Morgunblaðið - 02.02.2005, Blaðsíða 26

26 MIÐVIKUDAGUR 2. FEBRÚAR 2005 MORGUNBLAÐIÐ
Hallgrímur B. Geirsson.
Styrmir Gunnarsson.
Framkvæmdastjóri:
Ritstjóri:
STOFNAÐ 1913
Útgefandi: Árvakur hf., Reykjavík.
Aðstoðarritstjórar:
Karl Blöndal, Ólafur Þ. Stephensen.
Fréttaritstjóri:
Björn Vignir Sigurpálsson.
Stærsta knattspyrnuhátíðveraldar, Heimsmeistara-keppnin, er haldin á fjög-urra ára fresti. Næsta
keppni fer fram í Þýskalandi sum-
arið 2006. Og þótt ýmsum þyki langt
þangað til þurfa knattspyrnuáhuga-
menn engu að síður að fara að huga
að sínum málum, því miðasalan hófst
á Netinu á mánudag, 1. febrúar.
Slóðin er www.fifaworldcup.com.
Þar er einnig hægt að fá allar upp-
lýsingar um keppnina.
Eflaust finnst mörgum það ein-
kennileg ráðstöfun hjá Alþjóða
knattspyrnusambandinu, FIFA, að
hefja miðasöluna svona snemma.
Undankeppnin er í fullum gangi og
því er ekki ennþá vitað hvaða þjóðir
munu keppa á HM og því muni fólk í
raun ekki vita á hvaða leik það er að
kaupa miða. Það getur valið ákveð-
inn leik á ákveðnum leikdegi í ákveð-
inni borg í Þýskalandi. Annar mögu-
leiki er að festa sér miða á leiki hjá
ákveðinni þjóð sem líkleg er til að
komast í úrslitin og fylgja henni alla
leið í úrslitaleikinn.
Svör FIFA eru þau að um sé að
ræða einn mesta íþróttaviðburð ver-
aldar sem veki gríðarlegan áhuga.
Ekki sé eftir neinu að bíða.
Gífurleg spurn eftir miðum
Netið er auðvitað kjörinn vett-
vangur fyrir miðasöluna. Í boði
verða 2 milljónir og 930 þúsund mið-
ar á leikina 64. Miðarnir verða seldir
á fimm tímabilum. Hið fyrsta hófst 1.
febrúarog stendur til 31. mars nk. Í
fyrstu umferð verða í boði 812 þús-
und miðar í nokkrum verðflokkum.
Hægt verður að panta mest fjóra
miða á nafn og á sjö leiki mest. FIFA
reiknar með gífurlegri eftirspurn,
allt að tífaldri, og því verður nokkurs
konar happdrætti haldið 15. apríl.
Þar verða þeir dregnir út sem hljóta
miðana eftirsóttu.
Miðaverð er í fjórum flokkum og
miðast verðið við staðsetningu
áhorfenda á vellinum. Ódýrustu mið-
arnir munu kosta 35 evrur, eða rúm-
lega 2.800 krónur. Miði á úrslitaleik-
inn í þessum flokki kostar tæpar 10
þúsund krónur. Í dýrasta flokknum
kostar ódýrasti miðinn um 8.200
krónur en miðinn á úrslitaleikinn
mun kosta tæpar 50 þúsund krónur.
Áhorfandi sem kaupir slíkan miða
mun upplifa mikinn lúxus
nærri má geta.
Miðarnir verða gefnir út
að koma í veg fyrir brask
tækni verður notuð á völ
þess að koma í veg fyrir að
komist inn fölsuðum miðu
hefur sérstaklega varað við
um aðilum sem bjóða miða
þeir sem kaupi slíka mið
hættu að tapa stórfé.
Opnunarleikur Heims
keppninnar 2006 fer fram
leikvangi í Munchen föstu
júní og úrslitaleikurinn fer
kvæmlega mánuði síðar, s
Miðasala á Heimsmeistarakeppnina í kn
Stóra stundin: Eftir mánaðar langa keppni sumarið 2002 var það
Þjóðverjar bjó
64 landsleikir
fara fram á
einum mánuði
Heimsmeistarakeppnin
í knattspyrnu er við-
burður sem allir áhuga-
menn um þessa göfugu
íþrótt fylgjast með.
