Morgunblaðið - 13.02.2005, Síða 8

8 SUNNUDAGUR 13. FEBRÚAR 2005 MORGUNBLAÐIÐ
FRÉTTIR
Nei, nei, þú ert ekki næstur, Árni minn, það er Reykjanesbrautin, góði.
Viðræður standa núyfir milli forsvars-manna Spalar sem
á og rekur Hvalfjarðar-
göngin og Íslandsbanka
um endurfjármögnun lána
Spalar, en stjórnin hefur
um nokkurt skeið haft slík
áform á prjónunum. Fé-
laginu bárust fimm tilboð,
frá Landsbanka Íslands,
Íslandsbanka, KB banka,
MP fjárfestingarbanka og
Verðbréfastofunni. Fékk
stjórnin þrjá aðila auk
framkvæmdastjóra til að
leggja mat á tilboðin og að
sögn Gísla Gíslasonar, for-
manns stjórnar Spalar,
voru allir sammála um að
tilboð Íslandsbanka væri hagstæð-
ast, „og því höfum við tekið upp
viðræður við þá,“ sagði Gísli.
Vilja borga upp lán
við John Hancock
Gísli sagði einhvern tíma taka að
ganga frá öllum endum málsins, en
mest kapp væri nú lagt á að afla
fjár til að greiða upp lán við John
Hancock þar sem tilkynna þyrfti
um uppgreiðsluna fyrir næstu
mánaðamót, gjalddagi lánsins er 1.
apríl næstkomandi. Lán Spalar við
líftryggingafyrirtækið John Han-
cock er um 2,7 milljarðar króna.
Áætlað er að sögn Gísla að upp-
greiðsla lána við Hancock kosti lið-
lega 500 milljónir króna, en hann
sagði það mat fróðra manna á fjár-
málamarkaði að þrátt fyrir það
væri skynsamlegt að endurfjár-
magna lánið með láni með hag-
stæðari vöxtum. Gísli bendir einn-
ig á að samningar við John
Hancock setji Speli ýmis skilyrði í
starfseminni, sem ekki verði þá
fyrir hendi við uppgreiðslu þess.
Að sögn Gísla er á þessari stundu
ekki hægt að segja fyrir um hver
áhrif endurfjármögnun og lægri
vextir hafi á gangagjaldið, „það
verður að bíða þess að við ljúkum
þessari vinnu, enn eru margir end-
ar lausir,“ sagði Gísli.
Spölur er einnig með um 2 millj-
arða króna lán við íslenska ríkið og
hafa forráðamenn félagsins átt
fundi með fjármálaráðherra og
fulltrúum ráðuneytisins varðandi
þau mál auk þess að vera í sam-
bandi við samgönguráðuneytið um
ýmsa þætti þess, en m.a. hefur ver-
ið fjallað um stimpilgjöldin í því
sambandi.
Í athugun sem Ríkisendurskoð-
un vann fyrir samgönguráðuneytið
í lok síðasta árs kemur fram að
með skuldbreytingu innlendra
lána gætu sparast um 50 milljónir
króna í raunvaxtakostnað á ár og
að endurfjámögnun erlendra lána
gæti einnig skilað verulega lægri
vaxtakostnaði til lengri tíma litið,
þrátt fyrir háan uppgreiðslukostn-
að.
Borgarstjórn Reykjavíkur, bæj-
arstjórnir Akraness og Borgar-
byggðar auk ýmissa fleiri aðila
hafa skorað á stjórn Spalar að leita
leiða til að mögulegt verði að
lækka veggjald í Hvalfjarðargöng
verulega.
Gísli sagði að áfram yrði unnið
að endurfjármögnunni innan
stjórnar félagsins og að allt útlit
væri fyrir að unnt yrði að lækka
veggjaldið þegar þeirri vinnu væri
lokið. Ótímabært væri þó að nefna
tölur í því sambandi nú.
Í grein sem Guðjón Guðmunds-
son alþingismaður skrifaði í Morg-
unblaðið í janúar síðastliðnum
nefnir hann að óánægja sé með
veggjaldið bæði norðan og sunnan
Hvalfjarðar. Nefnir hann að unnt
sé að ná gjaldinu niður með því að
fella niður virðisaukaskatt af
gjaldinu. Samkomulag hafi verið
gert við ríkið á sínum tíma um að
fella niður virðisaukaskattinn af
framkvæmdinni, um 938 milljónir
króna, á móti því að innheimtur
yrði skattur af veggjaldinu. Nú
segir Guðjón þá stund nálgast að
notendur ganganna hafi greitt þá
upphæð sem felld var niður. „Þá
finnst mér sjálfgefið að þar með
verði þessari skattheimtu hætt,“
segir Guðjón í grein sinni. „Það er
ekki sanngjarnt að halda áfram
innheimtu þessa skatts þegar það
liggur fyrir að öll önnur sam-
göngumannvirki landsins eru
gjaldfrí og þar með skattfrí og að
virðisaukaskattur leggst ekki á
fólksflutninga.“
Endurfjármögnun
eina raunhæfa leiðin
Fjármálaráðherra, Geir H.
Haarde, telur ekki grundvöll fyrir
niðurfellingu virðisaukaskatts á
veggjald í Hvalfjarðargöngum.
Hann kveðst hafa beitt sér fyrir
því að lækka skattinn úr 24,5% í
14% árið 1998 og telur ekki unnt að
breyta þeim forsendum sem verk-
ið hafi frá upphafi verið byggt
varðandi virðisaukaskattinn. Sama
eigi við um niðurfellingu láns rík-
isins til Spalar, ekki sé unnt að
fella það niður eins og hugmyndir
hafi komið fram um. Slíkar breyt-
ingar munu grafa undan möguleik-
um á því að beita veggjaldi sem
fjármögnunarleið við önnur sam-
göngumannvirki. Það er því skoð-
un fjármálaráðherra að eina raun-
hæfa leiðin til að lækka veggjaldið
sé endurfjármögnun lána fyrir-
tækisins, en með því móti megi
einnig losa fyrirtækið við þá geng-
isáhættu sem fylgir því að skulda í
erlendri mynt en vera með tekjur í
íslenskum krónum.
Fréttaskýring | Unnið að endurfjármögnun
lána vegna Hvalfjarðarganga
Fimm lána-
tilboð bárust
Fjármálaráðherra telur ekki grundvöll
fyrir niðurfellingu virðisaukaskatts
Veggjaldið gæti lækkað en óvíst hvenær.
Tilboð frá Íslandsbanka
er talið hagstæðast

Við viljum helst að gjöldin
verði afnumin, en veruleg lækk-
un yrði góður áfangi, segir
Sveinn Kristinsson, formaður
bæjarráðs Akraness. Hvalfjarð-
argöng hafi komið í veg fyrir
slys á veginum um Hvalfjörð,
sparað Vegagerðinni viðhald á
þeim vegi sem og endurbætur.
Hann segir blóðugt að notendur
þurfi að greiða virðisaukaskatt
af veggjaldinu, „að ríkið taki
ágóða af mannvirki sem það hef-
ur ekki lagt neina fjármuni til“.
maggath@mbl.is