Morgunblaðið - 11.02.2005, Blaðsíða 23

MORGUNBLAÐIÐ FÖSTUDAGUR 11. FEBRÚAR 2005 23
MINNSTAÐUR
SUÐURNES
Keflavík | „Það er góð lífsreynsla
að taka þátt í leikstarfi og ég hef
lært mikið af þessu. Maður verður
opnari og á auðveldara með sam-
skipti við annað fólk,“ segir Valur
Freyr Eiðsson sem leikur í söng-
leiknum Er tilgangur? sem Vox
arena, leikfélag Fjölbrautaskóla
Suðurnesja, frumsýnir í 88 húsinu
í kvöld.
Leikfélagið setti í fyrsta skipti
upp söngleik á síðasta ári en það
voru Bláu augun þín, eftir sögu
Hljóma. Fékk hann góðar und-
irtektir og komu um eitt þúsund
mann til að sjá og heyra. Að
þessu sinni er tekinn til sýningar
söngleikurinn Er tilgangur? eftir
Júlíus Frey Guðmundsson. Hann
var áður sýndur hjá Leikfélagi
Keflavíkur fyrir fimmtán árum.
Júlíus samdi verkið fyrir leik-
félagið og hljómsveitin Pandora
sem hann var í gerði tónlistina
sem síðan kom út á plötu.
Get séð Skúla í vini mínum
Um fjörutíu nemendur taka
þátt í sýningunni og er Jón Mar-
inó Sigurðsson leikstjóri en hann
var aðstoðarleikstjóri í Hljóma-
sýningunni í fyrra. „Ég væri al-
veg til í að vera í fullri vinnu við
þetta. Þetta er svo skemmtilegt,“
segir Jón Marinó en viðurkennir
um leið að það sé mikið verk að
stýra svona stórum hópi.
Söngleikurinn fjallar um ungan
mann, Skúla, sem ákveður að
hætta í skóla og reyna fyrir sér í
lífinu en lendir í ógöngum. Jón
Marinó segist raunar aðeins nota
upphaflega handritið sem grunn
og breyta því mikið. Hann segir
að þótt undirtónninn sé alvar-
legur hafi hann sett sér það
markmið að skemmta áhorfendum
sem mest og því bætt við öðrum
söngvum, dansi, sirkusatriðum og
fleiru.
Júlíus Freyr „reddaði“ tónlist-
inni fyrir sýninguna, eins og Jón
Marinó orðaði það. Júlíus segir að
það hafi verið aðgengilegt því
Pandora gaf tónlistina út á plötu
á sínum tíma. Júlíus er ánægður
með að verkið skuli vera tekið til
sýninga á ný og gerir engar at-
hugasemdir við breytingar. „Ég
hef tekið þátt í einni uppfærslu
og það er nóg. Þessi sýning er
þeirra verk og ekki í mínum
höndum,“ segir Júlíus. Þeir Jón
Marinó eru sammála um að verk-
ið eigi alveg eins erindi í dag og
fyrir fimmtán árum. „Það eru
margir að flosna upp úr námi í
framhaldsskóla og vita ekki alveg
hvað þeir eiga að gera,“ segir Jón
Marinó.
Valur Freyr Eiðsson leikur að-
alhlutverkið, Skúla. Hann segist
ekki vera að leika sjálfan sig en
geti alveg séð Skúla í einum vini
sínum. Þannig snerti verkið sjálf-
sagt marga.
Leikhús útbúið í vöruskemmu
Verið er æft og sýnt í vöru-
skemmu sem er hluti af menning-
armiðstöð ungs fólks í Reykja-
nesbæ, 88 húsinu. Þar eru
nemendur skólans að leggja loka-
hönd á heilt leikhús sem verður
síðan rifið að sýningum loknum.
Jón Marinó segir að ákveðið hafi
verið að tengja leikstarfsemina
þannig starfseminni í 88 húsinu.
Hann segir að aðstaðan sé góð og
gaman væri að hafa þar áfram
leikhús en húsnæðið væri ætlað til
annarrar starfsemi í framtíðinni.
Frumsýningin er í kvöld klukk-
an 20 og næsta sýning á sunnu-
dag, á sama tíma. Skipulagðar
hafa verið tíu sýningar.
Nemendur Fjölbrautaskóla Suðurnesja frumsýna í kvöld söngleikinn Er tilgangur? í 88 húsinu
Ljósmynd/Arnar Fells
Skemmtun og alvara Leikhópurinn Vox arena í FSS leggur áherslu á að
gestir skemmti sér á sýningunni þótt alvarlegur undirtónn sé í verkinu.
Á alveg eins erindi í dag
AUSTURLAND
Neskaupstaður | Fjórðungssjúkra-
húsinu í Neskaupstað (FSN) og
Heilbrigðisstofnun Austurlands
(HSA) voru á dögunum afhentar
rausnarlegar gjafir.
Stefán Þorleifsson, fyrir hönd
Hollvinasamtaka Fjórðungssjúkra-
hússins, afhenti Birni Magnússyni
yfirlækni FSN gjafabréf fyrir full-
komnu sneiðmyndatæki og Tómas
Már Sigurðsson forstjóri Fjarðaáls
afhenti Einari Rafni Haraldssyni
framkvæmdastjóra HSA pen-
ingagjöf að upphæð tæplega fimm
milljónir króna. Sú fjárhæð mun
nýtast við kaup á nýjum stafrænum
röntgenbúnaði á sjúkrahúsið.
