Morgunblaðið - 11.02.2005, Blaðsíða 6

6 FÖSTUDAGUR 11. FEBRÚAR 2005 MORGUNBLAÐIÐ
FRÉTTIR
„SAMVINNA og félagsskapur milli
landa og svæða í Norðu-Atlantshafi
er meginmarkmið þessarar ráð-
stefnu. Ég er full-
viss um að sú
vinna sem mun
fara fram á þess-
um fundi færi
okkur nær hvert
öðru, deili reynslu
okkar og hjálpi
okkur með sam-
eiginleg verkefni
sem þoka okkur í
átt að meiri sam-
vinnu og meiri vexti,“ sagði Valgerður
Sverrisdóttir, iðnaðar- og viðskipta-
ráðherra, þegar hún setti ráðstefnu
Norrænu Atlantshafsnefndarinnar
(NORA) í gær, en yfirskrift ráðstefn-
unnar var „Áskoranir, tækifæri og
samvinna á svæðum Norður-Atlants-
hafsins“. Á ráðstefnunni var fjallað
um þróunarverkefni sem tengjast at-
vinnulífi á Íslandi, Færeyjum, Græn-
landi, Noregi, Skotlandi, Hjaltlands-
eyjum, Nova Scotia og
Nýfundnalandi. Aðspurður segir
Baldur Pétursson, deildarstjóri í iðn-
aðarráðuneytinu, útvíkkun norræns
samstarfs til vesturs vera nýjan flöt í
norrænni umræðu. Skotar séu meðal
þeirra sem hafa mikinn áhuga á því að
auka samstarf við Norðurlöndin.
NORA heyrir undir Norrænu ráð-
herranefndina og er hluti af norrænu
samstarfi á sviði byggðamála og
svæðasamvinnu. Markmið NORA er
að efla samstarf á starfssvæði nefnd-
arinnar með því að styðja við atvinnu-
og byggðaþróunarverkefni. NORA
hefur á undanförnum árum veitt
styrki til margvíslegra samstarfs-
verkefna sem tengjast þróun atvinnu-
lífs, nýsköpun og rannsóknasam-
starfi.
Breytingar á samstarfinu
með alþjóðavæðingu
Á ráðstefnunni var m.a. fjallað um
hugmyndir og möguleika á útvíkkun
starfssvæðis NORA þannig að verk-
efni tengist einnig Skotlandi, Hjalt-
landseyjum og austurströnd Kanada,
vegna aukins áhuga atvinnulífs o.fl. á
slíku samstarfi. Þetta stafi af breytt-
um aðstæðum, s.s. alþjóðavæðingu,
markaðssetningu og þróun smærri
fyrirtækja á þessu svæði. Nú þegar er
slíkt samstarf við þessi svæði fyrir
hendi á vegum verkefnisins Northern
Periphery Programme (NPP) sem
Ísland er aðili að og hefur gefist vel að
því er fram kemur í tilkynningu frá
iðnaðarráðuneytinu.
Valgerður sagði í ávarpi sínu að
samstarfið milli ríkjanna muni koma
til með að styrkja ríkin og búa til
sóknarfæri. Ríkin standi nú fyrir
ýmsum krefjandi verkefnum og
áskorunum í síbreytilegum heimi al-
þjóðavæðingar. Nauðsynlegt sé að
takast á við þessi verkefni með því að
nýta styrkleika sína og með sam-
vinnu. Hún benti á að Ísland hafi þeg-
ar tekið þátt í þó nokkuð mörgum vel
heppnuðum verkefnum sem NORA
hafi styrkt. Verkefnin hafi aukið ný-
sköpun, verðmæti og vöxt fyrirtækja.
Meðal verkefna sem NORA hefur
styrkt eru samstarfsverkefni sem
tengjast bættri nýtingu sjávarfangs í
Norður-Atlantshafi, samstarfsverk-
efni á sviði fiskeldis, verkefni sem
miða að því að kynna svæðið sem álit-
legan ferðakost og styrkir til að nýta
upplýsingatækni til að auka tengsl og
samstarf á svæðinu. Til að koma til
greina við úthlutun styrkja þurfa
verkefni að fela í sér samstarf, eða að
hafa ótvírætt gildi fyrir a.m.k. tvö
lönd á svæðinu, sem og mótframlag
viðkomandi aðila. Mikilvægt er að í
verkefni felist nýjung er geti haft
áhrif á atvinnustarfsemi á svæðinu.
Ræddu þróunarmál á norðurslóðum á fundi Norrænu Atlantshafsnefndarinnar
Mögulegt að útvíkka nor-
ræna samstarfið í vestur
Morgunblaðið/Þorkell
Fulltrúar nokkurra landa á norðurslóðum sátu fundinn þar sem rætt var um tækifæri til aukinnar samvinnu.
