Morgunblaðið - 29.01.2004, Blaðsíða 38

MINNINGAR
38 FIMMTUDAGUR 29. JANÚAR 2004 MORGUNBLAÐIÐ
✝ Tómas ÞórhallurGuðmundsson
fæddist í Vestmanna-
eyjum 9. júní 1926.
Hann lést á líknar-
deild Landspítalans
Landakoti miðviku-
daginn 21. janúar
síðastliðinn á 78. ald-
ursári. Foreldar
Tómasar voru þau
Guðmundur Tómas-
son, skipstjóri og út-
gerðarmaður í Vest-
mannaeyjum, f. 24.6.
1886, d. 12.10. 1967
og Elín Jóhanna Sig-
urðardóttir húsmóðir, f. 5.6. 1891,
d. 10.10. 1978. Guðmundur var son-
ur hjónanna Tómasar Jónssonar,
bónda á Arnarhóli í V-Landeyjum,
f. 30.5. 1874, d. 9.1. 1945 og Þór-
hildar Ólafsdóttur húsfreyju, f. 9.
9. 1857, d. 16.4. 1949. Elín var dótt-
ir hjónanna Sigurðar Eiríkssonar,
f. 29.5. 1852, d. 6.3. 1937 og Steinn-
unnar Stefánsdóttur, N-Múlasýslu,
f. 25.11. 1850, d. 26.7. 1898. Systk-
ini Tómasar eru, Óskar Jóhann, f.
15.1. 1924, d. 24.3. 1995, Guðjón
Ólafur, f. 1.11. 1928, d. 24.12. 1975,
Hjördís Kristín, f. 30.6. 1931, og
Sigurður, f. 5.10. 1932, d. 21.7.
1937.
Tómas kvæntist 7.8. 1954 Hall-
dóru Óskarsdóttur frá Hábæ í
Þykkvabæ, f. 17.7. 1931, dóttur
hjónanna Óskars Sigurðssonar
bónda í Hábæ í Þykkvabæ, f. 13.10.
1906, d. 25.8. 1988 og Steinunnar
Sigurðardóttur húsfreyju, f. 23.12.
1908, d. 18.12. 1940.
Tómas og Halldóra byggðu sér
hús að Hjarðartúni 12 í Ólafsvík
sem nefnt var Arnarhóll. Þar stofn-
uðu þau heimili og bjuggu þar uns
þau fluttu seint á síðasta ári að
Aflagranda 40 í Reykjavík. Börn
Tómasar og Halldóru eru; 1) Unn-
steinn rafvirkjameistari, f. 29.1.
1950, maki Ingibjörg Kristín
Högnadóttir, sjálfstætt starfandi,
þau eiga fjögur börn, þau eru; a)
Tómas Högni, f. 19.2. 1973, eigin-
kona Hanna Birna Jónasdóttir og
eiga þau tvö börn, Birtu Ósk, f. 6.2.
1997 og Lilju Maríu, f. 21.8. 1999;
b) Anna Dóra, f. 18.5. 1974, sonur
Þresti Leóssyni M.S. í rekstrarhag-
fræði. Börn þeirra eru Halldór, f.
30.7. 1993, og Kristín, f. 20.10.
1997. 10) Goði þjónn, f. 8.4. 1970.
11) Njörður B.A. í sálfræði, MBA, f.
8.4. 1970, kvæntur Gunnhildi L.
Marteinsdóttur sálfræðingi. Börn
þeirra eru Sturla, f. 2.3. 1995, og
Perla, f. 5.10. 1998.
Tómas ólst upp í foreldrahúsum
í Vestmannaeyjum en dvaldist oft
hjá ömmu og afa og frændfólki á
Arnarhóli í V-Landeyjum. Hann
lauk almennri grunnmenntun í
Landeyjum og síðar vélstjóranám-
skeiðum í Vestmannaeyjum. Hann
hóf nám í rafvirkjun hjá Tengli í
Reykjavík og lauk sveinsprófi við
Iðnskólann í Reykjavík vorið 1951
og hlaut meistararéttindi í faginu
17.4. 1954. Leiðir Halldóru og
Tómasar lágu saman þegar Tómas
vann að rafvæðingu í Þykkvabæn-
um. 17. júlí 1952 fluttust þau vestur
til Ólafsvíkur með frumburðinn
Unnstein og fljótt stækkaði barna-
hópurinn. Eftir að vestur var kom-
ið stofnsettu þau eigin atvinnu-
rekstur. Tómas starfaði sem
rafverktaki fyrstu áratugina og
vann að rafvæðingu Ólafsvíkur og
nágrannabyggðarlaga. Á því tíma-
bili miðlaði Tómas þekkingu sinni
til nema sinna, sem enn starfa í
byggðarlaginu, má þar helst nefna
Jón, Snorra og Trausta.
