Morgunblaðið - 30.04.2005, Blaðsíða 61

MORGUNBLAÐIÐ LAUGARDAGUR 30. APRÍL 2005 61
LÖGÐ hafa verið fram drög að
dagskrá stutt- og heimildar-
myndahátíðarinnar Reykjavík
Shorts and Docs sem fram fer
dagana 25.–29. maí í Tjarnarbíói.
Opnunarmyndir hátíðarinnar
verða tvær; heimsfrumsýning á
heimildarmyndinni Róska – saga
og hugsjónir 68 kynslóðarinnar
eftir Ásthildi Kjartansdóttur og
stuttmyndin Slavek the Shit eftir
Grím Hákonarson en hún er til-
nefnd til Cannes-verðlauna í ár.
Verða leikstjórar myndanna við-
staddir opnunina.
Það er málgagn íslensku kvik-
mynda- og sjónvarpsakademíunn-
ar, Land og synir, sem greinir frá
þessu á vefsíðu sinni.
Á annan tug nýrra íslenskra
mynda verða sýndar á hátíðinni.
Auk opnunarmyndarinnar verða í
boði heimildarmyndirnar Rætur,
sem er dramatísk mynd um ís-
lenskan dreng sem fer til Argent-
ínu í leit að uppruna sínum;
Matthew Barney Site Specific;
mynd sem veitir innsýn í hug-
arheim bandaríska listamannsins
Matthews Barneys sem er unnusti
Bjarkar Guðmundsdóttur; Rithöf-
undur með myndavél, mynd um
Guðberg Bergsson sem frumsýnd
var á Alþjóðlegri kvikmyndahátíð í
Reykjavík í fyrra; 300 harm-
onikkur og Undir stjörnuhimni.
Meðal stuttmynda á hátíðinni,
auk opnunarmyndarinnar, verða
sýndar nýjasta mynd Reynis
Lyngdals sem heitir Töframað-
urinn; teiknimyndin Jón bóndi; til-
raunamyndirnar Ég missti næst-
um vitið eftir Bjargey Ólafsdóttur
og Red Dead eftir Barða Jóhanns-
son sem frumsýnd var í Frakk-
landi í vetur á Pompidou-safninu í
París; Löglegir krimmar eftir
Hjálmar Einarsson; Granny
Kickers eftir Hafstein Sigurðsson;
Með mann á bakinu eftir Jón
Gnarr og Carpe Diem eftir Dögg
Mósesdóttur.
Óskarskandídat Sigurjóns
Þá verður einnig boðið upp á
úrval erlendra stutt- og heimild-
armynda sem vakið hafa athygli
víða um heim en hafa ekki enn
verið sýndar hérlendis. Þar á með-
al verður bandaríska stuttmyndin
Everything in this Country Must
sem tilnefnd var til Óskars-
verðlauna í ár og var framleidd af
Sigurjóni Sighvatssyni. Þá verður
einnig boðið upp á úrval þeirra
stutt- og heimildarmynda sem
þóttu standa upp úr á norrænu
stutt- og heimildarmyndahátíðinni
Nordisk Panorama.
Framkvæmdastjóri hátíðarinnar
fyrir hönd Félags kvikmyndagerð-
armanna er Hjálmtýr Heiðdal en
með honum í stjórn og valnefnd
eru Gréta Hlöðversdóttir, Birna
Guðnadóttir, Ari Alexander Ergis
Magnússon, Hrönn Kristinsdóttir,
Helena Stefánsdóttir og Kristín
Pálsdóttir.
Kvikmyndir | Reykjavík Shorts and Docs 25.–29. maí
Mynd um Rósku og keppnis-
mynd á Cannes opna hátíðina
Úr opnunarmyndinni Slavek the shit eftir Grím Hákonarson.
COLDPLAY er fyrsta breska
hljómsveitin til að koma lagi beint
inn á lista meðal tíu vinsælustu laga
í Bandaríkjunum, síðan Bítlarnir
afrekuðu það á 7. áratug síðustu
aldar.