Þótt enn sé eitt og hálft
ár þangað til keppnin í
Þýskalandi hefst þurfa
þeir sem vilja komast á
leiki þar að fara að
huga að sínum málum.
ÁSGEIR Sigurvinsson
landsliðsþjálfari þekkir
betur til þýskrar knatt-
spyrnu en nokkur annar
Íslendingur. Hann lék
um árabil með Stuttgart
og varð þýskur meistari
1984. Sama ár var hann
kjörinn knattspyrnu-
maður ársins þar í landi.
Ásgeir fór til Þýska-
lands sl. haust til að
kynna sér undirbúning Þjóðverja fyrir
keppnina 2006. Þegar hann kom til Stuttgart
var honum tekið með kostum og kynjum og
það duldist engum sem var með í för að hann
er þar í miklum metum. „Það var mjög
ánægjulegt að koma aftur til Stuttgart, það
var eins og að koma heim,“ segir Ásgeir.
„Það var sérstaklega gaman sjá hve leik-
vangurinn í Stuttgart er orðinn glæsilegur og
umgjörðin framúrskarandi flott.“
Ásgeir er þess fullviss að framkvæmd
keppninnar verði fyrsta flokks hjá Þjóð-
verjum. Það hafi þeir sýnt þegar þeir hafa
haldið stórkeppnir. „Það gerir þetta enginn
betur en þýska stálið.“
Ásgeir bjó í Þýskalandi í 16 ár og ber Þjóð-
verjum mjög vel söguna. „Það var frábært að
búa í Þýskalandi. Þjóðverjar taka mjög vel á
móti ferðamönnum og vilja allt fyrir þá
gera,“ segir Ásgeir. Hann segir að margir
hafi ranghugmyndir um Þjóðverja. Þetta sé
líklega fólk sem hafi hitt Þjóðverja á Mall-
orca eða einhverri annarri sólarströnd, þar
sem þeir hafi staðið fast á sínu. „Þeir sem
leggja leið sína til Þýskalands fara gjarnan
þangað aftur.“
Aðspurður segist Ásgeir ráðleggja þeim
sem hyggist fara á HM að snúa sér til ís-
lenskra eða þýskra ferðaskrifstofa og leita
tilboða í ferðir og gistingu. Eins sé hægt að
hafa samband við flugfélög sem fljúgi til
Þýskalands. Verðlag sé mjög hagstætt og
góður möguleiki að fá hótel á góðu verði, sér-
staklega fyrir utan stórborgirnar. Hann segir
að milli leikja geti fólk gert alveg ótalmargt.
Skoðað söfn, farið í skoðunarferðir og báts-
ferðir svo dæmi sé tekið. Þá sé að sjálfsögðu
hægt að fara á góða veitingastaði, fara í vín-
smakkanir og þeir sem hafi áhuga á að versla
geti gert mjög góð kaup.
Því miður eru litlar líkur á að Ísland kom-
ist í lokakeppnina og Ásgeir fari þangað sem
þjálfari liðsins. En ætlar hann að fara út og
fylgjast með keppninni? „Alveg örugglega.
Þetta verður meiri háttar viðburður. Keppn-
in gæti ekki verið á betri stað að mínu mati.“
Þjóðverjar góðir heim að sækja
Ásgeir
Sigurvinsson
SJÓNV
Sýn á s
leikjum
arakep
á landi
Björns
stjóra
irnir 6
útsend
Þega
ingarr
meista
sem fr
frá því
til að s
Að s
irbúnin
inn. Lj
fangsm
Sýnar
öðrum
sýndir
verða þ
anda k
efni te
nefna a
tökulið
verður
keppnu
Al
HUGREKKI ÍRAKA
Íraskir kjósendur sýndu mikið hug-rekki þegar þeir gengu að kjör-borðinu á sunnudag. Hryðjuverka-
menn höfðu haft í miklum hótunum í
aðdraganda kosninganna og sagt að þeir
myndu hvorki þyrma lífi kjósenda né
kosningastarfsmanna. Kosningaþátt-
takan í Írak var ekki minni en í mörgum
vestrænum lýðræðisríkjum þar sem það
eina, sem kjósendur þurfa að leggja á
sig, er að mæta á kjörstað. Á sunnudag
var hver einasti íraski kjósandi skot-
mark.
