Morgunblaðið - 13.02.2005, Qupperneq 1

STOFNAÐ 1913 42. TBL. 93. ÁRG. SUNNUDAGUR 13. FEBRÚAR 2005 PRENTSMIÐJA MORGUNBLAÐSINS mbl.is
Mörg andlit
Fishburnes
Leikarinn Laurence Fishburne
í viðtali við Morgunblaðið 16
Tímaritið | Sveitapiltsins draumur
Samhent feðgin
Voðaveröld Vachss
Atvinna | Réttindi við eigendaskipti staðfest
Skortur á vinnuafli blasir við
Matur og menning | Hátíðin Food and Fun stendur frá 16. til 20. febrúar
5 6 9 0 9 0 0 0 0 0 9 0 0
SUNNUDAGUR VERÐ KR. 350
Tímaritið, Atvinna og Matur og menning
FRUMVARP til laga um Ríkisútvarpið verður
lagt fram á vorþingi og verður þar að finna
breytingar á núverandi afnotagjöldum í þá veru
að fella þau niður, að því er fram kemur í viðtali
við Þorgerði Katrínu Gunnarsdóttur mennta-
málaráðherra í Morgunblaðinu í dag.
Þorgerður Katrín útskýrir ekki nánar í
hverju þessar breytingar verða fólgnar en segir
að verið sé að leggja lokahönd á frumvarps-
drögin.
„Þetta verður stórmál. Það hafa allir skoðanir
á Ríkisútvarpinu. Það skipar sinn sess með
þjóðinni, en má sízt við því að staðna. Það þarf
að halda því lifandi og keiku,“ segir hún.
Spurð hvort stjórnarflokkarnir séu samstiga í
málinu segir Þorgerður Katrín að það sem gert
sé núna sé gert í sátt og samlyndi. „Báðir flokk-
arnir eru eindregið þeirrar skoðunar að það eigi
að hlúa að Ríkisútvarpinu svo það geti svarað
kröfum tímans. Það þarf að skerpa á hlutverki
Ríkisútvarpsins og tryggja því áfram öruggan
sess sem öflugt fyrirtæki.“
Í viðtalinu kemur einnig fram að háskólanem-
um á Íslandi hefur fjölgað um helming frá árinu
2000. Þorgerður Katrín segist ekki telja rétt á
þessu stigi að innheimta skólagjöld fyrir grunn-
nám á háskólastigi, en geti vel séð þau fyrir sér í
sambandi við framhaldsnám og að skólarnir geti
fengið til sín gjöld eins og fyrir námskeiðshald
sem ekki sé hægt eins og nú sé málum háttað.
Þorgerður ræðir einnig einkaskóla á grunn-
skólastigi og segir miður fái rótgrónir skólar
eins og Landakotsskóli og Ísaksskóli ekki svig-
rúm til rekstrar.
Vill endurskoða nám kennara í heild
„Það er greinilega verið að draga úr mögu-
leikum þeirra til að starfa í grunnskólakerfinu í
Reykjavík. Ég er hlessa á því, hvað lítillar fram-
sýni gætir hjá þeim sem ráða ferðinni í borginni,
að þvinga sjálfstæða skóla eins og Landakots-
skóla úr einkarekstri af því hann hentar ekki
pólitísku landslagi þeirra.“
Þorgerður segir mikilvægt að endurskoða
nám kennara í heild í því skyni að styrkja það
enn frekar vegna breyttra aðstæðna og krafna í
samfélaginu: „Ég hef meðal annars rætt þetta
við Kennarasambandið og er nú að skipa nefnd
sem mun fara yfir þessi mál í heild sinni.“
Frumvarp til laga um Ríkisútvarpið verður lagt fram á vorþingi nú
Afnotagjöldum breytt í
þá veru að fella þau niður
Morgunblaðið/Jim Smart
 Stjórnmál snúast/10–11
KOMIÐ hefur upp ágreiningur innan
ensku biskupakirkjunnar vegna þeirrar
ákvörðunar Karls Bretaprins að kvænast
Camillu Parker Bowles. Nokkrir áhrifa-
miklir menn á „þingi“ kirkjunnar hafa
hvatt prinsinn til að afsala sér ríkis-
arfatign.
Breska dagblaðið The Daily Telegraph
skýrði frá þessu í gær og sagði að rúmur
fjórðungur fulltrúanna á kirkjuþinginu
væri talinn hafa miklar áhyggjur af því að
Karl yrði næsti konungur – og þar með yf-
irmaður kirkjunnar – vegna þess að hann
er fráskilinn og hyggst kvænast aftur.
Búist er við að deilan magnist þegar
kirkjuþingið kemur saman síðar í vikunni.
Þótt málið sé ekki á dagskrá þingsins hafa
þrír af atkvæðamestu mönnum kirkj-
unnar hvatt til þess að það verði rætt taf-
arlaust. Rowan Williams, erkibiskup af
Kantaraborg, sem er æðsti biskup kirkj-
unnar, hefur hafnað því.
