Morgunblaðið - 31.05.2005, Blaðsíða 20

Morgunblaðið/Kristján
Björgun Slasaðir farþegar í flakinu fá aðstoð
frá slökkvliðsmönnum.
UMFANGSMIKIL flugslysaæfing fór fram á
Akureyrarflugvelli sl. laugardag. Að æfing-
unni komu nálægt 400 manns, slökkviliðs- og
sjúkraflutningamenn, heilbrigðisstarfsfólk,
björgunarsveitarfólk, flugvallarstarfsmenn
og yfir 50 farþegar, sem ýmist voru „látnir“
eða misjafnlega mikið „slasaðir.“ Kveikt var í
bílflökum sem flugvél og farþegarnir lágu á
víð og dreif í kringum flugvöllinn. Æfingin
teygði sig upp á Fjórðungssjúkrahúsið á
Akureyri, þar sem hlúð var að „slösuðum“
farþegum vélarinnar.
Árni Birgisson æfingastjóri flugslysaæfing-
arinnar sagði að heilt yfir hefði æfingin
gengið vel en unnið var eftir endurskoðaðri
flugslysaáætlun. Hann sagði að þó hefðu
komið fram ýmsir hnökrar, m.a. vegna þess
að unnið var með nýju fjarskiptakerfi. Árni
sagði að æfingin hefði verið mjög umfangs-
mikil og að það viðbragðsafl sem til staðar er
í Eyjafirði hefði verið nýtt með góðum
árangri. Alls tók æfingin um fjórar klukku-
stundir en starfið á slysstað tók um 2,5
klukkustundir.
Morgunblaðið/Kristján
Flugslys Bílflök voru notuð sem flugvél sem hafði farist og log-
aði mikill eldur þegar slökkviliðið kom á vettvang.
Yfir 50 far-
þegar ýmist
„slasaðir“
eða „látnir“
Umfangsmikil flugslysaæfing á Akureyrarflugvelli
20 ÞRIÐJUDAGUR 31. MAÍ 2005 MORGUNBLAÐIÐ
MINNSTAÐUR
Nýr og girnilegur
uppskriftavefur á mbl.is
Hráefni:
2 dl hnetusmjör
2 dl vatn
3 msk. tamarisósa eða
sojasósa
4-5 döðlur - mjög smátt saxaðar
3 hvítlauksrif, pressuð/smátt söxuð
2-3 msk. sítrónusafi
1/2 búnt ferskt kóríander
1/4 tsk. cayenne pipar - meira ef þú
vilt hafa sósuna sterkari
smá sjávarsalt
Finndu uppáhalds uppskriftina þína á mbl.is
Hnetusósa
Aðferð:
Setjið hnetusmjörið í mat-
vinnsluvél og hellið vatninu út
í og látið þetta blandast vel
saman. Bætið restinni af upp-
skriftinni út í og látið blandast
vel. Þessi sósa geymist í ís-
skáp með þéttu loki.
AKUREYRI
SUÐURNES
Garður | „Ég er Garðmaður og römm er sú taug …
Kannski er það líka sú tilfinning sem ég og margir aðrir
bera til þessa merka staðar, Útskála,“ segir Hörður Gísla-
son, aðstoðarframkvæmdastjóri Strætós bs. sem kjörinn
hefur verið formaður stjórnar Holl-
vina Menningarseturs að Útskálum
þegar hann er spurður að því hvað hafi
orðið til þess að hann tók þetta hlut-
verk að sér.
Stjórn Menningarseturs að Útskál-
um kynnti nýlega hugmyndir sínar um
endurbyggingu Útskálahússins og við-
byggingu og stofnun Menningarseturs
prestssetra í því. Í tengslum við þessi
áform hafa nú verið stofnuð hollvina-
samtök. Var það gert á fundi fyrr í vik-
unni. Þegar hafa 60 til 70 gengið í samtökin. Margir
þeirra eru brottfluttir Garðmenn, eins og Hörður Gísla-
son. Samkaup voru meðal þeirra sem gerðust hollvinir,
lögðu fram 400 þúsund kr. Einnig Frímúrarastúkan
Sindri sem veitt hefði félaginu 100 þúsund kr. styrk.
Í stjórn Hollvina með Herði eru Örn Erlingsson út-
gerðarmaður, Geir R. Andersen blaðamaður, Magnús
Gíslason verslunarmaður og Ásgeir Hjálmarsson, for-
stöðumaður byggðasafnsins í Garði.
Hörður segir að honum og fleirum hafi runnið það til
rifja að sjá hvað Útskálahúsinu hefði verið lítill sómi sýnd-
ur. Húsið hafi verið óíbúðarhæft um árabil. Segir hann að
Útskálar séu afar merkur staður. Þeir komi við sögu frá
upphafi byggðar á Íslandi og hafi gegnt miklu hlutverki á
Suðurnesjum því Útskálaprestar hafi þjónað stórum
hluta Suðurnesja fram yfir miðja síðustu öld. Þá hafi stað-
urinn gegnt veigamiklu hlutverki í menningarlífi og at-
vinnulífi svæðisins. „Úr því að maður hefur þessar tilfinn-
ingar til staðarins og er að nöldra, af hverju ekki að slá til
þegar maður er beðinn að taka þetta að sér?“.