Tómas tók mikinn þátt í upp-
byggingu Ólafsvíkur og nágrennis
og var virkur meðlimur í sveitar-
stjórn, slökkviliðinu, björgunar-
sveitinni og Rotary til margra ára.
Tómas byggði verslunarmiðstöð í
miðbæ Ólafsvíkur í félagi með
Lúlla bakara, Vigfúsi í Vík og Mar-
teini. Tómas var fljótur að tileinka
sér tækniframfarir og þróaði þjón-
ustu sína í átt að rafeindavirkjun.
Hann sinnti viðgerðum og viðhaldi
á fiskileitartækjum, sjónvörpum
og öðrum rafeindabúnaði. Sótti
m.a. námskeið í viðgerðum á fiski-
leitartækjum heima og erlendis.
Tómas stundaði sjómennsku á ung-
lingsárum með föður sínum á mið-
unum við Vestmannaeyjar. Á
seinni hluta starfsævinnar lét hann
gamlan draum rætast og keypti sér
trillu og stundaði handfæraveiðar í
rúman áratug samhliða félögum
sínum m.a. Geira Bjarna, Hadda
Tomm, Úlla Jóns, Kidda Dóra.
Útför Tómasar fer fram frá
Fossvogskirkju í dag og hefst at-
höfnin klukkan 15.
Önnu Dóru og Birgis
Jónssonar er Daníel
Freyr, f. 2.12. 1993,
Anna Dóra er gift
David de Kretser,
börn þeirra eru, Ro-
bert Adam, f. 2.8. 1997
og Emily Ingibjörg, f.
25.1. 2003; c) Brynjar,
f. 10.4. 1985, dóttir
hans og Ólafar Ragn-
arsdóttur er Ingibjörg
Lóa, f. 25.10. 1998; d)
Harpa Tanja, f. 30.3.
1987. 2) Guðmundur
rekstrarhagfræðing-
ur, MBA, f. 5.3. 1953,
kvæntur Hjördísi Harðardóttur
heimilislækni, þau eiga þrjú börn,
þau eru: a) Hörður, f. 24.6. 1980,
kærasta hans er Sigríður Th. Eg-
ilsdóttir, b) Halldóra Hrund, f. 14.3.
1982, kærasti hennar er Svein-
björn L. Sveinsson, og c) Tómas
Þórhallur, f. 21.2. 1991. 3) Elín hús-
móðir, f. 5.3. 1953, d. 3.6. 1991.
Börn Elínar og Sigurðar Ó. Gunn-
arssonar eru; a) Jökull, f. 12.10.
1971, b) Mjöll, f. 9.11. 1979, unnusti
hennar er Jonathan Robert Twig-
ger, og c) Vilborg, f. 5.6. 1981. 4)
Ágústa húsmóðir, f. 15.3. 1956, gift
Tryggva K. Eiríkssyni hagfræð-
ingi. Börn þeirra eru Erla Berg-
lind, f. 2.4. 1985, Ragnhildur Ýr, f.
13.7. 1986, og Ástþór Hugi, f. 3.7.
1987. 5) Óskar trésmiður, f. 27.12.
1957. Dóttir Óskars og Sigríðar A.
Stefánsdóttur er Marta, f. 17.11.
1988. 6) Jökull, f. 3.3. 1960, d. 6.11.
1965. 7) Sesselja myndlistarmaður,
kennari Bed., f. 15.1. 1963, gift
Bárði H. Tryggvasyni fasteigna-
sala. Börn þeirra eru Silja Rún, f.
24.2. 1998, og Tryggvi Snær, f.
10.3. 2003. 8) Þórhildur húsmóðir,
f. 18.2. 1965, sonur hennar og
Björns I. Rafnssonar, er Hallur
Lind, f. 2.3. 1984, d. 6.5. 1984, son-
ur Þórhildar og Jens Hanssonar er
Tindur Óli, f. 5.11. 1985, dætur
Þórhildar og Birgis Pálssonar eru
Auður Kolbrá, f. 18.5. 1989, og
Brynhildur, f. 12.9. 1990, d. 20.11.
