Morgunblaðið - 11.02.2005, Blaðsíða 1

Ástir utan
sviðs og innan
Dramatísk spenna hefur fylgt
óperunni Toscu | 32
Bílar | Sportlegur Citroën
Risar á brauðfótum?
Leiðsögn
í lófatölvu
Octavia upp um flokk Íþróttir | Haukar burstuðu
ÍR
Þjálfarinn hótaði markverðinum
Þór vann Val óvænt
Bílar og Íþróttir í́ dag
KÚABÆNDUR ættu að vita manna best
hvað kýr baula. Það var þó ekki einfalt mál
fyrir þá sem rætt var við í gær að skera úr
um hvort þær bauluðu mu eða mö. Á nýju
mjólkurumbúðunum er slagorðið muu mjög
áberandi. En hvort baula beljur mu eða mö?
Þórólfur Sveinsson á Ferjubakka 2 taldi að
kýr bauli hvort tveggja mö og mu. „Ef maður
reynir að horfa á þetta faglega þá er ekki allt-
af sama hljóðið í kúnum og maður þekkir ein-
staka kýr á hljóðinu. Mö, mu. Ég mundi nú
samt halda að mu væri algengara.“
Sigurlaug Sigurðardóttir, bóndi á Nesi í
Höfðahverfi, sagði að líklega heyrðist hvoru
tveggja þó að mu væri líklega algengara. „Ég
get ekki greint nákvæmlega þarna á milli. Ég
þyrfti að fara út í fjós og hlusta nákvæmlega
á þær til að geta greint mun á því,“ sagði hún.
Þá taldi hún að ef kýrnar væru reiðar og
bölvuðu, eins og kallað er, þá heyrðist ö-
hljóðið meira.
Mu virðist algengara á Netinu en mö í
söngtextum.
Morgunblaðið/Sigurður Sigmundsson
Mö heyrist
frekar ef kýr
eru reiðar
 Hvort baula/11
MAHMOUD Abbas, leiðtogi Pal-
estínumanna, rak í gær þrjá yfir-
menn öryggissveitanna fyrir að
hafa ekki komið í veg fyrir
sprengjuárás á gyðingabyggð á
Gaza. Varð hún til þess, að Ísraelar
frestuðu fundi um framkvæmd
samningsins, sem þeir Abbas og
Ariel Sharon, forsætisráðherra
Ísraels, gerðu með sér fyrr í vik-
unni.
Sagt er, að Abbas hafi orðið æfur
er liðsmönnum Hamas-hreyfingar-
innar tókst að skjóta meira en 30
sprengjum og 26 flugskeytum á
gyðingabyggðina en Hamas hefur
lýst yfir, að hreyfingin sé óbundin
vopnahléinu, sem samið var um á
þriðjudag. Brást Abbas við með því
að reka úr starfi þá Saeb al-Ajez,
yfirmann palestínsku lögreglunn-
ar, Abdelrazzak al-Majaida, yfir-
mann palestínsku öryggissveit-
anna, og Omar Ashur, yfirmann
öryggissveitanna á sunnanverðu
Gaza-svæðinu. Um 4.000 palest-
ínskir öryggissveitamenn eru nú á
Gaza og er það meginverkefni
þeirra að koma í veg fyrir árásir af
þessu tagi.
Matan Vilnai, ráðherra í Ísr-
aelsstjórn, sagði í gær, að viðbrögð
palestínsku heimastjórnarinnar við
árásinni myndu sýna hvort hún
ætlaði að standa við vopnahlés-
samninginn.
Talsmaður bandaríska utanrík-
isráðuneytisins lofaði í gær Abbas
fyrir viðbrögðin og sagði Banda-
ríkjastjórn styðja hann heilshugar.
„Afar mikilvægt“
Hamas og fleiri herskáar hreyf-
ingar krefjast þess, að Ísraelar láti
lausa fleiri fanga en þeir hafa nú
þegar fallist á að sleppa 900 af um
7.000 alls. Sharon viðurkenndi í
gær, að fangamálið væri „afar mik-
ilvægt“ fyrir Palestínumenn og
Gideon Ezra, innanríkisráðherra
Ísraels, sagði að hugsanlega yrði
föngum „með blóði drifnar hendur“
sleppt, öfugt við fyrri ákvarðanir.
Abbas bregst af hörku
við vopnahlésbrotum
Reuters
Íbúi í gyðingabyggðinni Neve Dekalim á Gaza talar í farsíma en
skammt frá er flugskeyti, sem ekki sprakk er það kom niður.
Rak úr starfi
þrjá af æðstu
yfirmönnum
öryggismálanna
Gazaborg, Jerúsalem. AP, AFP.
ÁSTRALSKA lögreglan viðurkenndi í
gær, að hún kynni enga skýringu á
nokkrum árásum frosinna kjúklinga á
hús í bæ fyrir norðan Sydney.
