Morgunblaðið - 30.04.2005, Blaðsíða 4

4 LAUGARDAGUR 30. APRÍL 2005 MORGUNBLAÐIÐ
FRÉTTIR
NÚ GEFST möguleiki á að kaupa á
mbl.is stök tölublöð af Morgun-
blaðinu á pdf-sniði. Á pdf-sniði sjást
síðurnar eins og þær líta út í blaðinu
sjálfu og getur notandinn lesið þær á
skjánum eða prentað þær til eigin
nota. Verð blaðsins í lausasölu á
mbl.is er það sama og prentaða blaðs-
ins á sölustöðum, 350 krónur á
sunnudögum en 220 krónur aðra
daga.
Ennfremur er hægt að kaupa
áskrift að Morgunblaðinu og fá þá að-
gang að blaðinu á pdf-sniði eða í
textaútgáfu, en þar er hver grein
opnuð sérstaklega þegar hún er lesin
í fullri lengd. Slík áskrift hentar vel
fólki sem getur ekki fengið blaðið
sent til sín eða vill ekki fá prentuðu
útgáfuna.
Aðgangur fyrir áskrifendur
án endurgjalds
Aðgangur að Morgunblaðinu á raf-
rænu formi býðst áskrifendum að
blaðinu prentuðu án endurgjalds.
Þjónustan gildir fyrir fólk þá daga
sem það er áskrifendur. Þannig fá
helgaráskrifendur aðgang að raf-
rænni útgáfu Morgunblaðsins um
helgar, en þeir sem eru með áskrift
alla daga fá óheftan aðgang, o.s.frv. Í
nóvember á síðasta ári kynnti Morg-
unblaðið áskrifendum sínum þann
möguleika að sjá blaðið í tölvunni
sinni án viðbótargjalds. Viðbrögðin
við þessari viðbótarþjónustu hafa
verið gríðarlega góð, en núna hafa yf-
ir 10 þúsund áskrifendur skráð sig og
opnað fyrir aðgang að efni blaðsins.
Aðspurður segir Örn Þórisson,
áskriftarstjóri Morgunblaðsins, við-
brögðin hafa verið mest á strjálbýlli
svæðum landsins þar sem sam-
göngur eru með þeim hætti að blaðið
sjálft í pappírsformi berst í seinna
lagi. „Einnig finnum við fyrir miklum
áhuga hjá fólki sem er á ferðalagi,
hvort heldur er innan- eða utanlands,
að geta skoðað blaðið á Netinu þegar
tækifæri gefst til,“ segir Örn og tekur
fram að búast megi við því að skrán-
ingin muni aukast til muna þegar
nær dregur sumri og áskrifendur
verði meira á ferðinni.
Til að virkja aðgang að blaðinu á
rafrænu formi þarf áskrifandi að
skrá sig á mbl.is og fá lykilorð sent í
tölvupósti. Það er gert á þann veg að
smella á mynd af forsíðu Morgun-
blaðsins sem er að finna í hægri dálki
undir flipanum Morgunblaðið á
mbl.is. Að því loknu getur áskrifandi
skoðað blaðið á rafrænu formi, hvort
sem er á textasniði eða pdf-sniði.
Blaðið verður þannig aðgengilegt
áskrifendum kl. sex á morgnana, að
íslenskum tíma, hvar sem er í veröld-
inni.
Til að kaupa stök tölublöð eða til að
gerast áskrifandi að Morgunblaðinu
á rafrænu formi er farið á síðuna sem
birtist undir flipanum Morgunblaðið
á mbl.is.
Morgunblaðið í
lausasölu á mbl.is
GERT er ráð fyrir að fyrri hópurinn
af tveimur frá Íslensku friðargæsl-
unni sem mun taka þátt í svonefnd-
um uppbyggingarsveitum NATO Í
Afganistan verði kominn til borg-
arinnar Meymana í norðurhluta
landsins hinn 15. september og hinn
hópurinn verði í Chaghcharan í
vesturhluta Afganistan mánuði síð-
ar. Áður hljóta hóparnir fimm vikna
þjálfun í Noregi sem er um þriggja
vikna lengri þjálfun en talin var
nægjanleg áður en Íslendingar tóku
við stjórn flugvallarins í Kabúl.
Að sögn Arnórs Sigurjónssonar,
skrifstofustjóra Íslensku friðargæsl-
unnar, verða átta manns í hvorum
hóp til að byrja með og skiptast
verkefni hópsins þannig að sex
verða sendir út frá aðalbækistöðv-
unum á tveimur jeppum til að kanna
ástandið í nærsveitum. Í hvert skipti
verði úthaldið um 2–5 dagar. Með
þeim í för verður afganskur túlkur.
Verkefni hinna tveggja, fjölmiðla-
fulltrúa sem jafnframt sér um að
koma upplýsingum frá hópnum til
hjálparsamtaka og vélvirkja, verða
að öllu jöfnu innan bækistöðvanna.
Ein kona er í hvorum hópi og gegna