1990, sonur Þórhildar og Kristins
H. Árnasonar er Árni Dagur, f.
15.4. 1993. 9) Steinunn rekstrar-
hagfræðingur, f. 8. 9. 1967, gift
Bátur líður út um Eyjasund,
enn er vor um haf og land.
Syngur blærinn einn um aftanstund,
aldan niðar blítt við sand.
Ævintýrin eigum ég og þú,
ólgar blóð og vaknar þrá.
Fuglar hátt á syllum byggja bú.
Bjartar nætur vaka allir þá.
Hvað er betra en vera ungur og ör,
eiga vonir og æskufjör,
geta sungið, lifað, leikið sér,
létt í spori hvar sem er,
og við öldunið um aftanstund,
eiga leyndarmál og ástarfund.
Elsku pabbi.
Í mínum huga muntu alltaf vera
hress og lífsglaður eyjapeyi.
Á síðasta ættarmóti sem haldið
var í eyjum ætluðum við Bárður að
athuga með gamla fólkið sem gisti
hjá Guðmundi Arnari. Þá hittum við
þig, í nýja hrauninu, þar sem þú
varst hlæjandi á hestbaki og heils-
aðir okkur hressilega.
Þegar þú komst í heimsókn til
Vestmannaeyja, þar sem þú ert
fæddur og uppalinn, tók blóðið að
streyma á nýjan leik og þú lékst á als
oddi. Enda varstu mjög lífsglaður og
hress með þínu fólki.
Hjá mér hlaðast upp minningar
um lífsglaðan og duglegan pabba,
sem alltaf var á ferðinni. Þú varst
alltaf mjög upptekinn af þinni vinnu,
en samt áttir þú alltaf eftir orku til
þess að fara með okkur krakkana í
alls kyns ævintýraferðir.
Sunnudagurinn var oft vinsæll hjá
okkur. Þú reyndir að fá okkur
krakkana til að fara í bíó, en við
vildum frekar draga þig á vit
ævintýranna og það var ekki erfitt.
Þá fórum við kannski í bíltúr fyrir
Jökul og enduðum í fjörunni hjá
Búðum, í Lýsuhólslauginni eða við
fórum bara út í hraunið.
Þú varst alltaf á Ford Bronco og
komst hann ótrúlegar torfærur. Þau
eru líka ógleymanleg ferðalögin sem
þið Óli frændi skipulögðuð. Þið
hringdust á og ákváðuð t.d. að hitt-
ast í Landmannalaugum, og var þá
brunað af stað og ávallt glatt á
hjalla.
Í mínum huga var alltaf sól og
blíða í þessum ferðalögum, nema
einu sinni á Laugarvatni. Var þá
grenjandi rigning og sátum við inní í
heitu fellihýsinu, horfðum á Stund-
ina okkar og borðuðum heitar pylsur
á meðan tjöldin flutu í kringum okk-
ur.
Berjaferðir að hausti undir Jökli, í
sól og blíðu þar sem lyngið ilmar
kröftuglega, fullt af berjum er ein sú
besta tilfinning sem æskuárin
geyma. En eitt þessara indælu
hausta komst þú ekki með okkur því
að þú hælbrotnaðir við vinnu í nýja
frystihúsinu við að koma upp loft-
ljósunum. Þetta var í lok ágúst og þú
lást í rúminu. Ég vorkenndi þér mik-
ið að komast ekki í ber. Þú varst hjá
mér í huganum allan daginn og þeg-
ar ég kom heim, gaf ég þér strá, sem
ég hafði raðað á fullt af berjum. Þú
borðaðir það með góðri lyst og þakk-
aðir mér vel fyrir.
Þó að þú hafir verið mjög kátur og
hress varstu alltaf mjög rólegur að
eðlisfari, hlýr en dulur. Þú vast alltaf
sívinnandi, annaðhvort úti í bæ, í
bátunum, eða niðri á verkstæði. Ég
þrætti lengi við Svölu vinkonu um að
þú værir læknir því að þú gerðir að
öllum okkar sárum. Ég fékk einu
sinni gat á höfuðið og þá tókst þú
upp læknakassa, sem þér hafði
áskotnast og saumaðir saman sárið.
Mér fannst að það væri ekkert sem
þú gætir ekki gert enda varst þú
mjög handlaginn og úrræðagóður.