Tony Tamplin, talsmaður lögregl-
unnar í Newcastle, sagði, að frosnu
kjúklingarnir hefðu skemmt nokkur
hús í bænum, hreinlega gengið í gegn-
um þökin, svo mikill hefði krafturinn
verið. „Hefði einhver orðið fyrir þeim,
þá hefði illa farið,“ sagði Tamplin.
Tamplin sagði, að ýmsar kenningar
væru á kreiki og ein sú, að stórir fugl-
ar gripu kjúklingana á sorphaugum
skammt frá og misstu þá síðan yfir
bænum. Önnur er sú, að þarna hafi
einhverjir prakkarar verið að verki og
þykir hún raunar sennilegust. Þeir
hljóta þá að ráða yfir öflugu tæki, til
dæmis stórum slöngvivað.
Þegar Bob Carr, forsætisráðherra
Nýja Suður-Wales, var spurður um
þetta dularfulla mál, komst hann strax
í heimspekilegar hugleiðingar:
„Það er nú hvað skemmtilegast við
lífið hér á jörð, að stundum gerist eitt-
hvað óvænt. Klakaðir kjúklingar á
fleygiferð um háloftin eru eitt af því.“
Klakaðir
kjúklingar
á fleygiferð
Sydney. AFP.
Eftir rán í leikfangaversluninni
Leikbæ í Mjódd milli klukkan
fimm og hálf sex í gærdag skoðaði
lögreglan upptöku úr öryggis-
myndavél fyrirtækis í nágrenninu.
Sást þá maður, sem talinn er vera
hinn handtekni, fara inn í far-
þegasæti í sams konar bíl og var
stöðvaður við Suðurver í gær-
kvöldi. Grunar lögregluna að ann-
ar maður hafi verið í vitorði með
ræningjanum.
Sagðist nauðsynlega þurfa
á peningum að halda
Samkvæmt verslunarstjóra
Leikbæ í Mjódd sagðist maðurinn
nauðsynlega þurfa á peningunum
að halda. Hann hefði hulið andlit
sitt með grímu og aðeins sést í
augun. Hún hefði sagt engin önn-
ur verðmæti í versluninni en væru
í kassanum. Hann hljóp þá út og
ítrekaði hótanir í hennar garð ef
hún myndi elta hann. Hana sakaði
ekki en var að vonum brugðið
þegar Morgunblaðið ræddi við
hana.
Tæpum hálftíma áður en þetta
gerðist, eða rétt fyrir klukkan
fimm, var framið rán í bókaversl-
un í verslanamiðstöð við Hvera-
fold í Grafarvogi. Var sams konar
vopni beitt við það rán samkvæmt
upplýsingum lögreglu. Grunaði
hana strax að sami maður hefði
verið á ferð í báðum ránum.
Lögreglan handtók grunaðan búðaræningja við Suðurver í gærkvöldi
Riffill lá á gólfi bílsins
Morgunblaðið/Júlíus
TVÖ RÁN voru framin með tæplega hálftíma millibili í verslunum í
Reykjavík síðdegis í gær. Hér má sjá rannsóknarlögreglumenn leggja
hald á riffil eftir að grunaður ræningi var handtekinn. Fimm sinnum í vik-
unni hafa verslanir í Reykjavík verið rændar. Riffill sást í tveimur þeirra.
KARLMAÐUR sem grunaður er um aðild að ránum í verslunum í
Reykjavík undanfarna daga var handtekinn í bíl við Suðurver í gærkvöldi.
Í bílnum fannst m.a. svört gríma, riffill og hnífur sem talið er að hafi verið
notað til að ógna starfsfólki í ránunum. Maðurinn, sem er um þrítugt, var
einnig með nokkuð af peningum á sér.
„ÞETTA ber allt að með svip-
uðum hætti. Viðkomandi kemur
inn og barmar sér hvað hann eigi
bágt og biður um peninga,“ segir
Ómar Smári Ármannsson, yf-
irlögregluþjónn í Reykjavík, um
ránin. Ekki sé óvenjulegt að mörg
rán séu framin með svo stuttu
millibili.
„Þetta gerist alltaf í svona
bylgjum. Það koma hlé og svo
koma bylgjur og það er yfirleitt
vegna þess að þetta eru sömu að-
ilarnir,“ segir Ómar Smári.
„Venjulega eru menn að bjarga
sér fyrir horn vegna þess að þeir
skulda fé.“
Kemur í bylgjum
STOFNAÐ 1913 40. TBL. 93. ÁRG. FÖSTUDAGUR 11. FEBRÚAR 2005 PRENTSMIÐJA MORGUNBLAÐSINS mbl.is
Fimm rán á fjórum dögum