Lagið „Speed of Sound“ fór beint
í 8. sætið á nýja vinsældalistanum
sem birtur var í gær og er það ein-
ungis í annað skiptið sem bresk
hljómsveit kemur lagi beint inn á
topp tíu. Það gerðist fyrst árið 1968
þegar „Hey Jude“ með Bítlunum
fór beint í 10. sæti og því hefur
Coldplay í raun skákað sjálfum
Bítlunum með því að komast tveim-
ur sætum ofar.
Ekkert lag hefur heldur stokkið
eins hátt í fyrstu viku, síðan Am-
erican Idol-sigurvegarinn Fantasia
fór beint á toppinn í júlí árið 2004.
„Speed of Sound“ verður gefið út
í Evrópu á mánudag en það er for-
smekkurinn af þriðju plötu Cold-
play sem heitir X&Y og kemur út 6.
júní.
Bestum árangri fram að útgáfu
„Speed of Sound“ hafði Coldplay
náð með laginu „Clocks“ sem komst
í 29. sæti árið 2003.
Tónlist | Coldplay nýtur mikilla
vinsælda vestanhafs
Slær við Bítlunum
Reuters
Chris Martin,
söngvari
Coldplay, er
orðinn að al-
vöru rokk-
stjörnu í
Bandaríkj-
unum.
STELPUBRETTAFÉLAGIÐ
stendur fyrir dagskrá í hjóla-
brettagarðinum við
Seljaveg 2, „Loftkast-
alaparkinu“, á milli 18
og 21 í dag. Linda
Sumarliðadóttir er
formaður félagsins,
sem var stofnað 16.
mars 2004. Félagið
lætur til sín taka bæði
í snjóbretta- og hjóla-
brettaiðkun auk þess
sem forsprakkar fé-
lagsins stunda fleiri
íþróttir á borð við
brimreiðar og klifur.
„Eftir þetta verður
partí á Prikinu fyrir
þá sem hafa aldur,“
segir Linda en það
byrjar um 22–23.
„Það verður leið-
beinandi á staðnum
fyrir þær sem vilja.
Ég fékk einn af strák-
unum sem sér um
parkið til að vera
þarna. Hann er mjög
góður og getur kennt
þeim sem eru komnar
lengra. Fyrir þær sem
eru að byrja verðum
við stelpurnar líka til
taks,“ segir hún.
Ennfremur verður happdrætti á
staðnum en vinningar eru m.a.
geisladiskar frá Skífunni, klipping frá
Síðu að aftan og glaðningur frá
Nikita.
Linda segir mikilvægt að hafa dag
sem þennan. „Stelpur eru oft hrædd-
ar við að fara að renna sér þegar það
eru tuttugu strákar á staðnum og tíu
af þeim eru mjög góðir. Okkur lang-
aði líka að hóa stelpunum saman til
að sjá hverjar eru að stunda þetta.
Við vildum hafa skemmtilegan dag
fyrir stelpurnar. Ég vona að það eigi
eftir að skila sér í því að fleiri stelpur
þori að skeita og láta sjá sig og hætti
að vera hræddar við að mæta niður í
park eða Ingólfstorg,“ segir hún.
Markmiðið með stofnun Stelpu-
brettafélagsins var einmitt að virkja
stelpurnar. „Okkur langaði til að
stelpurnar hópuðu sig meira saman
til að gera okkur sýnilegri og hafa
meira að gera fyrir stelpurnar. Það
hvetur mann áfram að stunda þetta
með stelpum.“
Stelpubrettafélagið ætlar að halda
áfram að standa fyrir ýmsum uppá-
komum og námskeiðum og eru
áhugasamir hvattir til að fylgjast
með netinu, bigjump.is, og vera vak-
andi fyrir auglýsingum.
Hjólabretti | Stelpubrettafélagið
með dagskrá í dag
Linda Sumarliðadóttir er formaður Stelpubretta-
félagsins en hún stundar brettaíþróttir af kappi.
Stelpurnar virkjaðar
Eftir Ingu Rún Sigurðardóttur
ingarun@mbl.is
Stelpur mæta með hjólabretti í
hjólabrettagarðinn við Seljaveg 2,
„Loftkastalaparkið“, milli kl. 18 og
21 í dag. Um kvöldið heldur fagn-
aðurinn áfram á Prikinu.
www.bigjump.is
Morgunblaðið/Eyþór