Tilkynningin um brúðkaupið varð einn-
ig til þess að Ekklesia, guðfræðileg hug-
veita í Bretlandi, hvatti til aðskilnaðar
ríkis og kirkju. Jonathan Bartley, fram-
kvæmdastjóri Ekklesia, sagði að það
myndi vera „afbrigðilegt“ ef næsti yfir-
maður kirkjunnar og verndari trúarinnar
yrði „maður sem jafnvel erkibiskupinn af
Kantaraborg getur ekki leyft að kvænast
aftur í eigin kirkju“.
Reuters
Karl Bretaprins og Camilla Parker Bowl-
es eftir að skýrt var frá trúlofun þeirra.
Velji á milli
Camillu og
krúnunnar
Nærfötin
mega sjást
Washington. AFP.
UNGMENNI í Virginíu-ríki í Banda-
ríkjunum, sem vilja tolla í tískunni og
hafa buxurnar svo lágt gyrtar að
nærfötin sjáist, geta nú andað léttar.
Ekkert verður af banni við þessari
tísku þótt fulltrúadeild ríkisþings
Virginíu hafi samþykkt það með
miklum meirihluta atkvæða á þriðju-
daginn var.
Þingmennirnir voru dregnir sund-
ur og saman í háði eftir samþykktina
og fjaðrafokið var svo mikið að
nefnd öldungadeildar ríkisþingsins
hafnaði frumvarpinu einróma tveim-
ur dögum síðar.
Samkvæmt lagafrumvarpinu átti
brot við banninu að varða sekt að
andvirði 50 dollara, eða rúmra 3.000
króna. Andstæðingar bannsins sögðu
það brot á mannréttindaákvæðum
stjórnarskrár Bandaríkjanna.
KÍNVERJAR gufubaka brauð í verslun í Zhejiang-
héraði í austurhluta Kína. Venja er í héraðinu að
borða gufubakað brauð á vikulangri vorhátíð, sem
hófst á miðvikudag, fyrsta deginum á ári hanans.
Eigandi verslunarinnar kveðst selja 10.000 gufubök-
uð brauð á hverjum degi yfir hátíðina.
Reuters
Hátíðarbrauð bakað á ári hanans
AÐ MINNSTA kosti sautján
manns biðu bana í sprengjuárás í
bæ sunnan við Bagdad í gær.
Árásin var gerð í bænum Mus-
ayyib, á jaðri svæðis sem kallað
hefur verið „þríhyrningur dauð-
ans“.
„Sautján manns létu lífið, þeirra
á meðal þrír lögreglumenn, og sex-
tán særðust þegar bílsprengja
sprakk,“ sagði yfirmaður sjúkra-
húss í nálægri borg, Hilla. Íraskur
lögregluforingi sagði að sprenging-
in hefði orðið nálægt sjúkrahúsi og
stjórnsýslubyggingu.
Dómari myrtur
Íraski dómarinn Taha al-Amir
var einnig skotinn til bana í borg-
inni Basra í sunnanverðu landinu í
gærmorgun. Amir var rannsóknar-
dómari á valdatíma Saddams Huss-
eins áður en hann varð dómari í
Basra, næststærstu borg Íraks.
Þá var skýrt frá því á föstudags-
kvöld að Eason Jordan, yfirmaður
fréttadeildar bandarísku sjón-
varpsstöðvarinnar CNN, hefði sagt
af sér vegna deilna um ummæli
sem hann viðhafði á ársfundi World
Economic Forum í Davos í Sviss í
janúar. Því var haldið fram að Jord-
an hefði á fundinum sagt að banda-
rískir hermenn í Írak hefðu vísvit-
andi ráðist á blaðamenn. Jordan
neitaði að hafa sagt þetta en kvaðst
hafa ákveðið að láta af störfum til
að tryggja að CNN biði ekki tjón af
málinu.
Á fréttavef CNN var birt bréf
Jordans til starfsfólks sjónvarps-
stöðvarinnar og hann segir þar að
ummæli sín 27. janúar hafi ekki
verið nógu skýr.
Blóðbað í „þríhyrningi dauðans“
Hilla. AFP.
Um 80.000
manns flýja
í Kongó
UM 80.000 manns hafa flúið heim-
kynni sín vegna átaka í norðaust-
anverðu Lýðveldinu Kongó í ár, að
sögn embættismanna Sameinuðu
þjóðanna, að því er fram kom á
fréttavef breska ríkisútvarpsins,
BBC, í gær. Þeir sögðu að nær
helmingurinn hefði flúið frá Ituri-
héraði á síðustu þremur dögum.
Til átaka hefur komið í héraðinu
þótt SÞ hafi sent þangað friðar-
gæslulið og undirritaður hafi verið
samningur um að binda enda á
borgarastríð sem staðið hefur í
fimm ár. Sameinuðu þjóðirnar hafa
varað við að þar sé hætta á miklum
fólksflótta og hungursneyð.
Að sögn embættismanna SÞ
hafa yfir 50 óbreyttir borgarar dáið
í átökum vígamanna tveggja ætt-
flokka, Hema og Lindu, síðustu tvo
mánuði. Þá hafi konum og stúlkum
verið rænt og nauðgað.
Óttast er að kosningar, sem ráð-
gerðar eru í Kongó síðar á árinu,
geti ekki farið fram vegna átak-
anna í Ituri og fleiri héruðum.