Morgunblaðið - 02.02.2005, Síða 52
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MIÐVIKUDAGUR 2. FEBRÚAR 2005 VERÐ Í LAUSASÖLU 220 KR. MEÐ VSK.
BÖRNIN á Mánabrekku skemmta sér vel í því
vorveðri sem ríkt hefur að undanförnu. Ekki
svo að skilja að leikskólabörn fari ekki út fyrir
hússins dyr nema jörð sé auð, síður en svo. Hitt
er svo annað mál að í hlákutíð geta samgöngur
á sérhönnuðum farartækjum fyrir börn verið
auðveldari en þegar allt er á kafi í snjó. Það er
því um að gera fyrir þau Óttó, Önnu Birtu, El-
ínu Birnu og Birtu Maríu að aka og burra.
Morgunblaðið/Ómar
Ekið um á Mánabrekku
BEIN afskipti stjórnmálaflokka af
stefnumótun alþýðusambanda eru
varhugaverð að mati Gunnars
Guttormssonar fyrrverandi starfs-
manns ASÍ og höfundar greinar
um stefnu ASÍ í Morgunblaðinu í
dag. Þar segir hann að ákvörðun
miðstjórnar ASÍ að tengja sam-
bandið skipulagslega við eina
stjórnmálahreyfingu, þ.e. krata-
flokkanna á Norðurlöndum að
Samfylkingunni meðtalinni, sé aft-
urhvarf til fortíðar og stangist á við
lýðræðislegar hefðir og vinnu-
brögð í fjöldasamtökum.
ASÍ og Samfylking í samstarfi
Gunnar bendir á að árið 2000
hafi ASÍ hafið formlegt samstarf
við Samfylkinguna og aðra sósíal-
demókratíska flokka á Norður-
löndunum með því að gerast aðili
að SAMAK (Samstarfsnefnd nor-
rænna jafnaðarmannaflokka og al-
þýðusambanda).
„Samkrull alþýðusambanda ann-
ars staðar á Norðurlöndunum við
krataflokka hefur verið á undan-
haldi vegna eðlilegrar gagnrýni
eins og best sést af því að árið 1995
sleit danska alþýðusambandið
formlegum tengslum við krata-
flokkinn þarlendis, og 2003 ákvað
sambandið að hætta að greiða ár-
legan 1 millj. kr. styrk til flokksins.
Um svipað leyti og þetta var að
gerast í Danmörku ákvað norska
alþýðusambandið að draga sinn
mann út úr framkvæmdanefnd
norska verkamannaflokksins,“
segir í greininni.
Tengslin
aftur-
hvarf til
fortíðar
Hvert stefnir/27
ÁÆTLAÐ er að sex stærstu sveitarfélög landsins hafi
veitt samtals um 1,4 milljarða króna til fjárhagsaðstoðar
á síðasta ári. Til samanburðar vörðu þau samtals um 739
milljónum króna til fjárhagsaðstoðar árið 2000.
Þetta er meðal þess sem fram kemur í svari félags-
málaráðherra við fyrirspurn Jóhönnu Sigurðardóttur.
Sveitarfélögin sex eru Reykjavík, Kópavogur, Hafnar-
fjörður, Akureyri, Reykjanesbær og Garðabær.
Í lögum um félagsþjónustu sveitarfélaga er kveðið á
um að sveitarfélög skuli tryggja að íbúar þeirra geti séð
fyrir sér og sínum. Ekki er kveðið á um lágmarksfjár-
hæð til framfærslu í lögunum en í leiðbeiningum félags-
málaráðuneytisins frá árinu 2003 er lagt til að lágmarks-
fjárhæð til einstaklings sé 84.245 krónur.
Í svarinu kemur fram að alls hafi 5.930 fjölskyldur
notið fjárhagsaðstoðar sveitarfélaga á landinu öllu árið
2002. Þar af voru barnlausir einstæðir karlar stærsti
hópurinn eða alls 2.113. Einstæðar konur með börn voru
næststærsti hópurinn eða alls 1.994. Því næst koma
barnlausar einstæðar konur, en þær voru alls 1.031.
Einstæðir karlar með börn voru 107, hjón eða sambúð-
arfólk með börn voru 479 og hjón eða sambúðarfólk án
barna voru 206. „Hafa ber í huga að með barnlausu fólki
er hér átt við þá sem ekki eru með börn á sínu framfæri,
engu að síður getur verið um að ræða fólk sem greiðir
meðlag með börnum sínum,“ segir í svarinu.
1,4 milljarðar í fjár-
hagsaðstoð í fyrra
Morgunblaðið/Ómar
Barnlausir, einstæðir
karlar stærsti hópurinn
VIÐRÆÐUR eru í gangi á milli
Reykjavíkurborgar og Landakots-
skóla um að skólinn verði hluti af
almenna skólakerfinu en hug-
myndafræði hans verði áfram við
lýði. Þetta upplýsti Stefán Jón Haf-
stein, starfandi forseti borgar-
stjórnar og formaður menntamála-
ráðs, á fundi borgarstjórnar í gær.