þær störfum fjölmiðla- og þróunar-
samvinnufulltrúa. Gert er ráð fyrir
að hver hópur verði í Afganistan í
fjóra mánuði og þá taki nýir menn
við.
Aðspurður sagði Arnór að tildrög
þess að íslensk stjórnvöld ákváðu að
taka að sér þessi tilteknu verkefni
hefði annars vegar verið beiðni
litháíska utanríkisráðherrans til
Davíðs Oddssonar um að Íslending-
ar tækju þátt í verkefninu í Vestur-
Afganistan og hins vegar óformleg
beiðni Norðmanna um framlag frá
Íslendingum.
Aðspurður sagði Arnór að jeppar
Íslendinganna yrðu ekki brynvarðir,
ekki væri talin þörf á því þó svo að
einhverjar af bifreiðum Norðmanna
sem hefðu verið við störf í norður-
hlutanum hefðu brynvörn. „Hættu-
matið er það lágt að menn telja það
ekki nauðsynlegt. Svo er það hitt að
þetta eru mjög erfiðar fjallaslóðir og
öll þyngd á bílunum gerir það erf-
iðara að komast um og við höfum
þurft að taka tillit til þess líka,“
sagði hann. Á þessu svæði væru
vegaslóðar afar grófir og varla hægt
að tala um akvegi í því sambandi.
Sérþekking Íslendinga á hálendis-
akstri og að breyta jeppum til slíks
aksturs kæmi sér því vel í þessu
verkefni og með því væru Íslend-
ingar að leggja fram mikilvæga sér-
þekkingu. Jepparnir sem friðar-
gæsluliðarnir hafa til umráða eru af
gerðinni Nissan Patrol sem verður
breytt þannig að þeir geta ekið á 44"
hjólbörðum, þó að yfirleitt verði 38"
hjólbarðar látnir nægja. Arnór sagði
að Norðmenn sem hefðu verið að
störfum í norðurhlutanum komist
lítið áleiðis á óbreyttum „slyddu-
jeppum“ og því kæmu íslensku jepp-
arnir sér vel.
Arnór sagði að íslensku friðar-
gæsluliðarnir yrðu vopnaðir með
svipuðum hætti og þeir hefðu verið í
Kabúl, þ.e. þeir munu bera öflugar
vélbyssur og skammbyssur. Engin
varnarsveit fer með þeim í ferðirnar
út fyrir bækistöðvarnar en Arnór
sagði að friðargæsluliðið réði yfir
hraðsveitum sem gætu komið þeim
til hjálpar á hálftíma þegar aðstæð-
ur væru hagstæðar en í mesta lagi
eftir tvo klukkutíma. Aðspurður
sagði hann að ekki væri gert ráð fyr-
ir að friðargæsluliðarnir yrðu þung-
vopnaðri en áður. Það yrði þó skoð-
að betur eftir því sem nær dregur.
Aðspurður sagði hann að þetta
verkefni væri ekki frekar hernaðar-
legt í eðli sínu en t.d. stjórnun flug-
vallarins í Kabúl. Íslensku friðar-
gæsluliðarnir væru borgaralegir
sérfræðingar þó þeir væru í herbún-
ingum og bæru vopn sér til varnar.
Fimm vikna þjálfun
Áður en friðargæsluliðarnir halda
utan fara þeir í fimm vikna þjálfun
til Noregs en áður en Íslenska frið-
argæslan tók við stjórn Kabúl-flug-
vallar var tveggja vikna þjálfun talin
nægjanleg. Arnór sagði að ástæðan
fyrir lengri þjálfun væri sú að frið-
argæsluliðarnir yrðu að vera utan
bækistöðva í talsverðan tíma og
þyrftu því að hljóta góða þjálfun á
fjarskiptatæki, þjálfun í vali á næt-
urstað og ýmsu fleiru. Þá hefðu
menn talið, í ljósi reynslunnar frá
Kabúl, að þörf væri á meiri þjálfun
og verið væri að bregðast við því. Að
sögn Arnórs er að mestu búið að
ráða fólk í störfin í Afganistan. Ekki
var auglýst eftir öllum þeim störfum
heldur var leitað til ákveðinna aðila,
m.a. til björgunarsveita og Slökkvi-
liðs höfuðborgarsvæðisins og sagði
Arnór að slíkur háttur hefði verið
hafður á við fyrri verkefni. Hluti af
hópnum hefur áður starfað í Afgan-
istan og hlotið þjálfun í meðferð
skotvopna en aðrir hafa aldrei kom-
ið nálægt slíkum tólum. Yfir hundr-
að Íslendingar hafa hlotið slíka
þjálfun á vegum friðargæslunnar frá
1994.
Sextán friðargæsluliðar og fjórir fjallajeppar fara til Afganistan í haust
Fara sex saman í
nokkurra daga ferðir
Morgunblaðið/Nína Björk Jónsdóttir
Íslenskir friðargæsluliðar í Kabúl.
Eftir Rúnar Pálmason
runarp@mbl.is

