Morgunblaðið - 30.04.2005, Blaðsíða 16

16 LAUGARDAGUR 30. APRÍL 2005 MORGUNBLAÐIÐ
FRÉTTIR
þó sé aflinn hjá skipum Eskju í apríl um
12.000 tonn, en alls eru þau búin með um
18% af kvóta sínum.
„Veiðarnar ganga vel, en verð á olíu er
hátt langt að fara og afurðaverð lágt. Þá er
mjög lítil fita í kolmunnanum núna, aðeins
um 2%. Menn eru að berja á þessu vegna
aflareynslu Íslands og stöðunnar í samn-
ingamálunum um skiptingu kolmunnans,
þótt lítið komi út úr veiðum og vinnslu,“
segir Karl Már Einarsson.
Samkvæmt upplýsingum Samtaka fisk-
vinnslustöðva hafa íslenzku fiskimjölsverk-
smiðjurnar nú tekið á móti tæplega 130.000
tonnum. Af því er bróðurparturinn af er-
lendum skipum, 81.300 tonn. Mestu hefur
verið landað hjá Síldarvinnslunni í Nes-
kaupstað, 30.200 tonnum. Ísfélag Vest-
mannaeyja hefur tekið á móti 23.900 tonn-
um, nánast öllu af erlendum skipum.
Loðnuvinnslan á Fáskrúðsfirði er með
23.100 tonn, mest af erlendum skipum,
Eskja er með 18.500 tonn og er það mest af
innlendum skipum, Síldarvinnslan í Nes-
kaupstað er með 16.700 tonn, Fabrikkan á
Djúpavogi með 9.600 tonn og Vinnslustöðin
í Vestmannaeyjum er með 7.500 tonn.
KOLMUNNAVEIÐAR hafa gengið vel að
undanförnu, þegar veður leyfir. Hins vegar
er langt á miðin og olíukostnaður mikill. Í
gær brældi á miðunum sunnan við Fær-
eyjar og fóru skipin í land. Þau sem voru
komin með þokkalegan afla, fóru heim til
Íslands, en hin, sem voru með minna biðu af
sér bræluna í Færeyjum.
Íslenzku skipin eru nú komin með tæp
50.000 tonn og eiga eftir tæplega 300.000
tonn af leyfilegum afla. Miklu hefur verið
landað síðustu daga eða um 20.000 tonnum
úr íslenzku skipunum og 11.000 tonnum úr
erlendum skipum.
Faxi RE var að landa á Eskifirði gær og
einnig var von á Ingunni AK og Jóni Kjart-
anssyni SU inn til löndunar. Hólmaborg SU
landaði fullfermi á þriðjudag, tæplega 2.300
tonnum, og Jón Kjartansson var með 1.550
tonn á sunnudaginn.
Karl Már Einarsson, útgerðarstjóri hjá
Eskju hf., segir að veiðarnar gangi vel, en
langt sé á miðin. Fyrst á vertíðinni hafi sigl-
ingin verið 340 mílur aðra leiðina. Nú séu
skipin við veiðar rétt sunnan við Færeyjar
og því séu 260 mílur heim. Langar siglingar
séu bæði kostnaðarsamar og tímafrekar en
Kolmunnaveiðar
hafa gengið vel
Fjarlægð á miðin og hátt olíuverð
setur strik í reikninginn
GUÐRÚN P. Helgadóttir, fyrrver-
andi skólastjóri Kvennaskólans í
Reykjavík, hlaut heiðursviðurkenn-
ingu á landssambandsþingi Delta
Kappa Gamma á Íslandi (Félags
kvenna í fræðslustörfum). Við-
urkenninguna hlaut Guðrún fyrir
framlag til menntamála og rann-
sóknir á ritstörfum kvenna.
Landssambandsþingið var haldið
í húsakynnum Íslenskrar erfða-
greiningar í Vatnsmýrinni 23. apríl
sl. og var alþjóðaforseti samtak-
anna, Jacklynn Cuppy, viðstödd
þingið, en Guðrún var einn af stofn-
félögum Alfa-deildar Delta Kappa
Gamma þegar sú deild var stofnuð
á Íslandi fyrir 30 árum.
