Réttur - 01.10.1950, Page 37

RÉTTUR
277
Ávarp Sovétríkjanna
í ágúst 1945 hóf sovétstjórnin frelsun Kóreu og herstjórnin sneri
sér þegar í stað til íbúanna norðan 38. breiddarbaugs með svo-
felldu ávarpi:
„Borgarar Kóreu: Land yðar er frjálst en þetta er aðeins
fyrsta síðan í sögu Kóreu.
Á sama hátt og garður blómgast aðeins af vinnu og um-
önnun mannanna skapið þér aðeins gæfu yðar með hetju-
legri baráttu og óþreytandi eljusemi!
Borgarar Kóreu! minnizt þess að gæfan liggur í yðar
eigin höndum. Þér hafið fengið frelsi. Nú er allt undir yður
sjálfum komið.
Sovétherinn hefur skapað skilyrði þess að Kóreuþjóðin
geti hafið frjálsa og skapandi vinnu.
Þér eruð yðar eigin gæfu smiðir.“
Og íbúar Norðurkóreu hófust handa um að skapa gæfu sína
með elju og vinnusemi. En áður en vikið verður að því er rétt að
skýra frá öðru ávarpi.
Fyrirskipun Bandaríkjanna
Það var ekki fyrr en í september 1945 að bandarískur her kom til
Suðurkóreu og birti íbúunum eftirfarandi dagskipun frá Mac-
Arthur:
„í allri Kóreu sunnan 38. breiddarbaugs eru öll stjórnar-
völd í mínum höndum. íbúarnir verða skilyrðislaust að
hlýða þeim fyrirskipunum sem gefnar eru í mínu nafni.
Allir þeir sem snúast gegn hernámsliðinu eða raska rónni
munu sæta miskunnarlausum og ströngum refsingum.
Meðan hernámið stendur verður enska opinbert mál.“
Þau gerólíku viðhorf sem birtast í þessum tveim dagskipunum
fólu í rauninn í sér alla þá þróun sem síðar hefur orðið.
Þess ber að geta að auk dagskipunar MacArthurs hafði banda-
ríski herinn einnig með sér Syngman Rhee, sem í 36 ár hafði
verið bandarískur ríkisborgari. Hann hafði í æsku hrakizt frá
Kóreu fyrir landráð, það er að segja samvinnu við Japani.