Einar Rafn Haraldsson sagði við
þetta tækifæri að með gjöfunum
væri Fjórðungssjúkrahúsið snögg-
lega fært inn í samtímann og allt í
einu væri búið að skapa læknum við-
unandi starfsumhverfi.
Dánarvottorðið löngu tilbúið
Að sögn Björns Magnússonar er
röntgenbúnaður FSN afskaplega lé-
legur, en hann er verulega kominn
til ára sinna og lengi vel hafa vara-
hlutir verið ófáanlegir. „Í raun er
dánarvottorðið löngu tilbúið en það
er óundirritað enn.“
Það er forgangsverkefni heil-
brigðisráðuneytisins á þessu ári að
endurnýja röntgentæki sjúkrahúsa
á landsbyggðinni og með framlagi
Stuðningssjóðs Alcoa er HSA gert
mögulegt að kaupa stafrænan búnað
sem tengdur verður nýju röntgen-
tækjunum.
Þannig verður mögulegt að senda
myndir á hraða internetsins til
greininga hvar sem er í heiminum.
Gert er ráð fyrir að Fjórðungs-
sjúkrahúsið á Akureyri muni sinna
greiningum á myndum fyrir FSN.
Tómas Már Sigurðarson sagði það
heiður að fá að afhenda í fyrsta sinn
á Íslandi styrk úr Stuðningssjóði Al-
coa.
Sjóðurinn hefur það hlutverk að
efla innviði samfélaga þar sem Alcoa
er með starfsemi og stuðla að bættu
umhverfi. Með tilkomu hins nýja
stafræna röntgenbúnaðar verða
filmur og framköllunarvökvar óþarf-
ir og þar með hverfur efnamengun
vegna þessarar starfsemi og fellur
það vel að umhverfismarkmiðum Al-
coa.
Forsenda nútíma lækninga
Um skeið hafa læknar á FSN fært
rök fyrir mikilvægi þess að fá sneið-
myndatæki á Sjúkrahúsið, enda er
„… sneiðmyndatæki forsenda nú-
tíma lækninga og nauðsynlegt til að
sjúkrahúsið geti sinn starfi sínu sem
bráðasjúkrahús“ að mati Björns
Magnússonar. Þá hefur borið á því
að læknar hafa ekki viljað koma til
starfa við FSN vegna þess að þar
hefur ekki verið sneiðmyndatæki.
Þykir ljóst að ekki fæst opinbert fé
til kaupa á slíku tæki á næstunni, en
fjárframlag Samvinnufélags útgerð-
armanna í Neskaupstað og Síld-
arvinnslunnar í Neskaupstað gerði
kaup á sneiðmyndatæki möguleg.
Með þessar staðreyndir í farteskinu
ákváðu Hollvinasamtök Fjórðungs-
sjúkrahússins að láta til sín taka og á
gamlársdag sl. var tekin sú ákvörð-
un að festa kaup á fullkomnu sneið-
myndatæki. Til þess að geta staðið
undir þessari gjöf hafa samtökin
tekið lán. Að sögn Stefáns Þorleifs-
sonar fyrrverandi forstöðumanns
FSN mun söfnunarstjórn Hollvina-
samtakanna halda betlistarfi áfram
til að fjármagna gjöfina.
Með tilkomu fullkomins sneið-
myndatækis og röntgenbúnaðar á
Austurlandi mun þjónusta við sjúk-
linga og öryggi þeirra aukast veru-
lega. Þá verður hægt að draga úr
tíðum og kostnaðarsömum ferðalög-
um austfirskra sjúklinga til lækn-
inga og rannsókna í Reykjavík og á
Akureyri. Árlega greiðir ríkið um 90
milljónir króna í ferðakostnað vegna
þeirra ferðalaga.
Endurbygging aftur boðin út
Auk verulegra breytinga í starf-
semi FSN með tilkomu sneiðmynda-
tækis og röntgentækis, mun hús-
næði FSN taka miklum breytingum
á árinu. Á næstunni verður end-
urbygging eldri byggingar FSN
boðin út öðru sinni og að þessu sinni
verður allt verkið boðið út í einu.
Fyrirhugað er að innrétta 12 rúma
hjúkrunardeild á 2. hæð gömlu
byggingarinnar og á 3. hæðinni
verður aðstaða fyrir sjúkraþjálfun
og iðjuþjálfun. Endurbyggt eldhús,
matsalur og skrifstofur verða áfram
á 1. hæð eldri byggingar. Þá verður
byggð ný turnbygging norðan við
húsið þar sem m.a. verður nýr inn-
gangur, lyfta, setustofur o.fl. Að
sögn Valdimars O. Hermannssonar
rekstrarstjóra FSN munu þessar
framkvæmdir valda mikilli röskun,
m.a. verður sett upp bráðabirgðaeld-
hús á planið neðan við núverandi ný-
byggingu auk þess sem töluverð til-
færsla verður á starfseminni
innanhúss en „… starfsemin heldur
áfram sem aldrei fyrr“ sagði Valdi-
mar að lokum.
Tækjakostur Fjórðungssjúkrahússins í Neskaupstað gjörbreytist til hins betra með góðum gjöfum
Morgunblaðið/Kristín Ágústsdóttir
Alcoa styður sjúkrahús Tómas Már Sigurðsson afhenti Einari Rafni
Haraldssyni tæplega 5 milljóna króna gjöf frá Alcoa.
Sjúkrahúsið fært inn í samtímann
Morgunblaðið/Kristín Ágústsdóttir
Breytt starfsumhverfi Læknarnir Björn Magnússon og Kristín Guttorms-
son, ásamt Jónu K. Aradóttur, starfsmanni á röntgensviði FSN.