Morgunblaðið - 30.04.2005, Blaðsíða 6

6 LAUGARDAGUR 30. APRÍL 2005 MORGUNBLAÐIÐ
FRÉTTIR
www.urvalutsyn.is
*Innfalið: Flug, flugvallarskattar, gisting í 6 nætur
og íslensk fararstjórn.
Verðið er er netverð. Bóka þarf og greiða
staðfestingargjald, eða fullgreiða ferð á netinu.
Ef bókað er er á símleiðis eða á skrifstofu,
greiðist bókunar- og þjónustugjald, sem
er 2.000 kr. á mann.
á mann m.v. 2 fullorðna og 2 börn 2-11 ára í íbúð
m. 2 svefnh. á Club Albufeira í 6 nætur, 31. maí.
í júní og júlí
Fleiri eða færri?
Finndu verð á þinni ferð á:
38.190kr.*
Verðdæmi:
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
U
RV
2
82
44
0
4/
20
05
Sérlega fjölskylduvænn gististaður, með notalegu andrúmslofti,
sem stendur í fallegu gili, beint upp af miðbæ Albufeira. Tveir
stórir sundlaugargarðar með góðri sólbaðsaðstöðu og nuddpotti,
umgirtir lágreistum smáhýsum.
Club Albufeira
SÓL
8.000kr.
afsláttur
á mann
BENJAMÍN var ekkert að æsa sig
yfir því þótt ókunnugur blaðamaður
hafi komið í heimsókn og truflað
hann og móður hans frá Stubbunum,
eða Teletubbies, þar sem hann er í
einangrun á Barnadeild Hringsins.
Hann er búinn að vera nokkuð slapp-
ur og með hita vegna lyfjameðferðar
sem veikt hefur ónæmiskerfi hans.
Lyfjameðferðinni er ætlað að
drepa krabbameinsfrumurnar en sá
böggull fylgir skammrifi að með-
ferðin drepur einnig heilbrigðu frum-
urnar þannig að það slær út ónæm-
iskerfið. Líkaminn á því mun erfiðar
með að verjast sýkingum og tekur
það sinn toll á svona litlum kroppi.
Benjamín tók lífinu því með ró og
gæddi sér á súkkulaðimola sem einn
hjúkrunarfræðingurinn hafði fært
honum.
Fékk merg frá stóra bróður
Benjamín fæddist 28. júlí árið 2003
en greindist með bráðahvítblæði í eit-
ilfrumum aðeins níu vikna gamall og
hefur hann verið inniliggjandi á
Barnaspítala Hringsins meira og
minna síðan. Hann byrjaði í lyfja-
meðferð í október sama ár og fór út
til Svíþjóðar í mergskipti í febrúar í
fyrra, en merginn fékk hann hjá
stóra bróður sínum, Nikulási Inga
Björnssyni, sem nú er sex ára. „Hann
er alveg ótrúlega seigur,“ segir
Eygló, stolt af syni sínum, og bætir
því við að það hafi verið mikið afrek
fyrir hann að komast í gegnum merg-
skiptin. Einnig segir hún Nikulás
hafa verið ótrúlega hugrakkan og
staðið sig ekki síður vel sem merg-
gjafi.
Eftir fjögurra mánaða dvöl í Sví-
þjóð leit allt vel út og fengu Benjamín
og móðir hans að halda aftur heim til
Íslands. Eygló segir að í október sl.
hafi nýi mergurinn tekið vel við sér
og var Benjamín tekinn af ónæm-
isbælandi lyfjum. Var það í fyrsta
sinn frá því hann var tveggja mánaða
gamall sem hann fékk að lifa sem
nokkuð eðlilegt barn. Reiðarslagið
kom svo nú rétt fyrir páska í ár þegar
Benjamín fór út til Svíþjóðar í árs-
skoðun en þá kom í ljós að hvítblæðið
væri enn til staðar og lyfjameðferð
hófst á nýjan leik.
Hann hefur nú verið á spítalanum í
um fimm vikur og hefur móðir hans
hreiðrað um sig þar með honum.