Guðrún lauk kennaraprófi 1945,
B.A. í íslensku, ensku og heimspeki
1949 og doktorsprófi frá Sommer-
ville College í Oxford 1969. Á ferli
sínum kenndi Guðrún víða og varð
jafnframt ein fyrsta konan sem
skipuð var skólastjóri hér á landi.
Auk kennslustarfa átti Guðrún þátt
í vali á efni í Sýnisbók íslenskra
bókmennta. Hún stundaði rann-
sóknir og gaf út fræðirit m.a. um
skáldverk kvenna frá tíð sem lítill
gaumur hafði verið gefinn og kom
út í tveimur bindum undir heitinu
Skáldkonur fyrri alda. Doktors-
ritgerð hennar fjallaði um Hrafns
sögu Sveinbjarnarsonar. Voru
henni hugleiknar lækningar sem
fram komu í sögunni og þáttur
kvenna í lækningum fyrri alda.
Morgunblaðið/ÞÖK
Marta Guðjónsdóttir, Jacklynn Cuppy, alþjóðaforseti Delta Kappa Gamma,
Guðrún P. Helgadóttir, Sigríður Ragna Sigurðardóttir og Rósa Júlíusdóttir.
Guðrún P. Helga-
dóttir heiðruð
Mjólk er
mjög smart
LANDVERND og Umhverfis-
stofnun halda málþing um akstur
utan vega í dag, laugardaginn 30.
apríl, kl. 13–17, í sal Ferðafélags Ís-
lands í Mörkinni 6 í Reykjavík.
Fjallað verður um akstur utan vega
frá ýmsum sjónarhornum með pall-
borðsumræðum í lokin.
Í frétt frá fundarboðendum segir
m.a. að enn virðist Íslendingar fara
um óbyggðir og öræfi „til þess eins
að sýna hversu megnug tæknin er í
höndum mannsins. Þetta hátterni
skilur eftir sár sem eru lýti í land-
inu auk þess sem þau geta komið af
stað jarðvegsrofi,“ segir og að við
þessu verði að bregðast.
Davíð Egilson, forstjóri Um-
hverfisstofnunar, setur málþingið.
Erindi halda: Eymundur Runólfs-
son, forstöðumaður hjá Vegagerð-
inni, Halldór Jónsson, í Gæsavatna-
hópnum, Freysteinn Sigurðsson,
varaformaður Landverndar, Inga
Rósa Þórðardóttir kennari, Árni
Bragason og Sigríður Anna Þórð-
ardóttir umhverfisráðherra. Þá
verða pallborðsumræður um að-
stæður og hagsmuni ólíkra aðila.
Björgólfur Thorsteinsson, formað-
ur Landverndar, stjórnar mál-
þinginu. Boðið verður upp á kaffi-
veitingar. Aðgangseyrir er 500 kr.
Ræða í dag um
akstur utan vega
BORIST hefur eftirfarandi yfirlýs-
ing frá Ólafíu B. Rafnsdóttur fyrir
hönd kosningastjórnar Ingibjargar
Sólrúnar Gísladóttur:
„Vegna frétta í fjölmiðlum und-
anfarna daga af umdeildum skrán-
ingum í Samfylkinguna vill kosn-
ingastjórn Ingibjargar Sólrúnar
taka fram að þessar skráningar
komu ekki í gegnum okkar kosn-
ingamiðstöð. Á okkar vegum fór
skráning nýrra félagsmanna þannig
fram að um 350 sjálfboðaliðar höfðu
samband við einstaklinga sem
styðja Samfylkinguna en voru ekki
skráðir í flokkinn. Ekki var notast
við félagaskrár úr öðrum félögum,
hvað þá að farið væri inn í grunn-
skóla landsins. Boðið var upp á
skráningu á heimasíðunni www.-
ingibjorgsolrun.is en haft var sam-
band símleiðis við alla sem náðist til
og skráðir voru með þeim hætti til
að ganga úr skugga um að það væri
gert með þeirra vitund og vilja.