Valgerður
Sverrisdóttir
Á RÁÐSTEFNU NORA í gær voru
kynnt verkefni sem hafa fengið
úthlutað styrk frá NORA. Rögn-
valdur Guðmundsson,
ferðamálaráðgjafi hjá Rann-
sóknum og ráðgjöf ferðaþjónust-
unnar, kynnti ferðaverkefni sem
byggist á Íslendingasögunum og
arfleifð víkinganna. Hann segir
NORA hafa úthlutað verkefninu
styrk fyrir tveimur árum, en það
sé verkefni upp á eina milljón
evra í heildarumfang. Að því
koma 18 aðilar og þar af sex á
Íslandi. Hann segir markmið
verkefnisins vera það að gera
Íslendingasögurnar og vík-
ingasögur sýnilegri ferðamönn-
um. Þetta sé gert með útgáfu
handbókar, sögukorta og upp-
setningu vefsíðu sem sýni og segi
frá fornri tíð.
Rögnvaldur segir að unnið sé
t.a.m. á Vestfjörðum með verkefni
tengt sögu Gísla Súrssonar. Þar
sé verið að merkja slóðir Gísla
með skiltum og unnið sé að ýms-
um öðrum verkefnum af þeim
toga víða um land. Hann segir að
sömuleiðis sé unnið að svipuðum
verkefnum á Grænlandi, Orkn-
eyjum, Hjaltlandseyjum, Noregi
og Kanada. Síðan komi allir 18
aðilarnir að útgáfu handbókar og
sögukorts sem kynni svæðin og
staðina.
Aðspurður segir Rögnvaldur
hugmyndina að halda áfram með
verkefnið og búa til vörumerki
„Sagalands“ sem yrði nýtt til
markaðssetningar á ferðaþjón-
ustu í löndunum. „Þetta er sam-
eiginlegur menningararfur sem
við getum nýtt mikið betur í
ferðaþjónustu, og staðið saman í
því líka,“ segir Rögnvaldur.
Íslendinga-
sögurnar
gerðar
sýnilegri
HÓTELKEÐJAN Radisson SAS
mun reka Hótel 1919, sem ráðgert er
að opnað verði í maí í fyrrverandi að-
alstöðvum Eimskipafélagsins við
Pósthússtræti í Reykjavík. Andri
Már Ingólfsson, forstjóri Heims-
ferða, sem á hótelið, segir að fyrir
nokkru hafi náðst samningar um að
reksturinn verði á ábyrgð keðjunnar
en Heimsferðir muni njóta arðs af
leigunni.
„Þegar við fórum að skoða með
hvaða hætti best væri að haga rekstr-
inum sáum við fljótlega að staðsetn-
ingin og aðbúnaðurinn væru með
þeim hætti að það væri að mörgu leyti
fýsilegt að fá hótelkeðju til að annast
reksturinn,“ segir Andri Már í sam-
tali við Morgunblaðið. Hann segir
fyrirkomulagið verða með þeim hætti
að Heimsferðir eigi reksturinn en
leigi hann Radisson SAS keðjunni.
„Keðjan hefur síðustu árin opnað ný
hótel víða um heim, til dæmis í París,
Róm, Berlín og Frankfurt. Eru það
svokölluð lífstílshótel, eins konar ný
hótellína þar sem mikið er lagt uppúr
aðbúnaði og gæðum, umhverfi og
ákveðnu andrúmslofti á hótelum. Þar
sem við teljum að Hótel 1919 falli
mjög vel að þeirri hugmynd sem fjög-
urra stjarna hótel og rúmlega það
fannst okkur það góður kostur að
Radisson SAS myndi að taka að sér
reksturinn. Það varð úr að við náðum
samningum nokkru fyrir áramót.“
Framundan að ráða
lykilstarfsmenn
Hótelstjóri verður Nina Thom-
asson frá Radisson SAS en hún hefur
rekið nokkur Radisson SAS hótel fyr-
ir keðjuna. Andri Már segir að fram-
undan sé að ráða aðra lykilstarfs-
menn og muni hótelstjórinn sjá um
það.
Heimsferðir fá hótelið afhent eftir
breytingar 30. apríl og segir Andri
Már að starfsmenn Radisson SAS
muni þá ljúka öllum innri undirbún-
ingi og „æfa“ reksturinn. Sagði hann
það kannski taka viku til 10 daga og
því væri stefnt að opnun 10. maí.
Hann segir framkvæmdir allar ganga
samkvæmt áætlun og hafa gengið af-
ar vel og hafi verktakinn leyst verk-
efnið mjög vel af hendi.