Stefnt er að því að fara aftur til Sví-
þjóðar eftir hvítasunnu til þess að
fara aftur í mergskipti. „Við ætlum
að reyna það. Það er í rauninni það
eina sem í boði er,“ segir Eygló og
bætir því við að hún hafi verið að
velta því fyrir sér að Benjamín væri
örugglega einn af fáum ein-
staklingum sem færu í mergskipti í
annað sinn. Áður fyrr hafi menn ein-
ungis farið einu sinni í slík skipti en
nú hafi tækninni fleygt fram og
mögulegt að fara oftar í mergskipti.
Eygló segir það hafa verið mikið
áfall að heyra það að níu vikna gam-
alt barn hennar hefði greinst með
hvítblæði. „Ég hélt eins og flestir
aðrir foreldrar að ég myndi deyja ef
eitthvað svona kæmi fyrir. En svo
deyr maður bara ekkert,“ segir
Eygló og bætir því við að fyrstu dag-
ana eftir fréttina hafi hún og eig-
inmaður hennar, Björn Harðarson,
verið í miklu uppnámi. Hún segir þó
ljóst að taka verði á þessu eins og
öðru þrátt fyrir að um gríðarlegt áfall
sé að ræða. Jafnframt segir hún það
vera afar sjaldgæft að börn undir
eins árs greinist með sjúkdóminn.
Hvað Benjamín varðar segir hún
hann vera með gallaða litninga en að-
spurð segir hún sjúkdóminn ekki
tengjast fjölskylduarfgengi.
Samhent fjölskylda
Hún segir fjölskylduna vera sam-
henta og er afar stolt af börnunum
sínum þremur, sem hún segir vera
algjörar hetjur, þeim Benjamín,
Nikulási og Hrafnhildi Teklu, sem er
að verða fjögurra ára. Þau séu dugleg
að styðja bróður sinn og bendir
Eygló á þá merkilegu staðreynd að
bæði systkini hans henti sem merg-
gjafar. Slíkt sé afar fáheyrt. Hún seg-
ir börnin dugleg við að spyrja um
sjúkdóminn og hafa hún og eig-
inmaður hennar rætt opinskátt við
börnin um hvaða afleiðingar sjúk-
dómurinn geti haft í för með sér.
Á meðan Eygló býr með Benjamín
á spítalanum og er frá vinnu sér
Björn eiginmaður hennar um hin
börnin tvö heima ásamt því að vera
fyrirvinnan. Hún neitar því ekki að
það sé erfitt að hafa þetta með þess-
um hætti. Það hafi hins vegar verið
sameiginleg niðurstaða þeirra að
best væri að hafa hlutina svona.
Foreldrar Benjamíns halda úti
meðferðardagbók þar sem Benjamín
segir frá hvernig honum gangi frá
degi til dags. Benjamín hefur vakið
mikla athygli og hafa fjölmargar
tölvupóstsendingar gengið á milli
manna þar sem vísað er á síðuna
www.medferd.com/Benjamin og fólk
hvatt til þess að sýna Benjamín og
fjölskyldu hans stuðning. Aðspurð
segist Eygló ekki vita hvernig það
hafi farið af stað en bendir á að fólk
hafi verið afar duglegt við að styðja
við bakið á þeim. T.a.m. hefur fjár-
söfnun verið komið á laggirnar enda
ljóst að mikill kostnaður fylgi því að
vera með langveikt barn á spítala og
aðeins annað foreldrið útivinnandi.
Reikningsnúmerið er 1185-15-200300
og kennitalan er 120771-5159 fyrir þá
sem vilja leggja fjölskyldunni lið.
Eygló segist þakklát fyrir þann
stuðning sem fjölskyldan hefur feng-
ið hvort sem um sé að ræða fjár-
stuðning, góðar kveðjur eða bæna-
hópa en víða biðja margir fyrir
Benjamín og fjölskyldunni að sögn
Eyglóar. Síðast en ekki síst segir
Eygló móttökurnar á Barnaspít-
alanum hafa verið frábærar. „Hér er
alveg yndislegt starfsfólk. Alveg frá
ritaranum niðri í móttöku til
læknanna. Við höfum fengið gríð-
arlega góða þjónustu,“ segir hún að
lokum.