Það er erfitt að stökkva upp úr
ljúfum æskuminningum, enda dvel-
ur maður allt of sjaldan við þær, en á
þessari stundu þegar þú nú yfirgefur
okkur eru þær mér mjög dýrmætar.
Síðan ég óx úr grasi og fór að
halda mitt eigið heimili með Bárði,
höfum við átt margar góðar stundir
saman og alltaf hefur þú verið tilbú-
inn til að aðstoða okkur.
Þegar ég fer í gegnum mynda-
albúmin sé ég þig í ýmsum verkum,
við rafmagnsvinnu, parketlögn,
bjúgnagerð, földun á gardínum og
fleira. Allsstaðar þar sem vantaði
laghentan mann varst þú tilbúinn og
ekki vantaði hugmyndaflugið, besta
lausnin var ekki langt undan.
Umhyggja þín fyrir afabörnunum
er okkur afar dýrmæt. Þau eru ófá
knúsin sem Silja Rún og Tryggvi
Snær hafa fengið frá Tomma afa. En
Silju Rún finnst mjög erfitt að missa
afa sinn. Hún segir að þér muni ekki
leiðast, því að þú munir hitta Míró
kisu.
En hugur minn leitar til þín, Óla
og Óskars, bræðra þinna, því að þeg-
ar þú misstir þá var söknuðurinn
sár. Nú munuð þið hittast glaðir og
hressir á ný.
Jæja, elsku pabbi minn, ég verð að
kveðja þig, en geri það með miklum
söknuði. Þín dóttir,
Sesselja.
Láttu smátt, en hyggðu hátt.
Heilsa kátt, ef áttu bágt.
Leik ei grátt við minni mátt.
Mæltu fátt og hlæðu lágt.
(Einar Ben.)
Elsku pabbi.
Þessa vísu hef ég alltaf haldið upp
á og finnst hún lýsa mínu uppeldi
vel, þetta eru gildi sem þú og
mamma kenndu mér og eru mér
dýrmæt. Þú umvafðir mig væntum-
þykju og stolti á hljóðlegan hátt,
með notalegu faðmlagi. Þetta kom
svo vel í ljós þegar þú umgekkst
barnabörnin þín af þinni einskæru
hógværð. Þú samgladdist þeim allt-
af, sama hversu smávægilegt það
var sem þau sýndu þér. Núna sein-
ast, þegar þú lást sárlasinn á sjúkra-
húsinu sýndi Kristín þér stolt nýja
tönn sem hún var að fá og þú ljóm-
aðir af gleði. Að ekki sé minnst á
þegar þú hlustaðir fullur af áhuga og
stolti þegar þau spiluðu fyrir þig á
hljóðfærin sín.
Takk fyrir trúa á mig og treysta.
Veita mér alltaf stuðning og hvatn-
ingu við þau verkefni sem ég hef tek-
ið mér fyrir hendur. Þetta hefur ver-
ið mér dýrmætt veganesti í gegnum
mitt líf, sem ég ætla að varðveita vel
og vona að mér takist að veita mín-
um börnum.
Margs er að minnast,
margt er hér að þakka.
Guði sé lof fyrir liðna tíð.
Margs er að minnast,
margs er að sakna.
Guð þerri tregatárin stríð.
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
(V. Briem.)
Þín dóttir
Steinunn.
Fallinn er í valinn tengdafaðir
minn Tómas Þórhallur Guðmunds-
son frá Ólafsvík eftir stutta en erfiða
baráttu við skæðan sjúkdóm.
Langar mig að minnast hans með
nokkrum orðum og ósjálfrátt leitar
hugur minn aftur til ársins 1979 er
leiðir okkar lágu fyrst saman.
Ég hafði þá kynnst Ágústu dóttur
hans og var á leið til fundar við vænt-
anlega tengdaforeldra mína sem ég
hafði ekki séð áður en þau voru þá
stödd í Reykjavík.
Við þessa prófraun var ég með
smá fiðring í maganum sem reyndist
svo ástæðulaus er á hólminn var
komið þar sem mér mætti einungis
hlýtt viðmót og upphaf að mikilli vin-
áttu og trausti sem Tommi tengda-
pabbi sýndi mér alla tíð.
Ég var svo formlega innvígður í
hópinn í Húsafelli þegar Tommi og
Halldóra héldu upp á silfurbrúðkaup
sitt og komst ég þá að því ég hafði
eignast stóra og samheldna tengda-
fjölskyldu.
