Morgunblaðið - 29.01.2004, Blaðsíða 16

Nýr veitingastaður: Sæmundur Runólfs-
son, framkvæmdastjóri UMFÍ, Snorri
Sigurfinnsson veitingamaður og Björn B.
Jónsson, formaður UMFÍ.
HAFNAR eru í Þrastaskógi framkvæmdir
við byggingu á nýjum veitingastað í skóg-
inum, Þrastarlundi, sem ásamt Þrasta-
skógi er í eigu Ungmennafélags Íslands.
Nýr veitingaskáli verður um 400 fermetrar
á stærð og örlítið innar í skóginum en nú-
verandi veitingaskáli. Í nýjum veitinga-
skála verða veitingaskáli, verslun og
sjoppa. Stefnt er að því að nýr veitinga-
staður í Þrastaskógi verði opnaður í byrjun
næsta sumars.
Nýlega var skrifað undir samning á milli
UMFÍ og Snorra Sigurfinnssonar, veit-
ingamanns á Selfossi, um að hann taki á
leigu Þrastarlund og sjái um veitingasölu
og þjónustu í nýjum veitingastað UMFÍ í
Þrastaskógi. Snorri Sigurfinnsson rekur í
dag veitingastað á Selfossi, en starfaði áð-
ur sem umhverfisfulltrúi hjá Árborg og var
framkvæmdastjóri Húsasmiðjunnar á Sel-
fossi. Snorri mun jafnframt taka að sér að
sjá um Þrastaskóg, þjónustu og aðstöðu.
Þrastaskógur var gefinn UMFÍ af
Tryggva Gunnarssyni á 77 ára afmæli
hans, hinn 18. október 1911.
Bygginga-
framkvæmdir
í Þrastaskógi
Höfuðborgin | Akureyri | Suðurnes | Austurland | Landið
Minnstaður
Höfuðborgarsvæðið Svavar Knútur Kristinsson, svavar@mbl.is, sími 569-1100.
Suðurnes Helgi Bjarnason, helgi@mbl.is, sími 569-1310 og 897-9706. Akureyri Skapti
Hallgrímsson, skapti@mbl.is, Margrét Þóra Þórsdóttir, maggath@mbl.is og Kristján
Kristjánson, krkr@mbl.is, sími 461-1600. Vesturland Ásdís Haraldsdóttir, asdish@mbl.is,
sími 898-5258. Austurland Steinunn Ásmundsdóttir, austurland@mbl.is, sími 862-1169.
Árborgarsvæðið og Landið Guðrún Aðalsteinsdóttir, frett@mbl.is, sími 569-1290.
Mínstund frett@mbl.is
Áma mjólkaði mest | Afurðahæsta kýr
landsins árið 2003 var Áma 20 í Miðhjá-
leigu í Austur-Landeyjum. Árið 2003
mjólkaði hún samtals 11.842 kg af mjólk,
en hún bar á gamlársdag árið 2002 þannig
að framleiðsluferill hennar féll eins vel að
árinu og mögulegt er. Hæst fór hún í 45
kg dagsnyt. Mjólk hennar reyndist einnig
efnarík þannig að hún setti nýtt Íslands-
met í magni verðefna en samanlagt magn
þeirra hjá henni var 956 kg.
Hámjólka kúm hefur fjölgað með leift-
urhraða á síðustu árum samfara auknum
meðalafurðum kúnna, segir á vef Bænda-
samtakanna. Þannig voru 60 kýr sem
mjólkuðu meira en 9.000 kg árið 2003, ár-
ið 2002 náðu 43 kýr því marki, árið 2001
náði 31 kýr því marki og þær voru sam-
tals 17 árið 2000. Breytingarnar eru því
skýrar.
Auk Ámu mjólkuðu eftirtaldar kýr yfir
10 tonn af mjólk árið 2003; Björk 286 í
Brakanda í Hörgárdal (10.898 kg), Gláma
913 í Stóru-Hildisey II í Austur-
Landeyjum (10.774 kg), Frekja 284 á Akri
í Eyjafjarðarsveit (10.743 kg), Ósk 433 í
Skeiðháholti á Skeiðum (10.229 kg), Vespa
362 í Efri-Gegnishólum í Gaulverjabæj-
arhreppi (10.057 kg) og Mána 268 í Nesi í
Höfðahverfi (10.043 kg).
Úr
bæjarlífinu
HÉÐAN OG ÞAÐAN
Sala eykst á nautgripakjöti | Um 19,7
tonna söluaukning varð á nautgripakjöti í
desember 2003 miðað við sama mánuð
2002, eða tæplega 9%. Er
þetta fjórði mánuðurinn í
röð sem söluaukning verður,
og ef tímabilið frá sept-
ember til desember 2003 er
borið saman við sama tíma-
bil árið 2002, hefur orðið
67,5 t söluaukning eða 6,1%.
Skýringu á söluaukningu í desember síð-
astliðnum er væntanlega að finna í auglýs-
ingaátaki sem sýndi nautakjöt sem væn-
legan kost á borðum landsmanna um
áramótin, segir á vef Landssambands
kúabænda.
Nafnasamkeppni | Nýtt safn Borgar-
bókasafnsins í Reykjavík verður opnað í
Árbænum hinn 22. febrúar næstkomandi.
Safnið verður til húsa að Hraunbæ 119, á
efri hæð í nýju húsnæði Sparisjóðs vél-
stjóra. Óskar Guðjónsson hefur verið ráð-
inn safnstjóri og þegar hefur verið hafist
handa við að kaupa inn efni fyrir safnið.
Safnið hefur enn ekki fengið nafn en allar
tillögur eru vel þegnar. Bókaverðlaun verða
veitt fyrir bestu hugmyndina.
