Morgunblaðið - 31.05.2005, Blaðsíða 17

MORGUNBLAÐIÐ ÞRIÐJUDAGUR 31. MAÍ 2005 17
ERLENT
Stokkhólmi. AFP. | Fimmtán ára
drengur er laus úr haldi föður síns
sem hafði haldið honum í gíslingu á
Blekinge-sjúkrahúsinu í Karlsk-
rona í Svíþjóð frá því á sunnudag.
Piltinum var sleppt um klukkan ell-
efu að staðartíma í gærmorgun eft-
ir langar samningaviðræður milli
föðurins og lögreglu með aðstoð
túlks. Faðirinn gafst svo upp
klukkutíma síðar en hann hafði áð-
ur hótað að kveikja í sér og syni
sínum.
Drengurinn er ómeiddur en fað-
irinn var handtekinn vegna mann-
ráns og færður á lögreglustöðina í
Karlskrona til frekari yfirheyrslu
og gæsluvarðhalds.
Maðurinn, sem er frá Aser-
baídsjan, kom ásamt konu sinni og
þremur börnum til Svíþjóðar fyrir
rúmu ári síðan. Umsókn þeirra um
hæli var þó hafnað af yfirvöldum og
fjölskyldunni tilkynnt síðastliðinn
fimmtudag að henni yrði vísað úr
landi á mánudag. Maðurinn greip
því til örþrifaráða til að vekja at-
hygli á erindi sínu og læsti sig inni
á barnageðdeild sjúkrahússins í
Karlskrona, þar sem sonur hans
hefur legið inni vegna geðrænna
vandamála. Þar hélt maðurinn pilt-
inum í gíslingu í rúman sólarhring.
Maðurinn segist hafa verið virk-
ur í einum af stjórnarandstöðu-
flokkunum í Aserbaídsjan og að
hann sé ofsóttur af yfirvöldum í
heimalandi sínu, hann hafi jafnvel
setið í fangelsi vegna skoðana
sinna.
Sleppti syninum
og gafst upp
Bagdad. AP, AFP. | Tvöföld sjálfs-
morðsárás varð 27 manns að bana í
bænum Hillah, sem liggur suður af
Bagdad í gær.
Fyrri sprengingin varð í miðri
mótmælagöngu lögreglumanna
sem voru að andmæla þeirri ákvörð-
un ríkisstjórnarinnar um að leysa
upp sérsveit lögreglunnar. Seinni
sprengingin varð innan við mínútu
síðar um 100 metra frá þeim stað
þar sem fyrri sprengjan sprakk.
Hryðjuverkasamtökin al-Qaeda
hafa lýst tilræðinu á hendur sér með
tilkynningu á íraskri vefsíðu þar
sem segir að meðlimur samtakanna
hafi gert árás á „hóp af íröskum sér-
sveitarmönnum, gyðingum og
krossförum þar sem þeir mótmæltu
fyrir utan lögreglustöð“.
Hinn 28. febrúar síðastliðinn var
Hillah vettvangur mannskæðustu
árásar sem orðið hefur í Írak síðan
Saddam Hussein var handtekinn,
en þá létu 125 manns lífið.
Í gær réðust bandarískir her-
menn einnig inn á heimili súnnítans
Mohsen Abdul-Hamids og hand-
tóku hann og þrjá syni hans. Abdul-
Hamid er leiðandi stjórnmálamaður
í Írak og forystumaður íslamska
flokksins. Eftir kröftug mótmæli
súnníta var honum sleppt úr haldi
og yfirlýsing gefin út að handtaka
hans hafi verið mistök.
Handtaka Abdul-Hamids vakti
hörð viðbrögð forseta landsins, Jal-
al Talabani, og reiði ríkisstjórnar-
innar því hún hefur unnið að því upp
á síðkastið að virkja súnníta til þátt-
töku í stjórnmálum landsins. Ríkis-
stjórnin segist fordæma hvern þann
sem reyni að sundra írösku þjóðinni
og útiloka súnníta frá pólitískri
þátttöku.
27 drepnir í Írak
Angela Merkel, leiðtogi flokks
Kristilegra demókrata í Þýska-
landi (CDU), var í gær útnefnd
kanslaraefni flokksins í þingkosn-
ingunum sem eiga að fara fram í
landinu 18. september næst kom-
andi. Hún mun því fara fram gegn
sitjandi kanslara, Gerhard Schröd-
er.
Beri Merkel sigur úr býtum í
kosningunum verður hún fyrsti
kvenkyns leiðtogi landsins og
fyrsti kanslarinn frá Austur-
Þýskalandi.
Hún segist ætla að setja barátt-
una við atvinnuleysið á oddinn nái
hún kjöri, en atvinnuleysi er nú
um 12% í landinu og fer vaxandi.
AP
Merkel útnefnd
kanslaraefni
Bangkok. AP. | Thaksin Shinawatra,
forsætisráðherra Taílands, hefur
beðið þegna ríkisins að slökkva öll
ljós í fimm mínútur á morgun,
miðvikudag. Þetta er hluti af orku-
sparnaðaráætlun ríkisstjórnarinn-
ar.
„Hinn 1. júní næstkomandi vil
ég biðja alla Taílendinga að standa
saman og spara orku,“ sagði for-
sætisráðherrann er hann ávarpaði
þjóð sína í gær. Sagðist hann
munu, í beinni sjónvarpsútsend-
ingu, telja niður þar til öll ljós
skyldu slökkt klukkan 20.45 að
staðartíma.
Auk þess að slökkva óþörf ljós
hvetur ríkis-
stjórnin Taí-
lendinga til að
slökkva á loft-
ræstingum
klukkustund
hvern dag og
aka ekki hrað-
ar en 90 km/
klst.
Ráðherra
orkumála Viset
Choopiban, segir
Taílendinga geta sparað tæpa tvo
milljarða króna slökkvi þeir öll ljós
í híbýlum sínum í klukkustund á
dag.
Myrkur í Taílandi
Thaksin
Shinawatra