 
 

 
! 

"! #$
 
"%# $
 
 &  


'(



 
  




ÞAÐ vantaði ekki stælta kroppa í
Íþróttahúsinu við Varmá í gær-
kvöldi þar sem fram fór sam-
anburður á keppendum í hreysti.
Bæði kynin komu þar til þess að
láta vega og meta árangur sinn í að
stæla líkamann og ná honum í gott
form.
Í dag kl. 15 verður síðan að-
alkeppni bikarmóts Ice Fitness í
hreysti og verður m.a. keppt í arm-
beygjum, upphífingum, „ofur-
greip“, dýfum og hraðaþraut.
Keppnin fer sem áður fram í
Íþróttahúsinu við Varmá.
Morgunblaðið/Golli
Stæltir kroppar
bornir saman
DAGSKRÁ 1. maí-hátíðarhaldanna í
Reykjavík hefst að venju með kröfu-
göngu frá Skólavörðuholti. Safnast
verður saman framan við Hallgríms-
kirkju klukkan 13 og leggur gangan
af stað klukkan 13.30. Lúðrasveit
verkalýðsins og Lúðrasveitin Svan-
ur munu leika fyrir göngunni. Úti-
fundur hefst á Ingólfstorgi klukkan
14.10. Ræðumenn verða Þórunn
Sveinbjörnsdóttir, fyrsti varafor-
maður Eflingar stéttarfélags, Ög-
mundur Jónasson, formaður BSRB,
og Hulda Katrín Stefánsdóttir, for-
maður Iðnnemasambands Íslands.
Fundarstjóri verður Súsanna B. Vil-
hjálmsdóttir, formaður Félags hár-
snyrtisveina. Hljómsveitin Jagúar
leikur og Karl Ágúst Úlfsson og Sig-
urður Sigurjónsson fara með gam-
anmál.
Kröfuganga frá
Skólavörðuholti