Fyrsta ferðin til Ólafsvíkur er mér
einnig minnisstæð. Tommi kepptist
við að sýna mér Snæfellsnesið sem
hann þekkti manna best eftir langa
veru þar. Þá fór ég í fyrsta sinn yfir
jökulhálsinn í Ford Broncó sem
Tommi átti. Áttum við eftir að fara
margar ferðir saman um þessar
slóðir til að skoða náttúruna undir
Jökli sem er fáum lík. Að eðlisfari
var Tommi mikill útivistarmaður
enda alinn upp í Vestmannaeyjum
og V-Landeyjum þar sem nálægðin
við sjóinn og náttúruna eru sjálf-
sagðir hlutir. Þessi áhugi Tomma á
útivist og ferðalögum varð sömuleið-
is til þess að hann varð vel að sér í
landafræði og staðháttum innan-
lands.
Seinna komst ég að því að þessi
kunnátta Tomma var ekki einungis
bundin við Ísland heldur önnur lönd
einnig. Fórum við Ágústa með
tengdaforeldrum mínum í aldeilis
frábæra og ógleymanlega ferð um
Evrópu árið 1981 þar sem við ókum
vítt og breitt milli landa þar sem
kunnátta og áhugi Tomma á landa-
fræði Evrópu fékk að njóta sín.
Á þessum árum við upphaf 9. ára-
tugarins var tengdafaðir minn enn á
kafi í vinnu sem rafverktaki en hafði
jafnframt snúið sér að viðgerðum á
ýmsum rafeindabúnaði sem tengdist
útgerð og fiskvinnslu í Ólafsvík auk
þess að annast viðgerðir á sjónvörp-
um o.fl. heimilistækjum.Var oft mik-
ið að gera þegar skip komu inn með
bilaðan radar eða annan búnaðog
var þá ekki spurt hvort væri dagur
eða nótt og var vinnudagurinn því
oft langur.
En þótt mikið væri að gera hafði
Tommi alltaf tíma til að sinna fjöl-
skyldunni enda var hann traustur
fjölskyldufaðir og mikill barnakall
enda eins gott þar sem þau Halldóra
eignuðust sjálf 11 börn og því í nógu
að snúast við barnauppeldi. Það var
eins og börn hreinlega soguðust að
honum og oftast var hann með eitt-
hvert þeirra í fanginu. Þetta fékk ég
líka að upplifa þegar við Ágústa
eignuðust börnin okkar þrjú sem
hann hafði alltaf tíma til að sinna,
sama hvort sem við vorum stödd í
Ólafsvík eða á heimili okkar í
Reykjavík.
Tommi var rólegur að eðlisfari og
einstaklega ljúfur í viðmóti. Hann
hafði tamið sér nægjusemi alla tíð en
hafði þó alltaf gaman af nýjum tækj-
TÓMAS Þ.
GUÐMUNDSSON
Eiginkona mín, móðir okkar, tengdamóðir,
amma og langamma,
GUÐBJÖRG AÐALHEIÐUR
GUNNARSDÓTTIR,
Laugavöllum 5,
Egilsstöðum,
fyrrum húsfreyja Hjaltastað,
sem lést fimmtudaginn 22. janúar, verður jarð-
sungin frá Egilsstaðakirkju laugardaginn 31. janúar kl. 14.00.
Sigþór Pálsson,
Guðný Hildigunnur Sigþórsdóttir, Yngvi Dalur Ingvarsson,
Páll Sigurbjörn Sigþórsson,
Rúnar Sigþórsson, Guðný Hrönn Marinósdóttir,
barnabörn og barnabarnabörn.
Elskuleg eiginkona mín, móðir okkar, tengda-
móðir, amma og langamma,
AÐALHEIÐUR JÓNSDÓTTIR,
Heiðarhrauni 51,
Grindavík,
lést á Heilbrigðisstofnun Suðurnesja þriðju-
daginn 27. janúar.
Jarðarförin verður auglýst síðar.
Guðmundur Dagbjartsson,
Jón Guðmundsson, Súsanna Demusdóttir,
Valur Guðmundsson, Jóhanna Guðmundsdóttir,
Brynja Guðmundsdóttir, Ævar Ásgeirsson,
Stefán Guðmundsson, Gotta Sigurbjörnsdóttir,
barnabörn og barnabarnabörn.