„Skólinn gengi með þessu móti í
endurnýjun lífdaga sem almennur
skóli án skólagjalda og með fullum
framlögum frá borginni í samræmi
við breytta stöðu. Þetta er nú til at-
hugunar að undangengnum nokkr-
um viðræðum við forráðamenn
skólans og könnun gerð á rými og
fleiru í tengslum við áætlaða upp-
byggingu í vesturbænum.“
Stefán Jón sagði þörf á nýjum
grunnskóla í vesturbæ vegna þétt-
ingar byggðar. Lítið vit væri í því
að byggja enn einn skólann á því
svæði á meðan Landakotsskóli
stæði með auð pláss.
Landakotsskóli var stofnaður
árið 1896 og er einn af elstu starf-
andi grunnskólum landsins. Hann
hefur verið rekinn sem sjálfstæð
stofnun og er í eigu kaþólsku kirkj-
unnar á Íslandi.
Vilhjálmur Þ. Vilhjálmsson, odd-
viti Sjálfstæðisflokksins, sagðist
ekki hafa vitað af þessum viðræð-
um. Hann setti sig ekkert upp á
móti þessari leið. Samt mætti ekki
ganga þannig til verks að stjórn-
endum skólans yrðu settir ein-
hverjir afarkostir.
Landakotsskóli verði
almennur grunnskóli
„FYRIR nokkrum árum
skrifaði ég ritdóm þar
sem ég sagði að Serena
væri ein magnaðasta
tónsmíð íslenskrar tón-
listarsögu. Nú ætla ég
að bæta um betur og
fullyrða að Serena sé
óviðjafnanlegt snilld-
arverk sem standi fylli-
lega jafnfætis því helsta
í íslenskum og erlend-
um tónbókmenntum.“
Þannig skrifar Jónas Sen, tónlistar-
gagnrýnandi Morgunblaðsins, um Serenu,
verk Leifs heitins Þórarinssonar, sem
flutt var á tónleikum Myrkra músíkdaga í
fyrrakvöld. Flytjendur voru Elísabet
Waage hörpuleikari og Laufey Sigurð-
ardóttir fiðluleikari./24
Óviðjafnanlegt
snilldarverk
Leifur
Þórarinsson
Aldrei heyrt um
reglugerðina
HÁLFDÁN G. Hálfdánarson, fram-
kvæmdastjóri líkkistuvinnustofunnar Fjöl-
smíðar, segist aldrei hafa séð eða vitað um
reglugerð um útfararþjónustu þrátt fyrir
að hafa fyrst fengið útfararleyfi hjá dóms-
málaráðuneytinu árið 1997 og fengið leyfið
endurnýjað árið 2002. Í Morgunblaðinu í
síðustu viku kom fram að ýmsar reglur
giltu um útfarir og útfararþjónustu og var
sérstaklega bent á þessa reglugerð, nr. 232/
1995. Ráðuneytið, sem gaf reglugerðina út,
benti framkvæmdastjóranum ekki á hana
né sendi honum hana.
Fagnar siðareglum
Hálfdán fagnar því að verið sé að semja
siðareglur fyrir greinina. Með þeim sé t.d.
hægt að koma í veg fyrir að einn aðili geri
samkomulag við sjúkrastofnun um að flytja
lík þaðan í líkhús og nýti sér það svo eins og
dæmi séu um, með því að hringja í aðstand-
endur og bjóða þjónustu sína við útförina.
Umræðan/29
HANDRITADEILD Landsbókasafns Ís-
lands hefur hafið söfnun á einkaheimildum
frá stjórnmálamönnum og fleiri aðilum í
þjóðfélaginu. Þetta kom fram á málþingi
sem Sögufélagið efndi til í Þjóðminjasafn-
inu í gær um ritverkið Stjórnarráð Íslands
1964–2004.
Guðni Th. Jóhannesson sagnfræðingur
sagðist hefðu viljað sjá fleiri munnlegar
heimildir í ritverkinu. Almennt skorti á
þennan þátt við söguritun hér á landi.
Nefndi Guðni sem dæmi að víða erlendis
væri munnlegum heimildum markvisst
safnað með t.d. viðtölum við embættis-
menn að loknu ævistarfi þeirra. Hér á landi
mætti t.d. safna munnlegum heimildum um
þjóðarsáttina árið 1990 og þingrofið árið
1974.
Gagnlegar heimildir
Guðni sagði vilja vera fyrir hendi í þess-
um efnum innan sagnfræðiskorar Háskóla
Íslands og með söfnun einkaheimilda frá
stjórnmálamönnum væri kominn vísir að
þessu hjá handritadeild Landsbókasafns-
ins. Höfundar Stjórnarráðssögunnar hefðu
haft mikið gagn af slíku safni, sem og þeir
sem ætluðu að rannsaka viðfangsefnið
frekar í framtíðinni.
Einkaheim-
ildum safnað
meðal stjórn-
málamanna
Ekki saga/12
♦♦♦
♦♦♦