Undanfarna mánuði hafa hryðjuverk
og árásir uppreisnarmanna verið dag-
legt brauð. Á kjördag voru gerðar um
100 árásir á eða við kjörstaði og létu um
40 manns lífið. Þó var minna um árásir
en margir höfðu óttast og var það meðal
annars rakið til mikilla öryggisráðstaf-
ana, þar á meðal þess að í Bagdad og
víðar var umferð einkabíla bönnuð.
Ekki hafa verið gefnar út opinberar
tölur um kosningaþátttöku, en yfirkjör-
stjórn Íraks sagði að hún hefði verið á
bilinu 60% til 75%, mest á svæðum
Kúrda og sjíta.
Hermt var að kjörsókn á svæðum
súnní-araba hefði verið meiri en búist
hefði verið við, en samt hefði hún verið
lítil. Súnní-arabar eru 20% af íbúum
Íraks og ástæða er til að óttast að dræm
kjörsókn muni leiða til pólitískrar ein-
angrunar þeirra, en þeir nutu forrétt-
inda í valdatíð Saddams Hussein.
Stjórnarmyndun í landinu mun ekki
hefjast fyrr en úrslit kosninganna liggja
fyrir. Nýrrar stjórnar bíður það verk-
efni að móta stjórnarskrá og gangi allt
eftir er gert ráð fyrir því að gengið verði
til kosninga að nýju í árslok. Til að koma
í veg fyrir útilokun einstakra trúar- eða
þjóðernishópa er kveðið á um það að til
stjórnarmyndunar þurfi stuðning
tveggja þriðju hluta þingsins.
Margir höfðu lýst yfir mikilli svart-
sýni fyrir kosningarnar og mælst til
þess að þeim yrði frestað. Bandaríkja-
stjórn hélt hins vegar sínu striki og það
er því George W. Bush Bandaríkjafor-
seta til hróss hversu vel tókst til. Þar
með er þó ekki hægt að fullyrða að góð
kosningaþátttaka jafngildi stuðningi við
hernámsliðið. Hún ber því hins vegar
vitni að Írakar eru tilbúnir til þess að
láta framtíð sína ráðast við kjörkassann,
þótt þeir gætu þurft að gjalda fyrir með
lífi sínu.
Ekki má heldur gleyma því að fyrir
utan kosningar í Ísrael og til heima-
stjórnar Palestínumanna eru þetta einu
kosningarnar, sem haldnar hafa verið í
þessum heimshluta um áratugaskeið.
Almenningur í nærliggjandi ríkjum
fylgdist um helgina með því þegar írask-
ir kjósendur nýttu sér þann rétt, sem
þeim hefur verið neitað um. Þróunin í
Írak mun skapa þrýsting á leiðtoga
arabaríkjanna um aukið lýðræði og sá
þrýstingur mun ekki síst koma innan
frá.
Þessar kosningar eru ekki nema eitt
skref í áttina að því að byggja upp nýtt
þjóðfélag í Írak. Það hefur gengið hægt,
ekki síst vegna ástandsins í landinu. Til
vitnis um það er að Bandaríkjamenn
hafa ekki varið nema 2,5 milljörðum
dollara af 18,4 milljörðum, sem þeir hafa
ráðgert að verja til uppbyggingar í land-
inu. Sömuleiðis hefur lítið skilað sér af
nokkrum milljörðum dollara, sem Evr-
ópuríki hafa lofað til uppbyggingar,
meðal annars vegna öryggisástandsins.
