Morgunblaðið - 11.02.2005, Blaðsíða 4

4 FÖSTUDAGUR 11. FEBRÚAR 2005 MORGUNBLAÐIÐ
FRÉTTIR
700 MILLJÓNA króna útflutnings-
verðmæti gætu tapast vegna brun-
ans í Fiskimjöli og lýsi í fyrradag og
er því unnið að því að finna leiðir til
að landa hluta loðnunni sem átti að
fara í bræðslu í Grindavík annars
staðar. Verksmiðjan hefði getað
unnið úr 60 þúsund tonnum af loðnu
á vertíðinni og vegna mikils loðnu-
kvóta gætu Íslendingar orðið af allt
að 700 milljónum króna tekjum að
sögn Árna M. Matthiesen sjávarút-
vegsráðherra. Hann skoðaði bruna-
rústirnar í verksmiðjunni í gær með
Þorsteini Má Baldvinssyni, forstjóra
Samherja, sem átt hefur Fiskimjöl
og lýsi síðan 1997.
„Það er slæmt ef vinnslugetan í
landinu minnkar en hins vegar er
ekki allt ónýtt hér,“ sagði Árni og
minnti á að aðgerðir þyrftu að miða
að því að fá sem mest af verðmætum
út úr yfirstandandi loðnuvertíð. Á
fundi ráðherra með Þorsteini Má
Baldvinssyni og Guðjóni Hörleifs-
syni, formanni sjávarútvegsnefndar
Alþingis, var síðan ákveðið að reyna
að setja hrognavinnslu í verksmiðj-
unni í gang aftur.
Þorsteinn Már Baldvinsson sagði
að nú myndu menn kanna hvort unnt
væri að leigja skip undir skornu
loðnuna að lokinni hrognatöku og
senda hana norður fyrir land í verk-
smiðjur þar sem ekki er hrogna-
vinnsla. „Búnaður til hrognavinnslu
er heill en það þarf að koma mjög
miklu af skorinni loðnu frá okkur.
Við fórum yfir það með ráðherra
hvort það væri eitthvað í reglugerð-
um sem hindraði það.“
Ráðherra lýsti því yfir eftir fund-
inn að það væri í lagi af hálfu ráðu-
neytisins að haga málum þannig.
Mikilvæg fyrir bæjarfélagið
Ólafur Örn Ólafsson, bæjarstjóri í
Grindavík, sem einnig sat fundinn
ásamt Sigmari Eðvarðssyni, for-
manni bæjarráðs, sagði brunann
hafa komið sem reiðarslag. Verk-
smiðjan hafi farið í gegnum gagn-
gerar breytingar með það fyrir aug-
um að auka afkastagetu hennar.
„Hún var því tilbúin til að taka á móti
miklu hráefni á þessari vertíð þannig
að þetta er mikið áfall,“ segir hann.
Á hinn bóginn skuli ekki gleyma
björtu hliðunum sem eru þær að
verksmiðjan virðist ekki eins illa far-
in og talið var í fyrstu. Löndunarhús-
ið, skrifstofuhúsnæði, hluti verk-
smiðjuhúsanna auk hrognabúnaðar
hafi sloppið. „Mér heyrist því að
menn séu mjög vongóðir um að hefja
uppbyggingu á ný. Bærinn hefur
boðið þá aðstoð sem honum er unnt
að veita og við viljum hvetja til
áframhaldandi uppbyggingar því
starfsemi verksmiðjunnar er geysi-
lega mikilvæg fyrir okkar litla bæj-
arfélag.“
700 milljóna króna útflutningsverðmæti eru í húfi vegna brunans í Grindavík
Morgunblaðið/Þorkell
Á vettvangi í gær. F.v.: Ólafur Örn Ólafsson bæjarstjóri, Þorsteinn Már Baldvinsson, forstjóri Samherja, Ármann Ólafsson, aðstoðarmaður ráðherra,
Guðjón Hjörleifsson, formaður sjávarútvegsnefndar, Sigmar Eðvarðsson, formaður bæjarráðs, og Árni M. Mathiesen sjávarútvegsráðherra.
Reynt að vinna hrogn
BÚIST er við skýrslu Bruna-
málastofnunar vegna brunans í
Grindavík innan nokkurra vikna.
Starfsmenn stofnunarinnar fóru á
vettvang í gær til að meta vinnu
slökkviliða, eldvarnir og fleira.
Skýrslan verður síðan kynnt
slökkviliðsstjórum um land allt eins
og vaninn er með skýrslur bruna-
málastjóra. Þær eru einkum unnar í
fræðsluskyni fyrir slökkvilið lands-
ins þegar stórbrunar verða.