Radisson SAS rekur
nýtt hótel Heimsferða
Morgunblaðið/Þorkell
Andri Már Ingólfsson, forstjóri Heimsferða, Ian Rydin, framkvæmdastjóri
nýrra hótela Radisson SAS, og Nina Thomason hótelstjóri.
„MÉR líst mjög vel á staðsetninguna,
húsið er mjög flott og ég er sann-
færð um að hér verður eitt fínasta
hótelið í borginni,“ segir Nina
Thomasson, sem ráðin hefur verið
hótelstjóri. Hún segir að næstu vikur
fari í að ráða fólk í lykilstöður og
aðra starfsmenn sem verði kringum
40, þjálfa fólkið og undirbúa rekst-
urinn.
Nina Thomasson hefur unnið um
árabil fyrir Radisson SAS-keðjuna
og var nú síðast hótelstjóri í Litháen.
Auk hótelherbergjanna verður rek-
inn veitingastaður sem tekur um 65
manns í sæti og bar með 45 sætum.
Nina Thomasson segir að ekki verði
um eiginlega samvinnu við Radisson
SAS við Hagatorg að ræða. Hótel
1919 heyrir beint undir höfuðstöðv-
arnar í Brussel en öll hótel keðj-
unnar séu rekin undir sama staðli og
fyrir komi að starfsmenn sæki um að
flytjast milli hótela.
Fínt hótel í flottu húsi
VALGERÐUR H. Bjarnadóttir,
fyrrverandi framkvæmdastýra
Jafnréttisstofu, hefur höfðað mál á
hendur ríkinu og farið fram á
greiðslu bóta, samtals að fjárhæð
um 13,3 milljónir króna. Fram
kemur í stefnunni, sem tekin var
fyrir í Héraðsdómi Reykjavíkur í
vikunni, að Árni Magnússon félags-
málaráðherra hafi þvingað Val-
gerði til afsagnar sem fram-
kvæmdastýra Jafnréttisstofu, í
kjölfar þess að Leikfélag Akureyr-
ar tapaði dómsmáli í Héraðsdómi
Norðurlands eystra. Dómurinn
taldi að Valgerður, sem þá var for-
maður stjórnar LA, hefði brotið
jafnréttislög við ráðningu í starf
leikhússtjóra LA. Hæstiréttur
snéri dómi héraðsdóms við í janúar
í fyrra, LA og Valgerði í vil.
„Það kom endanlegt svar frá
ráðuneytinu í júní sl. um að menn
þar á bæ vildu ekkert við mig tala
frekar, en fram að því hafði verið
leitað eftir samningaviðræðum við
ráðuneytið. Mér var gert að hætta
störfum út frá forsendum sem voru
brostnar eftir Hæstaréttardóminn,
og mér fannst málið vera þess eðlis
að það þyrfti að fá úr því skorið,
hvort ráðherra var stætt á að fara
fram á afsögn mína og ákveða
starfslokagreiðslur einhliða.
Ég vildi þó gjarna fara samn-
ingaleiðina, en þegar ekki reyndist
vilji til þess sá ég mér ekki annað
fært en að fara með málið fyrir
dómstóla,“ sagði Valgerður.
Valgerður var skipuð til fimm
ára í starf framkvæmdastýru Jafn-
réttisstofu og átti eftir tvö ár af
ráðningartímanum þegar hún lét af
störfum. Hún fékk greidda sex
mánuði til viðbótar þegar hún lét
af störfum en var ráðin til loka júlí
2005 og taldi að hún ætti rétt á að
fá allan samningstímann greiddan.
Valgerður telur sig eiga körfu um
bætur sem nema launum í 21 mán-
uð, þ.e. 18 mánuði og þriggja mán-
aða uppsagnarfrest, til viðbótar
þeim sex mánaða launum sem hún
hefur þegar fengið greidd. Loks
fer Valgerður fram á 500 þúsund
króna miskabætur vegna þeirra
ólögmætu aðdróttana í hennar
garð sem í framgöngu ráðherra
hafa falist. Í stefnunni er m.a. vitn-
að til þess að starfslokasamning-
urinn sem Valgerði stóð til boða,
upp á sex mánuði, væri óeðlilega
skammur tími miðað við aðstæður.
Starfslokakjör þau sem henni
stóðu til boða voru mun lakari en
starfslokasamningar sem ríkið
hafði gert síðustu misserin á undan
við nokkra forstöðumenn ríkis-
stofnana og var sérstaklega bent á
starfslokasamninga sem gerðir
voru við tvo fyrrverandi forstjóra
Byggðastofnunar, sem báðir voru
karlmenn og fengu ríflegar
greiðslur.
Fyrrverandi framkvæmdastýra
Jafnréttisstofu stefnir ríkinu
Fer fram á rúm-
ar 13 milljónir
króna í bætur