Í mikilli snjókomusem var austur áHéraði á dögunum
urðu töluverðar skemmd-
ir í Egilsstaðaskógi.
Snjórinn var blautur og
þungur og sligaði trén og
eru skemmdirnar mest
áberandi á stærri birki-
trjám ofarlega í skóg-
inum þar sem snjóaði
mest en neðar var slydda
og rigning. Stærri trén
eru það sver að þau
brotna, en þau smærri
bogna frekar.
Egilsstaðaskógur er
náttúrulegur birkiskógur
sem hefur breiðst út og
vaxið undanfarna áratugi
vegna minnkandi beit-
arálags. Talið er að skóg-
urinn eigi eftir að jafna
sig á nokkrum árum.
Snjóbrot
Fulltrúar fimm trúfélaga efndu til fjöltrúarlegrarstundar í Háteigskirkju sl. sunnudag. PéturBjörgvin Þorsteinsson segir að samveran hafi
verið tilraun og að tíminn leiði framhaldið í ljós.
Fulltrúar trúfélaga bahá’ía, gyðinga, kristinna, músl-
ima og Sokka Gakkai-búddista lásu upp texta og í lok-
in sungu viðstaddir þjóðsönginn. Efnt var til samver-
unnar til að árétta mikilvægi gagnkvæmrar virðingar,
vinna gegn fordómum og stuðla að friði í upphafi nýs
árs.
Um 50 manns voru viðstaddir. Á myndinni eru frá
vinstri Toshiki Toma, Mike Levin, Stefán Magnússon,
Vala Rut Sjafnardóttir, Pétur Björgvin Þorsteinsson,
Steinunn Geirdal, Lindita Óttarsson, Einar Ágúst Víð-
isson, Salmann Tamimi og Yousef Ingi Tamimi.
Morgunblaðið/Árni Sæberg
Samvera fimm trúfélaga
Á fundi með HalldóriBlöndal og Arn-björgu Sveins-
dóttur á Vopnafirði bar á
góma jarðgöng undir
Smjörvatnsheiði. Þá rifj-
uðust upp vísur fyrir Þor-
steini Steinssyni sveit-
arstjóra. Sú fyrri er eftir
Árna Jónsson frá Múla, en
hann fór þá fótgangandi
götuslóða frá Hrafns-
stöðum í Vopnafirði yfir
að Fossvelli í Jökulsárhlíð:
En sá heiðarandskoti
ekkert strá né kvikindi
en hundrað milljón helvíti
af hnullungum og stórgrýti.
Helgi Gíslason frá Hrafns-
stöðum var einu sinni á
ferð um Smjörvatnsheiði
og stakk beinakerling-
arvísu í vörðu á miðri
heiðinni:
Enn er ég kominn kelli mín
kann ég að þreifa um beinin þín.
Láttu nú opnast lendahöll
logar girndum sál mín öll.
Logar girnd
pebl@mbl.is
Hveragerði | Sú skemmtilega
staða er í Garðyrkjuskólanum
á vorönn 2004 að einn af kenn-
urum skólans, Kolbrún Þóra
Oddsdóttir, umhverfisstjóri
Hveragerðisbæjar, kennir
manni sínum. Maður hennar er
Guðmundur Þ. Jónsson og er
hann nemandi á umhverf-
isbraut skólans. Sú námsgrein
sem um ræðir er „umhverf-
isáætlanir“. Þar fjallar Kol-
brún Þóra um Staðardagskrá
21, en Hveragerðisbær er í
forystu í því verkefni á lands-
vísu.
Staðardagskrá 21 er áætlun
um þau verk sem vinna þarf í
hverju samfélagi fyrir sig til að
nálgast markmiðið um sjálf-
bæra þróun á 21. öldinni,
þ.e.a.s. þróun sem tryggir
komandi kynslóðum viðunandi
lífsskilyrði. Staðardagskrá 21
er með öðrum orðum heildar-
áætlun um þróun hvers sam-
félags um sig fram á 21. öldina.
Morgunblaðið/Margrét Ísaksdóttir
Samhent: Kolbrún Þóra Oddsdóttir og Guðmundur Þ. Jónsson í kennslustund í Garðyrkjuskólanum.
Kennir bónda sínum
Nám
ÁHUGAHÓPUR um samskipti meðal MS-
sjúklinga hefur opnað spjallrásina MS-
spjallið.
Einnig er boðið upp á læknisþjónustu
taugalæknis. Stjórnandi þeirrar þjónustu
mun koma boðum til læknisins. Notaður er
einkapóstur stjórnanda (ep) og gefið upp
fullt nafn, símanúmer og netfang. Lækn-
irinn mun hringja eða svara tölvupóstin-
um, samkvæmt óskum. Slóðin er
www.msspjallid.com.
„Stjórnendur á MS-spjallinu vona að
þetta framtak auki möguleika nýgreindra
MS-einstaklinga á að bera saman bækur
sínar. Þetta er leið sem virkjar marga og
markmiðið er aukið upplýsingaflæði milli
MS-einstaklinga,“ segir í fréttatilkynn-
ingu.
Spjallrás fyrir
MS-sjúklinga
♦♦♦
AUGLÝSINGADEILD
netfang: augl@mbl.is eða sími 569 1111
  
  
Þorrinn er hafinn hjá okkur
Úrvals
hefðbundinn
þorramatur
ásamt súrum hval
og skötustöppu
Sendum hvert á land sem er
Gerum tilboð í veisluna ykkar
Verslunin Svalbarði
Framnesvegi 44, Reykjavík, sími 551 2783
Reykjavíkurvegi 68, Hafnarfirði, sími 564 2783
Verkun, sími 562 2738
Netfang: svalbardi@isl.is