikið.
Dean hefur undanfarna daga reynt
að gefa af sér aðra mynd, ímynd ró-
lyndari manns og stöðugri og hann
flutti hugnæma ræðu í fyrrakvöld er
hann fagnaði árangrinum í New
Hampshire. Gerði hann samanburð á
baráttu sinni fyrir útnefningu Demó-
krataflokksins og þeim anda sem lék
yfir vötnum stjórnmálanna sem
blökkumaðurinn Martin Luther King
og Robert Kennedy töluðu fyrir á sjö-
unda áratug síðustu aldar. „Okkur
leið þá eins og við værum öll í þessu
saman, að ef einn maður yrði skilinn
eftir þá væru Bandaríkin ekki eins
öflug og þau ættu að vera eða gætu
verið,“ sagði Dean. „Við munum
vinna útnefninguna, er það ekki?“
spurði hann svo. „Við getum breytt
Bandaríkjunum og við munum gera
það.“
Kemur Edwards á óvart?
Öldungadeildarþingmaðurinn John
Edwards, sem óvænt varð annar í for-
valinu í Iowa, bar sig einnig vel en
hann varð aðeins fjórði í New Hamp-
shire, hársbreidd á eftir hershöfðingj-
anum fyrrverandi, Wesley Clark.
Edwards er Suðurríkjamaður og því
spá ýmsir fréttaskýrendur því að
hann kunni, úr því sem komið er, að
verða Kerry skeinuhættastur. „Æ
fleiri horfa nú til hans sem valkosts
við Kerry,“ sagði t.a.m. Donna Braz-
ile, en hún stýrði kosningabaráttu Als
Gore fyrir fjórum árum. Eftir sem áð-
ur væri Kerry í lykilstöðu.
Edwards, sem er þingmaður fyrir
Norður-Karólínu, hefur sjálfur viður-
kennt að vonir hans um útnefninguna
grundvallist á því að hann sigri í for-
valinu í Suður-Karólínu en þar verður
kosið 3. febrúar nk.
Sex önnur ríki halda prófkjör sín
þann dag og því er talið líklegt að lín-
ur hafi skýrst verulega um miðja
næstu viku.
Úrslitin í New Hampshire eru
nokkurt áfall fyrir Wesley Clark, sem
fékk 12%, og Joseph Lieberman, öld-
ungadeildarþingmann og varafor-
setaefni Gore fyrir fjórum árum, en
Lieberman varð fimmti með 9%. Báð-
ir ákváðu þeir nefnilega að taka ekki
þátt í forkosningunum í Iowa og ein-
beita sér í staðinn að New Hamps-
hire. Þeir höfðu því lengri tíma til að
sinna kosningabaráttunni í New
Hampshire og vonuðust því vitaskuld
eftir betri árangri.
Báðir hafa þeir Clark og Lieberm-
an þó heitið því að halda áfram bar-
áttu sinni fyrir útnefningunni og
hugsanlegt er að Clark nái sér á strik
í kosningunum sem fara fram nk.
þriðjudag, en hann er frá Arkansas-
ríki og gæti átt möguleika í einhverju
Suðurríkjanna.
Á Kerry möguleika gegn Bush?
Fréttaskýrendur hafa bent á þá
staðreynd að í þau tvö síðustu skipti,
sem sami frambjóðandi vann sigur í
bæði Iowa og New Hampshire, hafi
viðkomandi tryggt sér útnefninguna.
Er þar um að ræða Al Gore fyrir fjór-
um árum og Jimmy Carter fyrir tutt-
ugu og átta árum.
Sagði Kathleen Sullivan, leiðtogi
Demókrataflokksins í New Hamps-
hire, að augljóst væri að demókratar
væru einfaldlega staðráðnir í að
fylkja sér á bak við þann frambjóð-
anda sem þeir teldu líklegastan til að
geta sigrað Bush í nóvember. Æ fleiri
hafi einfaldlega farið að efast um að
Howard Dean ætti möguleika gegn
forsetanum.
Segja fréttaskýrendur að þó að
Dean hafi náð öðru sætinu í New
Hampshire hafi það alltaf verið mark-
mið hans að vinna sigur í New
Hampshire eða Iowa, enda hafi hann
þurft á því að halda í ljósi þess að vin-
sældir hans eru minni í flestum þeirra
ríkja sem næst ganga að kjörborðinu.
Sagði Larry Sabato, stjórnmálafræð-
ingur við Virginíu-háskóla, að niður-
staðan í New Hampshire væri „upp-
hafið að endalokunum“ fyrir Howard
Dean.
Kerry hefur tekið
afgerandi forystu



   






   !"#
$%!#
&$!'#
&$!&#
!%#
&!'#
(!$#
# 
$
 %  &  %'
()
*+ Reuters
John Kerry fagnar sigri í forkosningum demókrata í New Hampshire.
Manchester. AFP, The Washington Post.
Niðurstaða forkosninga demókrata í New Hampshire styrkir stöðu
Johns Kerry verulega og sumir fréttaskýrendur telja að hún geti
markað upphafið að endalokunum fyrir Howard Dean.
KRÓATÍU-Serbinn Milan Babic var
í gær fundinn sekur fyrir alþjóða-
stríðsglæpadómstólnum í Haag um
glæpi gegn mannkyni. Hann hafði
lýst sig sekan af ákæru um ofsóknir
gegn fólki af öðrum þjóðarbrotum,
sem telst glæpur gegn mannkyni, en
Babic var leiðtogi Serba í Knin í Kró-
atíu sem árið 1991 lýstu yfir sjálf-
stæðu ríki Serba í Krajina, í kjölfar
þess að Króatía sagði skilið við Júgó-
slavíu.
Dómarinn, Alphons Orie, tók fram
í gær að hann teldi sig ekki bundinn
af þeim tilmælum saksóknara að
Babic yrði ekki dæmdur í meira en
ellefu ára fangelsi. Saksóknarar
höfðu gert samning við Babic um að
aðrar ákærur á hendur honum yrðu
felldar niður ef hann bæri vitni í rétt-
arhöldunum gegn Slobodan Milosev-
ic, fyrrverandi forseta Júgóslavíu.
Gert er ráð fyrir að dómsupp-
kvaðning fari fram í apríl.
Sekur um glæpi
gegn mannkyni
Haag. AFP.