Björn Karlsson brunamálastjóri
segir að þótt ekki sé búið að meta
tjónið í fiskimjölsverksmiðjunni, sé
samt ljóst að bruninn sé með þeim
stærri sem orðið hafa hérlendis
undanfarna áratugi. „Þetta verður
mjög stór hluti af samanlögðu
eignatjóni í brunum á þessu ári,“
segir hann. Árlegt brunatjón á
landsvísu hefur að meðaltali verið
rúmur milljarður frá árinu 1981.
Eldvarnareftirlitið á Grindavík
hafði gert athugasemdir við eld-
varnir í verksmiðjunni en ekki
fengust nánari upplýsingar um eðli
þeirra hjá Ásmundi Jónssyni,
slökkviliðsstjóra í Grindavík, í gær.
Með stærri
brunum í
áratugi
TRYGGINGAMIÐSTÖÐIN sendi í
gær frá sér afkomuviðvörun vegna
brunans í fiskimjölsverksmiðju
Samherja í Grindavík. Segir þar að
miklar skemmdir hafi orðið á hús-
um og lausafé en of snemmt sé
segja til um fjárhæð tjónsins. Eign-
irnar séu tryggðar hjá Trygginga-
miðstöðinni.
Fram kemur, að talið sé að áhrif
tjónsins á afkomu TM á árinu 2005
verði um 200 milljónir en það sé
hlutur TM í tjóninu að viðbættum
viðbótariðgjöldum sem TM þurfi að
greiða til endurtryggjenda þegar
um svo stórt tjón sé að ræða.
200 milljóna
króna áhrif á
afkomu TM
VERKTAKAFYRIRTÆKIÐ Imp-
regilo greiddi íslenskum fyrirtækj-
um rúmlega 8,3 milljarða fyrir vörur
og þjónustu frá upphafi fram-
kvæmdanna við Kárahnjúkavirkjun
og til ársloka 2004, skv. upplýsingum
fyrirtækisins.
Af einstökum fyrirtækjum hefur
Impregilo greitt mest til verktaka-
fyrirtækisins Arnarfells eða 1.681
milljónir og kemur BM Vallá þar á
eftir með tæplega 760 milljónir.
Impregilo stofnaði útibú í Reykja-
vík 13. febrúar 2003 og fimm dögum
síðar var gengið frá samningum við
Landsvirkjun. Þann 23. mars 2003
opnaði félagið annað útibú á Egils-
stöðum og þann 24. apríl sama ár var
opnað útibú á Kárahnjúkum. „Frá
upphafi hefur félagið reitt sig á þjón-
ustu íslenskra fyrirtækja vegna
margra þeirra starfa sem fallið hafa
til við framkvæmdirnar. Það er ekki
hvað síst hin ágæta þjónusta ís-
lenskra fyrirtækja, sem hafa gert
Impregilo kleift að vinna sig út úr
þeim erfiðu aðstæðum sem sköpuð-
ust síðasta vetur, vegna hins
skamma undirbúningstíma fyrir
framkvæmdirnar. Þessa þjónustu
mun Impregilo halda áfram að
kaupa þar til framkvæmdunum lýk-
ur,“ segir í fréttatilkynningu frá fyr-
irtækinu.
Hafa greitt rúma
átta milljarða
ALLS eru 9.845 á kjörskrá vegna
kjörs rektors Háskóla Íslands, sem
fram fer 10. mars næstkomandi.
Kjörskráin hefur nú verið lögð fram
og eru á henni 1.013 starfsmenn og
8.832 stúdentar.
Við kjörið gilda atkvæði háskóla-
kennara, sérfræðinga og annarra
starfsmanna sem hafa háskólapróf
sem 60% greiddra atkvæða. Atkvæði
stúdenta gilda sem 30% atkvæða og
atkvæði annarra atkvæðisbærra
gilda sem 10% greiddra atkvæða,
skv. upplýsingum HÍ.
Fjórir hafa sótt um embætti rekt-
ors og eru í framboði en þeir eru pró-
fessorarnir Ágúst Einarsson, Einar
Stefánsson, Jón Torfi Jónasson og
Kristín Ingólfsdóttir.
Kjörstjórn vegna rektorskjörsins
hefur opnað nýja vefsíðu á slóðinni
www.hi.is/page/rektorskjor2005.
Kjör rektors Háskóla Íslands
Rúmlega 9.800 á kjörskrá