Benjamín Nökkvi Björnsson er tæplega tveggja ára snáði sem greindist með bráðahvítblæði níu vikna
gamall. Hann stefnir nú á að fara í sinn annan beinmergsflutning í Svíþjóð eftir hvítasunnuna. Jón Pétur
Jónsson hitti Benjamín og móður hans, Eygló Guðmundsdóttur, á Barnadeild Hringsins.
„Hann er alveg ótrúlega seigur“
Morgunblaðið/Árni Sæberg
Eygló Guðmundsdóttir ásamt syni sínum, Benjamín Nökkva Bjarnasyni. Benjamín hefur háð baráttu við hvítblæði
í tæp tvö ár, farið í ein beinmergsskipti og stefnir á önnur. Hann hefur staðið sig eins og hetja að sögn móður hans.
jonpetur@mbl.is
VEITINGASTAÐNUM Hard Rock
Café verður lokað 31. maí nk. en
staðurinn hefur verið í Kringlunni í
Reykjavík frá því að verslunarmið-
stöðin var opnuð árið 1987. Að sögn
Elísar Árnasonar, framkvæmda-
stjóra Hard Rock Café, hefur rekst-
urinn ekki verið með blómlegasta
móti að undanförnu þannig að sú
ákvörðun var tekin að loka staðnum.
Aðspurður segir Elís ekki búið að
ákveða hvað komi í staðinn fyrir
Hard Rock í Kringlunni. Hann á
ekki von á að nýr veitingastaður
verði opnaður þar en það muni
skýrast á næstunni.
Elís segir ákvörðunina hafa verið
erfiða en eiga sér talsverðan að-
draganda. Tekur hann fram að ekki
sé verið að loka staðnum vegna
gjaldþrots. „Það er sárt að gera
þetta en það er svona þegar manni
finnst reksturinn ekki alveg ganga
upp, þá verður maður að láta tilfinn-
ingarnar sitja eftir,“ segir Elís.
Aðspurður segir hann ekkert hafa
verið ákveðið með nýjan Hard Rock
Café-stað en hugmyndir eru uppi
um að opna nýjan stað í miðbæ
Reykjavíkur. „Við erum ekki búnir
að taka neina ákvörðun með miðbæ-
inn en hann er klárlega staðurinn
þar sem Hard Rock á að vera,“ seg-
ir Elís.
Elís segist hafa átt góðan fund
með starfsmönnum veitingastaðar-
ins, sem eru 34 talsins, á fimmtu-
dagskvöld þar sem þeim var til-
kynnt ákvörðunin, þeim afhent
uppsagnarbréf og þökkuð vel unnin
störf. Spurður hvað verði um starfs-
fólkið segir Elís flesta hafa verið
ungt fólk í hlutastarfi. Eitthvað
verði þó um tilfærslur hjá öðrum
starfsmönnum í föstu starfi, t.d. á
aðra staði sem hann rekur. „Það
ætla allir að taka höndum saman og
loka þessu með stæl.“
Hann segir erlendu poppminjarn-
ar verða fluttar út, enda í eigu Hard
Rock-keðjunnar. Hugmyndir eru
uppi varðandi íslensku poppminj-
arnar, sem hafa verið í vörslu Hard
Rock á Íslandi, að koma þeim jafn-
vel fyrir á Poppminjasafni Íslands
ef þeir verða ekki geymdir þangað
til og ef nýr staður verður opnaður.
Elís segir viðræður við íslenska
poppara sem eiga munina standa yf-
ir varðandi framhaldið.
Hard Rock Café í Kringl-
unni lokað með stæl
Morgunblaðið/Þorkell
Elís Árnason, framkvæmdastjóri Hard Rock, segir ákvörðunina erfiða.
Skýrist á næstunni
hvaða rekstur
kemur í staðinn