Með þessum hætti voru skráðir
3.154 nýir félagsmenn í Samfylk-
inguna. Við getum með sanni sagt
að við höfum vandað til verka og
sýnt Samfylkingunni og félögum
hennar virðingu og hollustu með
vinnubrögðum okkar.“
Yfirlýsing frá kosninga-
stjórn Ingibjargar Sólrúnar
VIÐSKIPTAHÁSKÓLINN á Bifröst
og Framsóknarflokkurinn halda
málþing um arf og áhrif Jónasar
frá Hriflu á 120 ára fæðingar-
afmæli hans á morgun, hinn 1. maí.
Efni málþingsins er tvíþætt, annars
vegar fjallar Guðjón Friðriksson
sagnfræðingur um stjórnmála-
manninn Jónas í erindi sínu og
munu Halldór Ásgrímsson forsætis-
ráðherra og Ívar Jónsson, prófess-
or á Bifröst, bregðast við erindi
Guðjóns með ávörpum. Hins vegar
mun Helgi Skúli Kjartansson, pró-
fessor við KHÍ, fjalla um skóla-
manninn Jónas, en viðbrögð við er-
indi hans koma frá Ásu Björk
Stefánsdóttur, meistaranema við
KHÍ, og Jónasi Guðmundssyni,
fyrrv. rektor á Bifröst. Gerður
Steinþórsdóttir mun að afloknum
umræðum sjá um samantekt og
þingslit en Siv Friðleifsdóttir al-
þingismaður verður málþingsstjóri.
Málþingið hefst kl. 13.
Málþing um
arf og áhrif Jón-
asar frá Hriflu
FISKVINNSLA á Skagaströnd
er nú fjölbreyttari en áður.
Þar er nú unninn bolfiskur,
frystur, saltaður og ferskur í
flug.
Opinn kynningardagur var
haldinn nýlega í fiskvinnslu
FISK-Seafood á Skagaströnd.
Ekki er nema rúmt ár síðan
að einungis var unnin rækja í
húsinu og því lék mörgum
forvitni á að koma inn í
vinnsluna og kynna sér breyt-
ingarnar sem þar hafa orðið.
Að sögn rekstrarstjórans Hall-
dórs G. Ólafssonar komu um
200 manns á kynninguna og
var hann mjög ánægður með
mætinguna.
Á kynningardeginum var
fólki boðið að bragða á fram-
leiðsluvörum fyrirtækisins og
starfsfólk kynnti starfsemina.
Auk þess var í einum sal sýn-
ing á myndverkum leikskóla-
barna sem þau höfðu unnið
eftir heimsókn í vinnsluna
nokkru áður. Þá var stórt
fiskabúr á staðnum með lif-
andi fiskum og vakti það
mikla hrifningu meðal yngstu
kynslóðarinnar. Boðið var upp
á lifandi tónlist meðan kynn-
ingin stóð yfir og hægt var að
fylgjast með myndbandssýn-
ingu af öllu vinnsluferlinu. Í
fiskvinnslunni er bæði unninn
fiskur í salt og frystingu auk
þess sem töluvert er unnið til
útflutnings með flugi í kæli-
kössum. Höfðu margir gest-
anna á orði að það kæmi þeim
á óvart hve mikið væri lagt
upp úr hreinlæti á staðnum
og hve metnaðarfull fram-
leiðslan væri. Halldór rekstr-
arstjóri sagði að það hefði
einmitt verið tilgangur kynn-
ingardagsins að sýna fólki
hvers konar starfsemi færi
fram innan veggja fyrirtæk-
isins. Hann og starfsfólk hans
væri stolt af framleiðsluvörum
sínum og legðu sig fram um
að halda uppi bestu hugsan-
legu gæðum.
Fjölbreyttari fisk-
vinnsla á Skagaströnd
Ljósmynd/Ólafur Bernódusson
Vinnslan Starfsfólkið útskýrði framleiðsluferli hinna ýmsu afurða.
ÚR VERINU
á morgun