Þessar kosningar skapa hins vegar von-
andi tækifæri til að snúa við blaðinu í
Írak og skapa það mótvægi, sem nauð-
synlegt er gegn niðurrifsöflunum í land-
inu. Nauðsynlegt er að vestræn ríki
leggi sitt af mörkum til þess að aðstoða
við að koma á lýðræði í Írak og gagnrýn-
endur Bandaríkjamanna átti sig á því að
gera verður greinarmun á andstöðunni
við aðferðir Bandaríkjastjórnar og upp-
byggingu landsins.
ÖRYGGI Á SJÓ
Lega landsins og atvinnuvegir tengd-ir útgerð og sjóflutningum gera
það að verkum að þjóðin á augljóslega
mikið undir því að vel sé hugað að öllum
öryggisþáttum og gæslu á hafi úti. Þetta
vita menn og hafa um áratugaskeið haft
sem grundvallarsjónarmið við uppbygg-
ingu björgunarsveita, hafnarmann-
virkja og tilkynningaskyldu, svo eitt-
hvað sé nefnt, auk starfsemi
Landhelgisgæslunnar.
Það er því umhugsunarvert þegar
forstjóri Landhelgisgæslunnar, Georg
Lárusson, segir aðspurður í samtali sem
birtist í Morgunblaðinu á mánudag er
varðskipin Týr og Ægir höfðu loks kom-
ið Dettifossi til hafnar á Eskifirði, að ef
„þessi sterki vindur og þungi sjór hefði
verið í hina áttina [þ.e. að landi] er ég í
miklum vafa að við hefðum náð að halda
skipinu frá landi, þá hefði það bara farið
upp í fjöru“. Georg segir þetta sýna okk-
ur „skýrt að það er algjörlega bráðnauð-
synlegt að við höfum yfir að ráða skipi
sem getur ráðið við svona aðstæður“, og
bendir á að hér á landi séu nefnilega
engin stór dráttarbátafyrirtæki sem
hægt sé að leita til í erfiðum aðstæðum
sem þessum.
Eins og fram hefur komið eru varð-
skipin Týr og Ægir aðeins um einn tí-
undi hluti af þyngd Dettifoss. Stærðin
er þó að mati Georgs ekki það eina sem
skiptir máli heldur einnig fyrirkomulag
á spil- og dráttarbúnaði. Í tilfelli sem
þessu, er Dettifoss varð stýrisvana nú
um helgina, ráða spilin ekki almennilega
við að draga jafnstórt skip, því rykkur
komi á taugina vegna staðsetningar
dráttarbúnaðarins, svo hún slitni.
Jafnvel þótt Georg bendi á að báðum
varðskipunum verði breytt á næstunni
og komið verði upp haganlegri spilbún-
aði „verður lögun skipanna ekki breytt
þannig að þetta verður alltaf aftur úr
skipunum“. Vandinn er því ekki leystur
til fullnustu með þeim breytingum. For-
stjórinn segir jafnframt að verið sé að
kanna möguleika á að leigja skip í stað
þess að kaupa skip fyrir gæsluna.
Orð Georgs Lárussonar eru í raun
viðvörunarorð við þær aðstæður sem
hér ríkja, bæði vegna vályndra veðra og
tíðra siglinga. Mörgum er enn í fersku
minni er Vikartindur strandaði árið
1997 í veðurofsa í Háfsfjöru, með
hörmulegum afleiðingum við björgunar-
tilraun varðskipsins Ægis. Þótt vel hafi
farið að þessu sinni og tekist að koma
Dettifossi til hafnar er ekki nóg að
spyrja hvort ætla megi að slík tilfelli
komi upp á nýjan leik og þá hugsanlega
við verri aðstæður, svo sem vind er blæs
að landi, eins og forstjóri Landhelgis-
gæslunnar bendir á. Spyrja verður hve-
nær það gerist og hvort Landhelgis-
gæslan sé í stakk búin til að takast á við
það þannig að vandkvæði séu sem allra
minnst. Á meðan hér á landi eru ekki
stór dráttarbátafyrirtæki eins og Georg
bendir á verður að hlúa þannig að Land-
helgisgæslunni að hún geti sinnt hlut-
verki sínu sem best. Hvort heldur reyn-
ist hagstæðara, að leigja skip eða kaupa,
verður að tryggja öryggi sjófarenda
eins og kostur er.