Réttur - 01.10.1950, Blaðsíða 73
RETTUR
313
verða áfram að verki. Þetta er lögvemdaður svartamark-
aður og jafngildir nýrri gengislækkun. Afleiðingin mun
verða ný verðhækkunaralda. Eyðslulánið er beinlínis til-
ræði við efnahagslegt sjálfstæði landsins. Þegar það er
uppétið, verður þjóðin á barmi gjaldþrotsins ef áfram verð-
ur haldið á sömu braut.
Þáttur íslands í stríðsundirbúningi Atlantshafs-
bandalagsins.
Undanfarið hefur verið mikill viðbúnaður á Keflavíkur-
flugvelli til að undirbúa komu bandarískra herflokka til
landsins í þeim erindum að setja upp radarkerfi. Sam-
kvæmt frásögn amerískra blaða er fyrirhugað að koma upp
radarstöðvum á Keflavíkurflugvelli og víðar á landinu,
einkum á Austfjörðum. Er hér um að ræða hernaðarkerfi
í þjónustu hernaðaraðgerða á Norður-Atlantshafi. Munu
Bandaríkin telja þetta mjög veigamikinn þátt í stríðs-
undirbúningi sínum.
Þjóðviljinn hefur fyrir löngu skýrt frá þessum fyrir-
ætlunum og kröfum Bandaríkjamanna á hendur íslend-
ingum þar að lútandi. En ríkisstjórnin hefur varizt allra
frétta. Hefur því verið haldið fram ómótmælt að hún hafi
þegar samið við Bandaríkin og gengið að kröftun þeirra,
að þingi og þjóð fornspurðri. Fyrir Alþingi hefur öllu
þessu verið haldið stranglega leyndu, auk heldur að það
hafi verið spurt.
Ekki er vitað um erindi Eisenhowers hingað til lands,
eða hvaða fyrirskipanir hann hefur haft meðferðis. En
þrálátur orðrómur gengur um, að ýms ill tíðindi séu í
vændum, svo sem að von sé á bandarísku setuliði, eða að í
ráði sé að koma upp íslenzkum her. Eru menn þegar farnir
að leita hófanna um stöður í flughernumí!!)
Sósíalistar hafa borið fram fyrirspurnir á Alþingi um
framferði Bandaríkjamanna á Keflavíkurflugvelli, en rík-
isstjórnin hefur neitað að svara.