Í lögum félagsins, sem samþykkt voru á stofnfund-
inum, kemur fram að markmið Hollvina eru að auka
tengsl almennings við menningarsetrið og efla hag þess.
Stjórnin hafði ekki komið saman til að fara yfir verkefnið
þegar rætt var við Hörð. „En í sem stystu máli er það að
verða stjórn menningarsetursins, sem ber alla byrðina, til
liðsinnis á allan þann hátt sem okkur getur komið til hug-
ar. Það á eftir að koma í ljós með hvaða hætti það verður,“
segir Hörður. Sjálfur segist hann hafa áhuga á að gefa
sem flestum tækifæri til að taka þátt í þessu verkefni,
jafnt stærri styrktaraðilum og almennum íbúum Garðsins
og öðrum íbúum landsins.
Hollvinir Menningarseturs að Útskálum taka til starfa
Ber hlýhug til staðarins
Morgunblaðið/Helgi Bjarnason
Prestsetur Útskálahúsið verður endurbyggt í upprunalegri
mynd og komið þar upp sýningu um prestsetur.
Eftir Helga Bjarnason
helgi@mbl.is
Hörður Gíslason
„LEIKHÚSIÐ kemur vel undan
vetri, við erum afskaplega ánægð
með viðtökurnar, sýningarnar hafa
verið vel lukkaðar og viðbrögð áhorf-
enda hafa líka verið framar björtustu
vonum,“ sagði Magnús Geir Þórð-
arson, leikhússtjóri Leikfélags Ak-
ureyrar.
Aðsókn að sýningum vetrarins,
sem voru Svik, Ausa og Stólarnir,
Óliver! og Pakkið á móti, var ein sú
mesta sem sögur fara af. Við bætast
svo gestasýningarnar Brim, Hárið og
Græna landið. Eldað með Elvis, Svik
og Ausa og Stólarnir voru svo sýndar
í Reykjavík í samstarfi við aðra.
Áhorfendur að leiksýningum á
leikárinu voru 16.737 talsins, en til
viðbótar bætast um 1.390 gestir á
aðra viðburði í leikhúsinu og 6.482
áhorfendur að þremur leiksýningum
sem einnig voru sýndar í Reykjavík í
samstarfi við aðra. Samtals eru gestir
að viðburðum á vegum LA á leik-
árinu því 24.609 talsins. Þetta er um-
talsvert fleiri gestir en á liðnum ár-
um, meðaltal síðustu 6 ára er 6.825
áhorfendur.
Flestir sóttu söngleikinn Óliver!,
um 7.000 manns, og komust færri að
en vildu. Þá var metsala á áskrift-
arkortum, 960 kort voru seld.
Ef einungis er horft til áhorfenda á
Akureyri er aðsóknin nú hin þriðja
mesta frá upphafi starfsemi LA. Fyr-
ir um 20 árum, leikárið 1983–’84 voru
gestir 19.378 og leikárið 1987–’88
voru þeir 18.166. Þegar við bætast
áhorfendur að sýningum sem LA tók
þátt í syðra er ljóst að aldrei hafa
fleiri gestir sótt viðburði á vegum
þess.
„Þetta leikár hefur gengið vonum
framar, en að sjálfsögðu stefnum við
að því að gera enn betur á þeim
næstu. Okkar markmið er að bjóða
upp á leiklist í hæsta gæðaflokki og
stefnum við auðvitað að því að sem
flestir njóti hennar, “ sagði Magnús
Geir. „Það er mjög gaman að starfa í
leikhúsi þegar áhorfendur sýna svo
mikinn áhuga á því sem við erum að
gera.“
Leikárinu lýkur formlega 1. ágúst
næstkomandi, en þegar er ljóst að
nokkur rekstrarafgangur verður eft-
ir leikárið og verður hann að sögn
Magnúsar Geirs nýttur til að greiða
niður skuldir fyrri ára. Niðurgreiðsla
þeirra hófst í upphafi síðastliðins árs
og gengur vel, en um helmingur
skulda leikfélagsins hefur nú verið
greiddur. Stefnt er að því að leik-
húsið verði skuldlaust í lok árs 2006.
„Áhersla hefur verið á að auka
sjálfsaflafé og halda vel utan um
reksturinn. Hér er örugg fjár-
málastjórn í góðum höndum fram-
kvæmdastjórans,“ sagði Magnús
Geir en hlutfall sjálfsaflafjár hefur
ekki verið hærra á liðnum árum en
nú. Magnús Geir sagði ekki tímabært
að gefa upp tölur þar sem leikárið
væri ekki búið enn, „en við byrjuðum
að greiða lánið niður á síðastliðnu ári,
erum búin að greiða um helming þess
og allt gengur samkvæmt áætlun.“
Aldrei fleiri áhorfendur hjá LA en nú
Hagnaður af
rekstri nýttur í að
greiða niður skuldir
Morgunblaðið/Kristján
Úr söngleiknum um Óliver Twist.
Eftir Margréti Þóru Þórsdóttur
maggath@mbl.is